ervin salianj Archives - Albeu.com

Dosja Babale, shtyhet sërish seanca ndaj Ervin Salianjit

E B — Mon, 16 Jan 2023 09:16:28 +0000

Gjykata e Apelit ka shtyrë sërish seancën gjyqësore ndaj deputetit të PD-së, Ervin Salianji. Shkak kësaj here është bërë mungesa e trupës gjykuese, duke shënuar kështu herën e shtatë që seanca shtyhet.

Kujtojmë se Ervin Salianji është dënuar nga Gjykata e Tiranës me 1 vit burg, për skandalin “Babale”, ku në qendër ishte vëllai i ish-ministrit të Brendshëm, Fatmir Xhafaj. Këtë dënim ai dhe Kryesia e Partisë Demokratike e konsideron politik.

Apeli do të vendosë nëse do të lërë në fuqi vendimin e shkallës së parë, apo do ta shpallë të pafajshëm apo do të japë një vendim alternativ. Nëse do lihet në fuqi vendimi atëherë do kemi dënimin me burg të një deputeti. Autori i audio-përgjimit Albert Veliu u dënua me 3.5 vite burg ndërsa gazetari Jetmir Olldashi u dënua me 100 orë shërbim prove./albeu.com

The post Dosja Babale, shtyhet sërish seanca ndaj Ervin Salianjit appeared first on Albeu.com.

Apeli merr sot vendimin, sa vite burg rrezikon Ervin Salianji?

E S — Mon, 04 Jul 2022 10:32:30 +0000

Gjykata e Apelit pritet që sot në orën 14:00 të marrë vendimin për deputetin e PD-së, Ervin Salinji.

Shkalla e parë e ka dënuar Salianjin me një vit burg për dosjen “Babale” me akuzën e kallëzimit të rremë, ndërsa tanimë çështja rikthehet pas 3 viteve.

Deputeti Salianji ka konfirmuar se do të marrë pjesë në seancën gjyqësore.

Nëse Apeli sot konfirmon vendimin, Salianji rrezikon burgun dhe prangat do t’i vendosen në sallën e gjyqit, nëse dënimi nuk i konvertohet në shërbim prove./albeu.com

The post Apeli merr sot vendimin, sa vite burg rrezikon Ervin Salianji? appeared first on Albeu.com.

Salianji: PD nuk bashkohet, Basha do të krijojë parti të re

E B — Thu, 16 Jun 2022 20:42:23 +0000

Deputeti i PD-së, Ervin Salianji ka deklaruar se në Partinë Demokratike nuk po punohet për bashkim, por për të krijuar dy parti. Sipas tij, Lulzim Basha po përpiqet që të krijojë një parti të dytë, vetëm e vetëm që ai të ndihet kryetar.

Ai shprehet po ashtu se nëse nuk është e bashkuar, PD-ja s’ka mundësi të paraqesë ofertë serioze

“Ajo që shikoj në Partinë Demokratike, është se ndaj qeverisë ka bashkim. Nga ana tjetër, janë egot personale, ambiciet për karrierë dhe një lloj ngushtësie nga të dy krahët, ku secili kërkon të marrë maksimumin. Nëse nuk është e bashkuar, PD-ja nuk ka mundësi të paraqesë ofertë serioze. Shikoj që ka një përpjekje për të krijuar dy parti. Njërën parti po përpiqet ta krijojë ai që ishte kryetar më përpara (Lulzim Basha). Në politikë ulesh edhe me kundërshtarin politik për negociata. Kurse këtu nuk ka vullnet për t’u ulur, por vetëm deklarata për të bërë distancimin nga njëri-tjetri dhe për të krijuar shtratin e një partie të re. Për mendimin tim, kjo do të dëmtojë investimin e disa njerëzve që për 9 vite kanë qenë të sakrifikuar në përballje me regjimin. Edhe nga Rithemelimi duhet të kishte një qasje më ndryshe, për të pasur që të gjithë kontributorët e partisë në një anë”, tha Salianji në A2CNN.

“Basha ka dhënë dorëheqjen, por nuk ka hequr dorë. Ai do të bëjë çdo përpjekje që të kthehet në një parti, sado të vogël e të dobët, vetëm që të ndihet kryetar. Kjo duket në qëndrime”, shtoi Salianji.

The post Salianji: PD nuk bashkohet, Basha do të krijojë parti të re appeared first on Albeu.com.