Nga veprimet e tjera hetimore rezulton se pas ngjarjes Gerald Shehu është larguar drejt Greqisë. Trupi i Eraldo Nevruzit ende nuk është gjetur, ndërsa në vendin e ngjarjes janë gjetur njolla gjaku. Policia thotë se ka shoqëruar 29 persona dhe se deyshohet se kemi të bëjmë me një ngjarje kriminale.

31-vjecari dhe autori që e ka qëlluar dhe është larguar drejt Greqisë kanë qenë shokë me njeri-tjetrin. Kohët e fundit kanë ardhur për të hapur biznes bashkë në Dhërmi dhe kanë bashkëpunuar në hotelin ku ka ndodhur ngjarja. Autori është dhëndëri i pronares se hotelit. Policia dyshon se është vrasje pasi nga dëshmitë janë dëgjuar dy të shtëna me armë zjarri dhe po ashtu janë gjetur edhe gjurmë gjaku. Pamjet filmike nuk janë te qarta se si është larguar 31-vjecari nga vendi i ngjarjes.

‘Më datë 06.06.2024, Policia ka marrë njoftim se në Dhërmi, Himarë, shtetasi E. N., 31 vjeç,  banues në Tiranë, punonjës në recepsionin e një hoteli në Dhërmi, Himarë, kishte humbur kontaktet me pronarët e hotelit.

Me marrjen e njoftimit, Drejtoria Vendore e Policisë Vlorë dhe Komisariati i Policisë Himarë kanë ngritur një grup hetimor, në drejtimin e Prokurorisë së Juridiksionit të Përgjithshëm Vlorë.

Shërbimet e Policisë dhe grupi hetimor kanë shkuar në hotel dhe kanë kryer një sërë veprimesh hetimore. Nga veprimet hetimore dyshohet se shtetasi E. N. është qëlluar me armë zjarri, rreth orës 00:30, nga shtetasi G. Sh., 43 vjeç, lindur në Tepelenë dhe banues në Angli.

Nga veprimet e tjera hetimore rezulton se pas ngjarjes shtetasi G. Sh. është larguar drejt Greqisë.

Janë administruar në cilësinë e provës materiale, prova ligjore, si dhe janë shoqëruar deri në këto momente, për t’u pyetur në lidhje me këtë ngjarje, 29 shtetas.

Nga tërësia e veprimeve të deritanishme dyshohet se kemi të bëjmë me një ngjarje të rëndë kriminale.

Grupi hetimor, në drejtimin e Prokurorisë, vijon punën intensivisht për gjetjen e shtetasit E. N., si dhe për zbardhjen e rrethanave dhe dokumentimin e plotë ligjor të rastit.

Në vijim, do të ketë njoftime të tjera për veprimet e kryera nga grupi hetimor.’- njofton policia.

The post EMRAT/ Zhduket recepsionisti i hotel ‘Greccia’ në Dhërmi, policia: Dyshohet se është vrarë nga një 43-vjeçar që u largua drejt Greqisë appeared first on Albeu.com.

30-vjeçari i huaj që kishte marrë nga Peloponezi, 31 punëtorë krahu nga Pakistani, Bangladeshi dhe India që ndodheshin ilegalisht në Greqi, ishte paguar nga 100 euro për t’i transportuar me furgon në kufi, për të kaluar përmes Shqipërisë.

Kur punonjësit e policisë së Sigurimit të Igumenicës dhe Reparti i Rojës Kufitare Filiaton i kanë vënë re, drejtuesi i mjetit ka rritur shpejtësinë dhe ka tentuar të shmangë kontrollin e policisë duke bërë manovra të rrezikshme.

Furgoni u bllokua, por shoferi e braktisi dhe u largua në këmbë, duke arritur t’i shpëtojë policisë, e cila megjithatë arrestoi 31 emigrantët dhe pak më vonë zbuluan në zonën e gjerë bashkëpunëtorët e 30-vjeçarit që kishte roli i eskortës në një automjet tjetër.

Ndaj tyre dhe 30-vjeçarit të shpallur në kërkim është ngritur një kallëzim penal për kryerjen e veprës penale të transportit të emigrantëve të paligjshëm dhe u dërguan në Prokurorinë e Plimmeliodikit Thesprotia, ndërsa u sekuestruan dy automjetet që përdornin.

The post Kishin destinacion të radhës Shqipërinë, policia greke ndjek si nëpër filma furgonin me 31 emigrantë të paligjshëm, shoferi i shpëton arrestimit appeared first on Albeu.com.

Çuçi tha se nisur nga sulmet kiberentike që Shqipëria ka pësuar që prej vitit të kaluar, qeveria do të rrisë mbrojtjen kibernetike.

“Ne kemi bërë të mundur që në vitin 2023 të kemi 7.6 herë investimet në fushën e teknologjike për policinë e shtetit. Vetëm nga burimet e policisë së shtetit, pa përfshirë financimet që pritet dhe na janë premtuar nga partnerët tanë. Që do të jenë kryesisht për fushën kibernetike. Ne po punojmë për ngritjen e një agjencie kombëtare për mbrojtjen kibernetike. Këto i kemi parashikuar të gjitha si investime për vitin 2023. Do të jemi një nga vendet me infrastrukturën më të mirë për mbrojtjen kibernetike”, tha ministri.

Më tej Çuçi bëri bilancin e punës së policisë gjatë 2022, ndërsa theksoi se është rritur besueshmëria te policia e shtetit.

Çuçi tha se gjatë 2022 janë bërë më pak vrasje dhe vjedhje, në krahasim me vitin 2013 kur PS mori qeverinë.

Ministri deklaroi se krahasimi i shifrave, flet për një situatë, sipas tij si nata me ditën.

“Në 2022 kemi pasur 43 vrasje me dashje, shifër rekord. Por vitit 2022 ka qenë viti më me pak vrasje në Shqipëri. 107 ishin kur ne morëm qeverisjen. Viktimat nga vrasjet me dashje, 49 krahasuar me 124 kur ne morëm qeverinë. Vjedhje me armë, 11 në 2022. 96 kemi pasur në 2013-ën. Rreth 2057 aksidente rrugore në 2013, rreth 1165 në 2022. Në 2013 ka pasur vetëm 165 mijë telefonata porn ë 2022 pati mbi 1 mln telefonata. Është shtuar besueshmëria te policia e shtetit. Asete te konfiskuara sipas ligjit antimafia: 747 mijë euro në 2013, mbi 20 mln euro në 2022”, tha Çuçi.

/Albeu.com/

The post “Është rritur besueshmëria te policia e shtetit”, Çuçi bën bilancin vjetor: Në 2022 më pak vrasje dhe vjedhje appeared first on Albeu.com.