Irani filloi një valë të re sulmesh ndaj Izraelit, duke goditur zona në qendër dhe veri të vendit. Shërbimi izraelit i emergjencës konfirmoi se katër persona humbën jetën në një sulm në Izraelin qendror. Numri i të vdekurve në Izrael nga sulmet e natës nga Irani është rritur në 10, ndërsa punonjësit e emergjencës në terren vazhdojnë operacionet e kërkim-shpëtimit.

Gjashtë persona u vranë në qytetin bregdetar qendror të Bat Yam, ku një ndërtesë u godit drejtpërdrejt, sipas organizatës izraelite të kërkim-shpëtimit ZAKA.

Katër të tjerë u vranë në qytetin verior palestinezo-izraelit të Tamrës, ku u goditën edhe ndërtesa.

Një djalë 10-vjeçar ishte midis katër personave të vrarë nga një sulm me raketa iraniane në Izraelin qendror, ndërsa të tjerë ende rezultojnë të zhdukur në vendngjarje. Sipas shërbimeve të emergjencës qindra të tjerë janë plagosur.

Një operacion i madh reagimi ndaj emergjencës është duke u zhvilluar në qytetin Bat Yam, ku një ndërtesë u godit drejtpërdrejt.

Një grua 60-vjeçare, një grua 80-vjeçare dhe një vajzë, mosha e së cilës nuk u bë e ditur, u vranë gjithashtu në sulm, sipas shërbimit kombëtar të emergjencës së Izraelit, Magen David Adom (MDA).

Si kundërpërgjigje, ushtria izraelite kreu një seri sulmesh ajrore mbi Teheranin, duke deklaruar se objektiv ishin ndërtesa të lidhura me programin bërthamor iranian, përfshirë Ministrinë e Mbrojtjes.

Ministria e Naftës e Iranit raportoi se depoja e naftës Shahran në Teheran u godit nga sulmet izraelite, por theksoi se situata është nën kontroll.

The post Kur errësira “thyhet” nga raketat dhe shpërthimet/ Izraeli dhe Irani sulme të ndërsjellta gjatë natës, humbin jetën të paktën 8 persona, plagosen qindra të tjerë appeared first on Albeu.com.

Frika nga errësira zhvillohet kur fëmija fillon të perceptojë ndjenjën e rrezikut, mundësinë që diçka e pakëndshme mund t’u ndodhë atyre ose t’i dëmtojë në botën përreth tyre.

Çfarë duhet të bëni:

Shpjegojuni fëmijëve tuaj se errësira është e frikshme vetëm sepse ne nuk mund të shohim atë që është përreth nesh. Kur nuk mund të shohim atë që është përreth nesh, imagjinata jonë mund të na bëjë të shqetësohemi për gjërat që nuk ekzistojnë. Ju mund t’u thoni fëmijëve tuaj: “Kur imagjinata juaj përpiqet t’ju mashtrojë, ndizni dritën dhe do të shihni se jeni mire”.

Për të ndihmuar fëmijët tuaj të ndihen më të qetë, dhe nëse keni mundësi, vendosni çelësat e dritës në një lartësi të arritshme për fëmijët e vegjël. Në këtë mënyrë, dhe duke e ditur se ata kanë qasje, frika e tij qetësohet.

Gjithashtu, vendosni një dritë nate në dhomën e tyre në mënyrë që ata të mos shqetësohen për errësirën totale. Nëse veproni kështu, shikoni nëse krijohen hije të çuditshme në dhomën e tyre.

Kërkojuni atyre t’ju tregojnë se cilat zona të dhomës kanë frikë gjatë natës. Uluni në shtrat me fëmijët tuaj kur dhoma është e errët ose kur drita e natës është e ndezur dhe përpiquni të diskutoni me ta se çfarë mund t’i trembë ata.

Nëse ka një hije të dukshme, gjeni burimin e saj dhe tregojuani fëmijëve tuaj. Ju mund të thoni diçka si: “Shiko, kukulla jotë e bëri atë hije në mur. Nëse e fusim kuullën në dollap, hija do të zhduket”.

Kur mësoni fëmijët tuaj të luftojnë frikën e tyre nga errësira, hapi i parë është fuqizimi. Nëse fëmijët tuaj ndjehen të kontrolluar nga errësira, ata do të kenë më pak frikë, madje edhe më pak./albeu.com

The post Çfarë të bëni nëse fëmija juaj ka frikë nga errësira appeared first on Albeu.com.