Avokati i Kailit kërkoi që eurodeputetja greke të shkojë në Strasburg për punën e PE dhe kërkesa u pranua.

Gjithashtu, Këshilli ra dakord shprehimisht që mund të japë intervista për shtypin, por të mos angazhohet me personat e përfshirë përmes deklaratave për shtyp. Ajo që mbetet për t’u parë është nëse Eva Kaili do të jetë në Strasburg javën e ardhshme.

The post U akuzua për korrupsion, eurodeputetja greke gati të rikthehet në Parlamentin Europian appeared first on Albeu.com.

Eva Kaili akuzohet se është përfshirë në një skandal të dyshuar me Katarin, mikpritësin të Kupës së Botës. Ajo është një nga katër të dyshuarit e akuzuar. Policia belge gjeti 1.5 milionë euro tri lokacione të bastisura gjatë ditëve të kaluara.

Avokati belg Sven Maryka konfirmuar vendimin e autoriteteve belge për lirimin me byzylyk elektronik pas 4 muajsh në burgun Haren të Belgjikës.

Nënkryetarja greke ishte njëra nga 14 zëvendëspresidentët e Parlamentit Evropian. Me 652 vota për dhe një kundër asaj iu hoq mandati nga eurudeputetët.

The post Skandali në Parlamentin Europian, lirohet nga burgu eurodeputetja greke appeared first on Albeu.com.

Ndërkohë thuhet se eurodeputetja greke Eva Kaili ka marrë 250 mijë euro nga Katari për fushatën e saj elektorale në vitin 2019, ndërsa partneri i saj, Francesco Giorgi, kishte rolin qendror në qark dhe “ishte i uritur për para”.

Kujtojmë se Kaili u arrestua mesditën e 9 dhjetorit 2022 në banesën e saj në rrugën Ëirtz në zemër të Brukselit dhe rreth njëzet e katër orë më vonë u dërgua në burgun e Harenit, ku qëndron në paraburgim edhe sot.

Në një nga paraqitjet e saj të fundit para këshillit gjyqësor për zgjatjen ose jo të paraburgimit, gjyqtarët belgë i dhanë avokatëve të saj një dokument 16 faqesh nga Drejtoria e Krimeve të Rënda të Organizuara.

Aty renditen me shkronja të pjerrëta bisedat e saj telefonike me motrën dhe babanë midis 24 dhjetorit dhe 8 janarit.

“Kemi marrë 2.6 milionë me maestro Georgi”.

Në veçanti, artikulli i “Le Soir” vë në dukje se “në pyetjet e fundit, zoti Panzeri pranon se ka marrë, (me krahun e tij të djathtë Francesco Giorgi), të paktën 2.6 milionë euro nga tre shtetet e huaja që janë përmendur.

Një pjesë e këtyre shumave u rishpërnda, sipas të penduarit, te eurodeputetët dhe asistentët e eurodeputetëve në periudhën 2018-2022. Katari, sipas tij, do të ishte “klienti kryesor i organizatës që ai pranon se drejton. Maroku kishte paguar të paktën 180,000 euro cash (përveç dhuratave dhe udhëtimeve) dhe Mauritania 200,000 euro vetëm për dy “bashkëpunëtorët” Pancheri dhe Giorgi.”

Gazeta shton se “ish-deputeti po hedh akuza të rënda ndaj belgut Mark Tarabella, të cilin e kishte akuzuar” që nga marrja në pyetje e parë pas arrestimit, por edhe ndaj eurodeputetëve Andrea Coccolino, Eva Kaili dhe Lara Komi. Në këtë dosje për herë të parë figuron konkretisht emri i eurodeputetit italian nga Forza Italia (e djathta konservatore, nga grupi PPE në Parlamentin Europian), i cili nuk u zgjodh në vitin 2019, por zëvendësoi Silvio Berlusconin në nëntor 2022.

“Antonio Panzeri deklaron se u ka dhënë dhurata ose para dy ndihmësve dhe këshilltarëve politikë të grupit socialdemokrat”, shton “Soir”.

The post Telefonata me motrën dhe shqetësimi për paratë e tradhtoi, si i ndanë milionat protagonistët e Katar-Gate appeared first on Albeu.com.

Francesco Giorgi, asistent i Parlamentit Europian, është një nga të pandehurit kryesorë në çështjen e korrupsionit të njohur si Qatargate.

Ndërkohë eurodeputetët Eva Kaili, Marc Tarabella dhe ish-deputeti Antonio Panzeri janë ende në paraburgim si pjesë e të njëjtit hetim.

Ndërsa eurodeputeti Andrea Cozzolino ndodhet në arrest shtëpiak në Napoli, në pritje të ekstradimit.

Gjatë ditës, The Times kishte botuar një artikull, me informacione të mbledhura brenda prokurorisë belge, sipas të cilit Francesco Giorgi dhe Pier Antonio Panzeri ndanë të njëjtën qeli për disa javë, pavarësisht se ishin të përfshirë në të njëjtin rast korrupsioni.

Sipas gazetës britanike, të dy u lejuan të ndajnë një qeli në burgun St Gilles të Brukselit, gjë që mund t’i lejonte ata të koordinonin dëshmitë e tyre përkatëse.

Të dy më pas do të zhvendoseshin në qeliza të veçanta, raporton Times .

Për momentin, prokurori nuk ka dhënë asnjë deklaratë për këtë çështje./albeu.com

The post Skandali Qatargate, lirohet nga burgu bashkëshorti i eurodeputetes greke appeared first on Albeu.com.

Avokati i saj, Michalis Dimitrakopoulos, foli për “torturë”. Në fakt, sipas pretendimeve të tij, Eva Kaili i tha avokatit të saj se kalon disa orë në izolim. Madje ajo ka shtuar se nuk e kanë lënë të kujdeset për nevojat elementare, si pasojë e kësaj dukej e dëshpëruar.

Siç theksoi avokati i saj, në pyetjen e mëparshme Eva Kaili ka folur me autoritetet për 16 orë. Në fakt, sipas avokatëve të saj, Eva Kaili kërkoi një batanije por iu refuzua.

Sipas Dimitrakopoulos, sipas kritereve ligjore ajo mund të lihet e lirë me kusht, por nuk e dinë, sipas tij, nëse kriteret do të jenë ligjore, pasi gjithmonë ka motive politike. Njoftimi i prokurorit publik pritet pasdite. /albeu.com

The post U arrestua pas akuzave për korrupsion, eurdeputetja greke ankohet për trajtim çnjerëzor appeared first on Albeu.com.

Avokati i Pier Antonio Panzeri tha se klienti i tij kishte rënë dakord të “tregonte gjithçka” pasi kishte arritur një marrëveshje me prokurorët.

Ish-deputeti i Parlamentit Evropian është një nga katër të dyshuarit që mbahen në Belgjikë.

Ata dyshohen se kanë marrë ryshfet nga Katari dhe Maroku në këmbim të ndikimit në Parlamentin e Brukselit.

Katari ka mohuar ashpër se është përpjekur të fitojë ndikim përmes dhuratave dhe parave, ndërsa Maroku gjithashtu ka hedhur poshtë me forcë akuzat se ka kërkuar ndikim në çështje të tilla si të drejtat e peshkimit dhe statusi i diskutueshëm i Saharasë Perëndimore.

Katër të dyshuarit u akuzuan muajin e kaluar pasi policia sekuestroi rreth 1.5 milionë euro para cash gjatë një serie bastisjesh në një apartament, një shtëpi dhe një hotel. Fotot e kartëmonedhave prej 200 €, 50 €, 20 € dhe 10 € u publikuan nga policia, duke përfshirë një valixhe të gjetur në hotel e cila ishte e mbushur me para të gatshme.

Prokurorët thanë se Panzeri ra dakord për marrëveshjen për pranimin e fajësisë sipas një ligji për informatorin, i përdorur vetëm një herë më parë në Belgjikë.

Avokati i tij Marc Uyttendaele tha se ai pranoi “përgjegjësinë penale”, duke shtuar: “Është e rëndësishme të dihet se ky është një njeri që është shkatërruar dhe nuk i ka mbetur shumë jetë”.

Por klienti i tij shpresonte të “siguronte situatën e tij” duke rënë dakord të “tregonte gjithçka që di për rastin”, shtoi Uyttendaele.

Të dyshuarit e tjerë përfshijnë një eurodeputete greke në detyrë, Eva Kaili, së cilës i është hequr roli i saj si nënkryetare e Parlamentit, partneri i saj Francesco Giorgi dhe lobisti Niccolò Figà-Talamanca.

Pasi Panzeri, 67 vjeç, u largua nga Parlamenti, ai u bë kreu i një grupi lobimi të quajtur Fight Impunity. Figà-Talamanca punonte nga e njëjta ndërtesë në Bruksel për një OJQ të veçantë.

Sipas një deklarate nga prokurori federal i Belgjikës, ish-deputeti i Parlamentit Evropian ra dakord për marrëveshjen për pranimin e fajësisë sipas një ligji të modeluar sipas një dispozite italiane për anëtarët e mafias të penduar ose “pentiti” për të kthyer dëshmitarë shtetërorë.

Një zëdhënës tha se ai përballej me një vit burg, në vend të një “dënimi shumë më të rëndë burgim”, si dhe një gjobë dhe konfiskim prej 1 milion euro në pasuri.

Në këmbim, atij do t’i kërkohej të jepte detaje se si funksiononte rrjeti, cilat ishin marrëveshjet financiare me vendet në fjalë dhe “përfshirjen e personave të njohur dhe të panjohur në hetim, duke përfshirë identitetin e personave që ai pranon se kanë dhënë ryshfet”.

Marrëveshja për pranimin e fajësisë u publikua një ditë pasi një gjykatë italiane ra dakord të ekstradonte vajzën e ish-deputetes, Silvia Panzeri, 38 vjeçe, e dyshuar për përfshirje në skandal.

E njëjta gjykatë në qytetin verior të Brescias vendosi muajin e kaluar se gruaja e Panzerit, Maria Colleoni, gjithashtu mund të ekstradohej, por gjykata e lartë e apelit e Italisë do të japë një vendim përfundimtar për rastin e tyre. Dy gratë janë aktualisht në arrest shtëpiak dhe mohojnë akuzat për korrupsion dhe pastrim parash.

Eurodeputetja greke Eva Kaili, e cila gjithashtu mohon përfshirjen në këtë rast, dyshohet së bashku me të tjerët për marrjen e ryshfeteve nga Katari në këmbim të ndikimit në politikëbërjen e BE-së.

Partneri i saj Francesco Giorgi u raportua se kishte rrëfyer muajin e kaluar për rolin e tij në këtë lidhje.

Prokurorët kanë kërkuar tashmë heqjen e imunitetit të dy eurodeputetëve të tjerë të qendrës së majtë, belgut Marc Tarabella dhe italianit Andrea Cozzolino.

Avokatët e të dy eurodeputetëve kanë mohuar se ata kanë luajtur ndonjë rol në skandal, por kërkesa është duke u shqyrtuar nga komisioni i çështjeve ligjore të Parlamentit./albeu.com

The post I përfshirë në skandalin e korrupsionit në PE, ish-deputeti dakordësohet të rrëfejë gjithçka appeared first on Albeu.com.

Autoritetet gjyqësore belge kanë kërkuar heqjen e imunitetit të Marc Tarabellës, vendbanimi i të cilit është kontrolluar. Ai mohon çdo përfshirje në skandal, por pranon se bëri një udhëtim të paguar me të gjitha shpenzimet në Katar në shkurt 2020 pa e deklaruar atë në Parlamentin Evropian, siç iu kërkua të bënte.

“Ai ishte i ftuar për një konferencë. Organizata e pagoi. Ai nuk e ka deklaruar akoma. Më pas u nis për në Ganë, pastaj është Covid”, tha avokati i tij për rrjetin RTL.

“Nuk ka asgjë të paligjshme për të bërë një udhëtim të paguar nga një organizatë”, këmbënguli avokati, duke theksuar se deputeti ” shkoi për të parë ndërtimin e stadiumeve dhe kërkoi të takohej me punëtorët.”

Të mërkurën, eurodeputetja belge Marie Arena pranoi gjithashtu se ajo dështoi të deklaronte një mision në Katar në maj 2022 të paguar nga Emiratet dhe fajësoi sekretariatin e saj për “një dokument mjaft të komplikuar për t’u plotësuar”, sipas deklaratave të saj për shtypin belg.

Marie Arena ka dhënë dorëheqjen si kryetare e Nënkomitetit të të Drejtave të Njeriut të Parlamentit Evropian, një post i mbajtur më parë nga Pierre-Antonio Pantzeri.

“Ky vendim është marrë për shkak të sulmeve politike dhe shtypit që dëmtojnë imazhin tim, si dhe të gjithë punës që është bërë në kuadër të nënkomisionit”, kishte shpjeguar ajo për agjencinë Belga, duke përsëritur se ka bërë. asgjë të keqe dhe se ajo nuk është hetuar, as nuk ka pasur kërkesë për heqjen e imunitetit të saj. /albeu.com

The post Skandali i “Qatargate” vazhdon në Bruksel, të tjerë eurodeputetë të përfshirë? appeared first on Albeu.com.

Gjyqtarët belgë kanë refuzuar kërkesën e bërë nga avokati i Kailit, i cili kërkoi masën arrest shtëpie.

Avokati ka kërkuar nga Prokuroria që Eva Kaili të vendoset në arrest shtëpie dhe të pajiset me një telefon që përgjohet nga autoritetet, dhe si të vetmin kontakt të ketë me fëmijën e saj.

Por kjo kërkesë ka qenë e papranueshme për prokurorët belg, të cilët thanë se rrezikon që Eva Kaili të arratiset jashtë vendit.

Madje, sipas avokatit, një prej prokurorëve ka thënë se shërbimet sekrete të Katarit mund të rrëmbejnë ish-eurodeputeten.

The post Skandali i korrupsionit në Katar-Gate, eurodeputetja lihet në burg, prokurorët belgë i frikësohen rrëmbimit appeared first on Albeu.com.

Ndër të tjera ajo ka shpjeguar se ishte në dijeni të aktivitetit të kryer nga bashkëshorti i saj, Francesco Giorgi së bashku me ish -eurodeputetin Antonio Panzeri.

Edhe ky i fundit e ka pranuar pjesërisht përfshirjen në skandal  dhe ka drejtuar  më pas gishtin nga ish-kolegu socialist Marc Tarabella si përfituesi i dhuratave nga Katari, shkruan Klan News.

Sipas gazetës Le Soir  kur policia ndaloi partnerin e  saj, Eva Kailin e zuri shpejt  paniku.

Përveç udhëzimit që i dha babait të saj që të fshihte shpejt një pjesë të parave, ish-prezantuesja greke u përpoq të paralajmëronte Panzerin dhe dy eurodeputetë të tjerë për hetimin.

Francesco Giorgi pranoi më herët se ai ishte pjesë e një organizate të kontrolluar nga Maroku dhe Katari që ofronte dhurata për disa ligjvënës të Parlamentit Evropian  për të ndërhyrë dhe ndikuar në çështjet evropiane.

The post Skandali në Parlamentin Europian, Eva Kaili: Udhëzova babanë për të fshuher valixhet me para appeared first on Albeu.com.

Sipas asaj që shkruan gazeta “Ekathemerini” nëse Kaili shpallet fajtore edhe në Greqi, dënimi i dhënë nga autoritetet gjyqësore në shtetin fqinj do të jetë shumë herë më i rëndë se në Belgjikë.

Në Bruksel dënimet për krimet për të cilat ajo akuzohet janë më të buta, duke filluar nga tre deri në maksimumi pesë vjet.

Në shtetin fqinj , Kaili po hetohet nga prokurorët dhe Autoriteti i Pastrimit të Parave. Ata po përpiqen të konstatojnë nëse ajo ka sjellë para të padeklaruara nga jashtë dhe i ka investuar ato, konkretisht në pasuri të paluajtshme.

Nëse dalin prova që vërtetojnë akuzat dhe ajo shpallet fajtore, Eva Kaili mund të përballet me një dënim prej 15 vjet burg. Sipas mediave atje fokusi tani është tek Elontech, një OJQ e themeluar në vitin 2017 dhe e udhëhequr nga motra e saj mbi të cilën po zhvillohen kontrolle, veçanërisht në lidhje me flukset e parave.

Dyshohet se kjo OJQ mund të jetë përdorur si mjet për të tërhequr programe europiane me vlerë deri në 15 milionë euro.

The post Skandali në Parlamentin Europian, eurodeputetja Eva Kaili mund të rrezikojë 15 vjet burg appeared first on Albeu.com.