Artistja ndau emocionet e saj përmes një mesazhi prekës, ku e cilësoi këtë titull si një nder të jashtëzakonshëm dhe shumë të rëndësishëm për të.

Ajo theksoi se Franca përfaqëson dashurinë për artin, kulturën dhe vlerat njerëzore.

Jaho shprehu mirënjohje për të gjithë ata që kanë qenë pjesë e rrugëtimit të saj artistik, duke falënderuar veçanërisht agjentin e saj afatgjatë, Dominique Riber, për mbështetjen dhe besimin ndër vite, si edhe Jean-Philippe Thiellay për përkushtimin ndaj operës dhe kontributin në realizimin e këtij momenti të rëndësishëm.

Sopranoja shqiptare u shpreh gjithashtu se ceremonia mori një kuptim edhe më të veçantë falë pranisë së miqve, dashamirësve të artit dhe publikut që ka vlerësuar punën e saj gjatë karrierës.

Ermonela Jaho konsiderohet sot një nga emrat më të vlerësuar të operës në arenën ndërkombëtare, me interpretime në skena të njohura botërore si Royal Opera House, Metropolitan Opera dhe Teatro alla Scala.

The post Franca dekoron Ermonela Jahon me titullin prestigjioz ‘Chevalier des Arts et des Lettres’ appeared first on Albeu.com.

Burime për media bëjnë me dije se Blear Velikaj, i cili është edhe bashkëshorti i deputetes socialiste, Ermonela Felaj është thirrur në SPAK për të bërë deklarime në lidhje me një dosje hetimore për të cilën ditët e fundit janë kryer disa veprime përfshirë marrje të dëshmive.

Velikaj është prokurori që hetoi skandalin e Onkologjikut, dosje e cila tashmë është në duart e Prokurorisë së Posaçme.

Po ashtu bashkëshorti i Felajt, është akuzuar publikisht për disa çështje nga deputeti i PD, Gazment Bardhi.

Mbetet për të parë se për çfarë saktësisht është thirrur në SPAK prokurori i Tiranës.

The post Bashkëshorti i Ermonela Felajt thirret në SPAK appeared first on Albeu.com.