“Një moment vërtetë i vështirë, ishte momenti kur isha shtatzënë me djalin e parë, Akidin. Sepse zbulova për një problem shëndetësor gjatë kohës që isha shtatzënë dhe në fillim të muajit të 6 pata një problem, rrezikova dështimin. U shtrova në spital, kam ndenjur disa ditë. Natën e parë përjetova konvulsionet e një lindje të parakohshme.Mbaj mend që kërkoja qetësues, nuk më bënte njeri, m’i bënë të nesërmen në mëngjes. Pra i përjetova të gjitha, unë nuk e kuptoja që ishin konvulsione, por m’i shpjeguan që ishin, zëre se po lindja. Në fakt nuk e humba. Ishte moment i vështirë sepse të gjithë ata mjekë që unë kisha përreth më thonin kot e ke, nuk do ia dalësh dot. Ndërsa Halim Kosova, që ishte gjinekologu me të cilin unë ndiqesha, nuk vinte në spital, por ndiqesha me telefon ato ditë, më thoshte mos dëgjo njeri, më dëgjo mua, sepse do shkojë çdo gjë në rregull. Në fakt më vonë, pasi përcaktuam ditën se kur do të lindja, e thoshte dhe vetë dhe ma thotë edhe kësaj dite nëse e takoj në rrugë: nuk e di si ia dole. Ishte mrekulli”. SHIKO VIDEON KETU /tvklan/

The post As mjeket nuk i dhanë shpresë, Erla Mehilli tregon çastin më të vështirë gjatë shtatzënisë appeared first on Albeu.com.

Për Berishën, Erla tha se është shumë punëtor ndërsa si të metë theksoi se kthimin në krye të PD-së duhet ta kishte bërë më përpara. Ndërsa sa i përket Ramës, ajo e cilësoi si një nga politikanët më të zgjuar por është arrogant.

Pjesa nga biseda:

Basha – “E kam të vështirë të them një vlerë. Një defekt është se nuk ka pasur kurrë kurajën, këllqet që të mbante përsipër vendime. Është fshehur pas xhaketës së Berishës.

Meta – “Është politikan i mirëfilltë por e humbi pak. Ndoshta e teproi me deklaratat dhe qëndrimet politike. I prishi pak punë opozitës.

Kryemadhi – “E drejpërdrejtë”

Rama: “Është shumë arrogant. Mund të jetë një nga njerëzit më të zgjuar. E ka art komunikimin. Në këtë është i pakrahasueshëm me askënd.

Veliaj: Duket fals. Është punëtor mesa më kanë thënë.

The post 15 vitet punë me Sali Berishën, Erla Mëhilli zihet ngushtë, “lavdëron” Ramën: Është i pakrahasueshëm appeared first on Albeu.com.

Së fundmi kryeministri Rama ka hapur edhe “Tik Tok” aty ku ka zbuluar se mes tij dhe gazetares Mëlliri ka një lidhje familjare, dhe janë kushërinj.

Teksa ka postuar një video ku shihet në ambientet e dhomës së grimit së bashku me Mëhillin, Rama e pyet drejtuesen e emisionit “jemi kushërinj ne bashkë”, dhe ajo i përgjigjet që po, duke i kujtuar madje dhe faktin se është personazh në librin e tij “Kurbani”.

“Atë e di e gjithë bota, a më ke te libri Kurbani që është përkthyer në disa gjuhë”, dëgjohet të thojë Mëhilli, ndërkohë që më tej kryeministri e pyet dhe për shëndetin e familjarëve të saj.

Rama: Po mirë mo unë të kam në Kurban po…

Mëhilli: Edi Rama përballë personazhit të librit /albeu.com/

The post Në krah të Berishës prej vitesh, zbulohet lidhja familjare mes Edi Ramës dhe Erla Mëhillit (VIDEO) appeared first on Albeu.com.

“Herët a vonë, është një gjë që do ndodhte në sensin se nuk ka gjë shumë të çuditshme në këtë mes, me politikën e kisha mbyllur më përpara dhe fakti se unë isha aty nuk do të thotë se unë kisha ndonjë pritshmëri. Se kur e ka mbyllur historinë time me politikën nuk di të ta them ekzaktësisht, por para tre vjetësh unë dhashë dorëheqjen nga kandidimi për Këshillin Kombëtar nga Partia Demokratike dhe aty e kisha marrë këtë vendim, dhe fakti që u tërhoqa nuk u tërhoqa kot, pra, unë nuk kisha më ndërmend të isha aktive politikisht”, tha Mëhilli.

E njohur si një nga bashkëpunëtorët e ish-kryeministrit Sali Berisha, Mëhilli thotë se në projektin e ri nuk ka ndonjë ndryshim të madh nga formimi dhe puna që ka bërë deri tani, por do të jetë pjesë e një ambienti ku ndërthuren media, politika dhe komunikimi me publikun.

“Pastaj bashkëpunim mes zotin Berisha është diçka tjetër, pra është një marrëdhënie mes meje dhe atij, por që nuk kishte të bënte me pritshmëritë që kisha ndaj politikës. Tani kjo që do bëj tani nuk është se ndryshon shumë nga formimi im akademik që kam, por edhe nga puna që kamë bërë, jam po në të njëjtin ambient, por në të njëjtin habitat; media, politika, komunikimi me publikun. Por, tani kuadri është më i plotësuar. Ishte një gjë që do ndodhte dhe ndodhi tani se kështu erdhën gjërat”, u shpreh ajo.

Mëhilli thekson se nuk do të bëjë punën e analistes politike, ndërsa bëri këtë sqarim:

“Në fakt shumë e kishin keqkuptuar dhe mendonin se unë do bëhem analiste politike, nuk kam ndërmend t’i zë vendin asnjeriu për të bërë analiza politike. Le ta quajmë këtë një fazë tranzicioni, deri sa të realizojmë atë projekt, të cilin kam marrë përsipër të bëj. Por do kemi kohë të flasim dhe nuk është nevoja ta zbulojmë tani”.

The post I dha fund bashkëpunimit me Berishën? Erla Mëhilli zbulon arsyen pse u largua nga PD appeared first on Albeu.com.

Mëhilli ka deklaruar se ka vendosur që të përfshihet në një format analizë politike, me nisjen e fushatës elektorale.

Përmes një postimi në facebook, Mëhilli bën me dije drejtimin e ri në karrierën e saj, duke mos dhënë shumë detaje se pjesë e cilit format të analizës politike do të jetë gjatë fushatës zgjedhore.

Postimi i plotë:

Të dashur miq! Pas kaq vitesh eksperiencë politike dhe profesionale gjatë punës me zotin Berisha, kam vendosur të angazhohem në një projekt të ri profesional.

Në ditët në vijim do kem kënaqësinë të përfshihem fillimisht në një format analizë politike që përkon edhe me nisjen e fushatës elektorale për zgjedhjet e 25 prillit. Kjo eksperiencë e re uroj të jetë një kontribut modest i imi në debatin dhe informimin publik.

E di që ka shumë zëra që e bëjnë këtë cdo dite, mire, shume mire, pelqyeshem a me pak. Per mua eshte nje mundesi per t’i dhene ze jo vetem asaj cka mendoj, por edhe gjithkujt me te cilin ndajme te njejtat shqetesime. Dhe kjo vjen ne funksion te nje projekti te ri, gjithnje ne komunikim me publikun! “, shkruan Mëhilli. /albeu.com/

The post Këshilltarja besnike e Berishës shkëputet nga selia blu, ja ku do e shohim së shpejti (FOTO LAJM) appeared first on Albeu.com.