Hoxha bëri të ditur se deri më tani, janë regjistruar 59 zjarre të mëdha dhe 961 zjarre të vogla.

Gjithashtu, ministri bëri me dije se 21 persona të dyshuar për zjarrvënie të qëllimshme, janë arrestuar dhe se këta të fundit duhet të përballen me drejtësinë.

Po ashtu, ai theksoi se policia ka proceduar 120 persona të tjerë për zjarrvënie të që

“Shumica e zjarreve janë të qëllimshme. Ky ka qenë ndër vitet më të vështira sa i përket zjarreve. Deri sot, vendi ka pasur 59 zjarre të mëdha, 961 ishin zjarre të vogla, si prsh në banesa ose kullota. Përballë kësaj situate reagimi ynë ka qenë i menjëhershëm. Mobilizimi i jashtëzakonshëm ka dhënë rezultate, ne nuk kemi humbje jete dhe është ndaluar përhapja e zjarrit në infrastrukturë kritike. Por, 2 efektivë janë lënduar, në një akt heroik. Punonjësi i policisë Agim Troci, shef i komisariatit Delvinë është jashtë rrezikut për jetën, që u plagos, teksa ndërhyri në një zjarr në një banesë.

Sa u përket zjarreve, kemi të bëjmë më tepër me faktorin njerëzor, ndonjëherë ka zjarrvënës të qëllimshëm, por edhe zjarrvenie pa dashje. 120 persona janë proceduar në total për zjarrvenie dhe 21 janë arrestuar. Kjo vepër penale, që lidhet me zjarrvënien e qëllimshme, duhet të ashpërsohet në dënim. Ata që rrezikojnë jetën e natyrën, do mbajnë përgjegjësi. Parashikimet janë që edhe gushti do jetë i vështirë për ne, ndaj përgjegjësia është e madhe”, tha Hoxha.

The post Zjarret në vend/ Ministri Hoxha: Kemi proceduar 120 persona për zjarrvënie appeared first on Albeu.com.

Hoxha tha se babai i tij nuk është djali i Enver Hoxhës dhe se më shumë bie kushëri me Musine Kokalarin sesa me ish-diktatorin.

Biseda:

Rama: Ti je ketej nga kjo zonë? Se ti origjinën e largët e ke andej…. Se ty bufi të thotë nipi i Enver Hoxhës. Ore edhe mund të ishe, s’ka ndonjë gjë.

Ervin Hoxha: Dëgjo, të lindësh diku dhe të kesh prindër ato që ke është një gjë që është fakt dhe nuk e ndryshon dot.

Edi Rama: Po ti je realisht nipi i Enver Hoxhës?

Ervin Hoxha: Babai im nuk është djali i Enver Hoxhës. Unë në fakt më shumë se me Enver Hoxhën bie kushëri me Musine Kokalarin. I falet doktorit ky gabim…

Edi Rama: Po ç’doktor mo aman… se e ke ti atë të demokratit, jo liri demokraci…

Ervin Hoxha: E di pse e kam o kryetar se kam qenë pjesë e administratës së tij. Po nuk i falet atij kur hyn te biografitë e të tjerëve. Dhe ketë ngatërresë e bën të qëllimshme. I falet tani se edhe mosha bën të vetën.

The post Rama e pyet nëse është nipi i Enver Hoxhës, ja si i përgjigjet ministri i Brendshëm (VIDEO) appeared first on Albeu.com.

Gjithashtu, Bardhi se qëllimi i protestës nuk ishte për të mbrojtur Veliajn.

“Qëllimi nuk ka qenë për të mbështetur Erion Veliaj se po ta kishin për ta mbështetur nuk i kishin vënë Nesti Angonin që ka dy seanca që mungon në kuvendin e Shqipërisë e nuk e dimë se ku është zhdukur këto ditë”, tha Bardhi.

Bardhi tha se qëllimi i protestës para SPAK, ishte që Rama të kërcënonte jetën dhe shëndetin e çdo gjyqtari apo prokurori që nuk i bindet urdhrave të tij.

Gazment Bardhi: “Ju kërkoj që të thirrni në seancë ministrin e brendshëm i cili pa turp jo vetëm keq informoi publikun po gënjeu kuvendin duke thënë informacionin e rremë se policia nuk kishte patur asnjë dijeni për prezencën e nje turm , punonjësit e bashkisë së Tiranës përpara SPAK gjatë seancës së vlerësimit të masës së sigurisë për personin nën hetim për korrupsion Erion Velia.

Gjyakta kanë konfirmuar zyrtarisht se përmes gardës se republikës kishin njoftuar drejtuesit më të lartë të policisë së shtetit. Dhe në mënyrë të paprecedente PSH kishte refuzuar t`i përgjigjej thirrjes së Gardës së Republikës.

Kanë rënë themelet kushtetuese. Ministri i brendshëm, jo thjesht do duhet të dorëhiqet por duhet të shkarkohet sepse ka gënjeu deputet e Kuendit kur tha se nuk ka patur asnjë njoftim.

Qëllimi nuk ka qenë për të mbështetur Erion Veliaj se po ta kishin për ta mbështetur nuk i kishin vënë Nesti Angonin që ka dy seanca që mungon në kuvendin e Shqipërisë e nuk e dimë se ku është zhdukur këto ditë.

Qëllimi ishte një dhe i vetëm, që Rama t’i jepte mesazhin gjyqtarëve dhe prokurorëve që me punonjës administrate madje me punonjës të policisë bashkiake i kërcënon jetën dhe shëndetin çdo gjyqtari apo prokurori që nuk i bindet urdhrave të tij.

Thirrni në seancë ministri e brendshëm për të dhënë llogari për mosveprimin e policisë dhe mashtrimin institucionale që i bëri kuvendit të Shqipërisë”.

The post Gazment Bardhi thirrje ministrit të Brendshëm: Duhet të japësh llogari për mosveprimin e policisë gjatë protestës para SPAK për Veliajn appeared first on Albeu.com.

Hoxha siguroi se Ministria e Brendshme, ka propozuar një akt për heqjen e kritereve që pengonin shpërblimet për punonjësit e Policisë së Shtetit.

“Unë besoj se të hënën, Këshilli i Ministrave do të miratojë aktin dhe projektvendimin për dhënien e shpërblimeve për punonjësit e Policisë së Shtetit”, deklaroi ai.

Sipas Hoxhës, të gjitha orët shtesë dhe suplementare janë të parashikuara në Aktin Normativ, tashmë të miratuar dhe shpërblimet do të jepen sipas rregullave ligjore.

“Nuk ka asnjë keqkuptim apo mosrakordim midis strukturave dhe vendimeve të qeverisë për këtë çështje. Çdo gjë është e përputhur me ligjin dhe do të zbatohet sipas vendimeve të parashikuara”, shtoi ministri.

Hoxha përmbylli fjalën duke theksuar se efektivët do të marrin shpërblimet e tyre pa vonesa të mëtejshme, bazuar në dispozitat ligjore të miratuara.

Pyetje: A jeni në dijeni të ankesave të efektivëve të policisë që ende nuk kanë marrë lekët e shpërblimit, ato për orët shtesë. Çfarë do të ndodhë për këta?

Ministri Hoxha: Ministria e Brendshme ka bërë një propozim për heqjen e kritereve dhe përjashtimit të Policisë së Shtetit sa i përket një kriteri i cili vitet e tjera nuk ka qenë i realizuar për shkak të buxhetit.

Unë besoj se të hënën, Këshilli i Ministrave do të miratojë aktin dhe projekt-vendimin, të cilin ne e kemi propozuar për dhënien e shpërblimit të punonjësve të Policisë së Shtetit.

Orët shtesë dhe suplementare janë të gjitha të parashikuara në Aktin Normativ, i cili është miratuar dhe të gjitha orët shtesë do të jepen sipas parashikimeve ligjore. Nuk ka asnjë keqkuptim e mosrakordim të strukturave dhe të projekt-vendimeve të dala nga qeveria në raport me dhënien e shpërblimit dhe orëve suplementare të Policisë së Shtetit. Çdo gjë është sipas asaj që neve kemi thënë dhe çdo gjë do të ndodhë sipas këtyre vendimeve të parashikuara në ligjin përkatës. Faleminderit.

The post Shpërblimi i fundvitit për policinë/ Ministri Hoxha: Këshilli i Ministrave do të miratojë aktin dhe projekt-vendimin ditën e hënë appeared first on Albeu.com.

Hoxha u bën thirrje mediave që të ndalin dezinformimet në lidhje me këtë krim të rëndë, teksa insiston se nuk ka pasur një autor të dytë në këtë ngjarje.

Gjithashtu, ministri shton se duhet të ndalet menjëherë politizimi apo tregtimi mediatik i vdekjes.

Postimi i Ministrit:

Mbështes plotësisht në frymë dhe në gërmë deklaratën e sotme të Policisë së Shtetit dhe i bashkohem thirrjes për mediat, që të ndalin valën e dizinformimit mbi autorësinë e vrasjes së nxënësit të shkollës “Fan Noli” dhe në përgjithësi mbi komunikatat e Policisë së Shtetit, siç bënë edhe në rastin e Pogradecit duke helmuar opinionin publik.

Konfirmoj edhe me përgjegjësinë time politike dhe ligjore vërtetësinë e komunikatave të Policisë së Shtetit mbi dinamikën e kësaj ngjarjeje.

Tymnaja mbi ekzistencën e një autori të dytë, i cili paska goditur me një tjetër thikë viktimën është prodhim i papërgjegjshmërisë mediatike, që s’ka asnjë lidhje me të vërtetën dhe me interesin publik.

Fatkeqësisht disa ekrane dhe portale, si edhe të zakonshmit e këtyre rasteve në tribunën e politikës apo të maskuar si qëndrestarë të pavarur rrugëve qorre të luftës për pushtet, po përsërisin atë që bënë me ngjarjen e Pogradecit.

Por fatmirësisht në këtë rast, ngjarja është e regjistruar nga kamerat e sigurisë, të cilat tregojnë qartë bllofin e madh të politizimit apo tregtimit mediatik të vdekjes.

Konstatoj se përpjekja për të shfrytëzuar politikisht dhe mediatikisht situata të tilla, rritet bashkë me të dhënat pozitive të punës së policisë.

Histeria dizinformuese mesa duket motivohet nga rënia e përvitshme e numrit të vrasjeve dhe kur ndodh një tragjedi e tillë, të zakonshmit hidhen përpjetë sapo u vjen rasti! Sidoqoftë, e vërteta është e qartë si drita e diellit në komunikatat e Policisë së Shtetit, jo në lojën politike apo mediatike me vdekjen të atyre që ky popull ua ka marrë dorën prej kohësh.

The post Vrasja e Martin Canit/ Apeli i ministrit Hoxha: Ndalni dezinformimet, po tentohet të shfrytëzohet politikisht, mbështes deklaratën e policisë appeared first on Albeu.com.

Shehaj hodhi akuza duke thënë se gjysma e qeverisë, është e përfshirë në këtë skandal të trafikut të mbetjeve toksike.

Si përgjigje, ministri i Brendshëm u shpreh se shumë shpejt kontejnerët dot zbresin në një hapësirë publike.

Agron Shehaj: “Ka 11 ditë që një anije me kontejnerë me mbetje toksike të trafikuara nga porti i Durrësit ndodhet përballë Portit të Durrësit dhe ministri i Brendshëm duhet të japë përgjigje se çfarë po bëhet. Ka një interes, publiku do të dije se çfarë po ndodh me mbetjet toksike? Gjysma e qeverisë është e përfshirë në këtë skandal, në trafikimin e mbetjeve toksike. Duhet të informoni qytetarët, çfarë po ndodh me mbetjet toksike”.

Ervin Hoxha: “I nderuar zoti Shehaj në lidhje me informacionin që kërkuar, Prokuroria Durrës ka bërë një njoftim publik në bashkëpunim me policinë, agjencinë doganore dhe autoritetet portuale po ekzekuton urdhrin dhe vendimin e marrë”.

Shumë shpejt kontejnerët dot zbresin në një hapësirë publike, e cila po krijon kushtet dhe mundësinë sipas kapaciteteve dhe infrastrukturës për çështjet e sigurisë në ambientet e Durrësit.

The post Mbetjet toksike/ Shehaj kërkon shpjegim, ministri Ervin Hoxha: Shumë shpejt kontejnerët do të zbresin në një hapësirë publike appeared first on Albeu.com.

Hoxha deklaron se Policia e Shtetit, kreu detyrën dhe u detyrua ta kryente duke përdorur forcë

Gjithashtu, Hoxha shprehet se fjalori ka qenë ekstrem për mënyrën sesi u ekzekutua urdhri i Prokurorisë së Posaçme Antikorrupsion, ndaj shtetasit në fjalë.

Sipas tij, për zbatimin e vendimit të Gjykatës u angazhuan efektivë të Forcës Lëvizëse Operacionale, forcë e posaçme e trajnuar dhe specializuar për të ndjekur protokollet standarde sipas rastit, dhe jo punonjës të Rendit, që është një forcë shërbimi ditor.

“Ata fatkeqësisht u përballën me një subjekt, që kundërshtoi forcërisht t’i nënshtrohej vendimit të Gjykatës, sapo mori dijeni për të.

Kjo është zanafilla e ngjarjes dhe nga këtu fillon arsyetimi sipas protokollit, që Policia e Shtetit ndjek në ekzekutimin e një vendimi ndalimi”, deklaron ndër të tjera ministri Hoxha.

REAGIMI I PLOTË:
Kam ndjekur me vëmendje dhe respekt opinionet e një sërë analistësh të angazhuar mbrëmë, lidhur me ndalimin e shtetasit Ilir Meta, nga Policia e Shtetit.

Fjalori ka qenë ekstrem për mënyrën sesi u ekzekutua urdhri i Prokurorisë së Posaçme Antikorrupsion, ndaj shtetasit në fjalë.

Janë përdorur etiketime të rënda ndaj Policisë dhe janë akuzuar efektivët e saj për faje, që nuk i kanë bërë, dhe reagimi ndaj rezistencës me forcë të personit, që kishin detyrë të ndalonin është nxjerrë jashtë kontekstit të ngjarjes.

Janë hedhur edhe variante alternative për mënyrën se si duhej kryer, ku duhej kryer, e kur duhej kryer ndalimi i shtetasit Ilir Meta, për shkak të asaj çka ai ka përfaqësuar në dekadat e jetës politike shqiptare.

Nuk dua të bëj asnjë polemikë me zotërinjtë dhe zonjat e angazhuara, në ekranet e këtij diskutimi.

Ata kishin mbrëmë, përtej pozicionimeve të njohura, edhe avantazhin e spektatorit në dhënien e gjykimeve, jashtë dinamikës dhe tensionit të ngjarjes.

Por e ndjej për detyrë të shprehem në emër të atyre efektivëve, të cilët nuk e meritojnë trajtimin tejet tendencioz, që iu bë operacionit të tyre.

Për zbatimin e vendimit të Gjykatës u angazhuan efektivë të Forcës Lëvizëse Operacionale, forcë e posaçme e trajnuar dhe specializuar për të ndjekur protokollet standarde sipas rastit, dhe jo punonjës të Rendit, që është një forcë shërbimi ditor.

Ata fatkeqësisht u përballën me një subjekt, që kundërshtoi forcërisht t’i nënshtrohej vendimit të Gjykatës, sapo mori dijeni për të.

Kjo është zanafilla e ngjarjes dhe nga këtu fillon arsyetimi sipas protokollit, që Policia e Shtetit ndjek në ekzekutimin e një vendimi ndalimi.

Me këtë fakt lidhet edhe e gjithë shija, sigurisht jo e mirë e skenës që u krijua.

Nëse shtetasi Ilir Meta nuk do ta kishte kundërshtuar ekzekutimin e vendimit, dinamika e ngjarjes nuk do të kishte prodhuar asgjë tjetër, përveçse kalimin e qetë të tij, nga automjeti privat në automjetin e shoqërimit në Polici.

Nga ana tjetër, askush nuk e thotë dot, që ajo shfaqje e dhunshme kundërshtie, nuk do të kishte qenë e njëjta kudo tjetër, ku do të mund të bëhej ndalimi i tij.

Madje sipas analizës përgatitore të operacionit, në të tjera rrethana, rezultati mund të kishte qenë edhe më problematik për shijen e atyre, që mbrëmë e trajtuan Policinë si autore të një operacioni të dhunshëm.

Por fatkeqësisht dhe çuditërisht, të gjithë ata “harruan”, që vetëm kundërshtimi i saj me dhunë dhe asgjë tjetër, e bëri të pashmangshëm shoqërimin me forcë të shtetasit Ilir Meta. Për pasojë edhe skenën shqetësuese!

Prandaj me keqardhje të sinqertë për pamundësinë e shmangies së shoqërimit të tij me forcë, jam po ashtu i keqardhur, që nuk bie dot dakord me optikën e akuzatorëve të mbrëmshëm të Policisë së Shtetit.

Me fjalorin e tyre ekstrem ndaj efektivëve të saj, jo dhe jo. Kurrën e kurrës.

Dhe në fund, e shoh të nevojshme të nënvizoj një të vërtetë absolute dhe fare banale. Kur Policia e Shtetit, jo në Shqipëri, por kudo në botë, merr një urdhër arresti, nuk ka në dispozicion shumë opsione, por vetëm një: Të ndalojë personin e kërkuar dhe pikë. As mund ta lajmërojë, as mund ta ftojë dhe as mund të koordinojë me të, vendin dhe orën e ndalimit. Të gjitha këto nuk janë thjeshtë të pamundura, por janë vepër penale, që ndëshkohen me burg.

Pra, Policia e Shtetit dje kreu detyrën dhe u detyrua ta kryente duke përdorur forcën, për gjithë sa sqarova më lart, duke iu referuar dinamikës së ngjarjes, jo dëshirës, sesi do të kishte qenë më mirë të ndodhte apo të mos ndodhte.

The post Arrestimi i Ilir Metës/ Reagon ministri Ervin Hoxha: Policia e Shtetit kreu detyrën dhe u detyrua ta kryente duke përdorur forcë appeared first on Albeu.com.

Vangjush Stavro, e ka mbajtur këtë detyrë prej më shumë se 3 vite.

Stavro u emërua në krye të Gjendjes Civile në pranverë të vitit 2021. Nuk dihet ende se kush do ta zëvendësojë, por sidoqoftë ky institucion mbetet me një rëndësi të posaçme sidomos kur kemi para vitin elektoral.

The post Ministri Ervin Hoxha shkarkon nga detyra drejtorin e Gjendjes Civile, Vangjush Stavro appeared first on Albeu.com.

Në fjalën e tij, ministri tha se sot hapet një kapitull i ri në rrugën e policisë së shtetit.

Gjithashtu, ministri Hoxha u shpreh se emërimi i Prodës në krye të Policisë së Shtetit, do të sjellë një dinamikë tjetër në organizatën e policisë.

“Sot hapim një kapitull të ri në rrugën e përpjekjes së organizatës së policisë për tu rritur dhe zhvilluar profesionalisht”, tha ministri Hoxha.

“E vetmja vështirësi e drejtorit të ri edhe kjo në aspektin pozitiv mbetet standardi ku është ngritur policia e shtetit e cila duhet të vijë në rritje dhe konsolidim”, u shpreh ministri.

The post Ministri i Brendshëm prezanton Drejtorin e ri të Policisë së Shtetit, Ilir Proda: Sot hapim një kapitull të ri appeared first on Albeu.com.

Proda u emërua në krye të Policisë së Shtetit, pas një konkurrimi ku morën pjesë mbi më shumë se 10 drejtues të lartë policie.

Gjithashtu, Ministri i Brendshëm u shpreh lidhur me një episod kur Ilir Prodës, i cili ka drejtuar Drejtorinë e Policisë së Elbasanit, SPAK i kishte sekuestruar telefonin, pas dyshimeve, se një operacion kundër bandave në Elbasan ishte dekonspiruar.

“Fakti që të gjitha organet ligjzbatuese u pyetën në një kohë rekord, po ashtu dhe përgjigjja e tyre ishte shumë e shpejtë, kandidaturat janë verifikuar nga çdo organ ligjzbatues dhe pastërtia e tyre është në përputhje të plotë me ligjin”, tha Hoxha në reagimin e tij.

The post SPAK i sekuestroi telefonin, Ilir Proda u emërua në krye të Policisë së Shtetit/ Ministri Hoxha: I ka kaluar etapat e verifikimit appeared first on Albeu.com.