Shqipëria nesër do të përballet me San Marinon në kuadrin e Ligës së Kombeve, në kategorinë C. Ndeshja do të zhvillohet në stadiumin “Air Albania” në Tiranë. Pas konferencës me median, ku morën pjesë trajneri Rolando Maran dhe sulmuesi Rey Manaj, ekipi u nënshtua stërvitjes.

Në një video të Newsport.al shihet kur portieri i Kombëtores, Etrit Berisha, provon të demonstrojë se ka klasë duke luajtur me topin në këmbë. Megjithatë, tentativa nuk doli ashtu siç ai dëshironte dhe e bëri momentin të qesharak, ndërsa lojtarët e ekipit nuk mundën ta mbanin veten serioze.

Berisha nuk do të jetë i disponueshëm për ndeshjen kundër San Marinos, pas gabimit dhe kartës së kuqe në përballjen me Finlandën, të cilën Shqipëria e humbi me rezultatin 1–2.

The post Etrit Berisha vazhdon me gabime, ndërsa lojtarët e Kombëtores së Shqipërisë nuk e mbajnë dot të qeshurën appeared first on Albeu.com.