Prokuroria Speciale e Republikës së Kosovës (PSRK), dhe Policia e Kosovës, Drejtoria për Hetimin e Krimeve Ekonomike dhe Korrupsionit, ka realizuar një operacion gjatë të cilit është identifikuar një grup i cili merrej me prodhimin/shpërndarjen dhe futjen në treg të parave të falsifikuara, të cilat dyshohet se janë prodhuar në një shtet fqinj me Kosovën, dhe me pas nga grupe kriminale shpërndahshin në shtetet e rajonit.

Prokuroria Speciale njofton se në këtë operacion janë arrestuar në flagrancë gjashtë (6) persona të dyshuar, për veprat penale ‘’Falsifikimi i parasë (prodhimi dhe vënia në qarkullim) nga neni 296 i Kodit nr.08/L-074 të Kodit Penal të Republikës së Kosovës, pasi që të njëjtit kanë qenë shpërndarësit e parave të falsifikuara, konkretisht monedhave metalike dy (2) €uro të falsifikuara. Ndërkaq, tre (3) nga personat e dyshuar janë shtetas nga Maqedonia e Veriut, dhe tre (3) të tjerë shtetas të Kosovës.

Nga ky operacion janë sekuestruar thasë me nga 2 €uro metalike në vlerë prej tetëdhjetë e pesëmijë e dhjetë (85.010.00) euro, të cilat dyshohen se janë të falsifikuara. Po ashtu, janë sekuestruar katër (4) vetura të cilat janë përdorur nga personat e arrestuar dhe shtatë (7) telefona celularë.

Personat e arrestuar me aktvendim të Prokurorit të Shtetit, janë dërguar në mbajtje për 48 orë, si dhe brena afateve kohore ligjore do të bëhet kërkesë për caktimin e masës së paraburgimit.

The post Prodhonin dhe qarkullonin euro false, arrestohen 6 persona në Prishtinë appeared first on Albeu.com.

Në  kuadër të  operacionit policor “Euro post” u bë  arrestimi i shtetasit B. B., 20 vjeç, banues në Vlorë.

20-vjeçari është kapur në flagrancë në momentin që do të dërgonte me postë, një pako, brenda së cilës u gjetën 300 euro të falsifikuara. Pas verifikimeve të kryera ka rezultuar se shtetasi B. B., pasi siguronte kartëmonedha euro të falsifikuara, i reklamonte dhe i shiste ato, në rrjetet sociale.

Gjatë kontrollit fizik, shërbimet e Policisë i kanë gjetur këtij shtetasi, 950 euro të falsifikuara, të cilat u sekuestruan nga Policia, së bashku me shumën e eurove që u gjet në pako.

Materialet i kaluan Prokurorisë, për veprime të mëtejshme procedurale./Albeu.com/

The post Reklamonte dhe shiste online euro të falsifikuara, arrestohet 20-vjeçari në Tiranë appeared first on Albeu.com.

Blutë njoftojnë se në kudarë të operacionit policor “Last Sale” u vu në pranga një 21-vjeçar dhe nisi procedimi penal për 3 shtetas të mitur, pasi dyshohet se i morën me dhunë byzylykun e floririt, një shtetasi të mitur. Gjithashtu është proceduar penalisht një shtetase që bleu byzylykun e vjedhur.

Ndërsa në kuadër të operacionit policor “Last exchange”, u vu në pranga një shtetas që dyshohet se ka vjedhur sende në një banesë dhe ka blerë një aparat celular me vlerë 900 euro, me kartëmonedha euro të falsifikuara.

Gjatë operacionit policor të koduar “Last sale”, u arrestua në flagrancë shtetasi F. Ç., 21 vjeç, banues në Tiranë, si dhe nisi procedimi penal për 3 shtetas të mitur (17-vjeçarë), pasi dyshohet se në bashkëpunim me njëri-tjetrin, i kanë marrë me dhunë bylyzykun që mbante në dorë, një shtetasi të mitur.

Në vijim të veprimeve nisi procedimi penal edhe për shtetasen A. Xh., 47 vjeçe, pasi i ka blerë këtyre shtetasve byzylykun e vjedhur, me qëllim për ta shitur atë në argjendarinë e saj.

Gjatë operacionit policor të koduar “Last exchange”, u arrestua në flagrancë shtetasi B. M., 50 vjeç, banues në Tiranë. Nga veprimet hetimore dyshohet se ky shtetas ka vjedhur 1 laptop dhe sende të ndryshme, në një banesë, në rrugën “Milo Duci”.

Gjithashtu, dyshohet se me anë të mashtrimit, i ka blerë një shtetasi, një aparat celular me vlerë 900 euro, duke përdorur kartëmonedha të falsifikuara.

Materialet i kaluan Prokurorisë, për veprime të mëtejshme procedurale./Albeu.com/

The post Njëri vodhi byzylyk floriri, tjetri bleu telefon me euro false, dy të arrestuar në Tiranë appeared first on Albeu.com.

Ai shton gjithashtu si pikat e këmbimit valutor po pastrojnë gjithashtu lekët e krimit.

“Deri atehere nje thirrje kam; njerez hapni syte, ne exchange ka euro fallso, ju japin euro fallso!Per shtetin nje te vertete kam; nje pjese e exchange jane kthyer ne depozita te cash te organizatave kriminale; kriptomonedhat po perdoren per pastrimin e tyre”, shkruan Braçe ndër të tjera.

Postimi i plotë:

Njerez hapni syte: Nje det me euro fallso po mbyt! Nje sistem kriminal me  euro fallso po mbyt! Krimi ne sistem edhe me  kriptomonedha! Javen e shkuar, ne komisionin e ekonomise ne Kuvend, ishte dita e raportimit te AMF; me pas edhe dita e Bankes se Shqiperise.

Fola qarte-njeri aty thote qe une bertas dhe ai eshte ne hall te madh se i thone pse me le mua te flas, per aktivitetin e paligjshem te kriptomonedhave dhe aktivitetin kriminal te pastrimit te parave te krimit te organizuar dhe korrupsionit, permes kriptomonedhave.

Dy dite me pare, Fiks Fare ne #topchannel, pubkikoi investigimin e tij qe provon qarte jo vetem kaq sa thashe, por edhe nje xhiro maramendese te futjes ne sistem te eurove fallso; nje det i madh me euro fallso!

Kur ketu nuk degjon me kush, kur ketu institucionet BEJNE PAS me fjaline “ne kontrollojme vetem aktivitetin e licensuar; licensa nuk kemi dhene”, re flasesh e flasesh, denoncosh, kallezosh mbetet nje beteje e veshtire.

Une do vijoj ta bej pavaresisht kush shqetesohet nga ajo qe them; thjesht eshte e verteta!

Deri atehere nje thirrje kam; njerez hapni syte, ne exchange ka euro fallso, ju japin euro fallso!

Per shtetin nje te vertete kam; nje pjese e exchange jane kthyer ne depozita te cash te organizatave kriminale; kriptomonedhat po perdoren per pastrimin e tyre!

The post Erion Braçe bën apel: Njerëz hapni sytë, në axchange po japin euro fallso appeared first on Albeu.com.

Ky shtetas ka tentuar të korruptojë punonjësit e Policisë Kufitare në PKK Port Durrës, për të kaluar kufirin me dokumente italiane të dyshuara të falsifikuara.

Gjatë kontrollit fizik, këtij shtetasi i është gjetur një armë e ftohtë (biçak), e cila u sekuestrua në cilësinë e provës materiale, së bashku me kartëmonedhën euro dhe dokumentet false.

Njoftimi i policisë:

Vijojnë kontrollet në pikat e kalimit kufitar në të gjithë vendin, për parandalimin, evidentimin dhe goditjen e paligjshmërisë.

Si rezultat, në PKK Port Durrës dhe në PKK Rinas janë goditur 2 raste të tentativës për të korruptuar punonjësit e Policisë, me qëllim kalimin e kufirit në mënyrë të paligjshme.

Arrestohet në flagrancë 1 shtetas, procedohet penalisht 1 tjetër.

Të arrestuarit në PKK Durrës, shërbimet e Policisë i kanë gjetur dhe sekuestruar dhe një armë të ftohtë .

Si rezultat i kontrolleve, për kapjen dhe vënien para përgjegjësisë ligjore të personave që tentojnë të kalojnë kufirin me dokumente false apo duke mbajtur me vete sende të jashtëligjshme, në PKK Port Durrës, shërbimet e Policisë Kufitare, arrestuan në flagrancë, për veprat penale “Falsifikimi i dokumenteve”, “Falsifikimi i letërnjoftimeve, i pasaportave ose i vizave”, “Korrupsioni aktiv i personave që ushtrojnë funksione publike” dhe “Prodhimi, mbajtja, blerja apo shitja pa leje e armëve të ftohta”, shtetasin A. E., 45 vjeç, lindur në Egjypt dhe banues në Itali.

Ky shtetas ka tentuar të korruptojë punonjësit e Policisë Kufitare në PKK Port Durrës, për të kaluar kufirin me dokumente italiane të dyshuara të falsifikuara. Gjatë kontrollit fizik, këtij shtetasi i është gjetur një armë e ftohtë (biçak), e cila u sekuestrua në cilësinë e provës materiale, së bashku me kartëmonedhën euro dhe dokumentet false./albeu.com

The post Në pranga 45-vjeçari nga Egjipti, tentoi të korruptonte policin kufitar me thikë në brez appeared first on Albeu.com.

Gjithashtu është sekuestruar edhe lëndë plasëse tritol.

Ndërkohë është vënë në pranga autori i dyshuar Mark Cumraku, 35 vjeç, banues në fshatin Rrilë, Lezhë.

NJOFTIMI

Finalizohet operacioni policor i koduar “Seria”.

Operacioni nga Seksioni për Hetimin e Krimit Ekonomik dhe Financiar në DVP Shkodër, për goditjen e veprimtarisë kriminale në fushën e falsifikimit të kartëmonedhave.

Gjatë operacionit sekuestrohen kartëmonedha euro dhe lekë të dyshuara të falsifikuara. Gjithashtu sekuestrohet dhe lëndë plasëse tritol. Vihet në pranga autori i dyshuar.

Në vijim të punës për goditjen e veprimtarisë kriminale në fushën e falsifikimit të kartëmonedhave, si rezultat i një hetimi disamujor, u organizua dhe u finalizua me sukses operacioni policor i koduar “Seria”. Si rezultat i këtij operacioni u arrestua në flagrancë shtetasi:

Mark Cumraku, 35 vjeç, banues në fshatin Rrilë, Lezhë.

Gjatë kontrollit të ushtruar në automjetin tip “Benz”, me të cilin po qarkullonte ky shtetas, u gjetën dhe u sekuestruan në cilësinë e provës materiale 2.600 euro dhe 71.000 lekë të rinj të dyshuar të falsifikuar, si dhe një sasi lekësh të pafalsifikuar.

Gjithashtu, nga kontrolli i ushtruar në dyqanin që ky shtetas kishte marrë me qira, u gjet dhe u sekuestrua një sasi lënde plasëse tritol.

Materialet hetimore i kaluan Prokurorisë pranë Gjykatës së Shkallës Parë Shkodër, për veprat penale “Falsifikimi i monedhave” dhe “Mbajtja pa leje e lëndëve plasëse”.

The post Euro false në makinë dhe tritol në dyqan, në pranga 35 vjeçari nga Lezha appeared first on Albeu.com.