Rikthimi i Muçit në stërvitje vjen vetëm pak ditë pasi ai u detyrua të qëndronte jashtë, për shkak të një dëmtimi në pjesën e sipërme të muskujve të përparmë të kofshës.

Ekzaminimet kishin evidentuar tendosje të shoqëruar me gjakderdhje dhe edemë, ndërsa në ditët e para pas dëmtimit u raportua se ai mund të mungonte për rreth dy javë.

Muçi humbi ndeshjen e Trabzonsporit ndaj Kasimpashës, por rikuperimi i tij ka ecur në një drejtim pozitiv dhe tashmë ai ka rifilluar punën me grupin.

Megjithatë, prania në stërvitje nuk do të thotë automatikisht se futbollisti është gati për të luajtur. Trabzonspori zhvilloi seancën e fundit në ambientet e Mehmet Ali Jilmaz, nën drejtimin e trajnerit Fatih Teke.

Pjesa e parë e stërvitjes ishte e hapur për mediat, ndërsa më pas skuadra vijoi me përgatitjet taktike për përballjen me Ferencvaroshin. Në këtë seancë, përveç Muçit, nuk u stërvitën me grupin Batagov, Folkareli dhe Okaj Jokushlu, të cilët vijojnë të kenë probleme fizike. Për Muçin, ndërkohë, rikthimi në stërvitje është hapi i parë drejt rikthimit të plotë në dispozicion të trajnerit. Pavarësisht këtij zhvillimi pozitiv, stafi teknik i Trabzonsporit nuk dëshiron të marrë rrezik me futbollistin shqiptar. Muçi ishte në stol në ndeshjen e Ligës së Europës ndaj Ferencvaroshit, teksa objektivi i klubit është që Muçi të rikthehet në gjendje optimale dhe, nëse gjendja fizike e lejon, të jetë në dispozicion për ndeshjen e kthimit në Hungari, e cila do të luhet më 27 gusht. Ditët e ardhshme dhe mënyra se si do të reagojë trupi i tij ndaj ngarkesave do të jenë vendimtare për përcaktimin e momentit të rikthimit në ndeshje.

GRUMBULLIMI ME KUQEZINJTË- Rikthimi i Muçit është një zhvillim i mirë edhe për Kombëtaren shqiptare. Pas dëmtimit, një mungesë e parashikuar prej tre deri në katër javësh do ta bënte teorikisht të pamundur që ai të ishte në dispozicion të Shqipërisë për ndeshjet e Ligës së Kombeve. Situata tashmë është ndryshe. Fakti që Muçi ka përfunduar trajtimin dhe është rikthyer në stërvitje me Trabzonsporin tregon se rikuperimi po ecën më shpejt nga skenari që mund të krijohej pas dëmtimit. Për Kombëtaren, kjo është një sinjal pozitiv, pasi Muçi mbetet një prej alternativave të rëndësishme në repartin ofensiv.

Nëse ai vijon pa probleme fazën e rikuperimit dhe arrin të rifitojë ritmin e ndeshjeve, mundësia që të jetë i gatshëm për grumbullimin e Shqipërisë rritet ndjeshëm. Për momentin, megjithatë, fokusi i Muçit është rikthimi i plotë te Trabzonspori. Aktivizimi i tij në ndeshjet e ardhshme do të varet nga gjendja fizike dhe vendimi i stafit teknik, ndërsa objektivi është që rikthimi të bëhet pa rrezikuar një dëmtim të ri. Nga një situatë ku një mungesë disa-javore rrezikonte ta linte jashtë edhe Kombëtares, Muçi tashmë ka kaluar në fazën e fundit të rikuperimit dhe ka nisur punën me grupin. Për Shqipërinë, ky është një zhvillim pozitiv dhe një arsye për të qenë më optimistë për disponueshmërinë e tij në ndeshjet e ardhshme ndërkombëtare.

1 ndeshje
ka munguar Muçi për shkak dëmtimi. Mesfushori kuqezi nuk ishte i gatshëm në debutimin e Trabzonsporit në kampionat, për shkak të një edeme në kofshë. Pritej një mungesë e gjatë për të, por Muçi është rikthyer me skuadrën.

The post Ernest Muçi i befason të gjithë me rikthimin, trajneri i Kombëtares buzëqesh para Ligës së Kombeve, për Maran shtohen alternativat appeared first on Albeu.com.

Muçi  kishte qenë protagonist në të gjitha ndeshjet miqësore që zhvilloi klubi turk, por pak ditë para startit të kampionatit, ai pësoi një dëmtim që e la jashtë fushave të lojës.

Sipas mediave turke, fillimisht u fol për 2-3 javë pushim për lojtarin. Por tashmë mësohet se rikuperimi i tij ka ecur me ritme më të shpejta se sa mendohet.

“61saat” shpjegon se futbollisti do të mungojë edhe në ndeshjen e mesjavës që Trabzonspor luan në play-off të Ligës së Europës ndaj Ferencvarosh. Por ai pritet që të jetë i gatshëm për duelin e fundjavës ndaj Bashakshehir në kampionat. Nëse Muçi nuk do ia dalë që të luajë nga fillimi, do të jetë të paktën në stol si alternativë për trajnerin Teke në atë sfidë.

The post Situata shqetësuese e Ernest Muçit, në Turqi zbulojnë të rejat rreth dëmtimit të sulmuesit appeared first on Albeu.com.

Trabzonspor zbulon se 25-vjeçari është diagnostikuar me gjakderdhje dhe ënjtje në pjesën e sipërme të grupit të përparmë të muskujve të kofshës. Vlerësimet fillestare tregojnë se Muçi pritet të mungojë të paktën dy javë.

“Pas një ekzaminimi dhe skanimi me rezonancë magnetike, pasi lojtari ynë Ernest Muçi përjetoi dhimbje në pjesën e përparme të kofshës së majtë gjatë stërvitjes, u zbulua një hemorragji dhe edemë për shkak të tendosjes në pjesën e sipërme të grupit të muskujve të përparmë të kofshës. Ekipi ynë mjekësor ka filluar trajtimin për lojtarin tonë”, thuhet në njoftimin e Trabzonsporit.

Futbolcumuz Ernest Muçi’nin sağlık durumuyla ilgili açıklama.

Futbolcumuz Ernest Muçi’nin sağlık durumuyla ilgili açıklama

🔗 https://t.co/yYmsF6k2Kz pic.twitter.com/tmKaCeizAv

— Trabzonspor (@Trabzonspor) August 13, 2026

Gjatë kësaj kohe, ai do t’i nënshtrohet një programi individual trajtimi.

The post Panik për Ernest Muçin! Sulmuesi i Kombëtares kuqezi dëmtohet në stërvitje, klubi turk zbulon gjendjen shëndetësore të tij appeared first on Albeu.com.

Ernest Muçi është dëmtuar gjatë stërvitjes, ndërsa Trabzonspor ka sqaruar përmes një komunikate zyrtare gjendjen shëndetësore të sulmuesit shqiptar.

Klubi turk bëri të ditur sot, e enjte, se ekzaminimet kanë evidentuar gjakderdhje dhe ënjtje në zonën e sipërme të grupit të përparmë të muskujve të kofshës.

Sipas njoftimit, Muçi ndjeu dhimbje në pjesën e përparme të kofshës së majtë gjatë seancës stërvitore. Pas kontrollit mjekësor dhe skanimit me rezonancë magnetike, u konstatua hemorragji dhe edemë e shkaktuar nga tendosja në pjesën e sipërme të grupit të muskujve të përparmë të kofshës.

Trabzonspor konfirmoi gjithashtu se stafi mjekësor ka nisur trajtimin e futbollistit shqiptar, ndërsa hollësitë mbi ecurinë e rikuperimit do të publikohen më vonë.

Nga vlerësimet e para, Ernest Muçi parashikohet të qëndrojë jashtë fushës për të paktën dy javë.

Gjatë kësaj periudhe, sulmuesi do të ndjekë një program individual trajtimi. Rikthimi i tij në stërvitjet me skuadrën do të varet nga përparimi i dëmtimit.

The post Ernest Muçi pëson dëmtim në stërvitje, Trabzonspor jep informacion zyrtar për gjendjen e tij appeared first on Albeu.com.