Që nga mesnata, euro u bë monedha e vendit dhe levi u zhduk nga historia.

Hyrja e Bullgarisë në zonën euro, do ta çojë numrin e evropianëve që përdorin monedhën në më shumë se 350 milionë.

Vendi i fundit që iu bashkua grupit të monedhës së vetme ishte Kroacia në janar 2023.

“Paratë tona do të jenë në një monedhë tjetër – nëse kam 10,000 leva, tani do të kem 5,100 euro. Është njësoj. Dhe mendoj se do të jetë më mirë”, tha Stefan Bisterkov, një instruktor drejtimi për Reuters.

Përveç ndryshimit të monedhës, bërja anëtare e 21-të e eurozonës do të thotë që Bullgaria merr një vend në Këshillin Drejtues të Bankës Qendrore Evropiane që përcakton normat e interesit.

Qeveritë e njëpasnjëshme bullgare janë përpjekur ta bëjnë këtë hap që kur vendi ballkanik me 6.7 milionë banorë iu bashkua BE-së në vitin 2007.

Sondazhet e opinionit tregojnë se bullgarët janë të ndarë për këtë çështje, megjithëse bizneset janë kryesisht në favor.

“Pritjet e mia nga adoptimi i euros janë pozitive, nuk mendoj se do të ketë ndonjë gjë për t’u shqetësuar, përkundrazi. Ne vetëm do të përfitojmë nga kjo dhe do të jetë vetëm më e dobishme për ne”, tha Antonia Tsvetkova, një argjendare.

“Kushdo që shkon në një udhëtim nuk do të ketë probleme me shkëmbimin e valutave, tani gjithçka do të jetë normale”.

Disa bullgarë shqetësohen se përdorimi i euros do të rrisë çmimet, ose janë dyshues ndaj një sistemi politik vendas që është në krizë.

Qeveria dha dorëheqjen muajin e kaluar mes protestave të përhapura kundër rritjes së propozuar të taksave.

The post Bullgaria hyn në eurozonë, monedha lev zhduket nga qarkullimi appeared first on Albeu.com.

Indeksi i çmimeve të prodhimit shënoi një rritje vjetore prej 13,2% në muajin shkurt, pas një rritjeje prej 15,1% në janar.

Çmimet ishin parashikuar të rriteshin me 13,3%.

Kjo ishte norma më e ulët e inflacionit që nga korriku 2021, kur çmimet u rritën me 12,4%.

Pa përfshirë energjinë, inflacioni i çmimeve të prodhimit u ul në 10,2% nga 11,1%.

Çmimet e energjisë u rritën me 17,4% në terma vjetore, pas rritjes prej 20,7% në muajin janar.

Çmimet e produkteve të ndërmjetme u rritën në 9,3%, krahasuar me 11, 2% një muaj më parë.

Rritja e çmimeve të produkteve kapitale ka qenë e qëndrueshme në 7,3%.

Produktet e konsumit afatgjatë u rritën në 8,7%, pas një rritjeje prej 9%.

Ndërsa, çmimet e produketeve të konsumit jo të qëndrueshme u rritën 15,2% krahasuar me 15, 4% një muaj më parë.

Në baza mujore, çmimet e prodhimit ranë me 0,5% në shkurt për shkak të rënies prej 1,6% të çmimit të energjisë.

Ekonomistët kishin parashikuar që çmimet të binin 0,3% pas një rënieje prej 2,8% në janar.

The post Inflacioni në Eurozonë bie në nivelin më të ulët në gati një vit e gjysmë appeared first on Albeu.com.

Aktiviteti i bizneseve në Eurozonë ka pësuar rënien më të madhe në gati dy vite, duke theksuar kështu shenjat se blloku po shkon drejt recesionit për shkak të rritjes së çmimeve dhe rënies së aktivitetit nga kompanitë e prodhimit dhe të shërbimeve.

Indeksi i përbërë S&P Global i menaxherëve të blerjeve në Eurozonë, një matës kryesor i kushteve të biznesit, ra me 1 pikë duke shkuar në 47.1, sipas shifrave të publikuara sot. Ky është niveli më i ulët i arritur që nga nëntori i vitit 2020, si dhe muaji i katërt radhazi që ky indeks qëndron nën kufirin vendimtar prej 50 që ndan rritjen e aktivitetit nga rënia e tij.

“Ekonomia e Eurozonës duket se do të bjerë në tremujorin e katërt, duke pasur parasysh reduktimin e prodhimit dhe përkeqësimin e kërkesës që po shihet në muajin tetor, duke shtuar kështu spekulimet se recesioni po duket gjithnjë e më i pashmangshëm”, tha Chris Williamson, kryeekonomist për bizneset në S&P Global.

Rezultatet e këtij sondazhi të përmuajshëm, i cili tregoi rënien e prodhimit të fabrikave, reduktimin e porosive të reja, rritjen e çmimeve të produkteve dhe përkeqësimin e pritshmërive, ishin më keq sesa pritshmëritë e ekonomistëve të anketuar nga Reuters.

Prodhuesit raportuan rënie të pestë radhazi në prodhimin e fabrikave, duke nënvizuar sfidat që rëndojnë mbi ekonominë e eurozonës, ndërsa kompanitë e shërbimeve thanë se porositë e reja janë reduktuar me një ritëm më të shpejtë pasi konsumatorët po përballen me rritjen e kostove të energjisë dhe të ushqimit, të cilat sollën rënien e shpenzimeve të tyre.

Kompanitë në të gjithë sektorët raportuan se presionet e kostove kanë pësuar një rënie të lehtë, por çmimet e mallrave dhe të shërbimeve po rriteshin me një normë që, sipas S&P, është norma e gjashtë më e shpejtë që nga fillimi i matjes së këtyre të dhënave në vitin 2002.

Kufizimet në zinxhirët e furnizimeve pësuan disa lehtësime pasi furnizimet e lëndëve të para kryesore u përmirësuan. Rritja e vendeve të punës pati një rritje të lehtë përgjatë muajit tetor, por ajo mbetet e ulët krahasuar me 18 muajt e fundit.

Aktiviteti i bizneseve gjermane pati rënie si në sektorin e prodhimit, ashtu edhe në atë të shërbimeve, duke sjellë kështu rënien e PMI-së së këtij vendi me 1.6 pikë, duke e çuar atë në 44.1 pikë, niveli më i ulët që nga maji i vitit 2020.

“Presionet e larta të çmimeve, rritja e normave të interesit dhe shtimi i hezitimit të konsumatorëve për shkak të frikës nga një recesioni, të gjithë këta faktorë ndikuan në reduktimin e kërkesës,” tha S&P.

Kompanitë franceze raportuan një stanjacion të aktivitetit, pasi zgjerimi i aktivitetit në sektorin e shërbimeve kompensoi rënien e aktivitetit në sektorin e prodhimit. PMI u ul me 1.2 pikë, duke shkuar në 50, niveli më i ulët në 19 muajt e fundit.

Porositë për fabrikat pësuan një rënie me një ritëm shumë të shpejtë, të cilit mund t’ia kalojnë vetëm ai i krizës financiare të vitit 2008 dhe ritmi i krizës së borxhit të eurozonës në vitin 2012. / Financial Times

The post Aktiviteti i bizneseve në Eurozonë pëson rënie më të shpejtë nga ç’pritej appeared first on Albeu.com.

Sipas njoftimit zyrtar, “Inflacioni vjetor i Eurozonës pritet të jetë 8.9% në korrik 2022, nga 8.6% në qershor sipas një vlerësimi të shpejtë nga Eurostat, zyra statistikore e Bashkimit Europian.

Duke parë përbërësit kryesorë të inflacionit të eurozonës, energjia pritet të ketë normën më të lartë vjetore në korrik (39.7%, krahasuar me 42.0% në qershor), e ndjekur nga ushqimi, alkooli dhe duhani (9.8%, krahasuar me 8.9% në qershor. ), mallrat industriale joenergjetike (4,5%, krahasuar me 4,3% në qershor) dhe shërbimet (3,7%, krahasuar me 3,4% në qershor)”.

Vetëm pak ditë më parë Banka Qendrore Europiane (BQE) ka rritur normat e interesit me gjysmë pikë përqindjeje, duke shënuar rritjen e parë për më shumë se një dekadë, në një përpjekje për të frenuar rritjen e inflacionit.

Ekziston frika se normat e larta të interesit do ta çojnë eurozonën në recesion. Blloku tashmë është goditur nga rritja e çmimeve të energjisë dhe ushqimeve pas pushtimit rus të Ukrainës, një ngadalësim në aktivitetin e biznesit dhe një rënie në besimin e konsumatorit në nivele rekord.

Efekti në Shqipëri

INSTAT njoftoi se Inflacioni, që mat ndryshimin e çmimeve të një shporte mallrash të caktuar, arriti në 7.4% në qershor, nga 6.7% që ishte në maj dhe shumë më i lartë se janari i këtij viti, kur treguesi ishte 3.7%, duke shënuar një tjetër rekord të ri të 20 viteve të fundit, që nga marsi i vitit 2002, kur treguesi arriti në 7.6% dhe po arrin nivelin më të lartë që nga koha e piramidave në 1997-s, kur ishte mbi 40%.

Më shumë se gjysma e rritjes së çmimeve në vend vjen për shkak të shtrenjtimit të produkteve që Shqipëria merr nga importi, duke sinjalizuar se rritja e çmimeve të konsumit do të vazhdojë më tej, pasi inflacioni në Eurozonë vetëm po rritet./monitor

The post Inflacioni në Eurozonë kërcen në 8.9% në korrik, pritet efekti dhe në Shqipëri appeared first on Albeu.com.