Jasir Asani ka lënë sërish gjurmë me fanellën e Esteghlal në kampionatin iranian, duke gjetur rrugën e rrjetës në përballjen ndaj Paykan.

Sulmuesi i Kombëtares shqiptare ekzekutoi një penallti dhe nuk gaboi përballë portës, duke e dërguar topin në rrjetë me një goditje të fuqishme.

Me paraqitjet e tij, Asani po shndërrohet në një prej lojtarëve më të rëndësishëm të ekipit iranian.

Ky ishte realizimi i tretë i tij gjatë këtij sezoni, një sinjal pozitiv për formën që po kalon përpara grumbullimit të radhës me Kombëtaren shqiptare.

The post VIDEO/ Jasir Asani shënon nga pika e bardhë dhe realizon golin e tretë në Iran appeared first on Albeu.com.

Jasir Asani ka lënë sërish gjurmë në kampionatin iranian, duke shënuar në derbin e zjarrtë mes Esteghlal FC dhe Persepolis, që po zhvillohet aktualisht për javën e pestë të kampionatit.

Sulmuesi i Kombëtares shqiptare dërgoi topin në rrjetë në minutën e 59-të, duke rivendosur ekuilibrin në 1-1. Më herët, ishte Mohammad Mohebi ai që kishte kaluar Persepolis në avantazh në minutën e 50-të.

Për Asanin, ky përfaqëson realizimin e dytë personal në këtë edicion të ri futbollistik në Iran me fanellën e Esteghlal. Goli i tij i parë kishte ardhur në përballjen ndaj Sepahan.

The post VIDEO/ Jasir Asani protagonist sërish në Iran, ylli kuqezi shënon golin e dytë sezonal appeared first on Albeu.com.

Jasir Asani ishte vendimtar dje në suksesin 2-0 të Esteghlal-it ndaj Sepahan. Sulmuesi i Kombëtares shqiptare realizoi golin që zhbllokoi rezultatin për skuadrën e tij.

Një ditë pas kësaj paraqitjeje, 30-vjeçari shkupjan ka reaguar në rrjetet sociale. Anësori deklaron se ndihet krenar që është pjesë e Esteghlal FC, duke iu drejtuar tifozëve të klubit iranian.

“Krenar që jam pjesë e historisë. Një gol, një moment, histori përgjithmonë. Disa gola mbahen mend përgjithmonë. Le të vazhdojmë udhëtimin së bashku, familja blu”, shkruan sulmuesi.

Asani ka luajtur më herët për Partizanin në Superiore, ku konsiderohej një “idhull i kuq”. Tashmë, aventura te klubi iranian duket se e ka afruar me ngjyrën blu, e cila në Shqipëri për të ishte konsideruar “armike”.

The post Asani feston me Esteghlal-in blu, ish-idhulli i Partizanit publikon mesazh pas golit appeared first on Albeu.com.

Jasir Asani ka nisur në mënyrën më të mirë paraqitjen me Esteghlal FC në javën e tretë të kampionatit iranian, duke shënuar golin e avantazhit ndaj Sepahan.

Sulmuesi i Kombëtares shqiptare e dërgoi topin në rrjetë në minutën e 4-t, duke i dhënë skuadrës së tij epërsinë 1-0.

30-vjeçari realizoi me një goditje të bukur me këmbën e majtë nga jashtë zonës, ndërsa portieri i miqve nuk pati mundësi të reagonte.

Ky ishte goli i parë sezonal për Asanin, i cili gjatë kësaj vere rinovoi kontratën me skuadrën iraniane.

Goli i Jasir Asanit

The post VIDEO/ Jasir Asani realizon pas vetëm 4 minutash golin e parë të sezonit në Iran appeared first on Albeu.com.

Pas spekulimeve të forta që e lidhnin me Getafen në Spanjë, Jasir Asani ka vendosur të qëndrojë te Esteghlal. Klubi iranian dhe futbollisti 31-vjeçar kanë gjetur akordin për të vazhduar rrugën e përbashkët, duke i dhënë fund dilemave të momentit të fundit në merkato.

Vendimi u bë publik nga vetë lojtari, i cili zgjodhi t’u drejtohej tifozëve me një letër dhe një fotografi të mbushur me trofe. Në mesazhin e tij, Asani thekson se tani e tutje do t’i përkasë me gjithë zemër klubit më të madh në Iran dhe tifozëve të tij besnikë e të dashur. Ai shpreson që krah për krah të krijojnë momente të mëdha, të lënë kujtime të qëndrueshme dhe të gëzojnë çdo sukses që do të vijë për Esteghlalin.

Me këtë, historia e një transferimi të mundshëm në La Liga mbyllet përfundimisht, dhe fokusi i Asanit zhvendoset krejtësisht te e tashmja dhe e ardhmja me skuadrën iraniane.

The post Jasir Asani rikthehet befas në kulmin e merkatos, pak ditë pas largimit të shpejtë appeared first on Albeu.com.

Pas një periudhe të gjatë pasigurie, duket se tashmë është arritur një vendim përfundimtar. Jasir Asani do të vazhdojë të jetë lojtar i Esteghlalit, skuadrës që garon në kategorinë më të lartë të futbollit iranian.

Sipas informacioneve të siguruara nga media, anësori 31-vjeçar ka pranuar kushtet e propozuara nga klubi i tij aktual, me të cilin më parë ishte bërë e ditur se kontrata do të ndërpritej. Megjithatë, palët kanë arritur të zgjidhin mosmarrëveshjet dhe tashmë do të vijojnë bashkëpunimin.

Kujtojmë që Asani nuk ka luajtur për Esteghlalin që nga muaji shkurt, duke preferuar të kthehej në Shqipëri për t’u stërvitur individualisht dhe për të ruajtur gjendjen fizike. Gjatë kohës me ekipin iranian, ai ka shënuar 13 gola në 29 ndeshje zyrtare.

The post E ardhmja e Jasir Asanit merr një kthesë tjetër: pa Spanjë, sulmuesi vendos të qëndrojë te Esteghlali appeared first on Albeu.com.

Sulmuesi i Kombëtares shqiptare, Jasir Asani, ka mbetur pa ekip. Futbollisti dhe klubi iranian Esteghlal kanë gjetur akordin për t’i dhënë fund bashkëpunimit, duke e zgjidhur zyrtarisht kontratën mes palëve.

Shkak i kësaj ndarjeje të menjëhershme është bërë dështimi i klubit për të përmbushur detyrimet financiare të prapambetura nga sezoni i shkuar. Lajmin e konfirmoi vetë 31-vjeçari nga Shkupi, i cili ndërmori nismën për të kërkuar prishjen e marrëveshjes, çka nuk u kundërshtua fare nga ana e Esteghlalit.

Rikujtojmë se më parë pati zëra për një interesim nga ana e La Ligas spanjolle për shërbimet e tij. Ai personalisht e ka pranuar disa javë më parë se Getafe e ka pikasur, por prej atëherë nuk është shënuar asnjë hap konkret në këtë drejtim.

Vlen të theksohet se në rënien e formës së Asanit ndikoi ndjeshëm dhe konflikti në Lindjen e Mesme, i cili solli pezullimin e kampionatit iranian. Kjo situatë e shtyu lojtarin të rikthehej për njëfarë kohe në Shqipëri, duke u stërvitur edhe me Partizanin, por si pasojë ai e humbi edhe vendin e tij në përfaqësuesen kuqezi.

The post Jasir Asani bëhet lojtar i lirë, mbyll aventurën me Esteghlalin appeared first on Albeu.com.

Jasir Asani është bashkuar sërish sot me skuadrën iraniane të Esteghlal, duke qenë pjesë e seancës së parë stërvitore të ekipit pas një periudhe të gjatë largimi.

Lidhur me këtë rikthim, vetë anësori i Kombëtares shqiptare reagoi me një postim në rrjetet sociale, ku theksoi se ndihet i lumtur që është kthyer në një vend me të cilin lidh vetëm kujtime të bukura.

“Pas një kohe të gjatë, rikthehem në Iran. I lumtur të stërvitem sërish me Esteghlal. Një ndeshje e veçantë të rikthehet në vendin ku je përmbushur vetëm me kujtime të mëdha”, shkruan 31-vjeçari.

Disa javë më parë, emri i Jasir Asanit u përfol për një transferim të mundshëm te Getafe në kampionatin spanjoll, por deri në këtë moment ende nuk ka asnjë zhvillim të qartë për atë që pritet të ndodhë me të ardhmen e tij.

The post Rikthehet te Esteghlal pas një mungese të gjatë, Jasir Asani shpreh lumturinë në Iran: Është e veçantë të kthehesh aty ku ke kujtime të mëdha appeared first on Albeu.com.

Jasir Asani i ka dhënë fund qëndrimit të tij në Shqipëri, aty ku kishte kaluar ditët e pushimeve, dhe është rikthyer në Iran.

Klubi i Esteghlal ka publikuar së fundmi foto nga stërvitja, ku shfaqet edhe 30-vjeçari shqiptar.

Në këtë mënyrë, ish-sulmuesi i Partizanit është rikthyer te “blutë” e skuadrës iraniane, duke rifilluar përgatitjet pas ndërprerjes së shkaktuar nga trazirat në Lindjen e Mesme.

Asani kaloi një periudhë të gjatë në Tiranë dhe madje gjatë kësaj kohe u stërvit edhe me Partizanin.

Megjithatë, e ardhmja e tij vijon të mbetet e paqartë, ndërsa vetë sulmuesi i Kombëtares shqiptare kishte deklaruar pak kohë më parë se ekzistonte mundësia e një transferimi te Getafe në LaLiga spanjolle.

Deri në këto momente, megjithatë, nuk ka asnjë zhvillim konkret.

The post Jasir Asani kthehet në Iran, Esteghlal publikon pamjet e shqiptarit në stërvitje appeared first on Albeu.com.

Ndeshja ishte e vlefshme për raundin e gjashtë dhe të fundit të Grupit A në Champions-in e dytë aziatik, një përballje vendimtare për fatin e kualifikimit në fazën pasuese të kompeticionit.

Para kësaj sfide, situata në grup ishte e qartë për skuadrën iraniane. Esteghlalit i duhej vetëm fitorja për të siguruar vendin e dytë dhe për të kaluar më tej, ndërsa çdo rezultat tjetër do ta linte jashtë.

Skuadra arriti ta menaxhojë ndeshjen dhe të marrë tre pikët e nevojshme, duke e mbyllur grupin me 8 pikë, një më shumë se Al Muharra, që u rendit pas saj.

Goli që vulosi përfundimisht fatin e takimit erdhi në minutën e 87-të dhe mban firmën e Jasir Asanit.

Sulmuesi i Kombëtares shqiptare realizoi pas një gjuajtjeje të saktë nga jashtë zone, duke shënuar golin e tretë për Esteghlal dhe duke mbyllur çdo diskutim për rezultatin final.

Ky ishte realizimi i dytë i Asanit në këtë edicion të Champions-it 2 aziatik.

Paraqitja e tij u vlerësua pozitivisht edhe nga statistikat individuale. Sipas platformës “SofaSkor”, Asani mori notën 7.6, duke qenë mes lojtarëve më të vlerësuar në fushë për këtë përballje.

Kontributi i tij u konsiderua i rëndësishëm si në fazën sulmuese, ashtu edhe në menaxhimin e lojës në minutat vendimtare.

Pas gjashtë ndeshjesh të zhvilluara në grup, Esteghlal përfundon fazën e grupeve me 8 pikë, duke siguruar kualifikimin si skuadra e dytë e Grupit A.

Në planin individual, Asani po kalon një sezon pozitiv edhe në kampionat, ku ka shënuar gjashtë gola në 12 ndeshje të luajtura deri tani.

Sulmuesi 30-vjeçar është pjesë e klubit iranian që nga muaji gusht dhe, që prej afrimit të tij, ka dhënë një kontribut të qëndrueshëm në të dyja kompeticionet, kampionat dhe arenë ndërkombëtare.

The post Jasir Asani shënon supergol me Esteghlal (VIDEO) appeared first on Albeu.com.