“Presidenti Begaj dekretoi sot emërimin e zotit Ermal Dredha në detyrën e Ambasadorit të Jashtëzakonshëm dhe Fuqiplotë të Republikës së Shqipërisë në Konfederatën e Zvicrës, rezident, dhe Ambasadorit të Jashtëzakonshëm dhe Fuqiplotë të Republikës së Shqipërisë në Principatën e Lihtenshteinit, jo rezident”, njofton presidenca.

Ky dekret vjen pas dorëheqjes së Ermal Dredhës nga posti i Kryetarit të Bashkisë Vlorë, detyrë të cilën e mbajti pas zgjedhjeve vendore të majit 2023, deri në shtator 2025.

Kujtojmë se nga viti 2016 deri në vitin 2023 Ermal Dredha ka shërbyer edhe si ambasador i Shqipërisë në Emiratet e Bashkuara Arabe.

The post La detyrën si kryetar i Bashkisë Vlorë, Ermal Dredha dekretohet nga Presidenti Begaj si Ambasador i Zvicrës dhe Principatës së Lihtenshteinit appeared first on Albeu.com.

Dredha dha dorëheqjen në shtator nga posti i kryebashkiakut të Vlorës, pas disa përplasjeve me kryeministrin Edi Rama për mbarëvajtjen e punëve në qytet. Dredha gjithashtu ka qëndruar si Kryetar i Bashkisë për më shumë se dy vjet.

Teksa ishte në detyrë si kryebashkiak, Dredha ka qenë pre e kritikave te vazhdueshme nga kryeministri Edi Rama. Kritikat e Ramës ndaj Dredhës ishin si në mbledhjet private pa mediat, por edhe në daljet publike të Kryeministrit.

Dredha u kritikua edhe për mbetjet dhe për mungesën e punës nga ana e drejtorëve te bashkisë Vlorë. Rama shkoi aq shumë me kritika ndaj Dredhës, sa në një mbledhje me drejtorët e Bashkisë Vlorë, e quajti kryebashkiakun si ‘Dritan Lela 2.0’.

The post Pas dorëheqjes si kryebashkiak i Vlorës, Ermal Dredha emërohet ambasador i Shqipërisë në Zvicër appeared first on Albeu.com.

Dredha shkruan; “Si djalë i këtij qyteti kaq të dashur, do të shërbej në çdo formë, njësoj siç kam bërë çdo ditë të karrierës sime diplomatike sepse e vetmja gjë që mbetet e pandryshuar është që Vlora do të jetë gjithnjë e para në zemrën time”.

Në letrën drejtuar kryeministrit Rama, kryebashkiaku i dorëhequr i Vlorës, shprehet se duhet të dish të largohesh me dinjitet, për t’i hapur rrugë energjive dhe ideve të reja.

Ai thekson se dorëheqja e tij vjen si një akt reflektimi dhe përgjegjësie, si edhe është veprimi i tij më i drejtë në këtë moment.

“Rrethanat aktuale, familjare dhe personale, apo dhe ato politike e administrative, më shtyjnë të besoj se dorëheqja ime është veprimi më i drejtë në këtë moment”, thekson ai.

Duke shtuar se: “Ky vendim nuk nënkupton largim nga përgjegjësia publike, por është një akt i vetëdijshëm për të krijuar hapësirë për ide dhe ritme të reja zhvillimi për bashkinë tonë”.

Postimi i plotë:

Të nderuar qytetarë të Vlorës,

Me mirënjohje dhe përulësi, për gjithçka ndamë bashkë përgjatë këtij rrugëtimi, bashkë me falenderimet e pafundme për çdo mbështetje, po ndaj me ju letrën time të dorëheqjes!

Shpresoj në mirëkuptimin tuaj, me bindjen që Vlora ka plotë mundësi për kontribute të vyera! Si djalë i këtij qyteti kaq të dashur, do të shërbej në çdo formë, njësoj siç kam bërë çdo ditë të karrierës sime diplomatike sepse e vetmja gjë që mbetet e pandryshuar është që Vlora do të jetë gjithnjë e para në zemrën time! 🙏

I nderuar z. Kryeministër,

Sot, me përgjegjësinë më të lartë morale dhe institucionale, kam vendosur të paraqes dorëheqjen time nga detyra si Kryetar i Bashkisë së Vlorës.

Ky është një nga ato momente ku fjala nuk del lehtë, jo sepse mungon bindja, por sepse pesha e asaj që dua të them është e madhe dhe shumë e ndjeshme për mua si njeri, si shërbyes publik dhe si bir i këtij komuniteti që e dua me gjithë zemër.

Pavarësisht sfidave dhe vështirësive që janë shfaqur gjatë rrugës, kam besuar gjithmonë se transparenca dhe puna e ndershme janë baza mbi të cilat ndërtohet një shërbim i mirëfilltë ndaj komunitetit.

Kam jetuar çdo ditë të këtij detyrimi me përkushtim të plotë dhe zell. Kam bërë më të mirën që kam ditur e mundur, ndoshta jo gjithmonë mjaftueshëm, por gjithmonë me ndershmëri. Kam qenë pranë njerëzve në ditë të mira dhe në ditë të vështira, dhe i kam ndjerë hallet dhe shpresat e tyre si të ishin familja ime.

Megjithatë, besoj se në një moment të caktuar është e rëndësishme të dish të largohesh me dinjitet, për t’i hapur rrugë energjive dhe ideve të reja.

Dorëheqja ime vjen si një akt reflektimi dhe përgjegjësie. Rrethanat aktuale, familjare dhe personale, apo dhe ato politike e administrative, më shtyjnë të besoj se dorëheqja ime është veprimi mëi drejtë në këtë moment. Ky vendim nuk nënkupton largim nga përgjegjësia publike, por është një akt i vetëdijshëm për të krijuar hapësirë për ide dhe ritme të reja zhvillimi për bashkinë tonë.

Z. Kryeministër,

Ju falënderoj për bashkëpunimin institucional! Ky vendim nuk ndryshon as respektin dhe as përgjegjësinë që ndjej ndaj vendit tim dhe ndaj qytetarëve tanë.

Ju falënderoj për çdo mbështetje që më keni dhënë dhe për çdo shpresë që kemi ndarë së bashku. Unë mbetem i përkushtuar ndaj komunitetit tim dhe do të vazhdoj të kontribuoj në forma të tjera për të mirën e përbashkët.

Me respekt të thellë,

Ermal Dredha

The post U largua nga posti si kryebashkiak i Vlorës, Ermal Dredha publikon përmbajtjen e letrës së dorëheqjes: Duhet të dish të ikësh me dinjitet… appeared first on Albeu.com.

Gjatë takimit, kreu i qeverisë u ndal veçanërisht te problematikat që kanë dalë në pah në qytetet e mëdha dhe ato turistike, duke kritikuar ashpër Bashkinë e Vlorës dhe kryebashkiakun Ermal Dredha, i cili ndodhej në sallë.

Gjithashtu, ai theksoi se një nga rastet më problematike është Vlora, ku sipas tij, kryetari dhe strukturat vendore “i kanë sytë gjysmë të hapur dhe gjysmë të mbyllur”, ndërsa shtoi se qyteti është kthyer në një pikë qendrore të diskutimeve për shkak të bumit të ndërtimeve pa leje përpara sezonit turistik.

“Policia ka funksionuar dhe ka dërguar rastet në prokurori, por struktura vendore ka munguar në veprim”, deklaroi kryeministri.

The post Rama kritikon kryebashkiakun e Vlorës: I ka sytë gjysmë të hapur, ka pasur ‘bum’ ndërtimesh pa leje (VIDEO) appeared first on Albeu.com.

Ai qëndroi më pak se dy orë dhe mësohet se shprehu pakënaqësi për punën e bërë në Bashkinë e Vlorës nga Ermal Dredha për menaxhimin e sezonit turistik, problemet me furnizimin me ujë të pijshëm dhe ankesat e qytetarëve lidhur me cilësinë e shërbimeve.

Kryeministri kërkoi dorëheqjen e disa drejtuesve të institucioneve në Vlorë, të cilët sipas tij, nuk kanë qenë efikasë në detyrat e tyre.

Përveç kësaj, u kërkua largimi i një pjese të administratës së Bashkisë së Vlorës.

Rama kritikoi edhe deputetët e qarkut për performancën e tyre të dobët gjatë periudhës së fundit.

Po ashtu, Rama raportohet se ka ndryshuar kryetarët dhe bashkëkryetarët e Partisë Socialiste Vlorë.

Nga Admir Malaj dhe Vilma Bello si bashkëkryetare, Rama ka komanduar në krye të Partisë Socialiste Vlorë, Klevis Kason dhe bashkëkryetare Erjona Ismailin.

The post Edi Rama “furtunë” në Bashkinë e Vlorës/ Kërkon dorëheqjen e nënkryetarëve dhe disa drejtorëve appeared first on Albeu.com.

Dredha u shpreh se Meloni nuk u impresionua vetëm nga bregdeti, por edhe nga cilësia e ushqimit dhe mikpritja.

“Në fakt, përveç faktit që ajo ka ardhur me një ftesë të Kryeministrit dhe ka zgjedhur jo pa qëllim Shqipërinë sepse kishte dëgjuar kaq shumë për vendin tonë të bukur. Mirëpo, krenaria është që zgjodhi Vlorën, qytetin tonë. Përshtypjet kanë qenë nga më të mirat, që nga pjesa e ushqimit, e gjithë bukuria natyrore që ne kemi, e cila nuk përfshin vetëm detin, diamanti që ne e kemi gjithë kohës prezent, por ne kemi edhe një bukur tjetër që na rrethon, të cilat janë fshatrat mbreslënëse, cilësia e ushqimit dhe mikëpritja e njerëzve.”

I pyetur rreth përzgjedhjes së menusë, kryebashkiaku ndau disa detaje:

“Nuk ka patur një menu të zgjedhur. Menduam më shumë qe menuja të ishte e orientuar nga ajo tradicionale. Mishi i qingjit, sado që ne kemi det, dihet që pjesa e Vlorës është më shumë e frekuentuar të pjesa e konsumit të qingjit. Është gatuar në mënyrë të tillë siç ne e bëjmë tradicionalisht dhe patjetër dhe shumë gatime të tjera të kësaj zone. Morëm përshtypjet më të mirat jo vetëm nga znj.Meloni, por nga të gjithë ata familjarë që e shoqëronin përgjatë pushimeve.”

The post Pushimet e Melonit në Vlorë/ Kryebashkiaku Dredha: Ushqimi që pëlqeu dhe përshtypjet për Shqipërinë appeared first on Albeu.com.

Skema dështoi dhe policia arriti të arrestonte 3 persona, por jo organizatorin Florian Gjergji.

Ky i fundit i është prezantuar biznesmenit Çela si kryebashkiaku i Vlorës, Ermal Dredha.

“Si je! Jam kryetari i bashkisë së Vlorës, me duhen 35”.

Ka qenë ky mesazhi që ka mbërritur në telefonin e Çelës përmes një aplikacionin të komunikimit online.

Menjëehrë pas këtij mesazhi, biznesmeni vuri në dijeni policinë e Tiranës, e cila organizoi operacionin “Replay” dhe vuri në pranga 3 persona, ndërsa shpalli në kërkim për të disatën herë Florian Gjergjin.

Në kuadër të operacionit “Replay” u arrestuan Afrim Radici, Gezim Çelanji dhe Qazim Vata.

Gjatë muajve të fundit disa biznesmenë kanë rënë pre e kësaj skeme mashtrimi duke dhënë paratë e kërkuara nga “zyrtarë të larte”, ndërsa disa të tjerë kanë bërë kallëzim menjëherë në polici duke identifikuar dhe kapur autorët.

The post Zbardhet skema e mashtrimit, kush është “kryebashkiaku” që i kërkoi 35 mijë euro biznesmenit në Tiranë appeared first on Albeu.com.

Jepni pëlqimin tuaj: Kush fiton në Vlorë?

Në këtë sondazh do të kenë mundësi që lexuesit të japin pëlqimin e tyre për kandidatin e preferuar.

The post SONDAZH/ Beteja për Vlorën, bashkinë e fiton Ermal Dredha apo Hysni Sharra? appeared first on Albeu.com.

Dredha doli fitues në votimin e fshehtë të Asamblesë së PS në Vlorë zhvilluar diten e sotme. Përballë Dredhës në garë ishte edhe ish deputeti i PS, Fate Veliaj.

Caktimi i kandidatit për bashkinë e Vlorës u kthye në një kokëçarje për kryeministrin Rama për shkak të faktit se baza ishte për Flamur Mamajn ose Fate Velajn, kurse nga “lart” kishte marrë pëlqimin Ermal Dredha.

Ndryshe nga qytetet e tjera ku vullneti nga sipër nuk diskutohet nga baza, e cila ka prirjen të vihet rresht pas linjës së partisë, duket se situata ka dalë nga kontrolli në Vlorë duke bërë që të shkojë vetë Rama për të sheshuar debatet.

Jo më kot, Rama e nisi fjalimin e tij në kryesinë e PS-së së Vlorës duke fshikulluar deputetët, të cilët sipas tij kanë mbështetur kandidatë të caktuar.

Nisur nga situata e krijuar, Rama duket se nuk ka marrë përsipër të vendosë veton për kandidatin e Vlorës duke thirrur kryesinë që të votojë me votë të fshehtë nëse duan Ermal Dredhën apo Flamur Mamajn që t’i përfaqësojë në zgjedhjet e 14 majit.

Tensionet

Emri i Ermal Dredhës është mbështetur nga deputetët e PS-së, të cilët kanë dashur vendosjen e tij në krye të bashkisë së Vlorës, ndërkohë që Flamur Mamaj ka rezistuar duke marrë pas vetes bazën. Situata u kthye në shumë shqetësuese në Vlorë për shkak të këtij rivaliteti duke rrezikuar që çarja të bëhej e madhe./Albeu.com/

The post “Lufta” mes socialistëve në Vlorë, PS zgjedh kandidatin për kryetar bashkie appeared first on Albeu.com.

Ndryshe nga qytetet e tjera ku vullneti nga sipër nuk diskutohet nga baza, e cila ka prirjen të vihet rresht pas linjës së partisë, duket se situata ka dalë nga kontrolli në Vlorë duke bërë që të shkojë vetë Rama për të sheshuar debatet.

Jo më kot, Rama e nisi fjalimin e tij në kryesinë e PS-së së Vlorës duke fshikulluar deputetët, të cilët sipas tij kanë mbështetur kandidatë të caktuar.

Nisur nga situata e krijuar, Rama duket se nuk ka marrë përsipër të vendosë veton për kandidatin e Vlorës duke thirrur kryesinë që të votojë me votë të fshehtë nëse duan Ermal Dredhën apo Flamur Mamajn që t’i përfaqësojë në zgjedhjet e 14 majit.

Tensionet

Emri i Ermal Dredhës është mbështetur nga deputetët e PS-së, të cilët kanë dashur vendosjen e tij në krye të bashkisë së Vlorës, ndërkohë që Flamur Mamaj ka rezistuar duke marrë pas vetes bazën. Situata u kthye në shumë shqetësuese në Vlorë për shkak të këtij rivaliteti duke rrezikuar që çarja të bëhej e madhe. /albeu.com

The post Ermal Dredha apo Flamur Mamaj? Në Vlorë kanë nxjerrë “shpatat”, Rama shkon vetë për të shuar sherrin, si do të zgjidhet kandidati appeared first on Albeu.com.