E shoqëruar nga Orkestra e Teatrit të Operës dhe Baletit të Tiranës nën drejtimin e mjeshtrit spanjoll Sergio Alapont, Jaho solli arie të Puccinit, Bellinit dhe veprave shqiptare, duke i vendosur në kontekstin e historive të dhimbshme të Gjakovës. Në program u përfshinë “O mio babbino caro”, “Un bel di vedremo”, “Senza mamma” dhe “Casta diva”, të interpretuara me një emocion të jashtëzakonshëm.

Në disa momente, Jaho thirri në skenë këngëtare gjakovare nga tre breza të ndryshëm, ndërsa kori i fëmijëve u bë pjesë e skenës.

Pjesa kulmore e mbrëmjes erdhi me dedikimin për historitë e nënave që kanë humbur fëmijët në luftën e fundit. Ajo e lidhi në mënyrë të veçantë me historinë e Ferdonije Qerkezit, e cila prej 26 vitesh pret lajme për dy djemtë dhe bashkëshortin e zhdukur.

E prekur deri në lot, Jaho tha se takimi me nënën Ferdonije e kishte tronditur thellë: “Ndjeva një detyrim moral që këto histori të mos harrohen. Kjo mbrëmje më ka bërë njeri dhe artiste më të mirë”.

Elemente të identitetit kombëtar si xhubleta dhe lahuta e shoqëruan skenën, duke e kthyer mbrëmjen në një ndërthurrje të fuqishme mes artit botëror dhe historisë shqiptare. Për Gjakovën, kjo performancë mbetet një prej ngjarjeve kulturore më të rëndësishme të viteve të fundit.

The post Ermonela Jaho sjell emocion të madh në Gjakovë appeared first on Albeu.com.

Çmimi i është dorëzuar nga ministri i Drejtësisë për kontributin e saj në lirikën spanjolle. Sopranoja shqiptare është vlerësuar dhe duartrokitur, jo pak herë për zërin e saj.
Ajo lindi në Tiranë, në vitin 1974. U largua në vitin 1993 nga Shqipëria për në Itali me një bursë studimi, dhe më pas iu desh ta realizojë ëndrrën e ngjitjes në skenë, përkrah artistëve të huaj.

Pas përfundimit të studimeve për këndim dhe piano, ajo fitoi disa konkurse të rëndësishme, të tilla si: Giacomo Puçini në Milano Itali më 1997, Spontini International Ancona, Itali më 1998, në Rovereto Zandonai, Itali më 1999, këngëtarja më e mirë e Festivalin Wexford më 2000.

Jaho fillon të interpretojë në skenë në Bolonja, në rolin e Mimit (La Bohème e Puçinit), në La Fenice, e më pas në rolin e Suzanës (Dasma e Figaros), si edhe në Trieste në rolin e Mikaelës (Karmen). Dalja e saj e parë në skenë jashtë Italisë ishte në festivalin e Weksfordit në Irlandë, ku këndoi operën Safo të Massenet, dhe Vajza e Orleanit të Çajkovskit. Në Gjermani, ajo shfaqet me rolin e Norinës (Don Paskuale) në Mynih. Më pas ajo interpreton përsëri Suzanën në Gjenevë dhe në Francë, në teatrin Kapitol të Tuluzës. Në Shtetet e Bashkuara, ajo paraqitet me Mimin, me Teatrin e Operës Michigan.

Nga viti 2009, karriera e saj e kthen atë në një ikonë arti botërore. Fitoi shpejt sukses nëpër botë, me lavdërime të shumta nga kritikët. Ajo vazhdon të paraqitet me La rondine të Puçinit në Trieste, Karmen në Glyndebourne dhe La Traviata në Lion. Në 2009, ajo vjen si Liù (Turandot) në Filadelfia, Vitellia (La Clémence de Titus) në Avinjon, dhe Ana Bolena në Paris.

The post Ermonela Jaho shpallet artistja më e mirë e huaj në Spanjë appeared first on Albeu.com.

Emonela Jaho, të ftuarit e tjerë dhe orkestra performuan ariet dhe muzikën që përcaktuan kohën e Sir Antonios si drejtor muzikor, duke përfshirë karrierën e tij 22-vjeçare. Për të respektuar artisten, në skenë është ngjitur edhe mbreti Charles III

Mes zërit të fuqishëm, Jaho ka shkëlqyer edhe me pamjen e saj elegante dhe plot klas.

‘Një natë shumë e veçantë Royal Opera House, për të treguar nderimet e mia së bashku me kolegët dhe madhërinë e tij mbretin Charles, për maestron tonë të dashur Toni Papanno.’- shkruan Jaho.

Charles është shumë i afërt me Pappanon, i cili shërbeu si dirigjent në Kurorëzimin e Mbretit vitin e kaluar.

The post Performanca në Opera/ Sopranoja e njohur shqiptare, Ermonela Jaho merr përgëzimet e mbretit Charles (FOTO) appeared first on Albeu.com.

Komodinës së Ermonelës së fundmi i është shtuar edhe një tjetër çmim. Krah kupave dhe vlerësimeve të marra përgjatë gjithë këtyre viteve, i është bashkangjitur dhe ai i “Këngëtares më të mirë”, për interpretimin e jashtëzakonshëm në operan “La Rondine” në Zürich Opera House.

Këngëtarja shqiptare arriti të marrë çmimin e madh në “The Oper! Awards 2024”, ose Germany’s Opera Oscars, duke u cilësuar jo vetëm këngëtarja me zërin më të bukur, por dhe personi i cili jep gjithçka nga vetja kur është në skenë.

“Këngëtarja më e mirë femër Ermonela Jaho.  Dihet tashmë që të kënduarit opera kërkon më shumë se një zë të bukur, por rrallë herë një person është i gatshëm që t’i zbulojë publikut qenien e tij të brendshme përmes këndimit dhe performancës. Në @operzuerich në vitin 20233, Erminela Jaho dhuroi një mbrëmje operistike emocionuese dhe me emocione të jashtëzakonshme  si Magda nga “La rondine” e Puccinit: një dallëndyshe dhe një mjellmë që po vdes në një”, thuhet ndër të tjera në postimin e publikuar nga vetë Opermagazin.

Lidhur me këtë tjetër vlerësim që iu bë, pasi ditë më parë ajo fitoi edhe çmimin “Artisja e huaj më e mirë” për vitin 2023, për interpretimin e “Suor Angelica” në Barcelonë, Ermonela ka reaguar përmes një postimi në rrjetet sociale.

Teksa ka falenderuar të gjithë një për një, nga organizatorët, kolegët, publiku, sopranoja shqiptare shprehet ndër të tjera se përmes muzikës duhet të tregohet një histori e cila do të frymëzojë audiencën, dhe sipas saj nuk ka arritje më të madhe sesa të lidhesh me çdo zemër që dëgjon.

“Së pari Spanja, dhe tani Gjermania me këtë çmim të papritur! Do të përpiqem të shpreh me fjalë mirënjohjen time dhe çfarë do të thotë kjo arritje për mua, por do të ishte e pamundur. Ndihem krenare që jam edhe në mesin e të nominuarve, e lëre më çmimin Fitues për këngëtaren femër 2024. Faleminderit OPER! AËARDS për këtë nder të madh. Një falenderim i madh për kolegët e mi të mrekullueshëm, për publikun e mrekullueshëm që më dha dashurinë dhe vlerësimin e tyre dhe për çdo person të dashur që ka mbështetur rrugëtimin tim”, shkruan ajo ndër të tjera.

The post Sukseset s’kanë fund për Ermonela Jahon, nderohet me çmimin e madh në Gjermani appeared first on Albeu.com.

Ky lajm është bërë me dije nga vetë faqja e njohur e çmimeve ICMA, e cila e konsideron Jahon me një zë të lavdishëm dhe me një estetikë të pastër vokale.

Në lidhje me këtë lajm ka reaguar edhe vetë Ermonela e cila shprehet e nderuar dhe e vlerësuar për marrjen e këtij çmimi.

“ARTISTJA E VITIT Ermonela Jaho, soprano Me bukurinë unike të zërit të saj të lavdishëm, të udhëhequr të sigurt dhe shkëlqyeshëm vezullues, Ermonela Jaho magjeps me estetikën e saj të pastër vokale. Por kjo është vetëm njëra anë e artit të madh të këngëtares, tjetra është prania e saj teatrale elektrizuese.

Pak këngëtarë arrijnë një shkallë kaq të lartë identifikimi me rolet e tyre, një vërtetësi kaq totale dhe një emocion thellësisht prekës. Pasi del në skenë, Ermonela Jaho hedh si një mantel personalitetin e saj dhe mishëron plotësisht personazhin që duhet të interpretojë”, thuhet në njoftimin për sopranon shqiptare.

The post Ermonela Jaho merr çmimin e rëndësishëm, mes shumë emrave të njohur të muzikës klasike në botë appeared first on Albeu.com.

Lajmin e ka dhënë vetë ajo përmes një postimi në Facebook, duke shprehur të gjithë trishtimin e madh që ndjen.

Ermonela ka falenderuar të gjithë publikun, duke i thënë se do të kthehet shumë shpejt në skenë.

“Dua te shpreh me gjithe sinqeritet, nga thellesia e shpirtit, trishtimin e madh qe ndjej tani qe detyrohem te anulloj dy koncertet e mia ne Oviedo dhe Bilbao per arsye te pashmangshme shendetesore. Spanja është një vend për të cilin ndjej një dashuri të madhe dhe më bëri iluzion të veçantë për të qenë në gjendje të transmetoj në një mënyrë kaq të afërt, përmes muzikës, të gjithë afeksionin që ndjej për publikun tuaj, që me këto fjalë ju kërkoj falje dhe vlerësoj sju humë.

Ne te njejten menyre dua te falenderoj edhe mbeshtetjen qe kam ndjere perballe kesaj situate te veshtire nga keto dy Teatro te medhenj per te cilet ndjej shume respekt. Oviedo Filarmonia, Tetro Arriaga Antzokia. Faleminderit me gjithe zemer dhe shpresoj te kem mundesi te ju perqafoj shume shpejt ne Spanje, nje vend ku ndihem si ne shtepine time”, ka shkruar sopranoja.

The post Ermonela Jaho në gjendje jo të mirë shëndetësore, sopranoja shqiptare merr vendimin e papritur appeared first on Albeu.com.

Urimin publik, duke i zbuluar edhe ditën e lindjes ia ka bërë i vëllai. Mjeku Fatos Jaho ka ndarë një foto me të, duke i uruar edhe ditëlindjen të motrës.

“Edhe 100. Motra që bëri vëllain më të lumtur e krenar në botë”, shkruan ai në postimin e tij./albeu.com/

The post Ermonela Jaho feston ditëlindjen, vëllai i bën dedikimin e veçantë (FOTO LAJM) appeared first on Albeu.com.

Postimi i plotë:

Të dashur miq, më vjen shumë keq të ndaj që duhet të tërhiqem nga prodhimi i Pagliaçi nga ROH. Për ditë të tëra po bëja prova duke luftuar disa sfida shëndetësore, por fatkeqësisht situata u përkeqësua dhe edhe pse doja të vazhdoja, mjekët më këshilluan të mos e bëja. Shpresoj të shërohem shpejt për angazhimet e mia të ardhshme. Më vjen shumë keq për zhgënjimin… I uroj të gjithë kolegëve të mi të kenë një perfomrancë të mirë. I jam shumë mirënjohës ROH dhe miqve të mi të mrekullueshëm për mbështetjen e tyre gjatë kësaj kohe dhe pres me padurim të kthehem në Londër në të ardhmen… Shumë dashuri, Ermonela./albeu.com

The post Ermonela Jaho anulon koncertin: Jam në gjendje të rëndë shëndetësore appeared first on Albeu.com.

Kryeministri i vendit, Edi Rama, ka ndarë mengjesin e kësaj të hëne një video ku shfaqen artistja shqiptare, Ermonela Jaho dhe tenori me famë botërore, Placido Domingo.

Ata shprehen të lumtur për krijimin e teatrit të ri të operas dhe baletit dhe në datën 15 shtator do të jenë në Tiranë për të “inaguruar” këtë vepër të re e për të shfaqur artin e tyre./albeu.com

The post I lumtur të këndoj në Tiranë, Rama poston mesazhin e Placido Domingo appeared first on Albeu.com.