20-vjeçari për 4 muaj ka punuar si punonjës i Policisë bashkiake në Tiranë dhe më pas ishte larguar dhe kishte aplikuar në Akademinë e Sigurisë.

I riu nuk u shpall fitues, duke ngelur në testin psikologjik.

Ai po hetohet nëse është përfshirë në ndonjë paligjshmëri, por deri më tani nuk ka pasur denoncime ndaj të riut.

Pasi u ndalua në Kamëz, gjatë kontrollit në banesë iu gjetën 4 dokumente identifikimi me emra dhe fotografi të dyshuara të falsifikuara, 1 armë sportive të llojit pistoletë me 2 krehra përkatës, uniformë e Policisë së Shtetit, 16 stema dhe grada të ndryshme, si dhe 3 kapele me shenja të ngjashme me ato të Policisë së Shtetit.

Edhe për këto materiale të sekuestruara, ai deklaroi se ishte i apasionuar pas Policisë së Shtetit ndaj edhe i mbante në shtëpi.

The post U kap me armë dhe uniformë policie, zbardhet dëshmia e 20-vjeçarit appeared first on Albeu.com.

Pas verifikimeve, rezultoi se 20-vjeçari nuk ishte punonjës i policisë teksa gjatë kontrollit në banesën e tij, u gjetën 4 dokumente identifikimi me emra dhe fotografi të dyshuara të falsifikuara, uniformë policie, 16 stema dhe grada të ndryshme si dhe tre kapele me shenja të ngjashme me ato të Policisë së Shtetit.

Sakaq, burime për mediat bëjnë me dije se i riu kishte kontakte edhe me punonjës të vërtetë policie, dhe u prezantohej atyre si koleg.

Ai thuhet se u ka shkruar atyre në rrjetet sociale dhe publikonte foto e video në institucione shtetërore, i veshur me uniformë policie, duke u shtirur si efektiv i rendit.

Po të njëjtat burime bëjnë me dije se i riu ka publikuar në rrjetin e tij social, Instagram, pamje të regjistruara brenda Akademisë së Sigurisë duke hyrë me automjet në ambientet e brendshme të institucionit edhe pse hyrja është e mundur vetëm me autorizim zyrtar, çka ka ngritur pikëpyetje mbi mënyrën se si ai ka arritur të futet atje.

Nuk dihet ende se si i riu i ka përvetësuar këto materiale të Policisë, apo nëse ka bashkëpunëtorë të tjerë.

The post Kush është i riu që hiqej si polic në Tiranë (EMRI) appeared first on Albeu.com.