Sipas të dhënave të publikuara sot nga Enti Shtetëror i Statistikave, vlera e pagës mesatare neto në nivel mujor për majin e vitit 2026 ishte 49,544 denarë.

Nëse e krahasojmë me të njëjtën periudhë të vitit të kaluar, konkretisht majin 2025, kjo pagë mesatare neto e paguar për të punësuar shënoi një rritje prej 8.2 përqind.

Kjo rritje vjetore i atribuohet kryesisht ecurisë pozitive të pagave në disa sektorë. Ndër ta, dallohen furnizimi me ujë, menaxhimi i ujërave të ndotura dhe mbeturinave, si dhe aktivitetet për përmirësimin e mjedisit me një rritje prej 11.9%. Po ashtu, sektori i artit, argëtimit dhe rekreacionit u rrit me 11.3%, ndërsa ai i transportit dhe magazinimit shënoi një rritje prej 10.9%.

Në aspektin mujor, duke parë ndryshimet nga muaji i kaluar, rritje e pagës mesatare neto u regjistrua në sektorët e tregtisë me shumicë dhe pakicë dhe riparimit të automjeteve e motoçikletave (6.3%), minierave dhe guroreve (5.8%) si dhe sërish në transport dhe magazinim (5.7%).

The post Paga mesatare neto për muajin maj arriti në 49,544 denarë appeared first on Albeu.com.

Sipas të dhënave të publikuara sot nga Enti Shtetëror i Statistikës, gjatë vitit shkollor dhe akademik 2025/2026 në konviktet për arsimin fillor, të mesëm dhe në ato studentore janë akomoduar gjithsej 5.232 nxënës e studentë. Kjo shifër është 7 për qind më e lartë krahasuar me vitin 2024/2025.

Në vitin 2025/2026 në vend kanë funksionuar 9 konvikte studentore, si edhe 19 konvikte për nxënës të shkollave fillore, të mesme dhe të mesme fetare. Ato kanë ofruar strehim për 3.427 studentë, 1.750 nxënës të arsimit të mesëm, 55 nxënës të shkollave fillore, 31 nxënës të shkollës së mesme fetare ortodokse dhe 57 nxënës të shkollës së mesme fetare islame.

The post Konviktet në vend strehojnë 7% më shumë nxënës dhe studentë appeared first on Albeu.com.

Qarkullimi industrial në Maqedoni ka shënuar një zgjerim të lehtë gjatë majit të këtij viti, por shifrat tregojnë se rikuperimi i sektorit vazhdon të jetë i ngadalshëm. Sipas të dhënave të fundit të Entit Shtetëror të Statistikës (ESHS), rritja vjetore arriti në 0.8 për qind, e nxitur kryesisht nga shitjet në tregjet e jashtme, ndërsa tregu vendor mbetet nën presion.

Në maj 2026, qarkullimi i përgjithshëm në industri ishte 0.8 për qind më i lartë se në të njëjtin muaj të një viti më parë. Në krahasim me prillin e këtij viti, megjithatë, aktiviteti industrial u ul për 0.6 për qind. Për periudhën janar-maj 2026, rritja e akumuluar ishte vetëm 0.3 për qind krahasuar me pesë muajt e parë të vitit 2025.

Dallime të dukshme janë regjistruar mes kategorive të produkteve. Rritjen më të madhe e kanë dhënë produktet kapitale, me qarkullim 5.3 për qind më të lartë. Kjo kategori lidhet zakonisht me makineritë dhe pajisjet për investime, ndaj rezultati mund të sinjalizojë aktivitet më të lartë në investimet industriale.

Pjesa më e madhe e grupeve të tjera kanë shënuar rënie. Qarkullimi i produkteve intermediare, pa energjinë, u reduktua për 0.7 për qind. Produktet e qëndrueshme për konsum të gjerë ranë për 6.9 për qind, ndërsa te produktet jo të qëndrueshme për konsum të gjerë u evidentua ulje prej 3.5 për qind. Këto të dhëna tregojnë se rezultati pozitiv është mbështetur nga një numër i kufizuar veprimtarish, ndërsa pjesa tjetër e industrisë vijon të përballet me pengesa.

Rezultatet ndryshojnë edhe sipas tregjeve. Në tregun vendas, qarkullimi industrial në maj ishte 1.8 për qind më i ulët se në majin e vitit të kaluar, duke reflektuar kërkesë më të dobët brenda vendit. Në të kundërtën, qarkullimi në tregjet e huaja u rrit për 1.8 për qind, duke e mbajtur eksportin në rolin e faktorëve kryesorë për ruajtjen e rezultatit pozitiv të industrisë.

E njëjta prirje vërehet edhe në pesë muajt e parë të vitit. Qarkullimi në tregun vendor është rritur me 1.2 për qind, ndërsa në tregjet e huaja rritja ka qenë vetëm 0.2 për qind. Kjo nënkupton se, pavarësisht ndihmës së eksportit në maj, dinamika e rritjes gjatë vitit mbetet e kufizuar.

Ndikim të rëndësishëm në rezultatin e përgjithshëm kanë pasur prodhimi i produkteve të tjera minerale jometalike, i cili u rrit për 5.1 për qind, prodhimi i produkteve metalike të fabrikuara, përveç makinerive dhe pajisjeve, me rritje prej 1.5 për qind, si edhe prodhimi i makinerive dhe pajisjeve, ku rritja arriti në 18.8 për qind. Statistikat dëshmojnë një hendek të madh ndërmjet degëve industriale: disa prej tyre kanë regjistruar rritje dyshifrore, ndërsa sektorë të tjerë kanë shënuar ulje të ndjeshme.

Megjithëse industria ka mbetur në zonë pozitive, zgjerimi prej 0.8 për qind mbetet minimal. Kërkesa e dobët e brendshme vazhdon të jetë një ndër sfidat kryesore, ndërsa mbështetja te eksporti tregon se sektori nuk ka hyrë ende në një fazë të qëndrueshme zgjerimi. (koha.mk)

The post Industria në Maqedoni me rritje 0.8 për qind, kërkesa vendore mbetet e dobët appeared first on Albeu.com.

Sipas të dhënave të publikuara nga Enti Shtetëror i Statistikës, edhe gjatë periudhës janar – maj 2026 është vijuar me rritje të eksportit dhe importit në krahasim me të njëjtën periudhë të vitit 2025. Eksporti i përgjithshëm i mallrave ka arritur në 217.977,7 milionë denarë, duke regjistruar një rritje prej 5,70 për qind, ndërsa importi i mallrave ka shkuar në 306.513,7 milionë denarë, me një rritje prej 5,91 për qind.

Sipas strukturës së shkëmbimit tregtar të produkteve në bazë të Klasifikimit Standard të Tregtisë Ndërkombëtare, peshën kryesore në eksport e zënë katalizatorët në bartës me metale të çmuara ose përbërjet e tyre, grupet e përçuesve ndezës dhe të ngjashëm për automjete, aeroplanë ose anije, pjesët e sediljeve nga nëngrupi 821.1, si dhe katalizatorë të tjerë bartës.

Sa i përket importit, më të përfaqësuara janë platini dhe lidhjet e platinit, të papërpunuara ose në formë pluhuri, metalet e tjera të grupit të platinit dhe lidhjet e tyre, të papërpunuara ose në formë pluhuri, vajrat e naftës dhe vajrat e nxjerra nga mineralet bituminoze, përveç naftës së papërpunuar, si edhe automjetet e tjera motorike për transportin e personave.

Në intervalin janar – maj 2026, sipas vëllimit të përgjithshëm të tregtisë së jashtme, partnerët me të cilët është zhvilluar më së shumti tregti kanë qenë Gjermania, Britania e Madhe, Kina, Greqia dhe Serbia. Këto shtete kanë përfaqësuar 50,4% të vëllimit të përgjithshëm të këmbimit, ndërsa vendet anëtare të Bashkimit Evropian kanë marrë pjesë me 58,2% të shkëmbimit të përgjithshëm.

The post ESHS-Maqedoni: Rriten eksportet me 5.7%, ndërsa importet me 5.9% appeared first on Albeu.com.

Të dhënat e Entit Shtetëror të Statistikave tregojnë se lindjet në Maqedoninë e Veriut vijojnë të shpërndahen në mënyrë të pabarabartë nga një rajon në tjetrin, me përqendrimin më të madh në zonat urbane dhe sidomos në rajonin e Shkupit.

Sipas statistikave zyrtare, 60.2 për qind e të gjitha lindjeve janë evidentuar në mjediset urbane, ndërsa vetëm rajoni i Shkupit përfshin 41.6 për qind të totalit. Në krahun tjetër, rajoni i Lindjes paraqet pjesëmarrjen më të ulët në nivel vendi, me vetëm 6.1 për qind të lindjeve.

Të njëjtat të dhëna nxjerrin në pah se shtimi natyror i popullsisë vazhdon të jetë negativ si në qytete, ashtu edhe në fshat. Në zonat urbane janë regjistruar 9.535 lindje dhe 12.902 vdekje, çka e çon shtimin natyror në -3.367 banorë.

Edhe në zonat rurale bilanci mbetet negativ, pasi janë regjistruar 6.315 lindje dhe 7.385 vdekje, me një shtim natyror prej -1.070 banorësh.

Këto statistika riafirmojnë prirjen e vazhdueshme të uljes së natalitetit dhe të plakjes së popullsisë, ndërsa hendeku mes rajoneve të vendit mbetet i dukshëm.

The post Statistikat e ESHS: Rajoni i Shkupit prin për lindje, ndërsa Lindja renditet e fundit në vend appeared first on Albeu.com.

Prodhimi industrial në Maqedoni regjistroi rënie prej 2 përqind në maj të këtij viti në krahasim me majin e vitit të kaluar. Po ashtu, në periudhën janar – maj të këtij viti, ulja arriti në 0.3 përqind kundrejt të njëjtës periudhë të vitit të kaluar.

Siç bëri të ditur Enti Shtetëror i Statistikave, krahasuar me majin e vitit të kaluar, në maj të këtij viti sektori i furnizimit me energji elektrike, gaz, avull dhe ajër të kondicionuar shënoi rritje prej 6.1 përqind. Ndërkohë, në Miniera dhe gurore u evidentua rritje prej 3.6 përqind, ndërsa në Prodhim u regjistrua rënie prej 2.6 përqind.

Në rënien e prodhimit industrial në maj 2026, kundrejt majit 2025, ndikimin më të madh e pati ulja e aktivitetit në këto departamente: Prodhimi i pajisjeve elektrike me 7.8 përqind, Prodhimi i makinerive dhe pajisjeve, të papërcaktuara diku tjetër me 12.9 përqind, si dhe Prodhimi i automjeteve, rimorkiove dhe gjysmërimorkiove me 2.3 përqind.

Sektori i Prodhimit ra kryesisht si pasojë e zvogëlimit të prodhimit në këto degë:

– Prodhimi i produkteve ushqimore, – Prodhimi i pijeve,

– Prodhimi i produkteve të duhanit, – Prodhimi i tekstileve,

– Prodhimi i veshjeve, – Prodhimi i kimikateve dhe produkteve kimike,

– Prodhimi i produkteve farmaceutike bazë dhe preparateve farmaceutike,

– Prodhimi i metaleve, – Prodhimi i produkteve metalike të fabrikuara, përveç makinerive dhe pajisjeve,

– Prodhimi i pajisjeve elektrike, – Prodhimi i makinerive dhe pajisjeve, të papërfshira ose të paspecifikuara diku tjetër, dhe – Prodhimi i automjeteve, rimorkiove dhe gjysmërimorkiove.

Sipas grupeve kryesore industriale, në maj 2026 në raport me majin 2025 u shënua rritje te Energjia me 6.5 përqind dhe te Mallrat e ndërmjetme, përveç energjisë me 3.4 përqind. Nga ana tjetër, rënie pati te Mallrat kapitale me 3.3 përqind, Mallrat e qëndrueshme të konsumit me 1.1 përqind dhe Mallrat jo të qëndrueshme të konsumit me 8.4 përqind.

The post Në pesë muajt e parë të vitit, prodhimi industrial në Maqedoni u tkurr me 0.3 përqind appeared first on Albeu.com.

Sipas të dhënave të Entit Shtetëror të Statistikave, në vitin 2025 janë regjistruar 911 objekte të ndërtuara pa leje.

Pjesën më të madhe e zënë objektet për banim, gjithsej 169 ose 18.6 përqind. Prej tyre, 128 janë vetëm banesore, 24 janë kryesisht banesore, ndërsa 17 janë për argëtim dhe rekreacion.

Pa leje ndërtimi janë realizuar edhe 164 gardhe (18 përqind), 116 objekte biznesi (12.7 përqind), 113 tenda (12.4 përqind), 110 zgjerime, mbistruktura dhe adaptime (12.1 përqind), 106 objekte ndihmëse (11.6 përqind), 79 garazhe (8.7 përqind), 22 tarraca verore (2.4 përqind), 17 objekte të përkohshme (1.9 përqind), 9 shkallë (1 përqind) dhe 6 tarraca (0.7 përqind).

Pjesa dërrmuese e ndërtimeve pa leje, përkatësisht 96.1 përqind, rezultojnë të jenë në pronësi private.

The post Gjatë vitit 2025 u evidentuan mbi 900 ndërtime të realizuara pa leje appeared first on Albeu.com.

Siç njoftoi Enti Shtetëror i Statistikës, pjesën më të madhe në numrin e përgjithshëm të vdekjeve të dhunshme e zënë rastet aksidentale, që përfaqësojnë 82,2 %, ose 449 persona. Pas tyre renditen vetëvrasjet me 14,8 %, përkatësisht 81 persona, si dhe vrasjet me 2,9 %, ose 16 persona.

Sa i përket kategorisë së vrasjeve, janë regjistruar 16 persona, nga të cilët 9 meshkuj dhe 7 femra. Peshën më të madhe e kanë rastet kur vdekja ka ardhur si pasojë e tentativës për shkaktim të lëndimit trupor me të shtëna nga armë zjarri ose armë të tjera të paspecifikuara, me 1,5 % të numrit të përgjithshëm të rasteve të vdekjes së dhunshme./Alsat/

The post ESHS: Në Maqedoni është rritur numri i vdekjeve të dhunshme appeared first on Albeu.com.

Siç bëhet e ditur, rritja është ndikuar kryesisht nga shtimi i pagës mesatare mujore neto të paguar në sektorët e Aktiviteteve financiare dhe sigurimit me 27 përqind, Furnizimit me ujë; largimit të ujërave të ndotura, menaxhimit të mbeturinave dhe aktiviteteve për përmirësimin e mjedisit me 9.4 përqind, si dhe Tregtisë me shumicë dhe pakicë; riparimit të automjeteve dhe motoçikletave me 9.2 përqind.

Në raport me muajin e kaluar, rritje e pagës mesatare mujore neto të paguar për punonjësit është evidentuar edhe në sektorët e Aktiviteteve financiare dhe sigurimeve me 20.1 përqind, Tregtisë me shumicë dhe pakicë; riparimit të automjeteve dhe motoçikletave me 2.1 përqind, si dhe Aktiviteteve administrative dhe mbështetëse të shërbimeve me 2 përqind.

The post ESHS njofton: Në prill paga mesatare neto arriti në 48.779 denarë appeared first on Albeu.com.

Nga numri i përgjithshëm i të vdekurve, 10.498 janë meshkuj, ndërsa 9.789 janë gra. Po ashtu, janë evidentuar 62 vdekje foshnjore, që përbëjnë 0.3% për çdo 100 vdekje.

Të dhënat sipas muajve tregojnë se janari ka pasur numrin më të lartë të rasteve me 2.002, ndërsa prilli ka shënuar numrin më të ulët, me 1.506 vdekje.

Mosha mesatare e meshkujve që kanë ndërruar jetë është 72.2 vjeç, ndërsa te gratë kjo mesatare arrin në 76.6 vjeç. Kjo do të thotë se mosha mesatare e grave të vdekura është 4.4 vjet më e lartë.

Në RMV, shkaqet më të shpeshta të vdekjeve mbeten sëmundjet e sistemit të qarkullimit të gjakut me 34.0%, të ndjekura nga neoplazmat me 19.6%, sëmundjet endokrine, ushqyese dhe metabolike me 6.5%, si dhe sëmundjet e sistemit të frymëmarrjes me 3.7%.

The post Në Maqedoni, meshkujt humbin jetën mesatarisht në 72.2 vjeç, ndërsa gratë në 76.6 vjeç appeared first on Albeu.com.