Për herë të parë disa fermerë të kësaj kulture bujqësore kanë vendosur të bashkohen duke krijuar një kooperativë.

Vetë fermerët shprehen optimist për këtë nismë të vonuar sipas tyre.

Rezultatet e grupimit të këtyre fermerëve pritet të nxisin krijimin e kooperativave edhe të fermerëve që kultivojnë kultura të tjera bujqësore, ndërsa nevojiten përmirësime të tjera ligjore si dhe certifikimi i markave për produktet bujqësore shqiptare.

The post Synojnë tregun evropian, fermerët e luleshtrydheve në Fier krijojnë kooperativën e tyre appeared first on Albeu.com.

Tri ndeshje për kuqezinjtë do të jenë më 15 qershor ndaj Italisë në Dortmund, më 19 qershor ndaj Kroacisë në Hamburg dhe takimi i tretë kundër Spanjës më 24 në Dyseldorf.

Të gjithë tifozët që kanë aplikuar për një biletë në fillim të muajit dhjetor, do të marrin përgjigje në fundin e janarit. Siç thuhet në faqen zyrtare të UEFA-s, shorti do të hidhet në ditët e fundit të janarit dhe në datë 31 do të shpallen edhe ata që kanë fituar bileta.

Me një aplikim të vetëm, një tifoz mund të siguronte deri në 4 bileta, të ndara në tri ndeshjet e ekipit të tij. Nga Shqipëria, Turqia dhe Kroacia kishte më shumë aplikime për bileta, ashtu siç është raportuar nga zyrtarët e UEFA-s.

The post Keni aplikuar për bileta të Kampionatit Europian? Ja kur shpallen fituesit! appeared first on Albeu.com.

Ai tregon si ka pritur thirjen e parë nga trajneri Silvinjo, tregoi emocionet dhe parashikimet e tij për grupin e “ferrit” të kuqezinjve në EURO 2024 në Gjermani, si dhe ku parashikon ta mbyllë karrierën si futbollist.

“Ftesa kur erdhi isha në Kore dhe dy ditë para normal nga gëzimi edhe qan e bën të pamundurën për çdo gjë, sepse po të plotësohet ëndrra që nga fëmijëria që e ke pasur pë Kombëtaren e Shqipërisë. Është një emocion i paparë, sepse të vjen koha që ti të luash për atë fanellë shumë të rëndë, shumë emocion që të jep dhe me ato tifozë anembanë botës që vijnë e të mbështesin. Sidomos në “Air Albania”, që kanë qenë ato tre ndeshjet më të vështira, me Poloninë, Moldavinë dhe Çekinë që kemi fituar. Nuk mund ta përshkruash me fjalë, e paparë”, u shpreh ylli i Kombëtares Shqiptare, Jasir Asani.

I pyetur për grupin e shumëdiskutuar të njohur ndryshe si grupi i “ferrit” ku është Italia, Kroacia dhe Spanja, Asani duket mjaft optimist dhe me entuziazëm thotë se të gjithë ekipeve do t`u bëj gol. Ai gjithashtu shpreson se do të arrijnë të kalojnë grupin.

“Doja një grup shumë të fortë, si kjo që kemi, në mënyrë që ta shohim veten ku jemi dhe t’i tregojmë gjithë botës sepse nuk jemi rastësisht në Gjermani. Nuk ka qenë rastësi që kemi mundur Poloninë, Çekinë, Moldavinë. Është mirë që e mbyllëm në vend të pare dhe unë mendoj se do bëjmë gjëra të mëdha pa marrë parasysh se çfarë ekipi do të kemi aty”, tha Asani.

Rrëfimi i babait

Për të arritur aty ku është sot Asani ka hasur në shumë vështirësi. Babai Asanit rrëfen se të qenit futbollist Shqiptarë në Maqedoni nuk ka qenë aspak e lehtë për të.

“Ka pasur edhe sakrifica se ishte i vetmi shqiptarë aty që luante atje (Vardari) dhe kishte disa mosmarrëveshje. Nuk bën kështu! Nuk bën ashtu! Natyrisht ishte kohë e vështirë. Të tregosh se je shqiptarë ishte shumë keq, shumë e rënd”, u shpreh babai i Jasir Asanit.

Jasir Asani pohon se karrierën e tij dëshiron ta përfundoj duke u rikthyer sërish te Partizani, pasi sipas tij atje është familja e tij e dytë. /panoramasport/

The post Premtimi i Asanit: U shënoj të gjitha ekipeve në grupin e “ferrit” në Europian, karrierën e mbyll te familja e dytë appeared first on Albeu.com.

Të gjithë të interesuarit për t’u pajisur me bileta për ndeshjet e vitit të ardhshëm në Gjermani, mund të hyjnë në faqen zyrtare të UEFA.com, duke përdorur linkun përkatës (https://www.uefa.com/euro2024/ticketing/).

Federata Shqiptare e Futbollit nënvizon se nuk shet asnjë biletë për tifozët e Kombëtares, por biletat për ndeshjet e Kombëtares apo ndeshjet e tjera të finaleve të Europianit do të shiten vetëm online në faqen e UEFA-s, në linkun e lartpërmendur.

Tifozëve u kërkohet që të krijojnë një llogari në faqen zyrtare të UEFA-s dhe të aplikojnë për bileta për ndeshjet e preferuara të Kombëtares shqiptare. Regjistrimi nis në datën 4 deri më 12 dhjetor 2023, pasi Kombëtarja shqiptare të njohë kundërshtarët në grup dhe stadiumet ku do të luajë. Në momentin që regjistroheni, ju duhet të identifikoheni si tifoz i Kombëtares shqiptare, duke zgjedhur ndeshjet e Shqipërisë (flamur shqiptar).

Gjithashtu, ju duhet të përcaktoni edhe numrin e biletave që doni të keni në dispozicion. Me një llogari, ju mund të blini deri në 4 bileta për një ndeshje. Nëse kërkesat dhe aplikimet tejkalojnë disponueshmërinë e biletave që i jepet si kuotë tifozëve shqiptarë, UEFA do të hedhë një short për të gjithë personat që kanë aplikuar si tifozë të Shqipërisë. Fituesit do të njoftohen me e-mail për të paguar biletat e tyre në janar të vitit 2024.

Pasi të kryeni pagesën, ju do të merrni edhe konfirmimin që pagesa është kryer dhe bileta do të vijë në format elektronik vetëm në aplikacionin e UEFA-s (UEFA Mobile Tickets), që duhet ta keni të instaluar në telefonin tuaj. UEFA bën me dije se biletat nuk do të shpërndahen tani, por gjatë muajve në vazhdim. Kur biletat të jenë të disponueshme brenda aplikacionit, ju do të informoheni me e-mail. Ky e-mail do të përmbajë gjithashtu edhe një shpjegim të shkurtër të se si funksionon aplikacioni.

Shorti i turneut final të UEFA EURO 2024 hidhet të shtunën, më 2 dhjetor në Gjermani dhe Shqipëria do të njohë grupin dhe kundërshtarët e saj në këtë kompeticion. Kombëtarja shqiptare është e pozicionuar në vazon e dytë të UEFA-s, pas rezultateve fantastike në këtë fushatë eliminatore dhe renditjes në vendin e parë në grupin E me 15 pikë.

The post Doni të ndiqni kombëtaren në kampionatin europian, si mund të siguroni një biletë për në stadiumet gjermane appeared first on Albeu.com.

“Samiti Digjital i Ballkanit Perëndimor padyshim që drejtoi një fazë cilësore të re në bashkëpunimin rajonal për digjitalizimin. Ai mishëron parimet e bashkëpunimit, përfshirjes, vendosjes së rezultateve midis qeverive të 6 vendeve të BP, partnerëve rajonalë dhe ndërkombëtarë – dhe gjithashtu bazohet në kontributin e fortë nga industria. Katër vjet më parë në samitin e dytë Digjital të BP-së ne filluam procesin e uljes së tarifave të roaming mes vendeve të BP-së dhe BE-BP, me nënshkrimin e Marrëveshjes Rajonale të Roaming-ut, e cila ishte parakusht për atë me BE-në. Si rezultat, dy vite më vonë, në vitin 2021, në rajonin tonë roaming u bë pa pagesë në të gjithë vendet e BP-së. E duke nisur nga kjo javë, hyri në fuqi edhe ulja e tarifave të roamingut të të dhënave mes BE-BP, bazuar në Deklaratën e nënshkruar ndërmjet Operatorëve të BE-së dhe BP-së vitin e kaluar në Samitin BE-BP në Tiranë”, tha në ceremoninë e hapjes Sekretarja e Përgjithshme e RCC-së, Majlinda Bregu.

Pjesëmarrësit e Samitit mirëpritën reduktimet e tarifave të roaming-ut BE-BP dhe vlerësuan rolin e RCC-së në këtë proces.

Samiti u hap nga Borjana Kristo, Kryetare e Këshillit të Ministrave të Bosnjë-Hercegovinës. Përveç Sekretares së Përgjithshme të RCC, në ceremoninë e hapjes ishin të pranishëm edhe Edin Forto, Ministër i Komunikacioneve dhe Transportit të Bosnjës dhe Hercegovinës, Oliver Varhelyi, Komisioner për Fqinjësinë dhe Zgjerimin, Roberto Viola, Drejtor i Përgjithshëm i DG Connect, Stefan Schnorr, Sekretar i Shtetit në Ministrinë Federale për Digital and Transport (Berlin), Steliana Nedera, Byroja Rajonale e PNUD-it për Evropën dhe CIS, Drejtoreshë e Qendrës Rajonale të Stambollit dhe Doreen Bogdan-Martin, Sekretare e Përgjithshme e Unionit Ndërkombëtar të Telekomunikacionit (ITU).

“Tani është koha që ne duhet të synojmë më fort për lidhje të përshpejtuar digjitale dhe aksesueshmëri në rajon. Duke synuar të gjithë së bashku ta trasformojmë Ballkanin Perëndimor në mënyrë digjitale, gjithëpërfshirëse – ne po qëndisim me delikatesë fijet e ndërlikuara, në pëlhurën e evropianizimit të rajonit tonë. Është një rrugë drejt një të ardhmeje më të lidhur, më të aksesueshme dhe më të përballueshme për të gjithë, të cilën ne në RCC po e përshkruajmë me një përkushtim të jashtëzakonshëm. Roli ynë gjithëpërfshirës përmes mbledhjes së informacionit, lehtësimit dhe “shfrytëzimit” të kapaciteteve të ekspertëve, do të mbetet mbështetje kyçe në rrugëtimin sfidues të digjitalizimit!” përfundoi Bregu.

Më tej, gjatë ditës, Sekretarja e Përgjithshme Bregu moderoi panelin me temë “Roli transformues i digjitalizimit – Vizioni dhe ambicia e përbashkët e rajonit të Ballkanit Perëndimor” me panelistët: Edin Forto, Ministër i Komunikacioneve dhe Transportit të Bosnjë-Hercegovinës, Enkelejda Mucaj, Zëvendësministre në Ministrinë e Infrastrukturës dhe Energjisë në Shqipëri, Getoar Mjeku, zëvendësministër i Ministrisë së Ekonomisë nga Prishtina, Dritan Dauti, shef i Kabinetit të Ministrit të Shoqërisë Informative dhe Administratës së Shkupit dhe Milan Dobrijeviq, Sekretar shtetëror serb në Ministrinë e Informacionit dhe Telekomunikacionit nga Beogradi.

The post Bregu: Digjitalizimi europianizim i Ballkanit appeared first on Albeu.com.

Gjatë fjalës së tij në konferencën e përbashkët me presidentin Bajram Begaj, ai është shprehur se ajo që është me rëndësi të theksohet është rrugëtimi i Shqipërisë dhe i të gjithë rajonit në Bashkimin Evropian.

“Bota përreth ka ndryshuar dhe është në ndryshim. Vendi juaj ka arritur shumë dhe ka marrë hapa të rëndësishëm në integrimin evropian. Qoftë në rrugën e drejtësisë ose në politikën e BE-së. Ju nxis që të vijoni në këtë rrugëtim, dhe theksoj se Estonia është një mbështetëse e madhe për integrimin e Shqipërisë dhe të vendeve të Ballkanit Perëndimor dhe është e gatshme që të ndajë reformat kryesore. Reformat janë kryesore për zhvillimin e vendit, integrimi në BE i jep mundësi për zhvillim rajonal brenda vendit.

Kjo do të ndihmojë që të ndalë dhe të kthejë tharjen e trurit tek të rinjtë, edhe ne në estoni kemi pasur të njëjtin problem, përpos luftës në Ukrainë procesi i zgjerimit është rritur edhe më tej, por në bazë qëndrojnë kriteret shtetërore”, ka thënë presidenti i Estonisë.

Ndër të tjera ai ka theksuar se në këtë takim me Begaj, ka diskutuar edhe në lidhje me agresionin rus në Ukrainë, ku sipas tij është e rëndësishme që të rritet akoma më shumë vëmendja e ndërkombëtarëve në këtë vend.

The post Presidenti i Estonisë: Shqipëria ka bërë hapa të rëndësishëm në integrimin europian appeared first on Albeu.com.

Kjo për shkak të përfshirjes së Benzema në formacionin titullar të transalpinëve. Këtë mendim ka edhe Raymond Domenech, trajneri me të cilin Franca doli nënkampione e botës më 2006.

“Franca humbi në Europianin e kësaj vere sepse luajti kundër natyrës së vet, për shkak të pranisë së Benzema në majën e sulmit. Ky ekip di të mbrojë, të mbajë topin, të durojë dhe të luajë kundërsulmin, kjo është filozofia e Francës, ADN-ja e saj.

Është e vërtetë që ne kemi potencial sulmues me djem si Mbappé, Griezmann dhe Benzema, por le të mos e llastojmë veten. Benzema te Real Madridi e merr topin pranë portës kundërshtare. Karim është i aftë të luajë në atë regjistër, për të qenë një pikë mbështetëse, për të mbajtur topin. Edhe për Kylian te PSG, ky sistem loje është baza e tij”, – shpjegoi Domenech në RTBF, televizioni publik belg.

Domenech njeh cilësinë e Benzema dhe beson se Franca mund të bëhet një skuadër e madhe me të, por konsideron se Deschamps nuk kishte kohë të punonte me sulmuesin madrilen para “Euro 2020”. Sipas mendimit të tij, mund të kishte qenë ndryshe nëse trajneri do ta kishte thirrur atë gjatë kualifikueseve:

“Në Kampionatin Evropian kishte një hendek midis filozofisë së thellë të ekipit dhe pritshmërive të rritura nga kthimi i Karim. Papritmas u transformua ekipi. Ne menduam se ishim si belgët, besuam se do të sulmonim dhe bënim lojëra të bukura.

Edhe shtypi bëri presion për të, duke thënë: Më në fund do të luajmë bukur. Ne dolëm kundër natyrës sonë dhe morëm një shuplakë shumë të madhe. Nëse Karim do të ishte kthyer gjatë ndeshjeve kualifikuese dhe Didier Deschamps ta kishte ndryshuar gradualisht stilin e lojës për shkak të tij, ndoshta do të kishte rezultuar një sukses”.

Franca, kampionët aktualë të botës, do të kenë një mundësi të re për të matur potencialin e tyre në fazën finale të Ligës së Kombeve, ku do të përballen sonte me Belgjikën (ora 20:45) në Torino, në gjysmëfinale.

The post “Franca dështoi në Europian për shkak të Benzema-së” (FOTO LAJM) appeared first on Albeu.com.

Asokohe shpërtheu lufta në ish-Jugosllavi. UEFA nuk mund t’i lejonte serbët të merrnin pjesë si kombëtare në atë Europian, kështu që i takoi Danimarkës (e dyta në grup) që të thirrej në fazën finale. Danezët e panë veten si Davidi kundër Goliath. Ditët e Europianit kalojnë, ndeshjet vendimtare vijnë, ndërsa Danimarka vazhdon udhëtimin befasues, falë një “saraçineske” si Peter Schmeichel.

Është 26 qershori 1992. Danimarka e gjen veten duke luajtur finalen kundër Gjermanisë. Jensen kalon nordikët në avantazh qysh në minutën e 18-të. Gjermanët mundohen shumë, por nuk mund të bënin asgjë kundër murit Schmeichel. Saktësisht, 12 minuta deri në përfundimin e finales, “Zoti i Futbollit” zbriti në fushë. Topin e merr Vilfort, driblon, godet fort, shtyllë dhe rrjetë, shkruan telesport.

Duket si film, por është realitet. Kim Vilfort është personazhi kryesor. Ai që alternoi magjinë e konkurrencës me trishtimin e jetës së tij private, teksa i dhimbte zemra nga dhimbja e vajzës së sëmurë me leucemi dhe pas çdo ndeshjeje, shkonte në shtëpi për t’u kujdesur për të. Kim shënoi për 2-0 dhe ia dorëzoi trofeun Danimarkës.

Skuadra që kishte nisur pushimet e verës, e cila u mblodh me urgjencë për të zëvendësuar ish-Jugosllavinë në “Euro 1992”, fitoi trofeun e lakmuar. Duket si përrallë, por ky është futbolli. Ky është futbolli, kjo është historia më e bukur, që vlen të kujtohet para startit të Europianit të kësaj vere.

The post Nga plazhi te triumfi në Europian, historia e pabesueshme e Danimarkës në vitin 1992 (FOTO+VIDEO) appeared first on Albeu.com.

Penalltitë janë të rralla në futboll por janë ato që në shumë raste zgjidhin një ndeshje futbolli, shkruan Albeu.com.

Kur kanë mbetur edhe pak ditë nga fillimi i Euro 2020, ju do të shikoni penalltitë më të mirë në këtë kompenticon.

Çeku Panenka, realizoi një gol të rrallë në finale kundër Gjermanisë Perëndimore në 1976.
Për më shumë shijoni më poshtë disa penallti. /albeu.com/

The post Nga Panenka te Totti, rishikoni penalltitë më të mira ndër vite në Europian (VIDEO) appeared first on Albeu.com.