Legjionarët shqiptarë kanë lënë gjurmë në një tjetër javë të kampionateve europiane dhe ndërkombëtare, me gola e pasime vendimtare. Në Turqi, Ernest Muçi u rikthye në formacionin titullar pas dëmtimit dhe ndihmoi Trabzonsporin të mposhtte 2-1 Başakşehirin. Sulmuesi i Kombëtares shqiptare dha asistin për golin e dytë, të shënuar nga Mohamed Salah, duke luajtur rol të drejtpërdrejtë në fitoren e skuadrës.

Jasir Asani ishte protagonist për Esteghlal në Iran. Pas asistit të dhënë javën e kaluar, sulmuesi kuqezi realizoi golin e tij të parë sezonal në suksesin 2-0 kundër Sepahanit. Asani e zhbllokoi takimin që në minutën e 4-t, kur me të majtën goditi nga jashtë zonës dhe i dha avantazhin ekipit të tij.

Në Itali, Cristian Shpendi shënoi në duelin e Cesenës me Sampdorian. Sulmuesi shqiptar e dërgoi topin në rrjetë në minutën e 17-të, duke kaluar skuadrën e tij në epërsi. Sampdoria reagoi më vonë dhe barazoi rezultatin, ndërsa ndeshja u mbyll 1-1.

AEK Athens siguroi një fitore të thellë 4-0 ndaj Iraklis 1908, ku pati kontribut edhe Stavro Pilo. Mbrojtësi i Kombëtares shqiptare shërbeu asistin për golin e dytë të takimit, që Jovic e realizoi në minutën e 19-të.

Edhe në Kroaci pati një gol shqiptar. Etnik Brruti, titullar me Hajduk Splitin në përballjen ndaj Osijekut, shënoi në minutën e 9-të pas një aksioni të ndërtuar nga krahu i majtë. Hajduk Split fitoi 4-0, ndërsa mesfushori i Kombëtares U-21 zhvilloi një paraqitje pozitive.

Për skuadrat e tyre këtë javë u aktivizuan edhe Thomas Strakosha, Berat Gjimshiti, Ardian Ismajli, Klisman Cake, Ylber Ramadani, Juljan Shehu, Qazim Laçi, Adrion Pajaziti, Arbër Hoxha, Taulant Seferi, Armando Broja dhe Myrto Uzuni, të cilët vijojnë angazhimet në kampionatet respektive.

The post Asani dhe Brruti gjejnë rrugën e rrjetës, Shpendi shënon për Cesenën, Muçi asiston për Salah appeared first on Albeu.com.

Ernest Muçi pritet të rikthehet së shpejti në fushën e lojës, pasi koha e rikuperimit të tij nuk duket e gjatë. Media turke “61saat” ka raportuar mbi gjendjen shëndetësore të sulmuesit shqiptar dhe afatin kur ai mund të jetë sërish në dispozicion të Trabzonsporit.

Muçi mungoi në ndeshjen hapëse të Trabzonsporit kundër Kasimpasa, e cila përfundoi në barazimin 1-1. Që prej atij takimi, interesimi kryesor ka qenë rikthimi i tij dhe momenti kur do të mund të aktivizohet.

Sipas “61saat”, shqiptari nuk do të jetë i gatshëm për përballjen europiane ndaj Ferencvaros në kualifikueset e Europa League. Megjithatë, ai mund të përfshihet në listën e ekipit për duelin e së dielës kundër Basaksehir. Nisja e ndeshjes nga minuta e parë shihet e vështirë për shkak të dëmtimit, por Muçi mund të marrë minuta si zëvendësues.

Sulmuesi shqiptar kishte pësuar shqetësime në pjesën e përparme të kofshës së majtë, ku u konstatuan hemorragji dhe edemë. Stafi mjekësor e kishte vlerësuar periudhën e rikuperimit në të paktën 2 javë.

The post Ernest Muçi pranë rikthimit, sulmuesi shqiptar mund të luajë ndaj Basaksehir appeared first on Albeu.com.

Muaji shtator sjell rikthimin e Kombëtares shqiptare në fushë, me kuqezinjtë që do të përballen me Bjellorusinë më 26 shtator dhe San Marinon më 29 shtator.

Për trajnerin Rolando Maran, një vëmendje të veçantë do të kërkojnë sulmuesit. Tekniku italian ka nisur vlerësimin e tyre që prej momentit kur mori drejtimin e skuadrës kuqezi.

Forma e lojtarëve merr edhe më shumë rëndësi në këtë fazë, sidomos duke parë mënyrën se si ka nisur sezoni i ri në kampionatet ku ata aktivizohen.

UZUNI “SHPËRTHEN” NË AMERIKË

Myrto Uzuni ishte protagonist kryesor në fitoren e pastër të Austin ndaj Pueblas në Leagues Cup, ku realizoi 3 gola. Pozicionimi i sulmuesit beratas dhe mënyra se si finalizoi aksionet tregojnë për një formë mbresëlënëse. Në total, gjatë sezonit të ri, Uzuni ka shënuar 4 gola dhe ka dhënë 1 asist.

SEFERI, NUMRI 2 I FATIT

Vetëm 2 ditë pas zyrtarizimit te Kayserispor, Taulant Seferi zbriti në fushë për debutimin ndaj Vanspor. Numri 2 u shfaq sërish si shenjë pozitive për të, pasi pikërisht 2 gola shënoi në ndeshjen e parë me ekipin e ri. Seferi e nisi takimin si titullar dhe realizoi golin e parë në minutën e 9-të, ndërsa të dytin e shënoi në minutën e 56-të. Një start i tillë është mesazhi më i qartë për urinë e tij për gola.

MIQËSORE? PËR MUÇIN GOLAT NUK KANË STATUS

Ernest Muçi po vijon nga aty ku e kishte lënë, duke shënuar gola dhe duke kërkuar të konsolidohet edhe më shumë në elitën e futbollit turk. Pavarësisht interesimit për largimin e tij nga Italia, Gjermania dhe Anglia, sulmuesi është i përqendruar te e tashmja. Këtë e dëshmojnë paraqitjet e tij në miqësoret e Trabzonsporit, ku shënoi ndaj Udineses dhe Zelesnicar, si edhe asistoi në ndeshjen kundër Goztepes.

MIRLIND DAKU, 2 GOLA PARA KALIMIT TE MOSKA

Mirlind Daku e filloi sezonin me 2 gola në 2 ndeshje, përpara se brenda pak ditësh të zyrtarizohej te Spartaku i Moskës pas largimit nga Rubin Kazan. Paraqitjet e tij tregojnë se sulmuesi i ka ndezur motorët dhe se është gati të japë kontribut edhe për Kombëtaren. Edhe pse nuk shënoi në sfidën e fundit me Spartakun, cilësitë e Dakut janë tashmë të njohura.

The post 9 golat që i japin sinjale pozitive Rolando Maranit, sulmuesit shkëlqejnë me klubet e tyre (STATISTIKAT) appeared first on Albeu.com.

Ertugrul Dogan, është presidenti i Trabzonsporit që ka falenderuar publikisht Muçin.

“E falenderoj Muçin. Fakti që ai, me iniciativën e tij, shkoi dhe ia dha fanellën e tij Mohamed Salahut, mendoj se ishte një gjest shumë i rëndësishëm dhe një tregues shumë domethënës.

Të dy janë lojtarë shumë të vlefshëm për ne, por fakti që ai e bëri diçka të tillë me vullnetin e tij, vërtet më emocionoi mua dhe të gjithë lojtarët e tjerë. Prandaj, dua ta falënderoj në mënyrë të veçantë edhe këtu”, u shpreh Dogan.

The post Veprimi i Ernest Muçit, reagon presidenti i Trabzonsporit: Më preku mua dhe të gjithë lojtarët appeared first on Albeu.com.

Sipas mediave turke, pas interesimit më të fundit të Aston Vilës, presidenti i Trabzonspor, Ertugrul Dogan, u ka komunikuar anglezëve se negociatat për Muçin nuk do të nisnin poshtë shifrës së 20 milionë eurove, duke bërë të qartë se sa vlerëson kartonin e sulmuesit shqiptar.

Aston Vila për momentin është tërhequr, por kjo shifër është ajo që është vendosur nga klubi për çdo ekip që pretendon të sigurojë shërbimet e Muçit, i cili ka qenë një nga zbulimet e sezonit të kaluar në kampionatin turk dhe është kthyer në një nga emrat më të rëndësishëm të Trabzonsporit.

The post Shifër marramendëse për Ernest Muçin! Presidenti i Trabzonspor i bën të qartë klubit anglez dhe pretendentëve sa kërkon për shqiptarin appeared first on Albeu.com.

Aston Villa ka hyrë me forcë në garë për Ernest Muçin, sulmuesin e Trabzonsporit. Sipas raportimeve të “Epirote Report”, drejtuesit e klubit anglez kërkuan të dhëna të plota për lojtarin 25-vjeçar, i cili aktivizohet edhe me fanellën e Kombëtares së Shqipërisë.

Bisedimet paraprake flasin për një shifër që luhatet mes 25 dhe 30 milionë eurove. Ende pa u zyrtarizuar asgjë, burimet bëjnë me dije se lëvizja mund të strukturohet fillimisht si huazim, me detyrim ose të drejtë blerjeje në përfundim të sezonit të ardhshëm.

Në Turqi, zërat për interesimin e “Villa Park” janë përforcuar ndjeshëm dhe po trajtohen si një sinjal i qartë se anglezët nuk kanë ndërmend të tërhiqen. Mesfushori me prirje ofensive ka një kontratë valide me Trabzonin deri në verë të 2029-shit, me një klauzolë që i lejon klubit ta zgjasë edhe për një sezon shtesë.

The post Aston Villa nuk tërhiqet për Ernest Muçin, gati 30 milionë euro për talentin shqiptar appeared first on Albeu.com.

E ardhmja e Ernest Muçit në Superligën turke mbetet ende e paqartë, edhe pse Trabzonspor e bleu përfundimisht kartonin e tij nga Besiktas për 8.5 milionë euro.

Për 25-vjeçarin ka mbërritur së fundmi një tjetër interesim i rëndësishëm në merkato. Sipas asaj që mësohet, Napoli ka paraqitur një ofertë zyrtare prej 16 milionë eurosh, duke përfshirë gjithashtu edhe huazimin e një lojtari, për të marrë shërbimet e futbollistit të Kombëtares shqiptare.

Shqiptari vlerësohet nga Massimiliano Allegri dhe drejtuesit e nënkampionëve të Serie A italiane kanë nisur konkretisht lëvizjet për ta afruar. Tashmë mbetet për t’u parë nëse kjo marrëveshje, që do të përbënte një transferim rekord për Muçin, do të mbyllet me sukses.

The post Napoli futet në garë për Ernest Muçin, 16 milionë euro ofertë zyrtare për yllin shqiptar appeared first on Albeu.com.

Kjo është edhe një shifër rekord që ofrohet për Muçin. Lojtari i Kombëtares shqiptare shitej për 10 milionë euro nga Legia te Beshiktash, më pas Trabzonsporit i kushtoi 9,5 euro në total që t’i zotëronte kartonin.

Detaje të tjera ndërkohë dalin në skenë. Oferta e radhës për Muçin nga i njëjti klub që u refuzua, por të cilit nuk i zbulohet emri, mund të shkojë deri në 15 milionë euro.

Muçi shkëlqeu në sezonin e fundit në Trabzon. Për këtë ka tërhequr vëmendjen e klubeve në Europë, të cilat duken të gatshme për një sforco financiare që të përfitojnë shërbimet e fantazistit shqiptar.

Së fundmi janë zbuluar dy klube të Bundesligës që kanë shprehur interes për futbollistin shqiptar.

Dy klubet qe thuhet se kanë shprehur interes janë Hofeneheim dhe Eintraht Frankfurt, të cilat informuan së fundmi Trabzonsporin, që janë të interesuar për Muçin. Burimi është Serdar, i njohur për lajmet që lidhen me Trabzonsporin.

Hofenheim ka treguar se beson te futbollistët shqiptarë. Pjesë e tij janë Albian Hajdari, Leon Avdullahu dhe Fisnik Asllani.

The post E BUJSHME/ Ofertë rekord prej 15 mln eurosh për Ernest Muçin, e ardhmja te Trabzonspori vihet në dyshim appeared first on Albeu.com.

Pasi Trabzonspori i bleu kartonin, Beshiktashi e hoqi Muçin nga lista që ndjek në “Instagram”. Klubi turk duket se është besnik vetëm me pjesëtarët e saj.

Sot në orën 19:45, Trabzponspori duhet të bëjë detyrën ndaj Koniaspor. Luhet finalja e Kupës së Turqisë dhe fitorja është opsioni i vetëm.

Muçi mund të fitojë kështu edhe trofeun e parë me Trabzonsporit. Për gjigantët e Turqisë është konsideruar një sezon pozitiv.

The post Sot mund të shkruajë historinë me Trabzonsporin, Beshiktashi merr vendimin drastik për Ernest Muçin appeared first on Albeu.com.

Kështu edhe u bë transferimi më i shtrenjtë në historinë e gjigantëve të Trabzonsporit.

Pogradecari po vendos rekorde të reja dhe kjo nuk është risi. Ishte shkurti i vitit 2021, kur Tirana e shiti për një shifër rekord për klubin prej 500 mijë eurosh.

Asokohe ruajti edhe përqindje nga kartoni. Kështu përfitoi nga shitja e mëvonshme e Muçit, për të qenë aktualisht lojtari që i ka sjellë bardhebluve më tepër të ardhura në historinë e tyre.

Muçi u largua nga Legia e Varshavës për te Beshiktashi, pikërisht në shkurtin e vitit 2024. Shifra prej 10 milionë eurosh e bën Muçin transferimin më të shtrenjtë të gjigantëve të Polonisë.

Beshiktashi asokohe e kishte blerjen e dytë më të shtrenjtë në historinë e klubit.

Trabzonspori e huazoi në shtatorin e vitit të kaluar për 1 milionë euro. Bashkë me shifrën 8,5 milionë euro që duhet paguar për transferimin përfundimitar, lojtari i Kombëtares është edhe më i shtrenjti në historinë e Trabzonit.

Për t’u theksuar edhe paga prej 3,5 milionë euro që përfiton nga kontrata e re. Muçi është tashmë lojtari më i paguar i Shqipërisë.

The post Nga paga te transferimet rekord, askush si Ernest Muçi në Shqipëri appeared first on Albeu.com.