Esko u arrestua nga policia greke mëngjesin e 27 shtatorit, bashkë me 31 persona të tjerë. Sipas medieve greke Esko është koka e tre bandave shqiptare që operonin në kampusin universitar në Zografou.

Sipas raportimeve greke, Esko është person i njohur për policinë, pasi ndaj tij ka katër urdhër arreste. Ndër të tjera, Esko ka lidhje të forta me grupe huliganësh, të cilët janë arrestuar disa herë, pasi janë përfshirë në konflikte të dhunshme, duke shkatërruar prona publike.

Kryegangsteri Esko, siç e cilësojnë mediet greke, qarkullonte gjithmonë i shoqëruar nga eskorta e tij, një grup personash shqiptarë dhe grekë që e ruanin Eskon si sytë e ballit, pasi ky i fundit i frikësohej arrestimit.

Bandat e Eskos nuk kanë ngurruar asnjë sekondë të rrahin dhe të kërcënojnë me armë punëtorët në supermarket dhe kioska për t’u zhvatur disa qindra euro, ndërsa Esko nuk ka marrë pjesë në këto “operacione”, ai vetëm ka drejtuar anëtarët, duke pasur rolin e kryegangsterit që të gjithë i frikësoheshin dhe i bindeshin pa asnjë kundërshtim.

Banditët e Eskos përballen me 6 akuza: Organizata Kriminale; Grabitje; Trafik droge; Lëndim i rrezikshëm trupor; Rezistenca ndaj autoritetit; Mosbindje.

The post “Të gjithë e kishin frikë” Çfarë duhet të dini për Eskon, mafiozi shqiptar që bëri kërdinë në Athinë appeared first on Albeu.com.

Protagonist i këtij aksioni është bërë një 30-vjeçar shqiptar, i cili gjatë tentativës së arratisjes është konfliktuar fizikisht me një efektive të policisë, në momentin kur kjo e fundit po largohej drejt makinës private pasi nuk ndihej mirë.

Shqiptari sipas mediave greke e ka plagosur me kaçavidë efektiven greke, ndërsa kjo e fundit për t’u vetëmbrojtur e ka qëlluar në këmbë me armë.

Shqiptari, i identifikuar si shtetasi me inicialet Esmin Ferhati është transportuar në spital nën masa të rrepta sigurie dhe mësohet se ka marrë pjesë në të paktën katër grabitje të mëdha në Athinë.

Ndërkohë, operacioni i policisë është duke u zhvilluar në godinën ku ndodhet rezidenca studentore e, ndërsa në pamjet e publikuara shihet trotuari i larë me gjak nga incidenti me 30-vjeçarin, por edhe dyer të thyera dhe krevata të kthyera përmbys nga forcat e ELAS brenda korpusit.

Siç shihet, policia e armatosur ka kontrolluar çdo dhomë për të gjetur personat e përfshirë në veprimtari kriminale .

Sipas informacioneve, 30-vjeçari Ferhati, ka banuar në vendngjarje dhe ka tentuar t’i shpëtojë hetimeve të policisë, ndërsa menjëherë pas incidentit të shënuar me të janë arrestuar edhe 9 persona të tjerë.

The post EMRI/ U plagos me armë nga efektivja greke, kush është 30-vjeçari shqiptar që u arrestua gjatë super-aksionit në Athinë appeared first on Albeu.com.