Ervis Martinaj, rezulton i zhdukur prej disa vitesh, ndërsa besohet se për herë të fundit është parë në gusht të vitit 2022.

Babai i tij ka bërë kërkesën pranë Gjykatës së Shkallës së Parë të Juridiksionit të Përgjithshëm Lezhë.

Kërkesa në gjykatë:

Shtetasi Mustafa Martinaj, kërkon pranë Gjykatës së Shkallës së Parë të Juridiksionit të Përgjithshëm Lezhë shpalljen tëzhdukurtë shtetasit Ervis Martinaj i datëlindjes 6.10.1982, lindur në Burrel dhe banues në Fushë-Kuqe, Patok, Kurbin.

KËRKUES Mustafa Martinaj

The post Babai i Ervis Martinajt kërkon shpalljen e djalit të tij si i zhdukur appeared first on Albeu.com.

Me këtë person, Bajri ka qënë në burg gjatë kohës kur hetohej për një seri akuzash nga Krimet e Rënda dhe më pas SPAK-u, i cili i ka sugjeruar që t’i kërkojë punë Vis Martinaj, në këmbim të mbrojtjes nga armiqtë që, sipas tij, ai (Visi) i kishte të shumtë dhe të fortë.

Kjo pasi një muaj para kësaj bisede, në 31 Maj 2020 në Mamurras, Ervis Martinajt, i kishin vrarë dy miqtë e ngushtë Bujar Likën (Ari) dhe Paulin Gjergjin.

Ndërkohë, pas daljes nga burgu të Beharit, ky person e ka udhëzuar atë që të afrohet me Ervis Martinajn, me shpresën se ky i fundit do i jepte punë në trafikun e kokainës.

Gazetari i “Ora News”, Elton Qyno, ka mësuar se personi është i njëjti individ që i linte në përdorim telefonin “Sky” Behar Bajrit, gjatë kohës kur qëndronte në paraburgimin Nr.313.

Telefonin “Sky” të këtij personi, Behar Bajri, e përdorte nga brenda burgut, për të folur me biznesmenin Pëllumb Gjoka, i cili po negocionte me disa njerëz të Drejtësisë, me qëllim lirimin e Behar Bajrit nga burgu.

Behar Bajri, ka mundur të dalë nga burgu në 29 qershor 2020.

Por sapo ai ka shkuar në Shkodër, ai vihet në kontakt në ditët e para të muajit korrik 2020 me biznesmenin Ervis Martinaj, i cili kishte braktisur Tiranën, duke u vendosur në Fushë-Kuqe, pas ngjarjes së rëndë të ndodhur në ish-Bllok, në 4 Tetor 2018, në të cilën Martinaj humbi shokun Fabian Gaxhaj dhe u plagos vetë së bashku me Eljo Haton.

Bajri, ka shkuar vetë tek Ervis Martinaj, duke zhvilluar një takim me të tek hotel “Arbëria Palace”, ku sigurisht së bashku kanë folur edhe për mundësinë që Martinaj do i jepte në trafikun e Kokainës.

Ndërkohë në mëngjesin e 10 korrikut 2020, Behar Bajri i shkruan Ervis Martinajt, duke zhvilluar së bashku këtë bisedë si më poshtë vijon:

Behari: “…Si je shok…”?

Martinaj: “Ça të bajm…ti si ke shku…”?

Behari: “…mirë, po rimë këtej tu u marë me këto kurva me jan ndry si minjtë mrëna…”.

Ndërsa Ervis Martinaj, e këshillon Beharin duke i thënë: “…mos nxito, nji her o shok…”.

Por Behari vijon t’i shkruajë duke i thënë: “…në lagje tu ju ndenjt kurvave, nuk kanë se dalin. Veç mrena, jan nry në dhoma rina…po hajt ishadha e qesin kryt dikun…Po ti si i ke pas punët…?, Ai shoku më shkrojti…”.

Martinaj: “…Hëë…”!

Behari i thotë Martinaj si më poshtë: “…a po na ndihmon najgja, naj punë…kur po takojna prej afër se me celular su flitka me ty, se të kthen mas 3 orëve…”.

“…kur të fus nji punë të fortë, do të fus e ty, 100 copë…”,-i thotë Martinaj, Beharit.

Por Behari ia kthen sërisht mesazhin duke i thënë: “…o shok, nuk jam bubs unë…por të erdha për respekt dhe të takova dhe u shtyva si me të hek armiqt e me ti ba miq…se nuk jam njeri si i rri kujt, si çadër…”.

Ndërsa Martinaj ia kthen: “…100 copë të bardha them…ça ndihme e ke fjalën ti…”?

Behari: “…o vlla, po kam met tu të shkru…”.

Kurse Martinaj i thotë se: “…nuk e mbaj telefonin me vete…”, duke i treguar se e lë tek hoteli.

Por sërish Behari vijon t’i shkruajë, duke dërguar mesazhet si më poshtë: “…nuk asht puna tek nima mar shok, unë jam menduar për mirë për ty…ti s’je në kushte me lan telefonin tek hoteli. Je në kushte me majt telefon afër, por ti din çfarë ban. Unë të erdha… tesh të takon ty me ardhë…buk e kryp e zemër, kam edhe unë…”.

Ndërsa një ditë më pas, në mëngjesin e 11 korrikut 2020 Ervis Martinaj i kthehet Behar Bajrit, duke i shkruar mesazhet:

“…O Behar, s’mu ka vra qeni, mu ka vra njeriu më i afërt i jetës. Kam qënë tu ec nëpër det e mal, tu mendu kaq, ndaj e lej telefonin tek hoteli…”.

Në këtë periudhë Ervis Martinaj, ka qënë i tronditur për vrasjen e Bujar Likës në Mamurras, ndaj nuk ishte fort në terezi në komunikimin me Behar Bajrin, i cili i kërkonte shpjegime se me të nuk flitej, pasi i kthente përgjigjet në “Sky” me shumë vonesë.

Vetëm 4 muaj nga kjo bisedë, në datën 27 tetor 2020, Ervis Martinaj, bisedon në aplikacion “Sky” me Behar Bajrin, për të ndarë muhabetin nëse do e fuste këtë të fundit apo jo në linjën e trafikun të kokainës që e realizonte nga vendet e Amerikës Latine në drejtim të porteve të Europës.

Martinaj i kujton Bajrit, që të qëndrojë diskret në këtë veprimtari kriminale dhe të mos i tregojë kujt, duke i shkruar si më poshtë vijon:

“…asnjë s’du që ta dije dhe do bisedojmë bashkë këto tre ditë. Munesh me fut sa të kesh takat ti…”.
Por Behari ia kthen: “…aaaa, a kena Garanci…”?

Por Ervis Martinaj ia kthen me një përgjigje epike se: “…garanci kam vetëm zgjuarsinë time…dhe ça lekësh kam unë do i fus. E këta çunat ça lekësh kanë do i fusin që të rinë me mua. Ashtu garancie që thua ti, s’kam jetën time more …kapedan…”.

Sërish Behar Bajri ia kthen me ndrojtje duke i shkruar: “…Por nuk kam lekë mor “Kapedan…”. Ti e di, por unë nuk jam në hapat e tua. Por a më the se po të ndihmoj mar “Kapedan…”. A po ma merr rrizikun ti herën e parë, mo “Kapedan”. Më thuaj kur po rimë…”?

Ndërsa biznesmeni Ervis Martinaj e këshillon duke i thënë: “…mos u turr pas fajdeve…”.
Kurse Behari ia kthen: “…po lek po mbledhi…”.

Behari vijon t’i shkruajë në “Sky”, Vis Martinajt duke i pohuar:

“…po rrezikun, a po ma mer rrezikun veq herën e parë dhe nuk ta haroj. 5 për qind i fus vetë dhe po dal në diellë. Por a po ma merr rrezikun, veç kyt herë? A më jep fjalën tani…se më ke në krah, por më ndihmo…”.

Martinaj ia kthen me mesazh duke i shkruar se: “…mos e fol me njeri se më prish punë. Po për zotin, ndihmë kështu as vëllai jot s’ta ka ba…”.

“…Po e di, por ma ban, e ti bij lekët sonte… 5 për qind po i fus unë, po hyj borgj…”,- ia kthen Behar Bajri.

“…Ore ishallah po bëhet…nuk duhen lekët sonte jo… duhen mas 2 javësh… Po rëndësi ka që të bëhet. Lekët duhen brenda muajit nëntor”,- i thotë Ervis Martinaj.

Biznesmeni vijon t’i shkruajë duke i thënë: “…100 copë e ke vendin, aq do fus dhe vetë unë…vetëm mos folë me njeri se më ngelet hatri se veç ty të kam thënë, se çdo muhabet e qet jashtë. Nuk i lej hapësirë kujt, veç teje 100…”.

Behari: “…I qin unë…”?!…”jo jo nuk i them kujt. I qind për mu…”?

Martinaj: “…po i lashë kujt s’jena ma shokë, se veç ti më ke ra mbrapa. 10 për qind edhe hypja 20 dalja…”.

Por Behari ia kthen: “…vlla du me fut për vedi i 100 copë. Në i qin copë, sa i bjen me marë unë 80 copë?. Ok në rregull por ama merr rrezikun veq kyt rradhë, fjalë burrash, lekët i kam ok. Po normal lekët i kam dhe më thuaj ti bij…”.

Martinaj: “…E me turkun…”.

Behari: “…jo mor vëlla, çfarë flet nuk i them kujt…Po jo o vëlla, do i fus veç për vedi për kryet të kalamanjve dhe do ju jap naj gjë dhe këtyreve. Ok e kam të shitur…”.

Por sërish biznesmeni Martianaj, ia kthet Beharit duke i kërkuar këtij të fundit që të mos flasi lart e poshtë, duke i shkruar: “…mos i thuaj kujt, veç atyre që rrimë, Lela e Plluma. Herës tjetër ja fusim nga 200, masanej nga 400…”.

“…Jo mo vlla nuk tregoj…”- i thotë Behari, duke vijuar t’i shkruajë Ervis Martinaj se: ”…ba me dal, do ju jap ka 100 mijë euro Denisit dhe Samos dhe Dorit, se kam shpenzime…”

Sërish Martinaj ia kthen: “…O e ke të dalme, por veç fike News 24… ( shprehje figurative duke i rikujtuar Beharit të mos flasë mos hapi gojën për këtë punë) se të tjerët bajnë nga 1000 copë e nuk folin. Leli s’ta ka futur 1 bukë kurrë, o budalli i dreqit…”.

Behari: “…po nuk kam punë me të o vlla, vari ka**n e tij….”.

Ndërsa Martinaj i thotë: “… po na e bjer ta ballafaqojmë…”.

“…kismet se kam kohë si nuk kam fol, por varja puna e tij…”,- ia kthen Behar Bajri.

Më tej, po në datën 27 Tetor 2020, teksa Behar Bajri bisedon me biznesmenin Pëllumb Gjoka, duke i shkruar këtij të fundit për merakun se s’po e kapte dot Bardhok Pllanaj.

“…atë Bardhokun, si nuk po e kap, se ai vdes prej frike…”,-i shkruan Behar Bajri, Pëllumbit.

Ndërsa ky i fundit ia kthen: “…se gje gja Bardhokun, ka kaluar shumë ai ashtë mjeshtër…”.

Por sërish Behari i shkruan më tej duke qeshur: “…hahaha varet kur e ka ditën dhe ky, po po ashtu është. Po dhe mu më ka vënë në gjumë, po më ka dhënë valjum derisa ta zaj atë Dorin…”.

Në fakt Dorian Dulin nuk mundi ta kapë dot kurrë Behar Bajri. Duli, nuk mundi të kapet dhe nga Prokuroria e Posaçme SPAK, e cila e kërkoi si dëshmitar për ta pyetur dhe ky person nuk u arrit të gjendet në Shqipëri nga oficerët e Policisë Gjyqësore.

The post Do të fus edhe ty 100 copë/ Zbardhen mesazhet në “SKY ECC”, si Behar Bajri i lutej Ervis Martinajt: O shok, erdha që t’i heq armiqtë e t’i bëj miq appeared first on Albeu.com.

Sipas Çelmetës, Policia e Shtetit e di të vërtetën për Ervis Martinajn, por nuk e thotë sepse ka të implikuar jo vetëm anëtarë të grupeve kriminale, por edhe efektivë e njerëz nga politika.

“Pas disa ngjarjeve të rënda kriminale, vrasja e kushëririt në 17 korrik, atentati ndaj krahut të djathtë Ylli Ibrahimi dhe 1 javë më pas, këtë informacion e ka edhe Policia e Shtetit, Ervis Martinajt i kanë çuar fjalë, duke e kërcënuar, i kanë thënë që “tashmë radhën e ke ti”. Janë bërë bashkë disa banda kriminale, ka edhe implikim të Policisë së Shtetit në këtë ngjarje, punonjës të cilës.

Policia e Shtetit e di të vërtetën për Ervis Martinajn por nuk e thotë. E vërteta e Ervis Martinajt lidh shumë fusha përveç krimit të organizuar, lojërat të fatit dhe Policisë së Shtetit, lidh edhe politikën. Kanë kaluar dy vite nga zhdukja e Ervis Martinajt. E vërteta e Ervis Martinajt do të lihet enigmë, nuk do të zbardhet.

Ka shumë zyrtarë të policisë, drejtues të saj që merrnin haraçin nga Martinaj i cili kontrollonte lojërat e fatit dhe donte të ishte i paprekshëm duke kontrolluar territorin. Përfshirja e drejtuesve të Policisë bën që kjo ngjarje të mos zbardhet”,- tha Çelmeta.

Ervis Martinaj, rezulton i zhdukur që prej 9 gushtit të vitit 2022 dhe deri më tani, fati i tij është mister. Ai ishte shpallur në kërkim, në kuadër të operacionit “Plumbi i Artë”, pasi i penduari i drejtësisë Nuredin Dumani, tha se i kishte ofruar një ‘çek të bardhë’ në këmbim të ‘kokës’ së Indrit Dokles.

The post Zhdukja e Ervis Martinajt/ Gazetari zbulon detaje: I çuan fjalë një javë para, tashmë radhën e ke ti appeared first on Albeu.com.

Gazetarja Aida Topalli, teksa ishte e ftuar në Podcastin “M’kujto” , ka rrëfyer vështirësitë që ka hasur gjatë rrugëtimit të saj 7 vjeçar, në fushën e kronikës së zezë.

Ajo tha se ishte kërcënuar nga të afërm të Ervis Martinajt, ndërsa tregoi edhe disa anë të errëta të botës së krimit dhe personazhe të njohur të lidhur me ta.

“Fola në një intervistë për Ervis Martinajn, i zhdukur që prej gushtit të vitit 2022. Pak orë pasi dola nga studioja më telefonon motra e tij dhe më thotë: “Si përmend t’i vëllain tim”.

Në fillim e nisi butë, por më pas më kërcënoi dhe ofendoi. I thashë nuk mund të ndërhyni në punën time, mund t’u drejtohesh institucioneve nëse pretendon për shpifje. Sot e kanë shumë të lehtë të na gjejnë e na marrin pa pikën e problemit”,– u shpreh gazetarja.

The post Gazetarja bën deklaratën e fortë: Si më kërcënoi dhe ofendoi motra e Ervis Martinajt appeared first on Albeu.com.

Në emisionin Top Story, Vocaj u pyet me rastin e Martinajt, i shpallur i zhdukur, ndërsa kryepolici i Tiranës tha se për rastin konkret ka një grup të posaçëm në polici që po e ndjek këtë çështje.

“Ka pasur informacione dhe pista që po hetohen. Policia do të informojë publikun sapo të ketë rezultate. Por nuk mund t’i kërkohet Policisë dhe Prokurorisë që detyrimisht duhet të zbulohen 100% të gjitha ngjarjet e rënda, por duhet t’i afrohet 90%. Në vendin tonë zbulohen në masën 85 deri në 90%. Por sa më shumë largohesh nga dita e ngjarjes, probabiliteti për të siguruar prova, ulët”, tha ai.

The post Fati i Ervis Martinajt,Tonin Vocaj: Ka informacione dhe pista ku po hetohet… appeared first on Albeu.com.

“Unë i qëndroj bashkë me drejtorin e përgjithshëm angazhimeve publike. Policia e shtetit e bën punën 24 orë, edhe ndaj këtij angazhimi. Pjesë e analizës sot do jenë dhe ngjarje të vjetra kriminale të Korçës”.

Nga ana tjetër, Balla theksoi se po punohet për arritjen e një marrëveshje esktradimi me autoritetet e Emirateve të Bashkuara, që njihen si “parajsë” për të shumëkërkuarit.

” Po punojmë për një gjë të tillë. Lidhet në mënyrë të qenësishme. Nuk pranojmë që persona që kanë hesape me drejtesine shqiptare të fshihen diku. Besoj do arrijme me çdo vend një marrëveshje të tillë”, theksoi ai.

Nga ana tjetër, lidhur me krimet në familje, Balla kërkoi që çdo qytetar të drejtohet tek autoritetet kur cënohet

The post Zhdukja e Ervis Martinajt, flet Taulant Balla appeared first on Albeu.com.

Sipas njoftimit të “bluve” në një koshere bletësh janë gjetur armë zjarri, automatikë, 7 mijë fishekë, 85 predha, 9 uniforma policie, 7 jelekë multifunskionalë, 11 kapele policie dhe 2 radio.

Kontrolli është ushtruar në banesat e shtetasve: E.M, F.M dhe R.M, ndërsa përpos arsenalit të armëve nuk janë gjetur vlera monetare.

Njoftimi i policisë:

Policia e Shtetit  Kontrolle të befasishme në 3 banesa dhe në disa ambiente, në Fushë Kuqe. Kontrollet, në kuadër të hetimeve në funksion të dy procedimeve penale “Plumbi i artë” dhe “Rrëmbim personi”. Kontrollet, të mbështetura nga Forcat e Lëvizshme Operacionale të Policisë së Shtetit, FNSH dhe RENEA. Sekuestrohen 2 armë zjarri, 1 silenciator, mijëra municione luftarake, radio, fenelina, uniforma policie, maska dhe sende të tjera të kundërligjshme.

Mëngjesin e sotëm, shërbimet e Policisë Gjyqësore të Drejtorisë së Përgjithshme të Policisë së Shtetit dhe ekspertë të Institutit të Policisë Shkencore, në bashkëpunim me shërbimet e Policisë Gjyqësore të Drejtorisë Vendore të Policisë Lezhë, mbi bazën e vendimit të Gjykatës së Posaçme të Shkallës së Parë për Korrupsionin dhe Krimin e Organizuar, në kuadër të procedimit penal të vitit 2022, regjistruar në SPAK, për vepra të rënda penale të kryera në formën e grupit të strukturuar kriminal, ushtruan kontroll në banesat e shtetasve: E. M., F. M. dhe R. M. Gjatë kontrollit, shërbimet e Policisë gjetën të fshehura në koshere bletësh dhe sekuestruan në cilësinë e provave materiale, sendet e mëposhtme:

• 2 armë zjarri automatike, 1 silenciator, rreth 7 mijë fishekë luftarakë të kalibrave të ndryshëm, për armë të lehta dhe të rënda, 85 predha eksplozive, 1 thikë bajonetë, 9 uniforma policie, 7 jelekë multifunksionalë, 11 kapele policie, 2 radio policie, fenelina policie, maskë gome për fytyrën dhe dokumente të ndryshme.
Gjatë kontrollit nuk janë gjetur vlera monetare. Provat materiale do të dërgohen në Institutin e Policisë Shkencore, për ekzaminime të mëtejshme laboratorike./albeu.com

The post Pesë orë kontrolle në banesën e Ervis Martinajt, policia: Gjenden dy armë, 7 mijë fishekë e 9 uniforma policie (FOTO LAJM) appeared first on Albeu.com.

Balkan Web raporton se ai ka refuzuar të japë shpjegime para hetuesve, edhe pse mund të konsiderohet si personi i fundit që e ka parë Martinajn para se të zhdukej, pasi e transportonte me automjetin e tij.

Në këto kushte, prokuroria e Kurbinit ka vendosur të shtyjë edhe për tre muaj afatin e hetimit për Lamin.

Nga ana tjetër prej mëngjesit të sotëm policia ka ushtruar kontrolle në banesën e Ervis Martinajt në fshatin Fushë Kuqe të Kurbinit.

The post Zhdukja e Ervis Martinajt, ish-agjenti Jeton Lami “kyç” gojën, Prokuria zgjat me tre muaj hetimet appeared first on Albeu.com.

Në lidhje me këtë krim të dyfishtë janë dërguar për gjykim katër të pandehur për akuzat e vrasjes në rrethana të tjera cilësuese e kryer në bashkëpunim dhe armëmbajtje pa leje. Eduart Lamaj akuzohet se ka pasur rolin e ekzekutorit, ndërsa miqtë e tij Ilir Lika (Xhepaj), Klaudio Përkola dhe Oltion Vlashi në rolin e ndihmësit.

Së fundmi gazetari Artan Hoxha për këtë ngjarje deklaron se kjo është një vrasje e pastër me pagesë dhe një grabitje siç u pretendua. Sipas Hoxhës Bujar Lika i njohur si Ari, ka qenë njeriu më i afërt i Ervis Martinajt.

Hoxha thekson se vrasësit janë kujdesur që të kryejnë porosinë deri në fund majde kanë krijuar edhe alibinë e grabitjes për të mos u zbuluar.

The post Artan Hoxha nxjerr videon e plotë: Ja si u ekzekutua miku i ngushtë i Ervis Martinajt (VIDEO) appeared first on Albeu.com.

Duke theksuar se Vis Martinaj është një njeri që nuk ia zë besën askujt dhe se nuk mund të binte kaq lehtë pre e një rrëmbimi, Vezaj shkuan se ai mund të jetë larguar dhe po fshihet në Kosovë. Vezaj thekson se të gjitha këto skenarë po bëhen që ai të strofulla dhe që armiqtë e tij të mund ta gjejnë.

Nga Flamur Vezaj:

Zhurme, propagande, konspiracion dhe qaramani!

Kur erdhi Gledisi, shpresoja se do bente nje ndryshim te pakten te drejtuesit e policise qe kane trashur qafen ne keto pozicione! Por u gabova! Edhe ai vet për keto 11 muaj nuk e kuptoi se cfare detyre kishte! Pasi jo ne pak raste, drejtoret, zv/drejtoret e shefat e komisariateve ia emeruan te tjeret! E keshtu qe filluan perplasjet me ministrin qe solli edhe shkarkimin e tij! E Gledisit i mbeten vetem fotot me drejtoret e policise se shteteve tjera e delegacioneve te huaja, qe nuk i kishte te pakta ne numer! Por, miq harrojeni propaganden e qeverise se rritja e krimit ne vend, vrasjet e implikimet e policise ne ngjarje te ndryshme kriminale, bene qe te shkarkohet Gledisi!
Se harrojne ata se kur ja emronin “shefat” Gledisit, si mundesh pastaj ti kerkosh llogari ketij per objektivat?! Se edhe ne kohen e drejtoreve para Gledisit kanë ndodhur shume me shume ngjarje dhe nuk jane shkarkuar ata drejtoret por perkundrazi, jane lavderuar (edhe pse mashtronin)! Madje per Veliun u tha “qe i mbaroje vaji i kandilit”! Po kush i hodhi vaj tani qe e rikthyet ne polici!!!???? Keta jane gallate per Zotin! Gjithesesi Gledisi do te mbahet mend (vetem) si drejtori qe urdheroi te kryhen pagesat e oreve shtese te policise qe kishin vite pa marr! E ne vend te tij do te emerohet M.Rrumbullaku! Po, ai qe ishte ne ate foton qe Rama e perdori forte ne fushate per te ardh ne pushtet! E tani e perdor perseri, emerimin e tij me fjalet se “per ne polici eshte pertej te djathtes e te majtes” (cit nje mik te mire)! Keshtu qe suksese ne jete Gledis, e mos u qaj poshte e Larte se nuk bere asgje dhe as nuk more mundimin te ndryshosh mendesine e “shefit” ne polici!

#Martinaj, akoma besoni qe e kane rrembyer e vrare!???! Ai nuk beson asnje person, as familjaret e tij dhe per kete fakt eshte “vetzhdukur” me shume gjasa ne Kosove! E gjithe kjo lufte ne media, me burime e konspiracion, mendoje se behet qe ai te dal nga strofulla qe “armiqte” ta gjejne! Kaq! Eshte nje intrige e vjeter!! Nuk eshte Martinaj me i rrezikshmi e me krimineli se ata ndertues biznesmen ne Tirane qe kane kap politikanet Dhe i kane tredhur! Martinaj bente zhurme ku shkonte dhe “urdheronte” tjeret te sulmonin per ate se vet e fshihte doren! E keshtu ka bere leke edhe me ndihmen e qeverise se atij “non grates” mos harroni! Gjithesesi presim e presim se do te dal se jane shume qe po e kerkojne! Armiqte, familja, ortaket, shoket etj etj!
#Bixhozi, te fala Olsit, Gaz Demit e Don Dukes me shok se i duhen leket!
#Po, Cfare u be me inceneratoret di gje njeri!???
Po me larjen e rrobave me 30*???
Po me investitoret strategjike qe po gllabrojne jugun!??
Po me instalacionin 3.4 mln euro!??
Ore po ata spiunet e reparteve pa ushtri?!?
Di gje njeri si u be me ato emigrantet qe po ikin ne Angli Apo do e besoni Çuçin se do denohen 4 vjet ata qe ikin me gomone!
Po me ate kryetarin e partise se “pengmarrjes” cfare po behet, vazhdon te bertet si i forti i asaj rruges se tregut me tezga! Me pasurine e tij cfare po behet!??? Po me ate tjetrin e “non grates” cfare u be, e gjeti krehrin e flokeve??
#SePateThaneNjePlakPaDhembKushSkaMenDoTeKeteKam#Fishta#

The post Zhdukja e Ervis Martinajt, gazetari: Nuk e kanë vrarë, ja ku fshihet appeared first on Albeu.com.