EUROVISIONI Archives - Albeu.com

Irlanda kërcënon të tërhiqet nga Eurovisioni nëse Izraeli merr pjesë

D Marku — Thu, 11 Sep 2025 13:34:36 +0000

Transmetuesi shtetëror irlandez RTÉ ka deklaruar se nuk do të marrë pjesë në Konkursin Evropian të Këngës Eurovision 2026 “nëse marrë pjesë Izraeli”.

Në një deklaratë, RTÉ tha se pjesëmarrja e Irlandës në këtë ngjarje “do të ishte e papranueshme duke pasur parasysh humbjen e vazhdueshme dhe të tmerrshme të jetëve në Gaza”.

RTÉ do të marrë një vendim përfundimtar sapo organizatorët e Eurovisionit, Bashkimi Evropian i Transmetuesve (EBU), të kenë marrë vendimin e tyre.

Konkursi i vitit të ardhshëm do të mbahet në maj në Vjenë.

Transmetuesi kombëtar i Sllovenisë, RTVSLO, gjithashtu ka deklaruar se do të tërhiqet nga gara nëse Izraeli merr pjesë.

Ministri i Kulturës i Spanjës, Ernest Urtasun, ka thënë se edhe vendi i tij mund të mos marrë pjesë nëse Izraeli përfshihet.

Në një deklaratë të enjten, RTÉ tha: “Qëndrimi i RTÉ është që Irlanda nuk do të marrë pjesë në Konkursin Evropian të Këngës Eurovision 2026, nëse Izraeli merr pjesë, dhe vendimi përfundimtar për pjesëmarrjen e Irlandës do të merret pasi të merret vendimi i EBU-së”.

RTÉ shtoi gjithashtu: “RTÉ është gjithashtu thellësisht e shqetësuar për vrasjet e qëllimshme të gazetarëve në Gaza, ndalimin e aksesit të gazetarëve ndërkombëtarë në atë territor dhe situatën e rëndë të pengjeve që ndodhen ende atje”.

The post Irlanda kërcënon të tërhiqet nga Eurovisioni nëse Izraeli merr pjesë appeared first on Albeu.com.

Izraeli mund të përjashtohet përgjithmonë nga Eurovisioni?

D Marku — Wed, 18 Dec 2024 15:48:46 +0000

Bashkimi i Radio Televizioneve Evropiane (EBU) ka shprehur shqetësim të thellë pas propozimeve legjislative në Izrael që mund të çojnë në privatizimin ose zvogëlimin e financimeve për Korporatën e Radio Televizionit Publik të Izraelit (IPBC), e njohur si Kann. Në një letër dërguar Komitetit të Çështjeve Ekonomike të Knessetit, EBU ka paralajmëruar se një hap i tillë mund të ketë pasoja të rënda për lirinë e mediave në Izrael, si dhe për reputacionin ndërkombëtar të vendit, duke përmendur përfshirjen e Kann në organizimin e Eurovizionit.

EBU theksoi rëndësinë e transmetuesve publikë si baza e demokracisë, duke ofruar lajme të paanshme dhe mundësi për shprehje të larmishme kulturore. Propozimet për privatizimin e IPBC mund të ndikojnë në stabilitetin e medias publike dhe të dëmtojnë mundësinë për qytetarët të kenë akses në informacion të saktë dhe të besueshëm. Reagimi i EBU vjen pas shqetësimeve që mund të lidhen me përjashtimin e Izraelit nga konkurset ndërkombëtare si Eurovision, ku IPBC ka luajtur një rol kyç.

The post Izraeli mund të përjashtohet përgjithmonë nga Eurovisioni? appeared first on Albeu.com.

Brenda bunkerit, kështu u transmetua Eurovisioni në Ukrainë (FOTO LAJM)

A M — Wed, 11 May 2022 08:29:48 +0000

Komentatori i Ukrainës për Eurovision Song Contest 2022 bëri transmetimin në një bunker ndërsa gjysmëfinalja e parë e festivalit po zhvillohej në mes të pushtimit rus. Timur Miroshnychenko ndodhej në një dhomë nëntokësore ndërsa përfaqësuesit e 17 vendeve u ngjitën në skenën e festivalit në Torino.

Miroshnychenko ka qenë komentator i Ukrainës që nga viti 2007, me përjashtim kur ai organizoi konkursin në vitin 2017, kur u zhvillua në Kiev. Përfaqësuesit e Ukrainës shihen si ndër pretendentët kryesorë për të fituar dhe ishin ndër të parët që kaluan në finale pasi performancë energjike me këngën “Stefania”.

Në fotografitë e postuara në rrjete sociale, shihet Miroshnychenko nga bunkeri, ulur pranë një tavoline të vogël të rrethuar nga një aparat fotografik, drita, dhe një sërë kabllosh.

The post Brenda bunkerit, kështu u transmetua Eurovisioni në Ukrainë (FOTO LAJM) appeared first on Albeu.com.