Ermir Dedja dyshohet se ishte anëtar i organizatës kriminale të Avdylajve në Shijak ndërsa kishte edhe precedentë të mëparshëm penalë.

Lidhur me vrasjen, janë shpallur në kërkim edhe tre persona të tjerë ndërsa Ndoni dhe Berisha akuzohen se sollën nga jashtë vendit makinat që u përdorën për atentatin dhe transportin e autorëve të ekzekutimit.

Vendimi i Gjykatës së Durrësit:

“1. Vleftësimin e ligjshëm të ndalimit të datës 03.06.2025 të personave nën hetim E. N. dhe K.B., të dyshuar për kryerjen e veprës penale “Kontrabanda me mallra të tjerë”, parashikuar nga neni 174/2 të Kodit Penal.

2. Caktimin e masës së sigurimit personal “Arrest në burg”, parashikuar nga neni 238 i K.Pr.Penale, ndaj personave nën hetim E. N. dhe K.B.

3. Urdhërohet Prokuroria dhe Policia Gjyqësore për zbatimin e këtij vendimi.

4. Kundër këtij vendimi mund të bëhet ankim brenda 5 ditëve në Gjykatën e Apelit të Juridiksionit të Përgjithshëm Tiranë, duke filluar ky afat nga e nesërmja e komunikimit të vendimit të arsyetuar”.

The post Ekzekutimi i anëtarit të grupit të Avdylajve, gjykata lë në burg dy të arrestuarit për vrasjen e Ermir Dedjas! Ndoni e Berisha ndihmuan autorët appeared first on Albeu.com.

Hetimet për këtë vrasje po zbulojnë një rrjet të mirëorganizuar kriminal, ku deri tani janë identifikuar pesë persona të përfshirë në ngjarje, mes tyre edhe individë që kanë kontrabanduar automjetet e përdorura nga autorët.

Policia ka arrestuar dhe shpallur në kërkim disa shtetas, ndërsa dyshohet se një nga automjetet ishte parashikuar për t’u përdorur edhe në një tjetër akt kriminal.

Hetimet po vijojnë në bashkëpunim me Prokurorinë dhe autoritetet ndërkombëtare për zbardhjen e plotë të kësaj vrasjeje.

Sakaq, janë vënë në pranga shtetasit Erion Ndoni dhe Klodian Berisha. Ndërkohë është shpallur në kërkim Xhuljano Dyrmishi.

Njoftimi i policisë:

Durrës

Veprime të thelluara hetimore për zbardhjen dhe dokumentimin e plotë ligjor të vrasjes së 29-vjeçarit, në lagjen nr.18, Durrës.

Shkon në 5 numri i shtetasve të identifikuar si të përfshirë në vrasjen e 29-vjeçarit.

Identifikohen dhe vihen në pranga 2 shtetas që kanë kontrabanduar në Shqipëri, automjetin që u përdor nga autorët e vrasjes dhe një automjet tjetër që dyshohet se do të përdorej për një ngjarje tjetër kriminale. Policia gjen dhe sekuestron automjetin tjetër.

Shpallet në kërkim 1 shtetas tjetër, për sigurim të kushteve dhe mjeteve materiale për të kryer vrasje dhe për kontrabandë të mallrave.

2 ditë pas ngjarjes, Policia identifikoi dhe shpalli në kërkim 2 shtetas të tjerë, për sigurim të kushteve dhe mjeteve materiale për të kryer vrasje.

Në vijim të veprimeve të thelluara të kryera nga grupi hetimor, në drejtimin e Prokurorisë së Durrësit, me qëllim zbardhjen e autorësisë dhe rrethanave të vrasjes së shtetasit E. D., 2 javë më parë, në lagjen nr.18, në Durrës, bazuar në provat e siguruara nga hetimi:

u ndaluan shtetasit E. N., 36-vjeç, banues në fshatin Shkallnur dhe K. B., 35-vjeç, banues në Durres, për veprën penale “Kontrabanda me mallra të tjera”;

u shpall në kërkim shtetasi Xh. D., 33-vjeç, banues në Durrës, për veprat penale “Sigurimi i kushteve dhe mjeteve materiale për të kryer vrasje” dhe “Kontrabanda me mallra të tjera”.

Nga hetimet rezulton se këta shtetas, në bashkëpunim me njeri-tjetrin, kane kontrabanduar në Shqipëri, 2 automjete tip “Seat”, njëri prej të cilëve është shitur dhe më pas është përdorur gjatë vrasjes së shtetasit E. D.

Shërbimet e Policisë, kanë bërë të mundur gjetjen dhe sekuestrimin në cilësinë e provës materiale, të automjetit tjetër tip “Seat”, i cili ishte kontrabanduar me qëllim për t’u përdorur për një ngjarje tjetër kriminale.

Në kuadër të hetimeve, 2 ditë pas ngjarjes, Policia identifikoi dhe shpalli në kërkim shtetasin shqiptar E. N., 44-vjeç, banues në fshatin Rrashbull dhe shtetasin maroken M. D., 46-vjeç, për veprat penale “Sigurimi i kushteve dhe mjeteve materiale për të kryer vrasje” dhe “Trafikimi i mjeteve motorike”.

Të 3 shtetasit e shpallur në kërkim, rezultojnë jashtë vendit. Vijon puna në bashkëpunim me partnerët, për lokalizimin dhe kapjen e tyre.

Në bashkëpunim me Prokurorinë, po vijojnë veprimet intensive për dokumentimin e plotë ligjor të kësaj ngjarjeje dhe kapjen e autorëve të dyshuar.

The post Ekzekutimi i 29-vjeçarit Ermir Dedja në Durrës/ Policia zbardh detaje: Shkon në 5 numri i personave të përfshirë në atentat, arrestohen dy prej tyre appeared first on Albeu.com.

Sipas burimeve nga grupi hetimor, hetimet po avancojnë në drejtimin e duhur dhe kanë ndihmuar në hedhjen dritë mbi mënyrën e organizimit të atentatit.

Dy personat e shpallur në kërkim, ku dyshohet se kanë luajtur një rol të rëndësishëm në sigurimin e logjistikës së nevojshme për autorët e krimit, përfshirë edhe mjetin që u përdor për realizimin e atentatit.

Sipas hetuesve, autorët e dyshuar të ekzekutimit janë dy individë të tjerë, ndërsa bashkëpunëtorët kanë vepruar për të krijuar kushtet që vrasja të kryhej pa lënë gjurmë.

Ekspertët e kriminalistikës, kanë arritur të rikuperojnë disa prova nga mjeti i djegur në zonën e Gërdecit, të cilat janë dërguar për analizë në laboratorin shkencor.

Rezultatet pritet të ndihmojnë më tej në identifikimin e autorëve dhe zbardhjen e plotë të ngjarjes.

Pista kryesore e hetimit lidhet me përfshirjen e viktimës në aktivitete të shumta kriminale gjatë viteve të fundit. Ermir Dedja, një emër i njohur për policinë jo vetëm në nivel lokal, dyshohet se ishte objekt i larjes së hesapeve në botën e krimit.

Ngjarja e rëndë ndodhi në orët e vona të së hënës, kur Dedja ndodhej në shoqërinë e dy personave të tjerë. Ai u qëllua me armë zjarri dhe një plumb në gjoks i shkaktoi vdekjen e menjëhershme.

Hetimet vazhdojnë me intensitet për të çuar para drejtësisë autorët dhe bashkëpunëtorët e kësaj vrasjeje të rëndë./BW

The post Ekzekutimi i 29-vjeçarit Ermir Dedja në Durrës/ Policia identifikon dhe shpall në kërkim dy persona appeared first on Albeu.com.

Viktima Ermir Dedja, ka një të kaluar me precedentë penalë, teksa “Ora News” raporton se për Policinë e qytetit, ai njihet si shok i ngushtë i një personazhi të botës së krimit në Shijak me inicialet A.A, që tashmë rezulton i shpallur në kërkim ndërkombëtar nga SPAK.

Sipas të dhënave që ka mbledhur policia e Durrësit, Dedja rezulton i dënuar disa herë nga gjykata e Durrësit për akuzën e plagosjes si dhe prodhimit dhe shitjes së lëndëve narkotike.

Pikërisht tregtia e drogës mes grupeve kriminale në Durrës, është pista kryesore ku është fokusuar policia, e cila deri në mesditën e sotme nuk ka pasur asnjë person të arrestuar për këtë ngjarje të rëndë.

Në momentin e vrasjes viktima Ermir Dedja, ka qenë në ambientet e një lokali në Durrës, ku një person i vetëm ka qëlluar me automatik nga një makinë e bardhë, duke e lënë të vdekur në vend.

Të pranishmit që ndodheshin me Dedjan janë larguar të shokuar nga skena e krimit, ndërsa disa orë më vonë ata janë shoqëruar dhe marrë në pyetje nga policia, duke dhënë shpjegime për atë që kishin arritur të shikonin.

Pas vrasjes makina, me të cilën lëviznin dy autorët është larguar qetësisht, ndërsa rreth 7 orë më vonë mjeti në fjalë u gjend e djegur plotësisht në zonën e fshatit Gërdec të Tiranës.

Aktualisht, Policia dhe Prokuroria e Durrësit, ka sekuestruar disa gëzhoja automatiku, pamje filmike dhe administruar disa dëshmi, por asgjë nuk ka shërbyer për identifikimin e autorëve të këtij krimit të rëndë.

The post Detaje nga vrasja në Durrës/ Ermir Dedja, shok i “të fortit” të Shijakut, që kërkohet nga SPAK appeared first on Albeu.com.

Në video duket automjeti i bardhë i autorëve, një makinë tip “Cupra Formentor” teksa ndjek viktimën. I riu ishte duke ecur në trotuar në momentin e ngjarjes.

Disa sekonda pasi makina e vrasësve zhduket nga pamjet filmike të kamerave të sigurisë, dëgjohet një e shtënë arme zjarri. Ndërsa kalimtarët vrapojnë të alarmuar.

Disa orë pas atentatit, automjeti i autorëve u gjet i djegur pranë fshatit Gërdec.

I riu ishte me origjinë nga Shijaku, por jetonte në Durrës. Ai kishte jetuar kohët e fundit në Gjermani, ku dyshohet se ishte i përfshirë në veprimtari kriminale.

The post Momenti i vrasjes së 29-vjeçarit në Durrës, dëgjohet një e shtënë dhe kalimtarët që vrapojnë të alarmuar (VIDEO) appeared first on Albeu.com.

Policia e Durrësit, ka dhënë informacion shtesë në lidhje me atentatin ndaj 29-vjeçarit Ermir Dedja.

Efektivët deklarojnë se kanë gjetur në afërsi të fshatit Gërdec një makinë të djegur.

Gjithashtu, brenda në mjet është gjendur edhe një armë, që dyshohet se është përdorur në atentat. Policia vijon puna për kapjen e autorit/autorëve.

Durrës/Informacion shtesë:

Në vijim të kontrolleve dhe të veprimeve hetimore që po kryhen nga grupi i posaçëm hetimor, në drejtimin e Prokurorisë, me qëllim zbardhjen e rrethanave të ngjarjes së ndodhur më datë 20.05.2025, rreth orës 00:50, në lagjen nr. 18, ku dyshohet se u vra me armë zjarri shtetasi E. D., 29-vjeç, shërbimet e Policisë së Durrësit, në bashkëpunim me shërbimet e Policisë së Tiranës, kanë gjetur në fshatin Gërdec, një automjet të djegur dhe brenda tij një armë zjarri, të cilat dyshohet se janë përdorur nga autorët e kësaj ngjarjeje.

Grupi hetimor, në drejtimin e Prokurorisë, vijon punën për zbardhjen e rrethanave të ngjarjes dhe sigurimin e çdo prove që do të çojë në identifikimin dhe kapjen e autorëve.

The post Vrasja e 29-vjeçarit Ermir Dedja në Durrës/ Gjendet një makinë e djegur në fshatin Gërdec, dyshohet se u përket autorëve appeared first on Albeu.com.

I riu ishte me origjinë nga Shijaku, por jetonte në Durrës. Ai kishte jetuar kohët e fundit në Gjermani, ku dyshohet se ishte i përfshirë në veprimtari kriminale.

Durrës/Informacion paraprak

Më datë 20.05.2025, në orën 00:50, në lagjen nr. 18 Durrës, është qëlluar me armë zjarri shtetasi E. D., 29 vjeç, i cili ka humbur jetën në spital.

Në vendngjarje kanë shkuar shërbimet e Policisë dhe po vijojnë kontrollet për kapjen e autorit/ve.

Është ngritur një grup i posaçëm hetimor dhe nën drejtimin e Prokurorisë, vijojnë intensivisht hetimet për zbardhjen e rrethanave dhe sigurimin e provave, me qëllim dokumentimin ligjor të ngjarjes, identifikimin dhe kapjen e autorit/ve.

The post Ky është 29-vjeçari Ermir Dedja, që u vra mbrëmë në Durrës (FOTO) appeared first on Albeu.com.

Publikohen pamjet nga vendngjarja në Durrës, ku 29-vjeçari Ermir Dedja, u vra në një atentat.

Në pamje shihen shenjat e lënë në derën e xhamtë nga plumbat, ndërsa e gjithë zona është e rrethuar nga shiritat që tregojnë skenën e krimit.

Ndërkohë, në vendngjarje ndodhen policia dhe ekspertët e kriminalistikës.

Durrës/Informacion paraprak:

Më datë 20.05.2025, në orën 00:50, në lagjen nr. 18 Durrës, është qëlluar me armë zjarri shtetasi E. D., 29 vjeç, i cili ka humbur jetën në spital.

Në vendngjarje kanë shkuar shërbimet e Policisë dhe po vijojnë kontrollet për kapjen e autorit/ve.
Është ngritur një grup i posaçëm hetimor dhe nën drejtimin e Prokurorisë, vijojnë intensivisht hetimet për zbardhjen e rrethanave dhe sigurimin e provave, me qëllim dokumentimin ligjor të ngjarjes, identifikimin dhe kapjen e autorit/ve.

The post Ekzekutimi i 29-vjeçarit Ermir Dedja në Durrës/ Publikohen pamjet nga vendngjarja (VIDEO) appeared first on Albeu.com.