Eurodeputetja irlandeze Lynn Boylan dhe franko-palestinezja Rima Hassan, që të dyja i përkasin grupit të Majtë dhe kanë qenë kritikë ndaj politikës izraelite, u kthyen në aeroportin Ben Gurion pranë Tel Avivit menjëherë pas uljes.

Boylan, e cila kryeson delegacionin BE-Palestinë të Parlamentit Evropian, e quajti incidentin “të turpshëm”,.

“Kjo përbuzje e plotë nga Izraeli është rezultat i dështimit të komunitetit ndërkombëtar për t’i mbajtur ata përgjegjës”, tha ajo.

Zyra e Ministrit të Brendshëm izraelit Moshe Arbel njoftoi në një deklaratë se Hassan do të bllokohej nga hyrja në Izrael, për shkak të mbështetjes së saj për bojkotimin e vendit. Nuk u dha asnjë arsye për refuzimin e hyrjes së Boylan.

“Hassan, e cila pritet të zbarkojë në Brukseli sot, vazhdimisht punon për të promovuar bojkot kundër Izraelit, përveç deklaratave të shumta publike si në mediat sociale ashtu edhe në intervistat në media,” tha zyra e Arbelit.

Hassan dhe Boylan, të cilat po udhëtonin në Izrael për t’u takuar me zyrtarë të Autoritetit Palestinez, i kanë bërë thirrje BE-së të pezullojë marrëveshjen e saj të asocimit me Izraelin për luftën në Gaza.

Të dy eurodeputetet kanë kritikuar Izraelin për veprimet në Rripin e Gazës të pushtuar. Sulmi brutal ushtarak i Izraelit në Gaza, i cili pasoi një sulm terrorist vdekjeprurës nga grupi i armatosur Hamas më 7 tetor 2023, ka vrarë të paktën 48,000 njerëz, me shumë të tjerë të zhdukur dhe të supozuar të vdekur.

The post Dy eurodeputete mbërrijnë në Izrael, autoritetet u ndalojnë hyrjen appeared first on Albeu.com.

Pasi u prit nga familjarët në dalje të burgut, Beleri iu drejtua aeroportit të Rinasit, me një makinë të ambasadës greke.

Më pas Beleri udhëtoi drejt Athinës, ku u takua dhe me kryeministrin grek, Mitsotakis dhe më pas u nis drejt Strasburgut.

Kujtojmë se Drejtori i Burgjeve miratoi kërkesën 5-ditore për Belerin, në mënyrë që ai të kryejë betimin si deputet i PE.

Sipas njoftimit, leja e Belerit do të niste dje (15 korrik) dhe do t’i përfundojë më 20 korrik, kur do të duhet të vijojë dënimin në burgun e Fierit.

Drejtoria e Burgjeve, ka kërkuar nga Beleri informacion të plotë, duke përfshirë garancinë e udhëtimit, dorëzimin e biletës vajtje-ardhje, akomodimin dhe rregullimin e hotelit.

Nëse do të qëndrojë më shumë se sa e lejon leja, për shkak të zhvillimeve atje, do të duhet të informojë zyrtarisht të gjitha institucionet përkatëse, përfshirë edhe autoritetet lokale.

Beleri është dënuar nga Apeli i GJKKO-së me 2 vjet heqje lirie me akuzën e korrupsionit zgjedhor, pasi u arrestua nga policia dy ditë para zgjedhjeve të 14 majit 2023.

Që nga çasti i prangosjes e në vijimësi, Beleri ka kundërshtuar akuzat që prokuroria ka ngritur ndaj tij, duke e konsideruar këtë një proces politik dhe ka apeluar vendimin.

Por edhe Gjykata e Posaçme e Apelit ka vendosur ta lërë në qeli.

Në javën e parë të qershorit, Beleri u zgjodh deputet i Parlamentit Europian me rreth 237 mijë vota, duke u renditur i katërti në listën me 7 fitues që garuan nën siglën e partisë në pushtet në Greqi, “Demokracia e Re”.

The post Fredi Beleri betohet sot si eurodeputet në Parlamentin Europian appeared first on Albeu.com.

Tashmë që dënimi ka marrë formë të prerë dhe Beleri ka kryer më shumë se 5/6  e masës së dënimit të caktuar nuk ka ndonjë pengesë ligjore për ta marrë lejen për të qenë që në sesionin parlamentar që zhvillohet në Strasburg, Francë në datat 15-20 Korrik 2024.

Ndërkohë Komisioni i lejeve në Drejtorinë e Përgjithshme të Burgjeve do të mblidhet sot për procedurat dhe për modalitetet e sigurisë të udhëtimit.

Report Tv ka siguruar edhe shkresën që Beleri i ka drejtuar Drejtorisë së Burgjeve për të marrë leje 7 ditore.

Bazuar në nenin 72 të ligjit nr. 81/2020 “Për të drejtat dhe trajtimin e të dënuarve me burgim dhe të paraburgosurve”, kërkuesi plotëson kushtet për të përfituar leje shpërblyese deri në 20 ditë në vit, të drejtë të cilën nuk e ka ushtruar asnjëherë.

Gjithashtu si anëtar i Parlamentit Europian, i gjykuari Dhionisios Alfred Beleri është njoftuar nga Parlamenti Europian se duhet të jetë i pranishëm në Sesionin që zhvillohet në Strasburg, Francë në datat 15-20 Korrik 2024.

“Kërkuesi ka kryer më shumë se 5/6 e masës së dënimit të caktuar, sipas nenit 72/2 të ligjit nr. 81/2020, plotëson kushtet e nenit 72/1 të ligjit nr. 81/2020, nuk ka marrë asnjëherë leje shpërblyese, dhe duke qënë se bazuar në këtë nen, Ju, me cilësine e drejtuesit të Institucionit të Ekzekutimit të Vendimeve Penale, keni kompetencën e shqyrtimit, Ju drejtohet me kërkesë për dhënien e Lejes Shperblyese, me kohëzgjatje deri në 7 ditë, me qëllim që të kryejë angazhimet e detyrueshme të tij me cilësine e Anëtarit të Parlamentit Europian, të marrjes pjesë në Asamblenë e Parlamentit Europian në Strasburg Francë nga datat 15-20 korrik 2020″ thuhet në kërkesën e Fredi Belerit.

Në kërkesën e tij Beleri thotë se aktualisht i kanë mbetur pa kryer 3 muaj e 14 ditë nga masa e dënimit të caktuar, pra ka kryer më shumë se 5/6  e masës së dënimit të caktuar. Gjithashtu thuhet se ka zbatuar rregulloren e brendshme të institucionit, ka qenë i motivuar për të marrë pjesë në në programet rehabilituese si dhe ka kërkuar të kryejë punë sipas kushteve të IEVP-së.

Mediat greke shkruajnë se Beleri do të fluturojë të hënën në mëngjes (15 korrik) për në Athinë dhe më pas do të shkojë në Strasburg, për të marrë detyrën si deputet i Parlamentit Evropian gjatë seancës hapëse plenare që do të mbahet më 16 korrik.

Më 10 qershor Fredi Beleri, u zgjodh si  eurodeputet në Greqi, ku mori 237 mijë vota dhe ishte eurodeputeti i katërt më i votuar në shtetin helen, ndërsa po i katërti rezulton edhe në listën e 7 deputetëve të dalë nga lista e partisë së kryeministrit Mitsotakis, Demokracia e Re.

Fredi Beleri u arrestua në ambientet e një lokali në Himarë, vetëm 2 ditë para zgjedhjeve lokale të 14 majit 2023, pasi u kap në flagrancë bashkë më bashkëpunëtorin e tij Pandeli Kokaveshi duke blerë vota. Më 5 mars 2024 GJKKO vendosi dënimin e tij me 2 vite burg. Vuajtja e dënimit ka filluar më 12 maj 2023, diten kur u arrestua.

Beleri u shpall kandidat fitues i zgjedhjeve në Himarë por nuk mundi të bëjë betimin dhe të marrë detyrën, pasi autoritetet gjyqësore nuk i dhanë leje pasi procesi gjyqësor ende nuk kishte përfunduar.

The post Fredi Beleri merr sot lejen për të shkuar në Strasburg, do të betohet si eurodeputet! S’ka pengesa ligjore appeared first on Albeu.com.

Sipas mediave greke, Mitsotakis e ka përgëzuar Belerin për fitoren. Nesër pritet që Mitsotakis të zhvillojë një takim në orën 10:00 me eurodeputetët e rinj të Demokracisë së Re, në Megaros Maximos.

Fredi Beleri, i dënuar nga GJKKO për blerje votash në zgjedhjet vendore të 14 majit 2023, është zgjedhur nga grekët si anëtar i Parlamentit Europian. Beleri u rendit i katërti mes të votuarve si kandidat në zgjedhjet helene dhe bëhet një prej 21 eurodeputetëve grekë në PE dhe një prej 7 të zgjedhurve nga sigla e Nea Demokracia te Mitsotakis.

Vetë Beleri e ka konsideruar një triumf të demokracisë, ndërsa në Himarë ka nisur festa mes mbështetësve të tij.

Pavarësisht rritjes të së djathtës populiste, grupi i Partisë Popullore Evropiane (EPP) i qendrës së djathtë, doli i pari, siç kanë bërë në çdo zgjedhje parlamentare evropiane që nga viti 1999, me 186 ligjvënës për dhomën me 720 ulëse.

Qytetarët e Bashkimit Evropian shkuan për të votuar në 27 vendet anëtare mes 6 dhe 9 qershorit, dhe këto zgjedhje kanë ngritur debate të shumta mbi të ardhmen politike të Europës.

The post U zgjodh eurodeputet nga burgu, Mitsotakis telefonon Fredi Belerin dhe e përgëzon appeared first on Albeu.com.

Prokurorët thanë në një deklaratë se një anëtar i Parlamentit Evropian të cilin e identifikuan vetëm me inicialet M.T., por që një burim me njohuri për çështjen tha se ishte Marc Tarabella, u arrestua të premten në mëngjes.

Autoritetet belge kryen kontrolle në shtëpinë e zotit Tarabella në Anthisnes në Belgjikën lindore, në bashkinë e qytetit dhe në një kasafortë në një bankë në qytetin Liege.

Gjyqtari që mbikëqyr çështjen pritet të vendosë po të premten nëse zoti Tarabella do të përballet me akuza të mundshme, thanë prokurorët. Zoti Tarabella mohon të ketë kryer ndonjë shkelje.

Deputetja greke e Parlamentit Evropian Eva Kaili, ish-deputeti italian Pier Antonio Panzeri, si edhe dy persona të tjerë, janë në paraburgim në Belgjikë nën akuza për korrupsion dhe pastrim parash në lidhje me pagesa që dyshohet se kanë marrë nga Katari dhe Maroku.

Zoti Panzeri ka rënë dakord të bashkëpunojë me autoritetet belge në këmbim të një dënimi të reduktuar. Zonja Kaili nuk i ka pranuar akuzat. Katari dhe Maroku kanë refuzuar të kenë dhënë para.

Avokati i zotit Tarabella ka thënë se eurodeputeti kishte vizituar Katarin dy herë dhe kishte qenë plotësisht transparent në lidhje me këto udhëtime me fokus tek të drejtat e njeriut dhe të punës dhe lirinë e shprehjes.

Parlamenti Evropian javën e kaluar i hoqi imunitetin zotit Tarabella dhe italianit Andrea Cozzolino. Nëpërmjet avokatëve ata kanë mohuar të kenë kryer shkelje dhe kanë thënë se janë të gatshëm t’u përgjigjen pyetjeve të autoriteteve belge./voa

The post Ndalohet një eurodeputet tjetër në hetimin për korrupsion appeared first on Albeu.com.