Mesfushori nga Prekazi, në një intervistë për “Panorama Sport”, ka folur për të shkuarën e tij, Kombëtaren, Europianin e 2016 si edhe ndeshjen e ardhshme kundër Serbisë.

Ditët e sotme, shumë lojtarë e mbyllin karrierën ne moshë me të re, ndërsa ju vazhdoni edhe pse 39 vjeç. Cili është sekreti i Mehës?

Sekreti është se unë edhe në shtëpinë time, bëj ushtrime edhe me ekipin e mbaj veten në gjendje të mirë gjithmonë. Nuk i kam ndalur kurrë ushtrimet sepse e dua futbollin me zemër dhe ky është sekreti, të kesh dashuri për futbollin.

Cili është pengu që keni nga Kombëtarja?

Pengu më i madh që kam nga Kombëtarja, është mungesa në Europian. E kisha ëndërr Europianin e Francës, që të isha aty, por trajneri De Biazi më bëri padrejtësi atë kohë.

A mendon se mund të përsëriten skenat e 11 viteve më parë?

Serbisë nuk duhet që t’i besohet asnjëherë dhe besoj se futbollistët tonë, do ta kenë shumë të vështirë të luajnë atje. Gjithsesi, unë dua që t’iu uroj shumë suksese dhe të na bëjnë krenarë me një fitore.

The post Nuk mund t’i besohet Serbisë/ Ish-futbollisti i Kombëtares: Peng Europianin, padrejtësi nga De Biazi appeared first on Albeu.com.

Deri në dhjetë skuadra të ndryshme kanë arritur të ngrenë së paku nga një herë trofeun më të rëndësishëm në nivel kontinental, por ka shumë nga lojtarët që konsiderohen më të mirë në botë që nuk kanë arritur të fitojnë Kampionatin Evropian me kombëtaret e tyre.

Lojtarë që kanë shënuar epoka me ekipet e tyre, edhe pse janë përpjekur për të fituar këtë trofe, nuk ia kanë arritur.

Raul Gonzalez (Spanjë)

Kapiteni i Kombëtares së Spanjës luajti në dy Kampionate Evropiane me La Rojan. E para prej tyre në vitin 2000, në Belgjikë dhe Holandë., ndërsa së dyti në Euro 2004, të mbajtur në Portugali.

Gianluigi Buffon (Itali)

Buffon konsiderohet si një nga portierët më të mirë në historinë e futbollit. Karriera dhe historia e tij e mbështesin këtë. Italiani ka luajtur në katër Kampionate Evropiane dhe pesë Kupa Bote, duke arritur të fitojë në vitin 2006.

Megjithatë, në Kampionate Evropiane rezultati ka qenë shumë i ndryshëm, duke u shpallur nënkampionë në vitin 2012 që ishte arritja më e madhe.

Luis Figo (Portugali)

Portugezi luajti tre kampionate evropiane dhe dy botërore me ekipin portugez, por në asnjë nga këto kampionate Portugalia nuk e fitoi titullin kampion. Figo luajti në Euro 1996, Euro 2000 dhe Euro 2004, Në këtë të fundit ishte më afër, por humbi në finale ndaj Greqisë.

Steven Gerrard (Angli)

Legjenda e futbollit anglez ka luajtur në dy Kampionate Evropiane. Në të parën, në Euro 2000, ndërsa në të dytën në Euro 2004. Edhe pse kishte skuadra shumë të forta, ai nuk arriti të prek trofeun.

Zlatan Ibrahimovic (Suedi)

Ibrahimovic ka arritjen e pjesëmarrjes në dy Kupa Bote dhe katër Kampionatet Evropiane me skuadrën suedeze. Ai luajti në Euro 2004, Euro 2028, Euro 2012 dhe Euro 2016. Ai nuk arriti ta fitojë asnjëherë.

Francesco Totti (Itali)

Totti ka luajtur në dy Kampionate Evropiane dhe dy Kupa Bote me skuadrën italiane, por ashtu si Buffon, edhe ai ishte në prag të fitimit të një titulli, por nuk e ka fituar kurrë. Në Euro 2000, ‘Azurët’ arritën në finale, por humbën nga Franca 2-1. Mesfushori italian luajti pesë ndeshje dhe shënoi dy gola. Ai luajti edhe në Euro 2004, por Italia u eliminua në grupe.

Johan Cruyff (Holandë)

Ylli holandez ka luajtur vetëm në një Kampionat Evropian gjatë gjithë karrierës së tij. Ishte në Euro 1976 të mbajtur në Jugosllavi, ku morën pjesë vetëm katër ekipe: Gjermania Perëndimore, Çekosllovakia, Holanda dhe Jugosllavia. Në ndeshjen e gjysmëfinales humbën 3-1 nga Çekosllovakia dhe në ndeshjen që vendosi vendin e tretë dhe të katërt mundi Jugosllavinë 3-2.

David Beckham (Angli)

Legjenda e futbollit anglez ka luajtur në dy Kampionate Evropiane. Në Euro 2000 dhe Euro 2004. Në të parin u eliminua në fazën e grupeve, ndërsa në të dytin u eliminuan kundër Portugalisë me penallti në çerekfinale. Anglezi Beckham nuk shënoi asnjë gol.

Michael Ballack (Gjermani)

‘Kajzeri i vogël’ ka luajtur në tre Kampionate Evropiane. Në vitin Euro 2000, Euro 2004 dhe Euro 208. Gjermania u eliminua në fazën e grupeve në dy të part.

Në Euro 2008 të mbajtur në Austri dhe Zvicër, Gjermania arriti në finale dhe Ballack shënoi dy gola në këtë garë. Gjermanët nuk mundën të mposhtin Spanjën në finale.

Paolo Maldini (Itali)

Maldini është një ikonë në futbollin italian. Me ‘Azzurët’ ka luajtur 126 ndeshje në të cilat ka qenë kapiten në 74 prej tyre. Nën drejtimin e mbrojtjes italiane, ai luajti në tre Kampionate Evropiane dhe katër Kampionate Botërore. Ai luajti në Euro 1988, Euro 1992, Euro 1996 dhe Euro 200. AI arrit një gjysmëfinale dhe një finale.

Në Euro 2000, Italia arriti në finale, por Franca doli kampione pasi fitoi 2-1.

Frank Lampard (Angli)

Frank Lampard me Anglinë ka luajtur në Euro 2004 dh Euro 2012. Mesfushori anglez shënoi dy gola në fazën e grupeve në Euro 2004, kundër Francës dhe Kroacisë, por Anglia në çerekfinale u eliminuan nga Portugalia.

Në Euro 2012 të mbajtur në Poloni dhe Ukrainë, po ashtu Anglia u eliminua në çerekfinale, kësaj radhe nga Italia.

Pavel Nedved (Republika Çeke)

Nedved, fitues i Topit të Artë në 2003, luajti në tre Kampionate Evropiane. Euro 1996, Euro 2000 dhe Euro 2004, ishin garat e çekut magjik.

Në Euro 1996, Çeki arriti deri në finale ku humbën ndaj Gjermanisë me rezultat 2-1. Në 2004, Çekia shkoi deri në gjysmëfinale ku humbën 1-0 nga Greqia, e cila në fund doli të ishte fituese. /Telegrafi/

The post Legjendat e futbollit që nuk kanë fituar asnjëherë Kampionatin Europian, 12 emra të mëdhenj të futbollit pa trofe appeared first on Albeu.com.

Së fundmi partnerja e futbollistit të famshëm, Mauro Icardi, ka publikuar një video në rrjetet sociale ku njofton se së shpejti do të publikojë këngën e re.

Ajo shfaqet komplet e zhveshur vetëm me një palë çizme deri te gjuri teksa shkruan:

“Këtë këngë e regjistruam vitin e shkuar duke menduar për këtë verë ku luhet Europiani dhe titullohet “IBIZA””.

View this post on Instagram

A post shared by Wanda Nara (@wanda_nara)

The post VIDEO/ Vetëm me çizme, bashkëshortja e futbollistit të famshëm zhvishet për… appeared first on Albeu.com.

Më pas, një fazë aplikimi për bileta kushtuar mbështetësve të ekipeve kombëtare pjesëmarrëse u hap deri më 12 dhjetor dhe tifozët treguan kërkesa të mëdh për të qenë pjesë e turneut final të vitit të ardhshëm në dhjetë qytete pritëse gjermane nga 14 qershori deri më 14 korrik.

Çdo kombëtare pjesëmarrëse mori 10,000 bileta për tifozët e tyre për çdo ndeshje dhe disa kombëtare kanë shitur me sukses të gjitha alokimet e tyre të biletave direkt në klubet e tyre të tifozëve dhe në përputhje me parimet e tyre të përcaktuara të shitjes.

Biletat e mbetura do të ndahen si pjesë e shortit të zhvilluar nga UEFA.

Faza e aplikimit të biletave për tifozët e kombëtareve pjesëmarrëse në numra:

Në total, më shumë se 30 milionë aplikime për bileta u pranuan nga 206 vende midis 2 dhe 12 dhjetorit.Krahasuar me fazën e parë të aplikimit për publikun e gjerë, ku 35% e biletave kërkoheshin nga tifozë jashtë Gjermanisë, gjatë kësaj faze aplikimi ky numër u rrit në 59%.Përveç tifozëve të Gjermanisë, më shumë bileta kërkuan edhe tifozët që mbështesin Turqinë, Hungarinë, Anglinë, Shqipërinë dhe Kroacinë.Biletat për vendet kryesore që u ofruan për herë të parë kanë pasur një kërkesë të madhe nga tifozët që dëshirojnë të shikojnë një ndeshje nga vendet e vendosura në qendër brenda kategorisë 1.
UEFA ka njoftuar se do të mbahet shorti ku kërkesa ka tejkaluar numrin e biletave të disponueshme. Tifozët do të informohen deri në fund të janarit 2024 nëse kërkesa e tyre për biletë në këtë fazë aplikimi ishte e suksesshme. /KlanKosova/

The post 30 milionë kërkesa për bileta për Europianin në Gjermani, shqiptarët ndër kombëtaret dominuese appeared first on Albeu.com.

Interesi për të ndjekur Kombëtaren por dhe ndeshjet e tjera të Europianit natyrshëm që është i madh, por kjo ka një kosto të lartë. Udhëtimi drejt qyteteve gjermane duket tepër i shtrenjtë, ku vetëm vajtja kushton mbi 300 euro dhe kthimi rreth 200 euro, me një total prej 500 euro në dy drejtime.

Shtrenjtimi i biletave duket se është i lidhur me kërkesën e lartë për të udhëtuar drejt Gjermanisë për ndeshjet e Europianit, pasi është specifik vetëm për qytetet ku do të zhvillohen ndeshjet apo ato afër tyre (më pas mund të udhëtohet me tren në destinacionin e kërkuar), për të udhëtuar psh drejt Italisë në qershor është shumë më lirë, me bileta vajtje-ardhje që mund ti gjesh edhe me 50 euro.

Psh, për të shkuar në Dortmund në datën 14 qershor, një ditë përpara se të zhvillohet ndeshja e parë e Kombëtares me Italinë, bileta në vajtje kushton 309 EURO dhe për kthimin në datën 16 është 254 euro. Në total bileta kushton mbi 500 euro.

Në të njëjtat data, për të shkuar në Milano, psh, bileta vajtje kushtojnë nga 30 euro dhe në kthim gjen edhe me 24 euro.

Dortmundi mbetet i shtrenjtë përgjatë gjithë qershorit, ndonëse pak më i lirë se në ditën e ndeshjes, por sërish çmimet nuk zbresin nën 300 euro vajtje-ardhje.

Në 18 qershor, Kombëtarja ka ndeshjen e dytë të fazës së grupeve me Kroacinë, që do të zhvillohet në Hamburg. Vajtja në 17 qershor kushton 255 euro dhe kthimi në 19 qershor është rreth 190 euro. Ndërsa në 30 qershor, psh vajtja për në Hamburg kushton 550 euro.

Për ndeshjen e 24 qershorit, “Shqipëri- Spanjë” në Dusseldorf, nuk ka linjë direkte drejt këtij qyteti. Dy alternativat më të afërta janë Dortmundi, vajtja drejt të cilit në 23 qershor kushton 230 euro dhe kthimi në 25 kushton deri në 254 euro.

Biletat janë shtrenjtuar dhe në shtete që janë afër Gjermanisë dhe janë të arritshme me tren. Psh, në 14 qershor, një ditë përpara ndeshjes me Italinë vajtja nga Tirana në Einthoven (që është një orë e 50 minuta me tren deri në nga Dusseldorf) është 205 euro. Në fillim të muajit biletat drejt Einthoven luhaten mes 30-60 euro një drejtim. E njëjta tendencë edhe për biletat drejt Brukselit, që është rreth 3 orë larg me tren.

Vitet e fundit biletat e avionëve janë ulur ndjeshëm si rrjedhojë e hyrjes së operatorëve low cost, por për pikun e sezonit si në gusht apo në dhjetor, biletat gjithmonë kërcejnë, duke arritur rekordin për ndeshjet e Europianit.

Aktorët e tregut pohojnë se një nga arsyet e rritjes së çmimeve lidhet edhe me faktin se agjencitë e udhëtimeve kanë parablerë shumë bileta për periudhën e kampionatit, duke i paraprirë kërkesës së lartë që do të ketë për bileta në muajin e europianit. /Monitor

The post “Ankthi” i Europianit, biletat nga Shqipëria në qytetet gjermane në qershor-korrik i kalojnë 300 euro një drejtim appeared first on Albeu.com.

Franca dhe Anglia shihen si skuadrat favorite për të triumfuar me koeficient 4. Më pas vjen vendi organizator, Gjermania me koeficientin 6, Spanja me 7 dhe Portugalia me 9.

Shqipëria në fakt, në shumë kompani bastesh është e vështirë që ta gjesh. Por sipas njërës prej tyre që e ka listuar, “Squaëka”, kuqezinjtë kanë koeficientin 200 për një triumf të mundshëm në “Euro 2024”, që duket në kufijtë e të pamundurës.

Për momentin jemi skuadra me koeficientin më të lart, teksa më mirë se ne është Sllovenia me koeficientin 150.

Megjithatë, kurrë mos thuaj kurrë!

The post Shqipëria fiton europianin në Gjermani? Sa kuotohet në kompanitë e basteve appeared first on Albeu.com.

Rumania triumfoi 1-0 por vendasit për të disatën herë u mbështetën nga ultrasit ekstremistë me thirrjet e vazhdueshme kundër Kosovës duke krijuar një atmosferë surreale që shumë mirë mund të ishte mbyllur në minutën e 17 kur lojtarët iu drejtuan dhomave të zhveshjes dhe më pas u rikthyen të detyruar për të vazhduar ndeshjen.

Asnjë minutë pushim në “Nacional Arena” ku në pjesën e parë Rashica rrezikoi vendasit e madje në të dytën ishte Muriqi që para se të ndëshkohej me të verdhin e dytë, shpërdoroi një rast të pastër.

Në minutën e 62, Stanciu në krahun tjetër u ndal nga portieri i dardanëve që gjithsesi nuk arriti të bënte asgjë në minutën e 83 kur i njëjti autor e ndali topin në rrjetë, ndërsa një gol tjetër Rumania e shënoi në shtesë.

Kosova mbetet në vendin e 5 me 4 pikë dhe 8 më pak nga zona Euro 2024 pasi Rumania rikthehet në vendin e dytë me 12 pikë.

The post Kore raciste, banderola fyese, ndërprerje ndeshjeje dhe i kuq! Dardanët “bien” në Rumani dhe humbin shpresat për në Europian appeared first on Albeu.com.

Pas triumfit kundër kombëtares së “Tre Luanëve”, Mancini deklaroi: “Ishte një mbrëmje e rëndësishme dhe kjo fitore na jep qetësi edhe për shortin e Europianit, duke qenë se do të jemi kokë grupi. Mposhtëm Anglinë, që është një nga kombëtaret më të forta në botë.

“3-5-2? E kam thënë gjithnjë që sistemi nuk ka shumë rëndësi, ajo që vlen është sjellja e lojtarëve në fushë, të qenurit agresivë si dhe të qëndruarit lart në fushë.

Kemi ende vështirësi, pasi jemi një skuadër e re. Gjithsesi është një fitore e rëndësishme, në një moment të vështirë për ne”, u shpreh trajneri i Italisë kampione Europe, Roberto Mancini.

The post Mancini: Mposhtëm një nga kombëtaret më të forta, moduli s’ka rëndësi appeared first on Albeu.com.

The post Benzema ftohet për Euro 2020? appeared first on Albeu.com.