Liverpooli ka nisur të vlerësojë alternativat për përforcimin e krahut të djathtë të sulmit në merkaton e verës 2027. Në krye të listës së klubit anglez ndodhen Rayan, Pedro Neto dhe Estevao, ndërsa prioriteti i Reds do të jetë rritja e mëtejshme e potencialit ofensiv.

Kjo lëvizje lidhet edhe me largimin e mundshëm të Cody Gakpo, si dhe me numrin e madh të sulmuesve me këmbë të majtë në skuadër, mes tyre Rio Ngumoha, Victor Munoz dhe Bradley Barcola. Për këtë arsye, trajneri Andoni Iraola i ka kërkuar drejtuesve një futbollist që preferon këmbën e djathtë, me një investim të mundshëm nga 80 deri në 100 milionë euro.

Rayan shihet si zgjedhja e parë e Iraolës. Braziliani 20-vjeçar është i lidhur me Bournemouth deri në qershor 2031 dhe trajneri bask ka punuar me të që prej mbërritjes së sulmuesit në afatin dimëror të sezonit të kaluar, kur Iraola drejtonte ekipin kuqezi. Përveçse në krah, lojtari mund të aktivizohet edhe në qendër të sulmit, çka do të përbënte një ribashkim me një futbollist të njohur për trajnerin.

Vlera e Rayan llogaritet në rreth 80 milionë euro. Në Anfield besojnë se ai do të përshtatej shpejt me futbollin e presionit të kërkuar nga Iraola, pikërisht për shkak të bashkëpunimit të mëparshëm mes tyre.

Alternativat e tjera të konsideruara nga Liverpooli janë pjesë e Chelsea. I pari është Pedro Neto, portugezi 26-vjeçar që ka kontratë me klubin londinez deri në vitin 2031. Ai po mendon largimin nga Stamford Bridge pasi nuk e ka më statusin e titullarit nën drejtimin e Xabi Alonsos, ndërsa kostoja e transferimit të tij parashikohet të jetë rreth 100 milionë euro.

Në të njëjtën situatë ndodhet edhe Estavao, sulmuesi brazilian 19-vjeçar, i cili është i lidhur me Chelsea deri në vitin 2033. Koha e kufizuar në fushë nën drejtimin e trajnerit spanjoll e ka bërë atë të shqyrtojë një largim. Për ta bindur bordin e klubit londinez, Liverpoolit do t’i duhej të paguante 100 milionë euro, ndërsa ky konsiderohet opsioni më tërheqës për shkak të talentit të madh që Estevo ka shfaqur.

Gjatë sezonit 2026-2027, skautët e Liverpoolit do të ndjekin nga afër paraqitjet e të tre sulmuesve. Klubi nga Anfield planifikon të kontaktojë përfaqësuesit e tyre në prill, me synimin për të përgatitur një ofertë zyrtare përpara rihapjes së merkatos së verës.

The post Liverpooli harton planin për verën 2027, Rayan, Pedro Neto dhe Estevao në listën e sulmuesve appeared first on Albeu.com.

Estevao Willian mund të largohet nga Chelsea gjatë merkatos së janarit nëse vazhdon të ketë hapësirë të kufizuar në formacionin e Xabi Alonsos. Anësori brazilian 19-vjeçar ndihet mirë në Londër, por këtë sezon ka luajtur vetëm 87 minuta në ndeshje zyrtare dhe shqetësohet se mund të humbasë pozicionin në një skuadër me shumë alternativa në repartin ofensiv.

Kjo situatë është krejt ndryshe nga ajo që përjetoi gjatë sezonit të tij të parë në Angli. Në edicionin 2025/26, Estevao realizoi 8 gola dhe dha 4 asistime në 36 paraqitje në të gjitha kompeticionet. Megjithatë, një dëmtim muskulor i kufizoi paraqitjet e tij në fund të sezonit dhe e la jashtë ekipit të Brazilit për Kupën e Botës.

Sezoni i ri ka nisur në mënyrë më të vështirë për të te Chelsea. Në sfidën hapëse të Ligës Premier ndaj Fulhamit, ai qëndroi në stol dhe u aktivizua vetëm për 8 minuta. Katër ditë më pas, braziliani e nisi nga minuta e parë dhe qëndroi në fushë për 79 minuta në fitoren 2-0 ndaj Luton Town në Carabao Cup.

Edhe ndeshja e radhës nuk i dha arsye për optimizëm. Edhe pse Alonso e grumbulloi për përballjen me Brighton, Estevao nuk u aktivizua në fitoren 4-3. Pas dy javëve të para të Ligës Premier, ai ka regjistruar vetëm 8 minuta në kampionat dhe nuk ka nisur asnjë ndeshje si titullar në këtë garë.

Vështirësitë e tij lidhen edhe me konkurrencën e madhe në pozicionet sulmuese. Estevao preferon të luajë në qendër, aty ku Cole Palmer dhe Morgan Rogers konsiderohen pjesë e rëndësishme e planeve të trajnerit. Në krahun e djathtë, ndërkohë, ai përballet me konkurrencën e drejtpërdrejtë të Pedro Neton.

ESPN Brazil raporton se futbollisti është i shqetësuar për mënyrën se si po ndahet koha e lojës. Deri tani nuk ka paraqitur ndonjë kërkesë zyrtare për t’u larguar nga Stamford Bridge, ndërsa synimi i tij kryesor mbetet të ketë sukses në Londër. Megjithatë, qëndrimi i tij mund të ndryshojë gjatë afatit të ardhshëm të transferimeve.

Chelsea ka një avantazh të rëndësishëm për çdo lëvizje të mundshme, falë kontratës së lojtarit. Estevao u transferua nga Palmeiras në korrik 2025 për rreth 45 milionë euro dhe ka marrëveshje me klubin anglez deri më 30 qershor 2033. Për këtë arsye, çdo largim do të mund të realizohej vetëm me miratimin e Chelseat.

Aktualisht, vlera e tij në treg përllogaritet në rreth 80 milionë euro. Kjo shifër vjen pas një sezoni debutues ku ai shfaqi disa paraqitje mbresëlënëse, përpara se të përballej me probleme dëmtimesh.

The post Estevao po shqyrton mundësinë e largimit nga Chelsea appeared first on Albeu.com.

“Blutë” kishin arritur marrëveshje personale me lojtarin e njohur me nofkën “Messinho”, megjithatë oferta prej 57 milionë euro ishte hedhur poshtë nga Palmeiras muajin e kaluar.

Sidoqoftë, “Athletic” raporton se dy klubet tashmë janë pajtuar në mënyrë verbale që ta dërgojnë brazilianin në “Stamford Bridge”, kur t’i mbushë 18 vjeç më 2025.

Chelsea do të paguajë së paku 34 milionë euro fillimisht, e pastaj 23 milionë euro që varet nga bonuset.

Nëse arrihen bonuset, atëherë kjo do të jetë shitja më e shtrenjtë për një klub brazilian duke e tejkaluar marrëveshjen e Real Madridit për Endrick, që ishte arritur më 60 milionë euro.

Chelsea gjithashtu ishte e interesuar për Endrick dhe e sheh Estevao si talent të ngjashëm, meqenëse qendërsulmuesi preferoi t’i bashkohet Real Madridit.

Estevao pritet të nënshkruajë kontratë shtatëvjeçare me Chelsean, por nuk do t’iu bashkohet deri në prillin e muajit 2025.

The post Chelsea arrin marrëveshje për talentin brazilian appeared first on Albeu.com.