Ibrahimaj tha se paratë e Eurobondit do të shpenzohen në sektorë si; shëndetësia, bujqësia, arsimi etj.

“Ku do shpenzohen parat e Eurobondit? “Eurobondi do të shkojë për të financuar nevojat e buxhetit për vitin 2021-2022, pjesa më e madhe e nevojave do të përdoret për vitin 2022. Nevoja për daljet në tregjet e huaja bëhet intensive. Ne vendosëm të dalim tani për të siguruar norma interesa më të ulëta, buxhete buxhetori do të përdoret për projektet e qeverisë që ne kemi marrë, me nevojat për mbështetjet për Shëndetësi, Bujqësia, arsimi. Do të përdoret për nevojat themelore që ka qeveria”, u shpreh Delina Ibrahimaj./albeu.com

The post Borxhi 650 milionë euro, ministrja Ibrahimaj tregon sektorët ku do të investohen appeared first on Albeu.com.

The post Finalizohet Eurobondi, Shqipëria merr 700 milion euro borxh me interes 3.75% për 10 vite appeared first on Albeu.com.

Fjala e Tabakut:

Ne kemi një rend dite për të cilën jemi njoftuar. Dhe nuk ka asnjë pikë të dytë në rendin e ditës. Kemi rënë dakord bashkërisht për një kalendar dhe sot është i ftuar Kuvernatori i Bankës së Shqipërisë për të diskutuar mbi opinionin e tij për buxhetin e vitit 2022.

Akti normativ që ju sapo përmëndët i cili është për disa ndryshime për buxhetin e vitit 2021 të ndryshuar dhe në mënyrë specifike lidhet me shtesën për Eurobondin nga 500 milion euro në 700 milion euro. Për ne së pari është mungesë profesionalizmi. Është një shkelje e rregullores së Parlamentit dhe është një mungesë serioziteti nga ana e Ministrisë së Financave.

Kur u diskutua këtu Eurobondi, në mënyrë specifike e pyetëm këtu Ministren e Financave se sa do të jetë vlera e Eurobondit.

Nga 500 deri në 700 është lojë kungulleshkash i thamë. Kanë përdorur pikërisht këto fjalë. Nga 500 deri në 700 ne nuk kemi miratuar ndonjëherë dokument. Nuk kam parë ndonjëherë përfaqësues të qeverisë shqiptare, që të vijnë dhe të thonë, do kemi Eurobond, nga kjo vlerë deri në këtë vlerë. Përcaktojeni. U përcaktua dhe miratuam një dokument. E miratoi Kuvendi, kaluam një Eurobond. Para tre ditësh e pyeta Ministren e Financave, sa është vlera e mbështetjes për sektorin e energjisë? Ministrja e Financave më tha, kemi miratuar 80 milionë euro. I thash se Kryeministri është angazhuar për 200 milion euro kredi sovrane. Ku e ke? Është i mjaftueshëm më tha, dhe po citoj fjalët e ministres. Është i mjaftueshëm dhe specialistët e sektorit kanë bërë një analizë, tha ministrja, dhe nuk duhet më shumë se kaq.

Sot pas dy ditësh na sjellin këtë dokument. Është mungesë serioziteti, mungesë profesionalizmi dhe arrogancë jashtëzakonisht e tepruar. Nuk mund të vijë një përfaqësues i shtetit këtu dhe të thotë të pavërteta përfaqëasuesve të zgjedhur me votë.

Z. Shalsi që kjo të diskutohet tani. Duhet ta lexojmë të gjithë, të përgatitemi, të shikojmë impaktin që kjo do të ketë. Të shohim përse përfaqësuesit e shtetit shqiptar erdhën këtu për një javë me rradhë dhe nuk treguan të vërtetën dhe pastaj të diskutonim me zv/kryetarin e Komisionit se kur kjo mund të përfshihet në axhendë.

Sot nuk e përfshijmë dot në axhendë. Sipas rregullores duhej të ishim njoftuar 48 orë përpara, për përfshirjen e saj në axhendë dhe ne duhej të ishim përgatitur për ta diskutuar atë.

Nuk doja që ta bëja këtë diskutim sepse sot kemi një rend tjetër dite dhe kemi ardhur të gjithë të dëgjojmë Guvernatorin.

Përsa i përket arrogancës e kam provuar vetë në kurriz, e provova dje në seancë e provoj çdo ditë në komisione, besoj pas 9 vitesh në Parlament më lejohet që ta them. Ministren e Financave e pyeta tre ditë më parë se përse garancia sovrane për sektorin e energjisë është 80 milionë euro. Ministrja e Financave tha, janë mbledhur ekspertët e sektorit dhe kanë vendosur dhe gjykuar se kaq është nevoja. Ndërkohë që ka ardhur një akt normativ në Parlament ku thotë se nuk është kaq nevoja. Ndërkohë që këtu shkruhet se ka nevojë për më shumë garanci sovrane. E pyeta dhe i thash, a jeni e sigurt sepse kryeministri tre javë më parë doli dhe deklaroi se do të jenë 200 milionë. Jam shumë e sigurt tha, eskpertët, transparenca… Për konsistencë mendimi dhe për qëndrueshmëri edhe të propozimeve nga ana e qeverisë por edhe të qëndrimeve nga ana jonë. Unë besoj se me forcën e votave ju mund ta ndryshoni rendin e ditës. Kur iu referova rregullores, iu referova faktit që i gjithë kalendari për dikutimin e buxhetit është rëndë dakord nga ju dhe zv/kryetares, akti është dorëzuar në 27.10.2021 dhe urgjenca për ta përfshirë sot në kalendar, unë nuk e shoh. Është e nevojshme që ta lexojmë me qetësi. Unë tani e mora përpara këtë akt. Është e nevojshme ta lexojmë me qetësi dhe ta dikutojmë duke mbajtur të njëjtin parim që kemi mbajtur për kalendarin e buxhetit deri më sot. Siç është diskutuar bashkërisht kalendari dhe kanë kontribuar të gjithë./albeu.com

The post Eurobondi, Tabaku: Qeveria po kërkon 200 milionë euro të tjera borxh, PD është kundër appeared first on Albeu.com.

Ministrja sqaroi se nuk është caktuar një datë fikse me qëllim që të gjendet dita më e parështatme për të marrë normën me të përshtatshme.

“Sot janë miratuar dy projektvendime, i pari ka të bëjë me vlerën e eurobondit, që pritet që të dilet në treg në fillim të nëntorit do të ketë një vlerë 700 milionë euro. Procesi është duke u ndjekur nga Ministria e Financave dhe këshilltarët.

Dalja në treg nuk është vendosur si datë me qëllim që të dalim në ditët më të përshtatshme për të marrë normën më të përshtatshme të interesit” tha ministrja. Sot Presidenti Ilir Meta dha “OK”, por me rezerva për këtë projektligj” tha Ibrahimaj./albeu.com

The post Ibrahimaj: Në fillim të nëntorit marrin 700 milion euro borxh appeared first on Albeu.com.

Meta ka dhënë pëlqimin vetëm për hyrjen në fuqi menjëherë të këtij ligji, me qëllim mos pengimin e mundësive për përdorimin e instrumentit të eurobondit sipas kushteve më të favorshme.

Gjithashtu, kreu i shtetit, u ka bërë thirrje deputetëve të shqyrtojnë me shumë vëmendje këtë nismë para miratimit të saj.

Njoftimi i Presidencës:

Presidenti i Republikës Sh.T.Z Ilir Meta në zbatim të nenit 84 të Kushtetutës, pika 4, ka miratuar kërkesën e Kuvendit të Shqipërisë për hyrjen në fuqi menjëherë të projektligjit “Për Eurobondin, që do të emetohet nga Ministri i Financave dhe Ekonomisë, miratimin e përjashtimeve nga tatimet e taksat dhe të parashikimeve për heqjen dorë nga imuniteti, në marrëveshjet që do të lidhen nga Ministri i Financave dhe Ekonomisë”.

Kjo dhënie pëlqimi bëhet e vlefshme vetëm pas miratimit të projektligjit nga Kuvendi.

Presidenti Meta ka dhënë pëlqimin vetëm për hyrjen në fuqi menjëherë të këtij ligji, me qëllim mos pengimin e mundësive për përdorimin e instrumentit të eurobondit sipas kushteve më të favorshme.

Ndërkohë, Kreu i Shtetit i bën thirrje të gjithë deputetëve të shqyrtojnë me shumë vëmendje këtë nismë para miratimit të saj, të konsiderojnë faktet, diskutojnë dhe vendosin me transparencë dhe përgjegjësi, kur kemi të bëjmë me një instrument, që jo vetëm duhet trajtuar me kujdes, por edhe duhet përdorur me efikasitet për të mirën e ekonomisë së vendit.

Presidenti Meta në vijim të qëndrimeve të Tij lidhur me nivelin e huamarrjes dhe borxhit publik, si dhe duke vlerësuar shqetësimet dhe kërkesat e ngritura nga diskutimet e deputetëve në shqyrtimin e këtij projektligji në Komisionin për Ekonominë dhe Financat, i kërkon Këshillit të Ministrave, Ministrisë së Financave dhe Ekonomisë, si dhe Komisionit përgjegjës për Ekonominë dhe Financat, që të paraqesin një raport para deputetëve dhe Seancës Plenare, në mënyrë shteruese lidhur me këto çështje:

– Arsyet përse vijohet të ndiqet praktika e administrimit të financave të vendit me vendimmarrje të kësaj natyre, urgjente;

– Sqarimet përkatëse ndaj rritjes së huamarrjes së huaj, që duhet të trajtohet me kujdes ndaj rrezikut të kursit të këmbimit (shqetësim ky që është ngritur edhe nga FMN në raportin e tij të fundit);

– Të raportohet lidhur me performancën e borxhit publik;

– Të raportohet në terma krahasimorë skenari në rastin e një huamarrje në tregun e brendshëm, në raport me përdorimin e instrumentit të eurobondit;

– Analizë të plotë të kostos dhe përfitimit të marrjes hua në tregun e brendshëm (në lekë/në euro), apo në tregun e huaj, ose një kombinim i tyre;

– Një listim të saktë të projekteve që synohet të mbulohen me këtë shumë për të cilën po tentohet të dilet në Eurobond;

– Të evidentohet në mënyrë shumë më të qartë dhe transparente qëllimi i huamarrjes dhe mënyra e përdorimit të këtij fondi në vlera kaq të larta, veçanërisht nëse huamarrja synohet të përdoret për të financuar deficitin dhe borxhin e marrë, si dhe për t`u mbajtur rezervë në Thesar për mbështetje të ardhshme buxhetore, dhe jo për t`u injektuar në mënyrë të drejtpërdrejtë për ekonominë, siç përmendet jo qartë në relacionin shpjegues;

– Të sqarohet nëse huamarrja përmes këtij eurobondi, synon të shlyejë dhe huamarrjet e eurobondeve të mëparshme;

– Vendosjen në dispozicion të të gjithë deputetëve të Kuvendit, të gjithë praktikës dokumentare të kësaj iniciative;

– Të mbahen në vëmendje rekomandimet e Bankës së Shqipërisë, e cila gjykon se emetimi i këtij Eurobondi nuk cenon politikën monetare në afatin e shkurtër, megjithatë duhet patur kujdes në periudhën afatmesme dhe afatgjatë.

Presidenti Meta përsërit thirrjen ndaj Qeverisë dhe Kuvendit, që në nisma të tilla ligjvënëse, të veprojnë në kohën e duhur, në mënyrë që t`u lihet hapësira e nevojshme të gjitha strukturave apo institucioneve për shqyrtimin dhe vlerësimin e tyre./albeu.com

The post Presidenti Meta miraton kërkesën e Kuvendit për Eurobondin appeared first on Albeu.com.