Mësohet se ai u vu në pranga pasi u mbajt dy javë nën vëzhgim nga pala shqiptare, e cila më pas ka njoftuar autoritetet franceze.

43-vjeçari në momentin e arrestimit ndodhej i vetëm në një lokal në Paris.

Ai nuk ka bërë rezistencë ndaj oficerëve të policisë në momentin e ndërhyrjes dhe nuk iu gjet asnjë send i jashtëligjshëm.

Tashmë, autoritetet e të dyja vendeve kanë nisur procedurat për ta ekstraduar në vendin Shqipëri.

Kush është Behar Bajri

Bajri ishte shpallur në kërkim si pjesë e dosjes “Metamorfoza”.

Hetimet nisën në 2019-ën pasi autoritetet belge dhe holandeze siguruan komunikime në rrjetin “Enchro Chat” dhe “SKY”. Nga hetimet rezultoi se biznesmeni Pëllumb Gjoka, tashmë i arrestuar, ka kërkuar nga Behar Bajri që të kryente vrasjen e Kleanthi Musabelli një ish-punonjës i policisë së burgjeve.

Në dosje u zbulua gjithashtu se si Bajri kishte bashkëpunuar edhe me Ervis Martinajn.

Referuar dosjes hetimore, Behar Bajri dhe Denis Borrici ekzekutuan Gjin Boriçin me porosi të Martinajt, dhe ky i fundit do të eliminonte Kleanth Musabelliun vrasje e cila nuk u realizua pasi shënjestra kuptoi planin.

Si pjesë e kësaj dosje u arrestuan edhe biznesmeni Pëllumb Gjoka, ish prokurori i Kukësit Xhevahir Lita dhe kreu i Forcave Operacionale, Oltion Bitri. Ndërsa u zbardhën vrasje e tentativa vrasjesh në Shkodër e Tiranë.

Behar Bajri është një emër shumë i njohur i botës së krimit për drejtësinë shqiptare. Ai u lirua nga burgu në vitin 2020 nga drejtësia shqiptare, pasi ishte ekstraduar nga Belgjika, ku ishte arrestuar në vitin 2019-të.

The post DETAJE/ Arrestimi i Bajrit, ndodhej i vetëm në një lokal në Paris, u mbajt dy javë nën vëzhgim nga autoritetet shqiptare appeared first on Albeu.com.