“Gjyshi im është shqiptar, kjo është arsyeja që unë ndodhem në Shqipëri, dhe e ndjej veten pjesë të Shqipërisë. Ndihem keq që gjyshi nuk erdhi më në Shqipëri që kur u largua nga Berati. E ndjej si përgjegjësi të plotësoj dëshirën e tij të fundit, të takoj familjarët e tij dhe të mitë”.

Australiania me origjinë shqiptare tregon se jo vetëm për të çuar në vend amanetin e gjyshit, por edhe për ta bërë të njohur Shqipërinë në vendin ku jeton, ndërmori këtë sfidë.

“Jetoj në Australi, dhe ata nuk kanë informacion të saktë për Shqipërinë dhe shqiptarët. Shumë më pyesin ku ndodhet Shqipëria, dhe unë iu them poshtë çizmes së Italisë. Kur jam futur në Olimpiadën e notit për herë të parë, e dija që Shqipëria dhe Italia ishin shumë afër si pozicion, e mata dhe ishte një distancë rreth 74 km dhe mendova që duhet ta bëjë këtë sfidë. Deri në atë moment distanca më e largët që kisha bërë ishte 20 km, dhe mu desh kohë të përgatitesha mendërisht dhe fizikisht. E fillova këtë sfidë vitin e kaluar, por mendja ime pas 20 orësh not u dorëzua, ndërkohë që trupi ishte mirë fizikisht. Këto 12 muaj kam punuar më shumë me pjesën psikologjike sesa fizike, dhe rezultati tregoi se çdo gjë mu shpërblye”.

Ditë dhe net në det, kjo sfidë sfilitëse, tregon Eva mes lotësh e ka bërë të jetojnë historinë e mijëra shqiptarëve që e kanë përdorur kanalin e Otrantos për të emigruar, madje edhe të atyre që kanë humbur jetën

“Kam jetuar historinë e gjithë shqiptarëve që kanë kaluar këtë kanal për të gjetur një jetë më të mirë përtje brigjeve shqiptare. Si avokate që jam, punoj me çështje sociale dhe gjithmonë kërkoj që njerëzit të jenë pozitivë me emigrantët. Kur isha duke notuar, nuk kisha si të mos kujtoja historitë e dhjetëra shqiptarëve që janë mbytur duke kërkuar një jetë më të mirë”.

Ndryshe nga një ditë më parë kur preku brigjet e Karaburunit pasi notoi për 35 orë e 17 minuta në një gjatësi 92 km, e nuk mund të fliste, sot Eva i ka të qarta idetë e saj. Sfida e radhës do jenë 6 kanalet që ka kaluar avokati italian Paulo Pinto./tch

The post Pse zgjodhi Otranton për të notuar? Eva Buzo: Jetova historinë e mijëra emigrantëve appeared first on Albeu.com.

Eva ka qëndruar në Vlorë për disa ditë dhe ditën e djeshme, rreth orës 14:00, është nisur për në Itali me gomonen e qendrës së peshkimit në Radhimë, dhe rreth orës 18:00 Eva ka nisur sfidën e lënë në mes vitin e kaluar, për të përshkuar me not nga Lece deri në Vlorë.

Ajo është shoqëruar nga roja bregdetare dhe më pas dy mjetet tip gomone vijojnë ta shoqërojnë për të përfunduar misionin e saj.

Deri në orën 18:00, pra 24 orë udhëtim Eva ka përshkruar rreth 49 mije dhe është afër brigjeve shqiptare.

Sipas shoqëruesve të saj, asaj i duhen edhe 8-9 milje për të mbërritur në brigjet e Vlorës dhe mendohet se do të mbërrijë në bregdetin e Dhërmiut në orët e natës, rreth orës 01:00.

Gjendja e saj është e mirë, madje një mjet lundrues tip gomone i ka dërguar akullore, pasi sipas stafit ajo ka nevojë për këtë gjë, pasi kripa e shumtë në trup i kalcifikon fytin./ TCH

The post Prej 24 orësh në det të hapur/ Eva Buzo noton nga Italia drejt Vlorës appeared first on Albeu.com.

Mëngjesin e kësaj të premte Buzo ishte e ftuar në studion e emisionit “Wake Up”, ku fillimisht tha ‘se gëzon shëndet të plotë’. Më pas Eva zbuloi se si ishte të notonte aq gjatë.

“E fillova me idenë që do ta shijoj ditën duke notuar. Do të notoj në një oqean blu, do ta shijoj ditën e parë. Plani për natën ishte… Më pëlqen të notoj natën, është si meditim, je ti dhe mendimet e tua. Kushtet e motit ishin të mira, do të ishte deti i qetë.

Ditën e parë kushtet ishin të vështira, kishte erë. Ndërkohë që notoja e shihja bregun shqiptar, po ecja ngadalë por po konsumoja shumë energji. E pashë që nuk ishte një ditë e bukur për të notuar po thashë nata do jetë më e qetë. Natën ndodhën gjëra të papritura, kushtet nuk ishin të mira, ndodhi që kishte prapë erë, kishte shumë lëvizje në ujë, shumë rryma dhe ishte një errësirë e madhe.

Nuk mund të shihja fytyrat e trajnerëve të mi edhe pse isha shumë afër varkës. Më përpara kur kam notuar në Gjeneva ishte hënë e plotë, këtë herë ishte shumë errësirë, thash jam kaq e vogël në këtë oqean të madh. Gjatë natës hasa pickime. Kur lindi dielli ditën e dytë, kishte re, mendova se do arrija në bregdetin shqiptar”, tha Eva Buzo.

The post 28 orë not, Eva Buzo zbulon 3 të papriturat që i ndodhën gjatë natës: Ndërkohë që po shihja bregun shqiptar… appeared first on Albeu.com.

Ajo tha për “Shqipëria Live”, se të nisej nga Italia drejt Shqipërisë me not i mësoi disa gjëra të reja.

Buzo u shpreh se zgjodhi pikërisht këtë vend pasi donte edhe të promovonte bregdetin e bukur të Shqipërisë.

Ajo tha se ndihet shumë krenare për prejardhjen e saj dhe se ka qenë edhe herë të tjera në Shqipëri.

“Ndihem mirë nga ana shëndetësore dhe kjo eksperiencë më ka ndihmuar mua dhe ekipin tim të mësojmë gjëra të reja. Ne po planifikojmë ta përsërisim prapë këtë eksperiencë vitin tjetër. Ne zhvillojmë stërvitje çdo ditë për t’u përgatitur për garën, notojmë rreth 70 kilometra në javë, bëjmë palestër e trajnim. Ka të bëje edhe me rrymat ujore se si janë në momentin që e bën sfidën ndaj duhen parë a duhet të nisemi nga Vlora për të Otranto apo e kundërta. Sfida ime në Otranto nuk kishte ndonjë domethënie apo lidhje me tragjedinë e Otrantos, edhe pse e di shumë mirë se çfarë përfaqëson për historinë e Shqipërisë, ishte një zgjedhje e imja edhe për shkaqe teknike. Gjyshi im ishte nga Berati dhe emigroi drejt Australisë në 1939 dhe të dy prindërit e mi lindën atje. Unë kam qenë edhe herë të tjera në Shqipëri dhe doja edhe t’i tregoja atyre jashtë sa i bukur është bregdeti i Shqipërisë. Unë ndihem shumë krenare që kam prejardhje shqiptare”, tha Eva Buzo./Albeu,com./

The post Eva Buzo nuk dorëzohet! Avokatja: Vitin tjetër do provoj sërish të vij nga Italia me not appeared first on Albeu.com.

Teksa përshkroi një distancë prej 28 orësh me not, avokatja 36-vjeçare e ndërpreu këtë eksperiencë, për shkak të gjendjes shëndetësore që po i rëndohej, por edhe djegies nga një kandil. Në një prononcim për mediat, notarja Eva Buzo tha se kishte edhe një sërë faktorësh të tjerë për të cilën vendosi të tërhiqej nga gara edhe pse pranoi se tundimi për të vazhduar pavarësisht gjithçkaje ishte shumë i madh, ku me objektivin primar e ndanin vetëm 10 milje.

“Ideja nisi në pandemi. Nisi e gjitha në pandemi. Nisa të notoja me Vladin, zakonisht unë udhëtoj shumë për punë dhe nuk arrij dot të mbaj një rend stërvitor. Por në pandemi ngeca në Australi e nisa të notoja. Ai stërvit disa nga notarët më të mirë të maratonave. Dhe unë dëshiroja të gjeja një intenerar notimi që kishte një domethënie për mua. Ky ishte një intenerar që nuk ishte bërë deri tani, sipas Federatës së Maratonave.

U mundova të jap më të mirën, po ishte e vështirë. Në këtë notim, ishte e vështirë me erën dhe i thash vetes: “fillo të notosh”. Kur e fillova në fillim e nisa ngadalë dhe në darkë kisha menduar se shpejtësinë do e kisha më të madhe, po kjo nuk ndodhi, një kandil më dogji në krah dhe nuk arrita qëllimin që kisha. Efektet anësore, si koha, darka dhe mjegulla, ndikuan që mos të përfundoja garën. Gjyshi im ka lindur në Shqipëri, emigroi dhe ne jetojmë në Australi. Është një komunitet i madh shqiptar, traditat që kishim nga gjyshi doja ti sillja për hir të tij përmes kësaj eksperience”, tha ajo.

The post “U mundova të jap më të mirën”, flet Eva Buzo që notoi 28 orë, por ndërpreu sfidën pas pickimit nga kandili appeared first on Albeu.com.

Nëpërmjet një videoje të postuar nga spitali ku po trajtohet, Buzo thotë se është në gjendje të mirë.

“Përshëndetje të gjithëve thjesht një mesazh i shkurtër, jam shumë mirë! Kam notuar për një kohë të gjatë dhe dua një pica të madhe. Po më mbajnë në mbikëqyrje dhe do të kontaktoj sërish me ju sa më shpejt të mundem. Çfarë noti!”, shprehet Eva Buzo.

The post Në spital pas 28 orëve not, flet Eva Buzo: Jam shumë mirë appeared first on Albeu.com.

Gjatë 28 orëve not, ajo ka shfaqur probleme edhe me të folurin nga kripa e tepërt. Në këto kushte, trajnerët e kanë këshilluar të ndalojë notin, e për rrjedhojë Eva ka ndërprerë sfidën e guximshme.

 

View this post on Instagram

 

A post shared by Albeu.com (@albeucom)

Evës i kishin  mbetur pak orë për të mbërritur në Vlorë, atje ku ajo i kishte vendosur qëllim vetes si destinacion.

Mendimi për të ndërmarrë notin drejt origjinës së saj, Evës i erdhi gjatë periudhës së izolimit nga pandemia, kur duke parë në Google Maps disa vende të mundshme për të notuar, u ndal në distancën midis Italisë dhe Shqipërisë.

Gjatë rrugëtimit me not Eva ndiqet nga 2 trajnerë që  hipin me radhë në një kajak.. Eva është një avokate në Australi dhe e angazhuar masivisht me problematika sociale, në mbrojtje të të drejtave të njeriut. Ka përvojë pune në Afrikën Lindore, Azinë Jugore dhe Australi, për organizata të ndryshme duke përfshirë World Vision dhe Save the Children.

/Albeu.com/

The post 28 orë not nga Otranto drejt Vlorës, Eva Buzo ndërpret sfidën pas problemeve shëndetësore appeared first on Albeu.com.

Nga informacionet e fundit mësohet se Eva Buzo ka shfaqur problemet e para gjate notimit. Prej rreth 27 orësh në det, ajo mësohet se ka probleme ne te folur dhe kripë të tepërt.

 

View this post on Instagram

 

A post shared by Albeu.com (@albeucom)

Është duke u monitoruar gjendja e saj.  Aktualisht ndodhet disa milje larg Karaburunit në det te hapur.

Mendimi për të ndërmarrë notin drejt origjinës së saj, i erdhi gjatë periudhës së izolimit nga pandemia, kur duke parë në Google Maps disa vende të mundshme për të notuar, u ndal në distancën midis Italisë dhe Shqipërisë.

Gjatë rrugëtimit me not që mendohet të zgjasë 35 deri në 40 orë, Eva do të ndiqet nga 2 trajnerë që do të hipin me radhë në një kajak. Një varkë e shpejtë do të jetë për asistencë logjistike.

Eva është një avokate në Australi dhe e angazhuar masivisht me problematika sociale, në mbrojtje të të drejtave të njeriut. Ka përvojë pune në Afrikën Lindore, Azinë Jugore dhe Australi, për organizata të ndryshme duke përfshirë World Vision dhe Save the Children./Albeu.com/

The post VIDEO/ Pas 27 orësh në det të hapur, Eva Buzo shfaq problemet e para gjatë notimit appeared first on Albeu.com.

Edhe pse me profesion avokate e suksesshme në Australi, Eva Buzo ka zgjedhur të bëjë histori me pasionin e saj duke notuar nga perëndimi në lindje, për të mbërritur në plazhin e Vlorës.

 

View this post on Instagram

 

A post shared by Albeu.com (@albeucom)

Eva ka lindur në Australi dhe lidhja që ka me Shqipërinë është shumë e fortë edhe pse nuk flet shqip, ajo ka thënë ngrohtësia që i kanë dhënë të afërmit ka bërë që të ketë këtë lidhje speciale me atdheun e saj.

Me profesion juristë Buzo ka nisur të shkuajë historinë sot, pasi do të bëje 91 kilometra për të arritur me not në bregun shqiptar. Kjo është sfida më e madhe që ajo ka ndërmarrë pasi e fundit që ka bërë ka qenë 80 kilometër dhe ka zgjatur diku te 26 orë./albeu.com/

The post VIDEO/ Me not nga Otranto në Vlorë, Eva Buzo nis misionin e guximshëm për tu kthyer te toka e gjyshit appeared first on Albeu.com.

Buzo theksoi se kjo është një ndër sfidat e saj më të vështira dhe shpreson që ta mbyllë me sukses.

Ajo shprehet se dëshira e saj e madhe është që të mbërrijë në bregdetin shqiptar dhe të pritet me përshëndetje nga familjarët që ajo ka këtu.

Ajo ka lindur në Australi dhe lidhja që ka me Shqipërinë është shumë e fortë edhe pse nuk flet shqip, ajo shprehet për Abc se ngrohtësia që i kanë dhënë të afërmit ka bërë që të ketë këtë lidhje speciale.

Me profesion juristë Buzo do të bëje 91 kilometër për të arritur me not në bregun shqiptar.

“Janë 91 kilometra dhe është hera e parë që ndërmerret një iniciativë e tillë dhe është certifikuar nga maratona ndërkombëtarë. Unë kam mbërritur në Otranto tani dhe po shikoj bregdetin shqiptar, por këtë sfidë do e nis javën tjetër, jam e mirëpërgatitur dhe e trajnuar dhe për këtë sfidë jam përgatitur dy vitet e fundit. Uji është i pastër dhe shikoj lidhjen e diellit jam shumë e emocionuar për atë që do të ndodhë javën tjetër”, ka thënë ajo.

Ndër të tjera në intervistën e saj ajo ka theksuar se kjo është sfida më e madhe që ajo ka ndërmarrë pasi e fundit që ka bërë ka qenë 80 kilometër dhe ka zgjatur diku te 26 orë.

“Mënyra sesi ndodh një not me përmasa të tilla është se është një varkë nga pas dhe të jep ushqim çdo një orë unë nuk kam të drejtë të prek varkën dhe duhet që të lëviz nga forcat e mia. Në ekip janë trajneri im i sportit, drejtuesi i varkës. Unë nuk do të kem kohë për gjumë por duhet që të notoj gjithë kohën do të nisem në mëngjes të mërkurën dhe shpresoj që të arrij në drekë të ditës tjetër.  Rekordi im është 25 orë dhe 90 minuta ka qenë korrikun e kaluar në Gjeneve në një liqen dhe është më e vështirë që të notosh atje në një distancë 80 km”, ka është shprehur Eva.

Gjithashtu ajo ka folur edhe për gjyshin e saj që kishte ikur shumë shpejt nga Shqipëria dhe për shkak se në vendin tonë në kohen kur ai duhet të kthehej kishte luftë, u vendos në Australi dhe krijoi familje me një australiane.

“Gjyshi është rritur në Berat pas një burse për të studiuar në Tiranë, filloi studimet në Turqi, më pas fitoi një bursë në Harvard, dhe u rikthye në Shqipëri për të punuar, pastaj shkoi në SHBA dhe më pas kur nisi lufta në Shqipëri ai u vendos në Australi”, ka thënë ajo ndër të tjera./Albeu.com./

The post Nga Otranto në Vlorë, juristja shqiptare zotohet të bëjë 91 kilometra not: Do kthehem në Atdheun e gjyshit appeared first on Albeu.com.