Partizani ka bërë të ditur afrimin e Ersi Kapos, mbrojtësit 22-vjeçar që bëhet lojtari më i ri i skuadrës së kuqe. Qendërmbrojtësi ka mbyllur bashkëpunimin me Besën e Kavajës për të nisur një kapitull të ri në karrierën e tij, këtë herë në Superiore.

Kapo ka firmosur me Partizanin një marrëveshje trevjeçare, e cila do të jetë në fuqi deri në verën e vitit 2029. Në kontratë është parashikuar gjithashtu mundësia e rinovimit për një sezon tjetër.

Klubi kryeqytetas njoftoi se marrëveshja me qendërmbrojtësin 22-vjeçar është arritur zyrtarisht, ndërsa theksoi se ai vjen te të kuqtë pas katër sezonesh pozitive të kaluar te Besa. Tashmë, Kapo do të provojë një eksperiencë të re në “Abissnet Superiore”.

The post Disa orë para përballjes me Teutën, Partizani zyrtarizon afrimin e Ersi Kapos appeared first on Albeu.com.