Fillimisht u dyshua për vetëvrasje, por hetimi nuk ka mbaruar ende pasi Prokuroria e Tiranës ka nisur një hetim penal ndaj ekspertëve që përpiluan aktet balistike të pistoletës, me të cilën biznesmeni 37-vjeçar Eugert Lazaj u vetëvra.

Kjo pasi ekspertët kanë dalë në konkluzione tërësisht të kundërta. Në njërin akt, thuhet se plumbi është qitur nga pistoleta e sekuestruar pranë trupit të pajetë të pronarit të kompleksit “Adorions”, ndërsa në tjetrin që nuk ishte shtënë nga e njëjta armë.

Për këtë shkak, prokurorët të cilët hetuan rastin kanë dyshime se njëri nga aktet është falsifikuar, ndaj hapën një çështje penale për të përcaktuar arsyet. /albeu.com/

The post Akoma mister, aktet e ekspertizës ngrenë sërish dyshimet për vdekjen e biznesmenit Lazaj appeared first on Albeu.com.

Prokuroria e Tiranës ka nisur hetim penal për ekspertët që kanë bërë akt-eskpertimin e armës së krimit që u gjet në dorën e biznesmenit 37-vjeçar, Eugert Lazaj.

Ky i fundit u gjet pa jetë mëngjesin e 30 Korrikut në një vilë luksoze në periferi të kryeqytetit. Ngjarja fillimisht u dyshua si vetëvrasje dhe për pasojë hetimet u pushuan, por së fundmi në duart e grupit të hetimit kanë mbërritur dy akt-ekspertime të pistoletës që u gjet në vendin e ngjarjes.

Disa pretendojnë se gëzhoja që u gjet në tokë, pranë të ndjerit, nuk ka dalë nga arma që ai mban në dorë. Ndërsa të tjerë pretendojnë se gjithçka është në përputhje të plotë dhe se 37-vjeçari ka vrarë veten.

Sipas “Klan”, Prokuroria ka ngritur dyshime se ekspertët kanë firmosur akt-ekspertime të rreme, përfundim që sjell në dy versione: paaftësinë apo fshehje të mundshme të një krimi. Vetëm pas marrjes në pyetje të tyre do të provohet nëse ata kanë dalë në ato përfundime me vullnet të lirë. Grupi hetimor mund të marrë edhe ekspert të pavarur për të arritur në një përfundim definitiv lidhur me çështjen.

The post Vrasje apo vetëvrasje? Ekspertët e Eugert Lazajt “fshehën” të vërtetën? appeared first on Albeu.com.