Kurti theksoi se Kosova qëndron në solidaritet me Estoninë gjatë kësaj situate.

“Lajmi i sotëm për shkeljen e hapësirës ajrore të Estonisë nga Rusia është shumë shqetësues. Kosova solidarizohet me Estoninë gjatë kësaj kohe”, shkroi Kurti në X.

Estonia akuzoi Rusinë për shkeljen e hapësirës së saj ajrore pas hyrjes pa leje të tre avionëve luftarakë MiG-31 në qiellin e vendit baltik.

Ministria e Jashtme e Estonisë njoftoi se incidenti ndodhi në zonën e Ishullit Vaindloo të premten në mëngjes, me avionët që qëndruan në hapësirën ajrore estoneze për gati 12 minuta, raportoi agjencia kombëtare e lajmeve ERR.

Sipas zyrtarëve, avionët nuk kishin plane fluturimi, pajisjet identifikuese ishin të fikura dhe nuk kryen radiokomunikim me shërbimet e trafikut ajror estonez gjatë shkeljes.

Autoritetet estoneze e dënuan ashpër incidentin, duke e cilësuar atë si një shkelje “të paparë brutale” të sovranitetit të vendit.

The post Kosova solidarizohet me Estoninë, Kurti: Shkelja e hapësirës ajrore nga Rusia, shumë shqetësuese appeared first on Albeu.com.

Ai u prit me një ceremoni shtetërore në pallatin presidencial në Talin nga homologu estonez, Alar Karis.

Presidenti i Republikës, shprehu besimin se kjo vizitë do të rrisë bashkëpunimin në fusha me interes të ndërsjellë, ndërsa njoftoi hapjen e një linje direkte me Tiranës e Talinit.

“Linja direkte shkurton distancën, rrit shkëmbimet ekonomike, turizmin dhe afron më shumë dy popujt”, tha ai.

Veç mundësive për rritjen e turizmit, Begaj, theksoi se ka ende hapësira për rritjen e investimeve estoneze në Shqipëri, si në energji, bujqësi, në fushën e teknologjisë së informacionit dhe në atë kibernetike.

The post Bajram Begaj vizitë në Estoni: Linjë direkte Talin-Tiranë! Ndihmon turizmin, rritje e bashkëpunimit appeared first on Albeu.com.

Shefi i diplomacisë shqiptare Igli Hasani e ritheksoi këtë qëndrim në konferencën ndërkombëtare “Lennart Meri” që u mbajt ne Estoni, ku pjesëmarrës përmes teknologjisë ishte edhe Ministri i Punëve të Jashtme të Ukrainës, Dmytro Kuleba.

Gjatë qëndrimit 24 orësh në kryeqytetin e Estonise, Ministri Hasani u prit nga kryeministrja Kallas, homologu i tij estonez si dhe drejtues të Komitetit për Politikën e Jashtme te cileve u shprehu mirënjohjen për mbështetjen e vazhdueshme ne rrugëtimin e Shqipërise drejt BE.

The post “NATO, sot më e fortë”, Hasani në Estoni: Shqipëria qëndrim të palëkundur në mbrojtje të Ukrainës appeared first on Albeu.com.

Gjithashtu pati dhe një takim me homologun Margus Tsahkna dhe kryetarin e Komitetit të Politikës së Jashtme në Parlamentin e Estonisë, Marko Mihkelson.

Përmes një postimi në rrjetet sociale, Hasani shkruan se u diskutuan zhvillimet aktual në Ballkanin Perëndimor si dhe në rajonin e Balltikut, aty ku kërcënimi rus është mjaft i ndjeshëm këto kohë.

Me interes në takim u diskutua për forcimin e bashkëpunimit të vendeve anëtare të NATO-s si dhe aleatëve të saj.

Hasani shpreh mirënjohjen për mbështetjen e Estonisë ndaj Shqipërisë në rrugëtimin e saj drejt BE-së.

The post Ministri Hasani në Estoni, takohet me kryeministren Kaja Kallas: Diskutime për forcimin e marrëdhënieve dypalëshe appeared first on Albeu.com.

Ministri i Jashtëm i Estonisë, Margus Tsahkna, tha se situata në kufirin e Finlandës, e cila është përballur me një valë të madhe emigrantësh pa dokumente në javët e fundit, është “një sulm flagrant hibrid nga Rusia”, shkruan REL.

Sipas Ministrisë së Jashtme të Estonisë, Tsahkna theksoi se shteti baltik “është i gatshëm ta mbyllë kufirin me Rusinë dhe ta mbrojë veten kundër çfarëdo sulmi hibrid”.

Estonia, ish-republikë sovjetike, është tani një përkrahëse e madhe e Ukrainës në luftën e saj kundër pushtuesit rus.

“Kjo është një dëshmi tjetër se Rusia nuk po e lufton vetëm Ukrainë, por ajo përbën kërcënim ndaj vendeve të tjera me sulmet e saj hibride”, tha Tsahkna, duke iu referuar situatës në Finlandë, gjatë takimit të ministrave baltikë dhe nordikë në Bruksel.

The post Estonia e gatshme të mbyllë kufirin me Rusinë appeared first on Albeu.com.

Gasgrid tha se shkaku i rrjedhjes ende është i paqartë, por aktualisht furnizimet me gaz janë të qëndrueshme.

“Nuk dua të spekuloj për shkakun e rrjedhjes”, tha për Reuters zyrtari i Gasgridit, Janne Gronlund.

Ai tha se gazsjellësi është izoluar me qëllim që të parandalohet humbja e mëtejme e gazit.

Tubacioni Balticconnector, i gjatë 77 kilometra, midis Inko në Finlandë deri në Paldiski në Estoni përshkon Gjirin e Finlandës që gjendet në Detin Baltik dhe shtrihet në lindje në ujërat ruse dhe përfundon në portin e Shën Petersburgut.

Më 2022, gazsjellësi Rrjedha Veriore, që kalon nën Baltik dhe lidh Rusinë me Gjermaninë, u dëmtua nga shpërthimet. Autoritetet thanë se shpërthimet janë shkaktuar nga akte të qëllimshme të sabotimit.

Në kohën kur u vërejt rënia e presionit, gazsjellësi – që transporton gaz në të dyja anët varësisht nga kërkesa – ishte duke transportuar rreth 30 gigavat orë gaz në ditë nga Finlanda në Estoni..

Autoritetet në Estoni tha se do të furnizohen me gaz në Letoninë fqinje.

The post Mbyllet tubacioni i gazit mes Finlandës dhe Estonisë appeared first on Albeu.com.

Paketa e re përfshin predha për elementë artilerie me kalibër 155 milimetra, sipas Ministrisë së Mbrojtjes në Talin.

Ky është kontributi i Estonisë në projektin e BE-së për të furnizuar Ukrainën me 1 milion predha për artilerinë e saj.

Estonia do të dërgojë gjithashtu pajisje për për të parë natën dhe municione për armatimin personal të ushtarëve./Albeu.com/

The post Estonia prezanton paketën e re të ndihmës ushtarake për Ukrainën appeared first on Albeu.com.

Kryeministrja e Estonisë, Kaja Kallas, shkroi të martën në Twitter se “të vizitosh Evropën është një privilegj, jo një e drejtë njerëzore” dhe se “tani është koha për t’i dhënë fund turizmit nga Rusia”.

Një ditë më parë, homologia e saj në Finlandë, Sanna Marin, i tha transmetuesit finlandez YLE se “nuk është e drejtë që në kohën kur Rusia po zhvillon një luftë agresive dhe brutale në Evropë, rusët të mund të jetojnë një jetë normale, të udhëtojnë në Evropë, të jenë turistë”.

Estonia dhe Finlanda kufizohen me Rusinë dhe janë anëtarë të Bashkimit Evropian, që ndaloi udhëtimin ajror nga Rusia, pasi pushtoi Ukrainën. Por rusët ende mund të udhëtojnë në rrugë tokësore në të dy vendet dhe më pas të fluturojnë për në destinacione të tjera evropiane.

Transmetuesi finlandez, YLE, raportoi javën e kaluar se kompanitë ruse kanë filluar të ofrojnë udhëtime me makinë nga Shën Petersburgu për në aeroportet e Helsinkit dhe Lapenrantas në Finlandë, të cilat kanë lidhje direkte me disa vende në Evropë.

Qyteti i dytë më i madh i Rusisë është rreth 300 kilometra (186 milje) nga kryeqyteti finlandez.

Vizat e lëshuara nga Finlanda janë të vlefshme në pjesën më të madhe të zonës së udhëtimit të Evropës, e njohur si “zona Shengen”, e cila përbëhet nga 26 vende: 22 vende të BE-së dhe Islanda, Lihtenshtajni, Norvegjia dhe Zvicra.

Normalisht, njerëzit dhe mallrat lëvizin lirshëm ndërmjet këtyre vendeve pa kontrolle kufitare. Nëntëmbëdhjetë vende të tjera jashtë kësaj zone udhëtimi lejojnë të huajt që përdorin vizë Shengen.

Disa vende të BE-së nuk u japin më viza rusëve, përfshirë Letoninë, e cila e mori vendimin këtë muaj për shkak të luftës.

Vizat turistike për rusët pritet të diskutohen në një takim jozyrtar të ministrave të jashtëm të BE-së më 31 gusht, raportoi YLE.

Zëdhënësi i Kremlinit, Dmitry Peskov, tha të martën se shpreson që “arsyeja e shëndoshë” do të mbizotërojë përfundimisht në vendet evropiane që po bëjnë thirrje për të ndaluar rusët të udhëtojnë në BE.

Peskovi tha se propozimet për një ndalim të tillë zakonisht vijnë nga vende që Moska i ka konsideruar tashmë “armiqësore”.

“Unë mendoj se me kalimin e kohës, arsyeja e shëndoshë do të shfaqet disi dhe ata që kanë bërë deklarata të tilla do të vijnë në vete,” tha Peskov.

Presidenti ukrainas, Volodymyr Zelensky, ka dhënë gjithashtu një propozim kundër turizmit rus në një intervistë për The Washington Post të botuar të martën. Ai tha se “sanksionet më të rëndësishme janë mbyllja e kufijve” për udhëtarët rusë, “sepse rusët po ia marrin tokën dikujt tjetër”.

Rusët duhet “të jetojnë në botën e tyre derisa të ndryshojnë filozofinë e tyre”, tha Zelensky, duke shtuar se kufizime të tilla duhet të vlejnë për të gjithë rusët, madje edhe ata që u larguan nga vendi dhe kundërshtojnë luftën.

Kjo deklaratë është në kundërshtim me atë që tha Zelensky në mars, një muaj pasi Rusia dërgoi trupa në Ukrainë, kur ai u kërkoi rusëve të largoheshin nga vendi për të shmangur financimin e luftës me taksat e tyre.

I pyetur në lidhje me komentet e Zelenskyt në Washington Post, zëdhënësi i Kremlinit tha se kjo është “deklaratë … që flet vetë”, të cilën Moska e sheh si “jashtëzakonisht negative”./REL

The post Estonia dhe Finlanda duan që Evropa t’u japë fund vizave turistike për rusët appeared first on Albeu.com.

Reja kishte zgjedhur t’u japë mundësinë lojtarëve që ishin aktivizuar pak ose aspak në dy ndeshjet e Ligës së Kombeve, por dhe ata nuk dhanë shumë.

Në pjesën e parë kuqezinjtë patën iniciativën, por nuk arritën të konkretizojnë në raste, teksa mundësinë e vetme për shënim e pati në kokë Giacomo Vrioni, që gjuajti keq dhe dërgoi topin mbi kuadrat.

Në 45-minutëshin e dytë Reja hodhi në fushë edhe emra si Uzuni e Broja, për t’i dhënë një tjetër ritëm lojës së skuadrës, por pavarësisht disa rasteve të krijuara, rezultati mbeti i pandryshuar.

Kjo ishte sfida e fundit e Shqipërisë për këtë sezon, teksa kuqezinjtë do të rikthehen në fushë më 24 dhe 27 shtator, për ndeshjet e Ligës së Kombeve ndaj Izraelit dhe Islandës.

The post Kombëtarja zhgënjen sërish, nuk shkon më shumë se barazimi pa gola appeared first on Albeu.com.

Rastet nuk munguan, ku për t’u përmendur është ai i minutës së 33-të.

Pas një krosimi të Çekiçit në zonë, Vrioni kërcen mbi të gjithë dhe gjuan me kokë, por e dërgon topin mbi traun e portës mike.

The post Shqipëri-Estoni, mbyllet pa gola pjesa e parë (VIDEO) appeared first on Albeu.com.