ermonela felaj Archives - Albeu.com

“Pse doni mandat të katërt ju, ç’keni bërë këto tre mandate?” Ermonela Felaj: Integrojmë Shqipërinë në BE!

M C — Thu, 27 Mar 2025 21:57:53 +0000

Deputetja e Partisë Socialiste, Ermonela Felaj, e cila kandidon në listën e hapur të kësaj partie në Tiranë, ishte e ftuar në emisionin “Të Paekspozuarit” në MCN TV, ky u pyet lidhur me fushatën dhe arsyet pse PS kërkon një mandat të katërt.

Pjesë nga biseda:

Ylli Rakipi: Kandidoni në Tiranë në listë të hapur. E dinit si ju kishte renditur Edi Rama apo e dëgjuat në televizor?

Ermonela Felaj: Nuk kisha ndonjë surprizë. Unë kandidoj për mandatin e pestë. Kjo është formula. Çdo brez ka kohën e vet dhe stafetën e vet. Unë jam pjesë e një brezi të ri politikanësh që hymë dhe u bëmë pjesë e PS në 2009. Ishte moment reformator për PS.

Ylli Rakipi: Pak a shumë kam filluar ta kuptoj që pse ju fitoni. Edhe kur nuk jeni të kënqaur, thoni partia ime më dënon, si puna e Kadri Hazbiut. Pra partia mbi të gjitha, ndoshta prandaj fitoni ju.

Ermonela Felaj: Pse fitojmë ka arsye më të thjeshtë.
Unë kur iu bashkova PS nuk vija nga rrjedha e politikës, punoja për pushtet të pavarur. Me të njëjtën dilemë përballen të gjithë ata që aspirojnë të bëhen pjesë e parlamentit.

Ylli Rakipi: PS ka patur tre mandate, cila është arsyeja që ju duhet të merrni mandat të katërt?

Ermonela Felaj: Para se të vija këtu, po shihja cfarë kishit në faqe, një njoftim ishte ai i Komisioneres për zgjerimin, që Shqipëria do të mbyllë negociata në 2027. Pra është rasti për një përgjigje të thjeshtë, Shqipëria bëhet pjesë e BE brenda vitin 2027.

The post “Pse doni mandat të katërt ju, ç’keni bërë këto tre mandate?” Ermonela Felaj: Integrojmë Shqipërinë në BE! appeared first on Albeu.com.

Azgan Mërnica pjesë e strukturës për mbrojtjen e votës së PD në 2021, Felaj: SPAK të hetojë, kolegët e opozitës na zhgënjyen

Xh — Thu, 16 May 2024 17:08:10 +0000

Vrasja e efektivit të policisë, 28-vjeçarit Novruz Cenalia nga Azgan Mërnica tre ditë më parë në Baltëz të Fierit, është kthyer në temë debati në Kuvendin e Shqipërisë.

Nënkryetarja e Kuvendit, Ermonela Felaj, njëherësh deputete e PS, duke ju referuar Strukturës së Armatosur për Mbrojtjen e Votës të PD në zgjedhjet e vitit 2021 ka kërkuar nga SPAK që të nisë një hetim, pasi kjo strukturë ka prodhuar disa ngjarje kriminale.

Azgan Mërnica autori i vrasjes së efektivit Cenalia ka qenë pjesë e Strukturave të Armatosura të PD në vitin 2021, ndërsa ka pozuar edhe krah deputetit demokrat Luan Baçi.

Deputeti Luan Baçi me të rinjtë, mes tyre Azgan Mërnica

Gjithashtu në foto është edhe vëllai i tij, Kiri Mërnica i cili tashmë ndodhet në burg, i dënuar me 19 vite për vrasje. Po ashtu felaj solli në kujtesë edhe ngjarjen e 21 prillit të vitit 2021 ku në mes të Elbasanit u vra mjeku Pjerin Xhuvani nga ana e Arbër Paplekajt i cili ishte pjesë e Strukturave të Armatosura të mbrojtjes së votës së PD.

“Ka të dhëna nga media, që janë konfirmuar edhe përmes qëndrimeve që kanë mbajtur kolegë deputetë që këta njerëz janë përdorur nga politike në zgjedhjet e 2021. U krijuan të ashtuquajtura struktura të votës për të cilat disa kolegë të opozitës thanë se kemi marrë njerëz profesionistë për të mbrojtur votën. Ngjarja në Elbasan, ngjarja në Fier… Është dhe dikush tjetër që është duke vuajtur dënimin me burg për mbrojtjen e votës në qarkun e Fierit”, tha Felaj.

E zhgënjyer Felaj u shpreh dhe nga reagimet e deputetëve të opozitës sa i përket vrasjes së policit.

“Unë besoj se edhe politika duhet të gjejë një përgjegjësi të vetën, sepse mënyra sesi ne sillemi e artikulohemi sesi kërkojmë të bëjmë për vete qytetarë, duke harruar se policët janë punonjës shteti, në funksion të institucioneve të shtetit e jo në funksion të politikanëve. Të heqim dorë nga mentalitetet e të shkuarës. E thashë, deputetë tanët këtu kanë mbajtur deklarata zhgënjyese as nuk kanë ngushëlluar për humbjen e një jete të re të një punonjësi me uniformë, as nuk janë distancuar nga personi në fjalë as nuk i kërkuan që të dorëzohej, e për më tepër i kanë bërë këto deklarata teksa mbahej protesta para bashkisë Tiranë“, shtoi deputetja./albeu.com

The post Azgan Mërnica pjesë e strukturës për mbrojtjen e votës së PD në 2021, Felaj: SPAK të hetojë, kolegët e opozitës na zhgënjyen appeared first on Albeu.com.

Komisionet Hetimore, PS depoziton në Kuvend propozimet për ndryshime në ligj

Xh — Thu, 30 Nov 2023 12:32:20 +0000

Partia Socialiste ka depozituar një kërkesë për ndryshimin e ligjit për Komisionet Hetimore.

Lajmi u bë i ditur nga nënkryetarja e Kuvendit, Ermonela Felaj. Sipas Felajt ishte e nevojshme që të rishikohej ligji, ndërsa shtoi se janë kujdesur që të analizojnë të gjitha praktikat më të mira ligjore.

Felaj: Gjatë ditës së sotme në emër të grupit të PS kam depozituar në Kuvend nismën për disa shtesa dhe ndryshime për funksionimin e Komisioneve Hetimore. Ky është produkt i një pune disa mujore, që në krye të herës është folur nga të gjithë anëtaret e Kuvendit, përfaqësues të opozitës apo mazhorancës. Nga të dy përfaqësuesit qoftë të mazhorancës qoftë të pakicës në përfundimet e raporteve për komisionin hetimor të inceneratorëve përfaqësuesit kanë kërkuar rishikmim të ligjit. I bëmë thirrje opozitës për rishikimin e ligjit për komisionet hetimore, por thirrja jonë ra në vesh të shurdhet sepse opozita ka mbetur të ai produkti i një anshëm pune. Jemi kujdesur që të analizojmë të gjitha praktika më të mira ligjore, të vendeve të rajonit dhe BE-së dhe jo vetëm sa i takon komisioneve hetimore. Ligji për komisionet hetimore është marrë për model ligji gjerman. Ligji gjerman nuk është marrë i plotë. Ka pasur mangësi të dukshme.

E pyetur në lidhje me pjesëmarrjen e opozitës, Felaj tha se ka kërkuar që të jenë anëtarët e opozitës, por askush nuk ka dashur që të ulet në tryezë.

Felaj: Është njohur e drejta e ngritjes së Komisioneve Hetimore si e drejtë e opozitës, por nuk është një e drejtë e pakufizuar. ¼ e deputetëve të Kuvendit kanë të drejtë të propozojnë ngritjen e një komisioni hetimor. Ligji i vitit 2002 ka qenë ligji që ka detajuar këtë kërkesë për të drejtat e pakicës. Kam kërkuar që anëtarët e opozitës të mund të përfaqësoheshin në komisionin Ad-hock. Unë i kam ndjekur me vëmendje edhe qëndrimet e anëtarëve të opozitës dhe nuk më rezulton që dikush aty të ketë dashur që të ulemi në një tryezë punë dhe të punojmë me një tryezë të përbashkët. Koha nuk pret. Këtë duhet ta diskutojmë me të trija nisma, një e Tabakut dhe ajo e Spahos. Puna e komisioneve hetimore ka dalë jashtë kornizave të Kushtetutës së Shqipëri. Ne duam të bëjmë një ndarje të qartë që mos të zëvendësojmë punën e prokurorisë dhe të Gjykatës.

Kujtojmë se ngritja e Komisioneve Hetimore është kthyer në një mollë sherri mes opozitës dhe mazhorancës. Deputetët e Bardhit dhe ato të Berishës, prej kohësh kanë bojkotuar seancat plenare duke mos lejuar zhvillimin normal të tyre, pasi pretendojnë se mazhoranca nuk pranon kërkesat e tyre për ngritjen e komisioneve hetimore.

Disa ditë më parë, ishte kryeministri Rama ai i cili gjatë një konference për mediet, deklaroi se do të rishikojnë ligjin për komisionet hetimore.

Rama: Është koha që të rishikojmë ligjin për komisionet hetimore duke marrë parasysh eksperiencën e gjithë këtyre viteve dhe dështimet e panumërta të komisioneve në gjithë këto vite./albeu.com

The post Komisionet Hetimore, PS depoziton në Kuvend propozimet për ndryshime në ligj appeared first on Albeu.com.

“Palaco”, plas sherri mes Bardhit dhe Felajt më Kuvend: Je hajdute, mbylle gojën!

E B — Thu, 13 Jul 2023 09:12:52 +0000

Debat i ashpër është zhvillohet në seancën në Kuvend mes kreut të grupit Parlamentar të PD Gazment Bardhi dhe Ermonela Felajt.

Ndërsa Bardhi tha se Felaj është në dosjet e SPAK, në përgjigje zv/kryetarja e Kuvendit, iu përgjigj duke e cilësuar “palaco”.

Bardhi në kundërpërgjigje iu drejtua duke i thënë se është një hajdute dhe i kërkoi të mbyllte gojën.

“Palaço mua më ka thënë krye mafiozi jot, dhe kur vjen nga një gjobaxhie që ke pushtuar prokurorinë e Tiranës, yt shoq ka marrë ryshfet 1.5 mln euro nga katër biznese, kjo je ti, je një hajdute, një gjobaxhie që ke guxim dhe flet, je pjesë e dosjes, ke pushtuar prokurorinë e Tiranës për ti vënë gjoba bizneseve dhe qytetarëve. Ti! Ti dhe një pjesë prej… Mbylle moj gore gojën! Moj Hajdute!”, tha Bardhi./albeu.com

The post “Palaco”, plas sherri mes Bardhit dhe Felajt më Kuvend: Je hajdute, mbylle gojën! appeared first on Albeu.com.

Sherri te “Mandatet”, Bardhi përplaset me Felajn: Emri jot është në provat e SPAK

Xh — Tue, 11 Jul 2023 15:30:13 +0000

Mbledhja e Këshillit të Mandateve u ndërpre për një pushim të shkurtër, pas replikave med deputetëve të mazhorancës dhe opozitës.

Ishin deputetët e opozitës ata që kërkun zhvillimin e mbledhjes me dyer të hapura.

Gjatë debatit të ashpër mes Gazmend Bardhit dhe Ermonela Felaj nëse seanca duhet të zhvillohej e hapur për publikun apo jo, sekretari i përgjithshëm i PD dhe kryetari i Grupit Parlamentar i është përgjigjur fyerjeve të deputetes socialiste Felaj duke i kujtuar se emri i saj është në dosjen e sjellë nga SPAK.

Bardhi: Emri yt është në këtë dosje. Ti ke frikë sepse emri yt është në dosje. Lëri njerëzit të kuptojnë që ti njësoj si Ahmetaj ke qenë pro ndërtimit të inceneratorëve. Je në konflikt interesi.

Bardhi: Mazhoranca ka frikë që shqiptarët të mësojnë të vërtetën për inceneratorët! Mazhoranca po ndihmon Ahmetaj që të arratiset dhe SPAK mos ta kapë atë!

The post Sherri te “Mandatet”, Bardhi përplaset me Felajn: Emri jot është në provat e SPAK appeared first on Albeu.com.

Felaj i përgjigjet Berishës: Unë i kam shërbyer këtij vendi, ndërsa ti dhe familja jote jeni shpallur “non grata” për korrupsion masiv

E B — Mon, 03 Jul 2023 08:56:30 +0000

Në seancën e sotme të Kuvendit, ka pasur diskutime të ashpra jashtë rendit të ditës mes opozitës dhe qeverisë.

Ish-kryeministri Sali Berisha i ka kërkuar zv/kryetares së Kuvendit Ermonela Felja të japë dorëheqjen, pasi familja e saj ka zaptuar Prokurorinë e Tiranës.

Në përgjigje, Felaj u shpreh se është krenare për veten dhe familjen e saj sepse i ka shërbyer këtij shteti, ndërsa i tha Berishës se ishte ai që duhej të largohej pasi është shpallur non grata së bashku me familjen, për korrupsion masiv.

“Uluni zoti Berisha dhe mos pengoni vijimin e rregullt të seancës. Duhet të largoheshit ju dhe familja juaj nga ku vend sepse jeni shpallur non grata për korrupsion masiv. Unë jam krenare për veten dhe familjen time sepse i kam shërbyer këtij shteti. Në familjen tonë nuk gjen asnjë gjë të zezë, ndërsa ju zoti Berisha jeni krejt i zi”, tha Felaj./albeu.com

The post Felaj i përgjigjet Berishës: Unë i kam shërbyer këtij vendi, ndërsa ti dhe familja jote jeni shpallur “non grata” për korrupsion masiv appeared first on Albeu.com.

Felajt “kapin” Prokurorinë e Tiranës, Xheferri: Faqe e zezë në historinë e Shqipërisë, Ramë të japë llogari

Erv Isa — Thu, 29 Jun 2023 11:38:50 +0000

Kryetari i FRPD Besart Xhaferri bëri sot deklaratë për mediat nga Prokuroria për skandalin e radhës të drejtësisë, pasi në Prokurorinë e Tiranës bëjnë pjesë katër familjarë të deputetes së PS-së Ermonela Felaj.

Besart Xhaferri tha se kjo është një këmbanë alarmi për drejtësinë në Shqipëri, ndërsa e cilësoi rastin si një nga faqet më të zeza në historinë e Shqipërisë.

Xhaferri tha se për këtë duhet të japin përgjigje kryeministri, Edi Rama, Fatmir Xhaferraj dhe fondacioni Soros.

Besart Xhaferri: Rrethi i ngushtë i Felajt janë emëruara në Prokurorinë e Tiranës. Kjo është një këmbanë alarmi për ti treguar çdokujt që ka sakrifikuar që nga 2016 për të patur një reformë në drejtësi, ku Shqipëria ngeli katër vite pa Gjykatë Kushtetuese dhe dhjetëra mijëra çështje që nuk janë procesuar ende nga sistemi i drejtësisë. Janë pikërisht që një familje e vetme të kishte tërë Prokurorinë e Tiranës dhe sot mund ta quajmë atë “sarajet e asaj familje”. Kjo është faqja më e zezë e historisë shqiptare, shkatërrimi i drejtësisë. Sot sistemi i drejtësisë është i vdekur ku ne kemi një nepotizëm të tillë. Duhet të japin përgjigje Edi Rama bashkë me Fatmir Xhafën dhe fondacionin Soros që krijuan këtë paçavure që sot vetëm drejtësi nuk mund të quhet.

Këshilli i Lartë i Prokurorisë, KLP miratoi të martën më 27 qershor me 10 votat e anëtarëve të pranishëm projektaktet për renditjen e kandidatëve për tre pozicione vakante në Prokurorinë e Tiranës, ku në të tre rastet e para në listë u rendit prokurorja e Vlorës, Eranda Felaj.

Ajo është motra dhe familjarja e katërt e deputetes së Patisë Socialiste, Ermonela Felaj, e cila pritet të emërohet në Prokurorinë e Tiranës.

Përgjatë katër viteve të fundit, në Prokurorinë e Tiranës janë emëruar tashmë tre familjarë të deputetes Felaj. Në mars të vitit 2019, KLP vendosi të emërojë si prokuror në Tiranë përmes një procedure të diskutueshme bashkëshortin e deputetes, Bledar Valikajn, pa kaluar më parë procesin e vetingut.

Vetëm pak muaj më vonë, në maj 2019, Prokuroria e Përgjithshme përzgjodhi pas një procedure konkurruese vëllanë e deputetes, Armando Felaj si oficer të policisë gjyqësore në Prokurorinë e Tiranës. Në mbledhjen plenare të datës 29 maj, u miratua projektakti për transaferimin e bashkëshortes së këtij të fundit, Alma Felaj, nga Prokuroria e Durrësit në atë të Tiranës.

Miratimi i renditjes së Felajt e para në listën e kandidatëve për të tre pozicionet vakante në Prokurorinë e Tiranës, u krye pas diskutimeve mes anëtarëve të KLP-së. Anëtari Sokol Stojani vërejti se në Prokurorinë e Tiranës tashmë janë emëruar vëllai, kunati dhe kunata e prokurores Eranda Felaj.

/albeu.com/

The post Felajt “kapin” Prokurorinë e Tiranës, Xheferri: Faqe e zezë në historinë e Shqipërisë, Ramë të japë llogari appeared first on Albeu.com.

Felajt “kapin” Prokurorinë e Tiranës, Berisha: Drejtësia e re një monstër

Xh — Wed, 28 Jun 2023 12:00:01 +0000

Ish-kryeministri Sali Berisha e ka cilësuar një rekord të zi Prokurorinë e Tiranës, e cila ka në përbërje katër familjarë të deputetes së PS-së Ermonela Felaj në Prokurorinë e Tiranës.

Përmes një postimi në Facebook, Berisha shkruan se tani “Prokuroria e Tiranës është Prokuroria e familjes Felaj.”

Berisha: Prokuroria familjare. Një monstër e re e pseudoreformës së drejtësisë. Miq, pas përdorimit të vetingut për gjueti shtrigash të bazuar në kritere me origjinë shoqërore, prejardhje krahinore, madje edhe besimin fetar dhe krijimit të drejtësisë së organizatave të Partisë Socialiste, pas shumëfishimit të korrupsionit dhe gjobës që paguajnë në procesin gjyqësor, pas privimit de fakto të qytetarëve shqiptarë nga procesi i drejtë ligjor, drejtesia e re e bazuar në reformën e Soros-Rama solli dhe një monster të re, kurrë të parë apo të dëgjuar ndonjëherë më parë. Kjo është prokuroria familjare.

Kështu prokuroria e kryeqytetit të Shqipërisë është tani prokuroria e familjes Felaj, e njohur prej vitesh për lidhjet e provuara të saj me malavitën. Kështu, kjo prokurori, në një rast unik në botë si në asnjë vend të lirë, por edhe në asnjë diktature tjetër, udhëhiqet tani nga katër anëtarë me lidhje të para të ndrikull Felaj. Një rekord i zi!

Ajo është motra dhe familjarja e katërt e deputetes së Patisë Socialiste, Ermonela Felaj, e cila pritet të emërohet në Prokurorinë e Tiranës.

The post Felajt “kapin” Prokurorinë e Tiranës, Berisha: Drejtësia e re një monstër appeared first on Albeu.com.

“Ike kur e mendove vetë”, politikania shqiptare humb njeriun e shtrenjtë

K Agaj — Sat, 17 Jun 2023 09:49:28 +0000

Familja e nënkryetares së Kuvendit të Shqipërisë Ermonela Felaj është në zi.

Politikania e njohur përmes një postimi në rrjete sociale bën me dije se ka humbur babanë e saj.

“Babi ike kur e mendove dhe si e mendove vetë, si gjiithmonë xhanëm. Pusho i qetë dhe pranë mamit tani”, shkruan Felaj teksa ka ndarë dhe një foto me të atin.

The post “Ike kur e mendove vetë”, politikania shqiptare humb njeriun e shtrenjtë appeared first on Albeu.com.

“Vari leshtë!” Felajn e lënë nervat, gafa që u dëgjua me mikrofonin hapur (VIDEO)

K Agaj — Thu, 25 May 2023 13:05:35 +0000

Teksa Kuvendi miratoi rritjen e pagave për deputetët dhe ministrat, zëvendëskryetaren e këtij institucioni në një moment e “tradhtuan” nervat dhe u dëgjua me një fjalor të papërshtatshëm Live

Në momentin që vijonte procesi i votimit në parim dhe nen për nen, Felaj për një çast harroi se kishte hapur mikrofonin dhe dëgjohet duke thënë ‘vari leshtë!’.

The post “Vari leshtë!” Felajn e lënë nervat, gafa që u dëgjua me mikrofonin hapur (VIDEO) appeared first on Albeu.com.