Ai bëri të ditur se këtë të shtunë vendi mbetet nën ndikimin e valëve të të nxehtit. Në qarqet e Elbasanit dhe Beratit temperaturat arrijnë në 41°C, ndërsa në Shkodër dhe Gjirokastër termometri shënon 40°C. Juglindja paraqitet si zona më e freskët.

Edhe të nesërmen, në qytetet e zonës së ulët priten temperatura nga 40 deri në 41°C. Ndryshimi do të ndihet vetëm në orët e para të mëngjesit, kur vlerat do të zbresin në 18°C, por i gjithë 24-orëshi do të karakterizohet nga moti i nxehtë. Në disa pjesë të zonave lindore mund të ketë herë pas here momente të pakta me shi.

Sipas Osmanit, gjatë javës së ardhshme temperaturat do të luhaten mes 39 dhe 41°C. Në pjesën dërrmuese të territorit moti do të jetë i qëndrueshëm, ndërsa në zona të izoluara parashikohen reshje shiu dhe vranësira të herëpashershme.

Vlerat më të larta do të regjistrohen në orët e mesditës. Meteorologu theksoi se gushti do të karakterizohet nga temperatura shumë më të larta se normalet.

The post Vala e të nxehtit çon termometrin në 41°C, Osmani zbulon zonat me temperaturat më të larta appeared first on Albeu.com.

Ajo shpjegoi se këto ditë patëm një ndërprerje të motit tipik veror, shoqëruar me rrebeshe shiu dhe shtrëngata, që sollën një zbritje të vlerave termike gjatë fundjavës. Sipas saj, këto temperatura i përkasin një normaliteti të dikurshëm, kur rreth tre dekada më parë, si në Shqipëri ashtu edhe në pjesën më të madhe të Europës dhe Mesdheut, maksimalet rrallë i tejkalonin 30 deri në 31 gradë.

Duke iu referuar projeksioneve afatgjata dhe sezonale, Xhakollari theksoi se muaji gusht pritet të karakterizohet nga një i nxehtë i fortë, ku merkuri mund të ngjitet deri në 40 gradë Celsius, sidomos në dhjetëditëshin e parë të tij.

“Të dhënat tona tregojnë se na pret një gusht me temperatura të larta, të cilat do të prekin vlerën e 40 gradëve. Të paktën në 10-ditëshin fillestar, kjo valë e të nxehtit do të jetë më e zgjatur”, deklaroi ajo.

The post Meteorologia paralajmëron: Pas reshjeve, gushti sjell valë të nxehti deri në 40 gradë appeared first on Albeu.com.

Sipas tij, dita e sotme karakterizohet nga mot i qëndrueshëm dhe intervale të gjata me diell në të gjithë vendin, me kthjellimet më të theksuara përgjatë vijës bregdetare.

Për temperaturat, ai theksoi se vlerat më të larta sot pritet të regjistrohen pranë 36°C në qarkun e Elbasanit dhe Beratit. Deri në 35°C priten maksimumet në Tiranë, Shkodër dhe Gjirokastër, ndërsa në bregdet gjatë mesditës temperaturat do të lëvizin nga 31 deri shumë pranë 34°C.

Zona më e freskët e territorit shqiptar mbetet juglindja, ku temperaturat do të variojnë nga 28 deri në 30°C. Osmani sqaroi se kjo fundjavë sjell temperatura më të pranueshme, pasi ndonëse sot maksimumi arrin 36°C, të dielën pritet një ulje e lehtë dhe temperaturat maksimale në rang territori do të jenë rreth 34 apo 35°C.

I pyetur nga gazetarja Alba Xhani për ecurinë e motit gjatë javës tjetër, Osmani u shpreh se java që vjen do të dominohet nga kushte të qëndrueshme atmosferike, të shoqëruara me kalime të lehta vranësirash.

Ai bëri të ditur se e hëna do të nisë me mot të qëndrueshëm, intervale të gjata kthjellimesh dhe vranësira të pakta, situatë që do të vijojë deri në mesditë. Më pas, në pjesën e dytë të ditës, parashikohet shtim i vranësirave në gjysmën lindore të territorit, duke përfshirë zonat verilindore, juglindore dhe pjesërisht qendrën.

Sipas tij, lagështira e lartë në orët e pasdites do të krijojë mundësi për rrebeshe të izoluara shiu, të cilat pritet të jenë më të dukshme në veri dhe verilindje, konkretisht në qarkun e Bajram Currit, Pukës dhe Kukësit, ku reshjet do të jenë disi më prezente.

Edhe dita e martë, tha Osmani, do të nisë me intervale të gjata me diell gjatë orëve të mëngjesit, por më pas, në pjesën e dytë të ditës, priten vranësira dhe reshje të pakta shiu. Këto reshje do të jenë kryesisht lokale dhe më të dukshme në zonat jugore dhe juglindore, ndërsa pjesa tjetër e vendit, sidomos vija bregdetare, do të mbetet e mbrojtur gjatë gjithë 24-orëshit.

Përsa i përket temperaturave të ajrit, të paktën deri të mërkurën maksimumet në rang territori do të luhaten rreth 34-35°C në qytetet e zonës së ulët.

Pas të mërkurës, sipas meteorologut, temperaturat do të nisin sërish rritjen. E enjtja dhe e premtja pritet të sjellin maksimume mbi 36°C në të gjithë territorin.

Ai shtoi se rritje do të ketë edhe në temperaturat minimale të mëngjesit. Në qytetet e zonave malore, gjatë mesjavës minimumet do të ngjiten në 14-15°C, ndërsa në pjesën e dytë të javës do të regjistrohen rreth 17°C. Ndërkohë, në ultësirën perëndimore, orët e para të mëngjesit në pjesën e dytë të javës do të sjellin minimale nga 19 e shumë pranë vlerave 26°C, duke bërë që temperaturat e larta të ndihen sërish në vendin tonë.

The post Parashikimi i motit për fundjavën dhe javën e ardhshme, kthjellime dhe temperatura të larta në vend appeared first on Albeu.com.