Ministri Mete në fjalën e tij u shpreh se procesi i miratimit të Planit të Rritjes brenda BE ka ecur me ritme të shpejta dhe se tani do të kontribuojë për të përshpejtuar reformat dhe rritur konvergjencën mes vendeve të Ballkanit Perëndimor dhe BE-së.

“Plani i Rritjes ka krijuar një moment reformash. Tashmë jemi në fazën e dakordësimit final të masave të këtij Plani dhe instrumentat financiare qe lidhen me të priten të kalojnë në Parlament brenda verës.”

Ministri theksoi se Shqipëria është në një fazë të përparuar sa i përket anëtarësimit në Zonën Unike të Pagesave në Euro (SEPA), ku rezulton ndër vendet e para në rajon që ka dërguar tashmë para-aplikimin dhe po përgatitet të aplikojë zyrtarisht në muajin qershor. Gjithashtu, Ministri Mete vlerësoi mundësitë e ofruara nga BE përmes Planit të Rritjes, ku qytetarët e vendeve të Ballkanit Perëndimor pritet të përfitojnë një sërë lehtësish dhe masash konkrete, përpara se të behen anëtare te BE-së.

Drejtori i Përgjithshëm i Drejtorisë së Zgjerimit në KE, Gert Jan Koopman, vlerësoi progresin e bërë nga vendi ynë dhe vendet e tjera të Ballkanit Perëndimor në procesin e integrimit, ndërsa theksoi se Plani i Rritjes përfshin një set reformash ambicioze dhe sfiduese për rajonin. Ai inkurajoi vendet e Ballkanit Perëndimor të vijojnë me ritmin e lartë të reformave, duke theksuar edhe njëherë mbështetjen e Komisionit në procesin e integrimit.

E pranishme në këtë takim ishte Ministrja e Shtetit dhe Kryenegociatorja znj. Majlinda Dhuka, e cila u ndal te progresi i bërë nga vendi ynë në procesin e integrimit dhe reformave që synohet të ndërmerren edhe në kuadër të Planit të Rritjes.

Në takimin e Ministrave të Çështjeve Evropiane dhe Financave të Ballkanit Perëndimor në Kotor u disktua gjithashtu edhe Programi për Lehtësimin e Tregtisë dhe Transportit 2.0, një iniciativë që shihet si një vazhdimësi dhe përmirësim i mëtejshëm i Fazës së parë të Programit të zbatuar nga Banka Botërore, si edhe për çështje të tjera bashkëpunimi me interes të përbashkët për vendet e Ballkanit Perëndimor./albeu.com

The post Mete në takimin BE-Ballkani Perëndimor në Malin e Zi: Brenda verës miratojmë instrumentat e Planit të Rritjes në Parlament appeared first on Albeu.com.

Nga foltorja e Kuvendit, Bylykbashi tha se sot 29 mijë profesionistë të lirë po përballen me fatura të tmerrshme, pasi qeveria i preu në besë, pasi ju premtoi zero taksa për ata që bëjnë deri në 140 milionë lekë në vit xhiro.

Oerd Bylykbashi: Për ata 28-29 mijë profesionistë të lirë që kanë parë çfarë keni bërë ju në kurrizin e tyre. Të gjithëve ju ka ardhur fatura, e kurthit që ju ju ngritët. Të gjithë këta profesionistë të lirë, mjekë, inxhinierë, kontabilistë, avokatë, po përballen me fatura shumë milionshe, 5,6, 7, 10 milionë lekë që do të paguajnë në vit. Ju ju keni bazuar xhiron me fitimin. Këta profesionistë të lirë që përfaqësojnë familjet e tyre, të gjithë këta përballen me këtë situatë skandaloze. Ka një themel të gjithë kësaj, pasiguria juridike. Një pjesë e profesionistëve e kuptojnë, por disa të tjerët duhet t’ua shpjegosh më thjeshtë. Rama ju premtoi atyre se kush është nën 140 milionë lekë të vjetra xhiro do ta kenë situatën zero, dhe ju e bëtë për ca kohë, dhe disa prej tyre nuk kanë deklaruar kostot e larta. Dhe sot të gjithë këta janë zënë gafil dhe nuk dinë çfarë të bëjnë. Të gjithë këta sot kanë të njëjtin hall. Gjithë gjithë 30 milionë euro llogaritet tu merrnin ju këtyre me tatime. 30 milionë euro është skema korruptive e 5D-së. Ndoshta tani ka ardhur momenti ta kuptojnë se janë viktima të një mekanizmi të madh grabiqar qeverisës. Sot një profesionist i lirë paguan 15% nëse faturon më shumë se 140 milionë lekë të vjetra, ndërkohë një që shet byrek nuk e ka kaq, e ka zero.

Ndërsa ministri i Financave, Ervin Mete tha se ligji  është përpunuar nga ekspertët më të mirë dhe se  sjell standarte ndëkombëtare në sistemin tonë tatimor.

Ervin Mete: Tej pozicionimeve politike, taksimi i profesionistëve që ofrojnë shërbime apo i të vetëpunësuarve vendos më tepër drejtësi dhe ndershmëri në sistem. Ai në thelb është tatim it ë ardhura nga punëismi. Tëa rdjurat e një kategiroe s ii ounësuar apo i vitëpunësuar duhet të kenë një tatim të ngjashëm. Ligji është përpunuar nga ekspertët më të mirë dhe sjell standarte ndëkombëtare në sistemin tonë tatimor.

Ligji për tatimin e profesioneve të lira është dërguar në gjykatë nga opozita me argumentin se bie ndesh me kushtetutën. Seanca e parë pritet të zhvillohet në datën 21 maj./albeu.com

The post “29 mijë profesionistë të lirë i keni zënë gafil”, Bylykbashi: I premtuat taksën zero, sot vijnë vërdallë. Mete: Ligji është përpunuar nga ekspertët më të mirë appeared first on Albeu.com.

Ministri i Financave, Ervin Mete, gjatë ceremonisë së zhvilluar në Ambasadën e SHBA-ve në Tiranë, në prani të Drejtoreshës së Misionit të USAID në Shqipëri, znj. Mischere Kaëas, u shpreh se Marrëveshja e ratifikuar fillimisht në fund të vitit 2013, ka ofruar mbështetje serioze për ndërmarrjen e reformave të rëndësishme në fusha si, të drejtat e njeriut, qeverisja, zhvillimi ekonomik, paqja dhe siguria.

“Rinovimi i marrëveshjes deri në vitin 2030, duke e çuar vlerën e përgjithshme të financimit deri në 97 milionë dollarë, është një tjetër dëshmi e mbështetjes së vazhdueshme të Qeverisë Amerikane për Shqipërinë, një mbështetje e cila bëhet edhe më e rëndësishme për vetë stadin në të cilin ndodhet aktualisht vendi ynë në procesin e negociatave dhe përpjekjet për t’u afruar më shpejt me Bashkimin Europian. SHBA ka qënë dhe vijon të jetë një nga mbështetësit më të mëdhenj të vendit tonë, jo vetëm sa i përket anëtarësimit në strukturat euroatlantike, por edhe sa i përket reformave të rëndësishme, siç është edhe reforma në drejtësi, apo një sërë reformash të tjera që po ndërmarrim, rritjes së transparencës dhe llogaridhënies, si dhe zhvillimit të sektorëve prioritarë të ekonomisë,” u shpreh ministri Mete.

Nga ana e saj, Drejtoresha e USAID në Shqipëri theksoi se “ky është një moment kyç, ndërkohë që Shqipëria ndërmerr hapat e rradhës drejt integrimit euro-atlantik dhe anëtarësimit në BE. Ne jemi gati të jemi një aleat në çdo hap, ku USAID zgjeron dhe thellon marrëdhënien e bashkëpunimit me qytetarët dhe Qeverinë e Shqipërisë.

Që nga viti 1992, USAID ka investuar mbi 500 milionë dollarë në Shqipëri në mbështetje të pluralizimit politik, shoqërisë civile, qeverisjes vendore, sundimit të ligjit, sektorët e energjetikës dhe shëndetësisë, rritjes së qëndrueshme ekonomike, përfshirë zhvillimin e turizmit dhe mbështetjes së ndërmarrjeve të vogla.

Pas nënshkrimit të marrëveshjes, Ministri Mete zhvilloi një takim me të Ngarkuarin me Punë të Ambasadës Amerikane në Tiranë, z. David Wisner.

The post Nënshkruhet marrëveshja me USAID, Mete: Zgjerohet më tej financimi, shtyhet deri në 2030 afati i marrëveshjes appeared first on Albeu.com.

Ndonëse i pyetur nga mediat, ai ka refuzuar të japë detaje se përse është thirrur nga Prokuroria e Posaçme.

Megjithatë, burime për mediet bëjnë me dije se ai është thirrur lidhur me hetimet që po zhvillohet për ish-numrin dy të qeverisë, Arben Ahmetaj, gjatë kohës që ka shërbyer si zv.Minister i Ekonomisë.

Mësohet se ai ka shkëmbyer disa emaile me pronarët e kompanisë koncesionare, Klodian Zoto./albeu.com

The post Ministri i Financave Ervin Mete paraqitet në SPAK, “kyç” gojën para medieve appeared first on Albeu.com.

Me një turizëm gjithëvjetor ekonomia po hyn në një fazë të re mbi 10 milionë vizitorë të huaj dhe më të ardhura në rreth 3.2 miliardë euro.

Reforma e nisur e rritjes së pagave në sektorin publik do të vijojë ndjeshëm edhe gjatë 2024.

Mete: Në muajt e parë të vitit do të finalizohen vendimet që specifikojnë rritjen për të gjitha kategoritë. Në mesin e vitit 2024 do të ketë një rritje të konsiderueshme të pagave, me synimin që brenda këtij viti të arrijmë pagën mesatare prej 900 euro në sektorin publik.

Nga data 1 janar, ka nisur zbatimin ligji i ri “Për tatimin mbi të ardhurat”. Ky ligj është plotësuar tashmë me të gjitha aktet e nevojshme nënligjore që mundësojnë zbatimin e plotë të tij.

Mete: Në kuadër të ligjit “Për tatimin mbi të ardhurat” është hartuar edhe udhëzimi i ri, lidhur me taksimin e kalimit të pronësisë, ku kemi gjetur me vend të vendosim një rregull të ri. Në të gjitha zonat do të aplikohet çmimi i referencës në shitje, në raport me moshën e ndërtesës, ku për çdo vit vjetërsi, çmimi do të ulet me 1%. Gjatë këtij viti, do të ketë një rishikim të çmimeve të referencës edhe në zonat bregdetare.

Gjithashtu ministri u ndal edhe te forcimi i Lekut dhe tha se kjo tregon forcimin e ekonomisë, ndërsa shpjegoi se ky forcim ka ndodhur nga një sërë faktorësh.

Mete: Forcimi i lekut është reflektim i forcimit të ekonomisë. Nëse kemi vetëm në 9 mujor 3.2 miliardë euro flukse hyrëse nga turizmi, sigurisht që kjo ndikon në forcimin e monedhës vendase, ashtu siç ka edhe një sërë fluksesh të tjera që shprehen në forcimin e monedhës vendase. Ne jemi një ekonomi e hapur, e ndjeshme ndaj zhvillimeve të partnerëve tanë tregtarë, ndaj zhvillimeve gjeopolitike që kanë dhënë efekt në atë sektor.

Ai u ndal po ashtu te ligji për sigurimin e detyrueshëm të banesave nga tërmetet dhe tha se një draft do të jetë gati në tremujorin e parë të këtij viti.

Mete: Ligji është në diskutim, kemi një analizë të Bankës Botërore sa i përket primit nëse do të jetë bazik i unfiirkuar për gjithë vendin apo i ndarë në 2 apo 4 zona të vendit, të cilat reflektojnë nga njëra anë riskun sizmik dhe nga ana tjetër vlerën e banesave./albeu.com

The post Financat 2023 dhe parashikimet, Mete: Forcimi i Lekut ndaj Euros tregon forcimin e ekonomisë appeared first on Albeu.com.

Duke u bazuar në raportin e FMN, Mete deklaroi se ekonomia shqiptare shfaqet si një nga ekonomitë më rezistente të rajonit, dhe tani ka hyrë në një fazë të re.

Ndërkaq, për vitin e ardhëm, parashikohet një rritje ekonomike prej 3.8%.

Përveç qëllimit për rritjen e rrogës mesatare, do të indeksohen dhe pensionet.

Ervin Mete: Sot, në mbledhjen e Këshillit të Ministrave, kemi miratuar Projektbuxhetin 2024, i cili vendos një nivel të ri lidhur me planifikimin e shpenzimeve publike që tejkalojnë 7 miliardë euro.

Projektbuxheti mbështet zhvillimin e mëtejshëm ekonomik, nxitjen e punësimit dhe mbrojtjen sociale, duke synuar në të njëjtën kohë balancën e duhur të ekuilibrave makroekonomikë dhe fiskalë.

Siç vlerësoi sot edhe FMN, ekonomia shqiptare shfaqet si një nga ekonomitë më rezistente të rajonit, duke hyrë tashmë në një fazë te re. Konjuktura aktuale e favorshme krijon mundësi për të shtyrë përpara një seri reformash, për të siguruar rritje të qëndrueshme dhe gjithëpërfshirëse.

Në projeksionet tona, ne parashikojmë një rritje ekonomike prej 3.8% për vitin e ardhshëm, një balancë primare pozitive, konsolidim të mëtejshëm fiskal, rritje të punësimit dhe ulje të inflacionit.

Ambicja jonë është që siç kemi qënë një nga ekonomitë më rezistente të rajonit, të synojmë të jemi një nga destinacionet kryesore në rajon sa i përket turizmit, duke synuar në të njëjtën kohë të ofrojmë punësim cilësor dhe ndër pagat më të larta në rajon.

Projektbuxheti 2024 i përgjigjet kësaj ambicjeje.

Duke mbështetur rritjen e pagave dhe duke bërë të mundur që brenda vitit 2024 të realizohet objektivi i vendosur nga qeveria për të arritur një nivel page mesatare prej 900 euro në muaj. Projektbuxheti parashikon një fond prej 11 miliardë lekësh për rritjen e mëtejshme të pagave të mjekëve të përgjithshëm, infermierëve dhe punonjësve të tjerë shëndetësorë, mësuesve në arsimin parauniversitar, forcave të rendit, të mbrojtjes dhe niveleve zbatuese të administratës qëndrore dhe vendore. Në total, efekti i përgjithshëm në buxhet për financimin e kësaj reforme madhore në sistemin e pagave kap vlerën 39 miliardë lekë.

Gjithashtu financohet indeksimi i pensioneve, i cili në dy vitet e fundit kap shifrën rreth 25 miliardë lekë. Vijon mbështetja për mbrojtjen sociale dhe shtresat në nevojë, duke alokuar rreth 33%, 1/3 e shpenzimeve të përgjithshme publike për skemën e pensioneve, ndihmën ekonomike, pagesën e paaftësisë, pagesën e papunësisë, asistencën sociale, ish-të përndjekurit, ish-pronarët, etj.

Financimi i investimeve publike të programuara për vitin 2024 do të jetë mbi 5% të PBB-së, duke mbështetur në vazhdimësi rritjen ekonomike, për të zhvilluar më tej turizmin, bujqësinë dhe konektivitetin, si edhe duke nxitur punësimin. Paketa e investimeve mbështet infrastrukturën kombëtare dhe vendore, për t’iu përgjigjur sa më mirë kërkesës në rritje të turizmit.

Projektbuxheti vijon të financojë procesin e rindërtimit, në vijim edhe të mbështetjes së dhënë përmes Aktit Normativ.

Respektohet niveli i kërkuar lidhur me angazhimet e anëtarësimit në NATO, me 2% të PBB-së në vitin 2024 dhe kjo arrihet për herë të parë.

Rritet ndjeshëm buxheti në dispozicion për njësitë e pushtetit vendor, ku për vitin 2024 shpenzimet parashikohen të jenë 71 miliardë lekë, ose 10.4% më shumë se buxheti i vitit 2023. Pjesë e rëndësishme e buxhetit të pushtetit vendor është granti i qeverisjes qëndrore për njësitë vendore në masën 36.5 miliardë lekë./Albeu.com 

The post Qeveria miraton projektbuxhetin 2024, Mete: 39 mld lekë për rritjen e pagave, brenda 2024 rroga mestare 900 euro appeared first on Albeu.com.

Mete theksoi se nuk do të ndërmerret asnjë  masë që bie ndesh me parimet e FTFA (Task Forca për Veprimin Financiar).

Pyetje: A është tërhequr qeveria nga amnistia fiskale?

Ervin Mete: Përgjigja është që ne nuk do të ndërmarrim asnjë masë që bie ndesh me parimet në këtë fushë, me rekomandimet FATF apo me praktika të ngjashme të marrë në vendet e tjera. Cdo masë është në pajtueshmëri me praktikat e tjera.

Çfarë është amnistia fiskale?

Amnistia fiskale dhe penale është nisëm ligjore e ndërmarrë nga qeveria shqiptare për të falur të gjitha gjobat, kamatëvonesat e pasurisë që deklarohet, nëse kryhet regjistrimi i pasurisë së disponuar në 30-vjeçarin e fundit, të kryera deri në datën e hyrjes në fuqi të ligjit. Personave që aplikojnë për amnisti fiskale u ruhet anonimati dhe nuk i fillojnë procedurat e ndjekjes penale.

Amnistia përjashton 34 kategori, zyrtarë të lartë, të mesëm, të sotëm dhe të dikurshëm dhe familjarët e tyre, (gjyqtarë, policë, nëpunës, guvernatorë, pjesëtarë bordesh, etj), politikanët dhe familjarët e tyre, individë të skeduar me rekorde kriminale të dënuar dhe në hetim (në Shqipëri dhe në Evropë), subjektet e ligjit anti-mafia, subjektet e OFL të verifikuar dhe të pa verifikuar dhe personat që janë pjesë e listës si financues të terrorizmit, por edhe familjarët e tyre.

Sipas draftit të qeverisë, mund të vetëdeklarohet deri në 2 milionë euro pasuri e luajtshme dhe e paluajtshme, para cash dhe sende me vlerë. Kufiri i deklarimit nuk individual, por familjar, që do të thotë se vetëm një person në familje mund të deklarojë deri në 2 mln euro.

The post FMN dhe BB janë kundër, Mete nuk ka një përgjigje mbi Amnistinë Fiskale appeared first on Albeu.com.

Ministri i Ekonomisë dhe Financave, Ervin Mete, pas mbledhjes së qeverisë tha se nisur nga performanca e mirë e të ardhurave, parashikohet rritje e planit vjetor të të ardhurave me 7.5 mld lekë.

Sipas ministrit 12 mld lekë do të shpërndahen për rindërtimin.

Mete: Ky akt normativ, nisur edhe nga performanca e mirë e të ardhurave, parashikon rritje të planit vjetor të të ardhurave me 7.5 miliardë lekë. Nëpërmjet këtij akti normativ rishpërndahen rreth 46 miliardë lekë, me synim përshpejtimin e projekteve me performancë pozitive dhe nxitjen e rritjes ekonomike.

Kjo bëhet e mundur edhe falë një ecurie pozitive të sektorit energjetik, i cili nuk ka pasur nevojë për mbështetjen buxhetore të parashikuar në fillim të vitit. Nëpërmjet aktit normativ mbështetet procesi i rindërtimit me afro 12 miliardë lekë, me synim avancimin dhe përmbylljen sa më të shpejtë të këtij procesi.

Gjithashtu, alokohen rreth 1.8 miliardë lekë për skemën e naftës dhe skemat e mbështetjes së fermerëve, për të cilat Ministria e Bujqësisë do të sigurohet për disbursimin e tyre deri në fund të vitit.

Parashikohet një shtesë për fondin e ish-të përndjekurve politikë, me synim përshpejtimin e pagesave për këtë kategori përfituesish.  Akti normativ mbështet gjithashtu projektet në infrastrukturë, kryesisht në rrugë, ujësjellësa dhe kanalizime. Ndërkohë, parametrat makro-fiskalë vazhdojnë të synojnë uljen e borxhit publik, duke mbajtur të pandryshuar defiçitin buxhetor Sot, në mbledhjen e Këshillit të Ministrave, kemi miratuar Aktin Normativ për ndryshime të Buxhetit të vitit 2023./Albeu.com 

The post Ndryshime në buxhet, ministri Mete: Do të rishpërndahen 46 mld lekë, për rindërtimin 12 mld lekë appeared first on Albeu.com.

-Ministër i Financave dhe Ekonomisë- Ervin Mete

-Ministër për Evropën dhe Punët e Jashtme- Igli Hasani

-Ministre e Arsimit dhe Sportit- Ogerta Manastirliu

-Ministre e Bujqësisë dhe Zhvillimit Rural-Anila Denaj

-Ministre e Shëndetësisë dhe Mirëqenies Sociale- Albana Kociu

-Sekretarja e Shtetit për sipërmarrjen dhe klimën e biznesit–Delina Ibrahimaj.

-Ministër Shteti për Pushtetin Vendor-Arbian Mazniku

Por kush janë emrat e rinj?

Ervin Mete që do të jetë pasuesi i Delina Ibrahimajt, është drejtori ekzekutiv i Agjencisë së Mbikqësyrjes Financiare. Para se të ishte në krye të AMF, Mete ka qenë zv/ministër i Financave.

Ministri i propozuar për Punët e Jashtme, Igli Hasani, ka qenë ambasadori i Republikës së Shqipërisë në misionin e OSBE-së në Vjenë. Aktualisht mban postin e Koordinatorit Ekonomiko-Ambiental i OSBE-së.

Albana Koçiu, e cila mban pozicionin e Drejtorit të Departamentit të Administratës Publike që prej vitit 2013, do të jetë Ministre e Shëndetësisë dhe Mirëqenies Sociale.

Arbjan Mazniku, nënkryetari i Bashkisë së Tiranës që nga shtatori i vitit 2015, do të jetë Ministër Shteti për Pushtetin Vendor.

Emrat e tjerë janë të ministrave aktualë, të cilët Rama ka vendosur tu ndryshojë dikasterin.

The post Nga drejtori i AMF te drejtoresha e DAP, kush janë emrat e rinj të propozuar për ministra appeared first on Albeu.com.