Kylian Mbappe ka përzgjedhur gjashtë futbollistë të rinj që e kanë lënë më shumë përshtypje në skenën e futbollit të sotëm, mes tyre edhe disa nga emrat më të spikatur të brezit të ri.

Lista e sulmuesit të Real Madridit kryesohet nga talenti i Barcelonës, Lamine Yamal, të cilin francezi e ka vlerësuar në mënyrë të përsëritur.

“Lamine Yamal, Estevao… Edhe Arda Guler mund të arrijë shumë larg”, u shpreh Mbappe, duke veçuar potencialin e madh të këtyre tre lojtarëve.

Mes emrave të përzgjedhur është edhe bashkëlojtari i tij te Real Madridi, Endrick. Për brazilianin, Mbappe tha se “ka potencial”.

Dy talentët e tjerë të listës janë pjesë e futbollit francez: Warren Zaire-Emery dhe Desire Doue, të dy të konsideruar ndër lojtarët më premtues të Paris Saint-Germainit.

Kështu, gjashtë emrat e përmendur nga Mbappe janë Lamine Yamal, Estevao, Arda Guler, Endrick, Warren Zaire-Emery dhe Desire Doue. Francezi beson se të gjithë ata kanë aftësinë për t’u kthyer në yje të mëdhenj të futbollit botëror.

The post Mbappe zbulon gjashtë talentët që parashikon të bëhen yje të futbollit botëror appeared first on Albeu.com.