Sonte në mbrëmje Radio Televizioni Shqiptar do të publikojë zyrtarisht këngët e 28 artistëve pjesëmarrës në edicionin e 64-të të Festivalit të Këngës. Emrat e rikthyer, surprizat, debutimet dhe prurjet e reja do të zbulohen njëherësh, duke ndezur atmosferën dhe emocionin drejt 4 netëve të Festivalit të fundvitit i cili do të mbahet nga data 17 deri në datën 20 dhjetor.

Nata e parë dhe nata e dytë do të jenë dy netët konkurruese, në natën e tretë do vijojë të ruhet tradita e nostalgjisë, ndërsa nata e katërt është dhe nata finale ku njëri prej artistëve konkurues do të shpallet fitues si edhe do të ketë mundesinë që të përfaqësojë këtë vit Shqipërinë në Eurovizion 2026 i cili do të mbahet në Vjenë të Austrisë.

Publikimi i këngëve shënon kështu nisjen zyrtare të garës muzikore më të rëndësishme të vitit, e cila këtë dhjetor pritet të sjellë emocione, energji dhe performanca të jashtëzakonshme nga artistët pjesëmarrës. Të gjithë sytë janë nga RTSH, ku në orët e mbrëmjes publiku do të njihet me krijimet që do të garojnë për trofeun e madh.

The post Kush do prekë Eurovizionin? Sonte publikohen 28 këngët e Festivalit të 64-t të Këngës në RTSH appeared first on Albeu.com.

Një ditë më parë, transmetuesi publik irlandez RTE kishte deklaruar se pjesëmarrja izraelite është “e paarsyeshme” duke pasur parasysh “humbjen e tmerrshme të jetës në Gaza”. AvroTros tha se vendimi i saj u bazua edhe në numrin e lartë të gazetarëve të vrarë në enklavën bregdetare, duke e konsideruar të papranueshme pjesëmarrjen e Izraelit në garën e vitit të ardhshëm. Eurovision 2025 u ndoq nga 166 milionë njerëz në mbarë botën, duke e bërë vendimin të pashembullt në historinë e festivalit.
Nga ana e saj, Izraeli mohon se ka synuar të shënjestrojë gazetarët në Gaza dhe e konsideron pjesëmarrjen në Eurovision si të ndarë nga çështjet politike.

Unioni Evropian i Transmetimeve (EBU), organizatori i festivalit, deklaroi të enjten se e kupton shqetësimin e disa anëtarëve dhe po konsultohet me të gjithë transmetuesit pjesëmarrës për të gjetur një zgjidhje.

Vendimi i Holandës dhe Irlandës tregon tensionet që mund të ndikojnë në pjesëmarrjen e vendeve në ngjarje ndërkombëtare kulturore, duke ngjallur debate mbi ndarjen e politikës dhe artit.

The post Edhe Holanda rrezikon të tërhiqet nga Eurovisioni për shkak të Izraelit appeared first on Albeu.com.

Kryeqyteti me më shumë se dy milionë banorë kishte aplikuar me sloganin “Evropë, a do të kërcejmë?” duke u bazuar në suksesin e edicionit të vitit 2015, pas triumfit të mbretëreshës me mjekër, Conchita Wurst.

Këtë herë, ishte artisti i ri JJ, një tenor austriako-filipinas 24-vjeçar, i cili mori trofeun.

“Reputacioni i Vjenës si një nga qytetet më të rëndësishme muzikore në botë dhe vendndodhja e saj në zemër të Evropës, e bëjnë atë qytetin ideal pritës për këtë konkurs të 70-të”, komentoi Martin Green, drejtori i Eurovisionit, në një deklaratë pasi vendimi u njoftua në ORF.

Vjena priti gjithashtu Eurovisionin në vitin 1967, pak më shumë se 10 vjet pas krijimit të tij.

The post “Evropë, a do të kërcejmë?”/ Eurovisioni rikthehet në Vjenë, finalja mbahet më 16 maj appeared first on Albeu.com.

Shfaqja fillon në orën 21:00 dhe transmetohet drejtpërdrejt nga St. Jakobshalle në Bazel të Zvicrës.

Prezantueset janë Hazel Brugger, Michelle Hunziker dhe Sandra Studer. Renditja e këngëve është vendosur nga Korporata Zvicerane e Transmetimeve (SRG SSR) bazuar në short. Kënga ‘Zjerm’ e Shkodra Elektronik do të jetë e 26-ta.

Procedura e votimit, sipas faqes zyrtare të Festivalit të Këngës në Eurovision 2025, do të ndjek të njëjtën procedurë si dy vitet e fundit.

Çdo vend pjesëmarrës do të ketë dy grupe pikësh me nga 1, 2, 3, 4, 5, 6, 7, 8, 10 dhe 12 pikë për të dhënë. Një grup për jurinë e secilit vend dhe një grup për televotimin e secilit vend. Votat online të vendeve që nuk marrin pjesë në Festival, do të kenë të njëjtën peshë si vendet pjesëmarrëse.

Secili prej 37 vendeve pjesëmarrëse në Eurovisionin e këtij viti do të mund të votojë.

Çdo vend ka një juri kombëtare e cila jep një grup pikësh me 1, 2, 3, 4, 5, 6, 7, 8, 10 dhe 12 pikë.

Çdo vend do të ketë televotim, i cili gjithashtu rezulton në një grup prej 1, 2, 3, 4, 5, 6, 7, 8, 10 dhe 12 pikësh.

Votimi online nga vendet që nuk marrin pjesë në Festivalin e Këngës në Eurovision 2025 ka të njëjtën peshë si një vend pjesëmarrës: 1, 2, 3, 4, 5, 6, 7, 8, 10 dhe 12 pikë.

Së pari, pikët e jurisë do të prezantohen individualisht nga një zëdhënës për secilin vend.

Së dyti, pikët nga televotimi do të grumbullohen dhe do të jepen të kombinuara.

Juritë kombëtare votuan dje në mbrëmje (e premte, 16 maj) gjatë provës së dytë gjenerale.

Nëse dy vende kanë të njëjtat pikë, një rezultat i kombinuar kombëtar i televotimit dhe jurisë do të llogaritet vetëm për qëllimin e zgjidhjes së situatave të barazimit. Më e mira nga të dyja është kënga që ka marrë pikë nga numri më i madh i vendeve nga llogaritja e kombinuar kombëtare e televotimit dhe jurisë.

The post Festivali i Këngës në Eurovision 2025, publikohet procedura e votimit, ja si do të veprohet në rast se dy këngë kanë të njëjtin numër pikësh appeared first on Albeu.com.

Lista e shteteve që do të performojnë në gjysmëfinalen e dytë të mbrëmjes së sotme:

1 Australia: Go-Jo – Milkshake Man

2 Mali i Zi: Nina Žižić – Dobrodošli

3 Irlanda: EMMY – Laika Party

4 Letonia: Tautumeitas – Bur Man Laimi

5 Armenia: PARG – SURVIVOR

6 Austria: JJ – Wasted Love

7 Greqia: Klavdia – Asteromáta

8 Lituania: Katarsis – Tavo Akys

9 Malta: Miriana Conte – SERVING

10 Gjeorgjia: Mariam Shengelia – Freedom

11 Danimarka: Sissal – Hallucination

12 Çekia: ADONXS – Kiss Kiss Goodbye

13 Luksemburgu: Laura Thorn – La Poupée Monte Le Son

14 Izraeli: Yuval Raphael – New Day Will Rise

15 Serbia: Princ – Mila

16 Finlanda: Erika Vikman – ICH KOMME

The post Gjysmëfinalja e dytë e Eurovisionit zhvillohet sonte, vendet që do të performojnë appeared first on Albeu.com.

Në natën e parë gjysmëfinale, finalistët nuk do të shpallen më thjesht duke lexuar emrat e vendeve, por tre vende do të shfaqen në ekran njëkohësisht, dhe prezantuesit do të shpallin më pas njërin prej tyre që do të kalojë tutje.
U bë një përpjekje për ta futur ndryshimin në fuqi në vitin 2023.

Dy vendet e mbetura nuk do të eliminohen në atë pikë, por statusi i tyre do të zbulohet më vonë.

Në fund fare, kur të shpallet finalisti i dhjetë i fundit, gjashtë vendet e mbetura do të shfaqen në ekran.

Një shembull i mënyrës së re të njoftimit: Suedia, Kroacia dhe Portugalia shfaqen në ekran, dhe pas pak çastesh prezantuesit lexojnë se Suedia po kalon në finale.

Statusi i Kroacisë dhe Portugalisë mbetet i panjohur deri në njoftim të mëtejshëm.

Si kujtesë, nata e parë gjysmëfinale fillon në orën 21:00. Nga 15 interpretues, 10 do të kalojnë në finale, dhe shikuesit do të kenë gjithashtu mundësinë të shohin performanca nga përfaqësues nga Italia, Zvicra dhe Spanja, të cilët do të kalojnë direkt në finalen e madhe.

The post Ndryshim i madh në Eurovision – finalistët do të shpallen në një mënyrë tjetër appeared first on Albeu.com.

Votës përfundimtare iu bashkua 50 % vota e jurisë dhe 50 % vota e publikut e diasporës.

Por kush janë Shkodra Elektronike?

Shkodra Elektronike është një grup muzikor i përbërë nga dy emigrantë shqiptarë të rritur në Itali, shumë larg qytetit të tyre, Shkodrës. Grupi është krijuar nga kantautori-producenti Kolë Laca dhe kantautorja Beatriçe Gjergji. Shkodra Elektronike, një duo elektronike shqiptare me banim në Itali, bëjnë ri-interpretim modern të këngëve tradicionale shkodrane.

Në nëntor 2019, Shkodra Elektronike marrin pjesë në Luleborë 2019 me këngën “Ku E Gjeta Vedin”, videoklipin e të cilës e sjellin më 27 janar 2020. Më datë 22 tetor 2020 publikojnë videoklipin “Synin Si Qershia”. Më 4 prill 2023, sjellin videoklipin “Vaj Si Kenka Ba Dynjaja”, në bashkëpunim me Fanfara Tirana. Muzika e këngës dhe produksioni audio është realizuar nga vetë Shkodra Elektronike.

The post Do përfaqësojë Shqipërinë në Eurovision 2025! Kush është ‘Shkodra Elektronike’? appeared first on Albeu.com.

Ajo ka falenderuar të gjithë ata që e kanë votuar dhe mbështetur gjatë kësaj eksperience. Sipas saj, ajo dhe ekipi kanë bërë një punë shumë rigoroze dhe serioze me qëllimin për të dhënë në fund një performancë dinjitoze.

Gjithashtu Besa ka shprehur hapur keqardhjen që nuk mundi të prekë finalen por ajo ka thënë se gara i ka këto dhe se rregullat nuk mund të përcaktohen.

Reagimi i plotë:

“Përshëndetje të gjithëve bashkombasit e mi. Ju falenderoj nga zemra për mbështetjen tuaj, për mesazhet tuaja. Kemi bërë një punë shumë serioze dhe shumë rigoroze gjithë këto muaj për të bërë një përfaqësim sa më dinjitoz. Iu jam shumë mirënjohëse kur ju e shprehni këtë me mesazhet tuaja. Më vjen keq që nuk kaluam në finale por kjo është gara dhe rregullat nuk i përcaktojmë ne. Shpresoj që ju ta keni shijuar dhe unë t’ju kem bërë krenarë. Kjo është gjithçka që ma mbush shpirtin plot dhe ju dua shqipe kudo që jeni.”

The post U skualifikua nga Eurovizioni, reagon Besa Kokëdhima: Më vjen keq që nuk kaluam në finale por kjo është gara dhe rregullat nuk i përcaktojmë ne appeared first on Albeu.com.

Eden Golan, përfaqësuesi i Izraelit për konkursin “Eurovision 2024”, fillimisht kishte paraqitur një baladë të quajtur “October Rain (Shiu i Tetorit)”, e cila mendohet gjerësisht se i referohej sulmeve të Hamasit më 7 tetor. Megjithatë, kënga u ndalua me arsyetimin se shkeli rregullat për neutralitet politik, shkruan The Guardian.

Pas një premtimi fillestar për mos ndryshimin e tekstit, transmetuesi publik i Izraelit Kan, i cili është përgjegjës për zgjedhjen e përfaqësuesit të vendit, më vonë u pajtua të ndryshojë këngën pas thirrjes së presidentit izraelit Isaac Herzog për “rregullime të nevojshme” për të siguruar pjesëmarrjen e saj. Transmetuesi kombëtar tha: “Presidenti theksoi se veçanërisht në këtë kohë, kur ata që na urrejnë kërkojnë të na largojnë dhe të na bojkotojnë nga çdo skenë, Izraeli duhet të shprehë zërin e tij me krenari dhe kokën lart dhe të ngritë flamurin e tij në çdo forum botëror, veçanërisht këtë vit”.

Versioni i përditësuar i këngës, tani me titull “Hurricane (Uragani)”, do të ndahet këtë fundjavë

Në një deklaratë, Bashkimi Evropian i Transmetimeve (EBU), i cili organizon konkursin, tha: “EBU mund të konfirmojë se paraqitja zyrtare nga anëtari i tij izraelit Kan është konsideruar e përshtatshme për të konkurruar në festivalin e këngës Eurovision në maj. “Grupi i referencës së konkursit, bordi i tij qeverisës, mori vendimin për të pranuar këngën ‘Hurricane’ për konkursin e ardhshëm pas një shqyrtimi të kujdesshëm të tekstit. “U dakordua se ‘Hurricane’ përmbushi kriteret e nevojshme për pjesëmarrje në përputhje me rregullat e konkursit”.

The post Izraeli do të marrë pjesë në Eurovision 2024, ja ndryshimet që ka bërë appeared first on Albeu.com.

Mes shumë konkurrentëve, fituese u zgjodh artistja e re italiane Angelina Mango, e cila do të jetë njëherësh përfaqësuesja e Italisë në “Eurovision 2024”. Vetëm pak ditë pas shpalljes së aj si reprezentuese e shtetit italian, Angelina është bërë një nga favoritët për të fituar edicionin e sivjetmë të Eurovisionit, i cili mbahet në Malmo të Suedisë.

Kënga e saj me titull “La noia” aktualisht është e dyta në bastet për fituesin e Eurovisionit, me 8 për qind shanse për të fituar – sipas atyre që luajnë bastet për festivalin evropian.

Përpara Angelinës aktualisht janë përfaqësueset e shtetit ukrainas, Alyona Alyona dhe Jerry Heil me këngën e tyre “Teresa and Maria”.

Me katër disqe të shpërblyera platin, dy të arta, turneun me bileta ta shitura, paraqitjet në krye të listave të shitjeve dhe disa nga këngët më të luajtura në radio, Angelina Mango ishte një nga yjet që “shpërtheu” gjatë vitit 2023 në Itali.

Shqipëria përndryshe përfaqësohet sivjet në Eurovision, nga këngëtarja e njohur shqiptare Besa Kokëdhima, me këngën “Zemrën n’dorë”.

The post Fituesja e “Sanremos”, Angelina Mango po shihet si një nga favoritet e këtij viti për ta fituar “Eurovisionin” appeared first on Albeu.com.