“Ismet Çekorja, që ishte ekzekutuar më 2 shtator 2022. Na ndanin vetëm 100 metra nga banesat e tyre. Por që sipas babait të Erjon Xhenjes, ai ishte pritur ftohtë nga familja Çekorja. Çka kishte rritur dyshimin te ai, se diçka nuk shkonte. Pa e menduar, se vrasja e Ismet Çekorjas, kishte lidhje me familjen e tij. Dhe aq më pak të dyshonte, që hakmarrja e shpejtë e tyre, do të binte mbi djalin e tij. Shkova në ceremoninë mortore të Ismet Çekorjas. Por ata më pritën ftohtë. Pas kësaj mora nipat në telefon dhe i pyeta. A mos keni ju gisht ne vrasjen e Çekorjas? Ata më thanë, jo. Por, kur u vra djali, as vëllai dhe as nipat nuk më erdhën për ngushëllim. Edhe pse babai i Erjon Xhenjes e pyeti familjen e vëllait të tij, përse kjo ftohtësi nga ana e familjes Çekorja, ai nuk e mori kurrë këtë përgjigje. Madje, ishte e habitshme mungesa e familjes së vëllait në mortin që tashmë kishte rënë në familjen Xhenje,”-u tha në emision.

Erjon Xhenje u qëllua me mbi 30 plumba në Shkodër. 19-vjeçari ishte ulur në një lokal, duke konsumuar kafe në momentin që mbeti i vdekur. Mbrëmjen e 18 shtatorit, Bajram Çekorja nxorri armën qëlloi me breshëri mbi të riun duke marrë kështu hak për vrasajen e të atit, Ismetit, që u vra disa javë më parë, po në këtë lagje. E gjitha nisi pasi emri i Bajram Çekores u artikulua fillimisht nga Policia për atentatin e dështuar ndaj Alban Bruçajt, më 25 gusht. Policia shpalli në kërkim për atentatin e dështuar, Bajram Çekorjan dhe Tornado Fushën. Shkak, mendohet se ishte një konflikt që dy palët kishin prej kohësh, që kulmoi në përplasjen me armë zjarri. Fatmirësisht pa të lënduar.

Pas lajmeve dhe aludimeve, më 29 Gusht, Ismet Çekorja, babai i 24-vjeçarit doli në një deklaratë për mediat, duke mohuar që djali i tij të qëndronte pas atentatit e duke i quajtur inskenime të disa personave, duke pretenduar se sulmet ndaj familjes së tij i përgatisnin bandat dhe shteti. 5 ditë më pas, më datë 2 Shtator, 58-vjeçari u ekzekutua për vdekje nga një person ende i paidentifikuar. Ndonëse zyrtarisht vrasësi i Ismet Çekores nuk dihet, ka dyshime se të përfshirë në vrasjen e tij janë kushërinjtë e të riut, Erjon Xhenje. Por megjithatë nuk përjashtohet mundësia që Xhenje të ketë pasur gisht, ose të paktën informacion lidhur me atentatin për të cilin janë në kërkim kushërinjtë e tij. Ndaj për Bajramin, 19-vjeçari ishte objektivi më i lehtë për të marrë hakun e babait.

The post Ekzekutimi i Erjon Xhenjes në Shkodër, çfarë dëshmoi babai i tij: S’më erdhën për ngushëllim as vëllai, as nipat appeared first on Albeu.com.

Tv Klan ka siguruar foton ekskluzive nga kamerat e sigurisë në afërsi të lokalit ku u vra i riu. Siç shihet në pamje autorët kanë qenë të dy me kasketa, ndërsa personi në ulësen e pasagjerit dyshohet se është Bajram Çekorja.

Ky i fundit tashmë është shpallur në kërkim dhe dyshohet se është personi që ka qëlluar ndaj 19-vjeçarit Xhenje. Ndërkohe bashkëautori i tij i cili drejton motorçikletën ende nuk është identifikuar nga policia.

Pasi u larguan nga vendngjarja të dy autorët dogjën motorçikletën dhe armën e përdorur në krim në lagjen ‘Guerrile’. Pikërisht këto prova si dhe dhjetra pamje filmike të administruara nga grupi hetimit çuan policinë në identifikimin e njërit prej autorëve.

Hakmarrja është pista kryesore e ekzekutimit dhe sipas burimeve vrasja e të riut është pjesë e një zinxhiri krimesh të ndodhura në qytetin verior. Këtë pistë e ka pohuar dhe nëna e viktimës e cila ndër të tjera ka deklaruar se fatkeqësia e djalit të saj 19-vjeçar ishte që kushërinjtë e tij janë me precedentë penal.

The post Dalin pamjet e autorëve të vrasjes së Erjon Xhenjes (VIDEO) appeared first on Albeu.com.

Ajo thotë se djali i saj nuk ka asnjë lidhje me ngjarjet kriminale ku dyshohet se ka marrë pjesë në vrasjen e Ismet Çekorjes tre javë më parë.

Ajo gjithashtu kërkon drejtësi dhe të merret në mbrojtje familja e saj.

Reagimi i Elvira Xhenjes:

Jam Elvira Xhenje ,nena e te ndjerit Erjon Xhenje ,te riut qe u vra ne Shkoder me dt 18 ,09,2022.Vrasja e djalit tone ka qene nje tronditje e madhe per familjen tone ,por jo vetem.Dhimbjen per djalin tim e kam pare ne syte e gjithe prinderve qe ne syte e mi kane pare veten e tyre,sesi nje femije te pafajshem i merret jeta me pa te drejte.Dhimbjen  per Erjonin e kam pare ne syte e te rinjve qe e kuptojne sesa e pasigurte dhe e pa vlere eshte jeta ne Shqiperi .Fatkeqesia e djalit tim ishte se kusherinjte e tij jane me precedente penale.Ky fakt i dha te drejten dores kriminale qe tia marre pa meshire jeten djalit tim.Ky fakt i dha te drejte portaleve qe ta godasin per here te dyte Erjonin duke cenu dinjitetin e tij me informacione te paverteta dhe duke trazu shpirtrat e familjareve serish.Erjon Xhenje ka qene student i deges fizioterapi.Ka qene nje i ri me angazhime ne jeten personale dhe shoqerore.Erjoni eshte  eduku me vlera dhe i ka manifestu ne familje dhe ne  rrethin e tij te paster shoqeror.Kerkoj nga shteti drejtesi per djalin tim.Kerkoj gjithashtu qe familja ime te merret ne mbrojtje pasi ndihemi te pambrojtur.Erjoni ka qene nje djale besimtar.Jam e sigurte qe ai eshte lule ne xhenet.Allahu e paste ne mbrojtje pasi ne kete jete ka padrejtesi./albeu.com

The post I vranë djalin, flet nëna e Erjon Xhenjes: Kërkojmë drejtësi dhe mbrojtje nga shteti appeared first on Albeu.com.

Burimet thanë se Çekorja është me precedentë kriminale të mëparshëm dhe rezulton i shpallur në kërkim për një tjetër ngjarje të ndodhur pak kohë më parë në Shkodër.

Vrasja e 19-vjeçarit ndodhi të dielën në darkë. 7 herë u qëllua në vendin e ngjarjes me pistoletë nga autorët ndërkohë që 5 predha plumbi pistoletë ka marrë viktima pas atentatit me armë zjarri.

Njoftimi i policisë:

Shkodër

Identifikohet dhe shpallet në kërkim një 24-vjeçar, i dyshuar si autori kryesor i ngjarjes së ndodhur në datën 18.09.2022, në bulevardin “Bujar Bishanaku”, ku mbeti i vrarë me armë zjarri një shtetas.

Nga strukturat e Drejtorisë Vendore të Policisë Shkodër, falë veprimeve të shpejta hetimore për zbardhjen e ngjarjes të ndodhur më datë 18.09.2022, në bulevardin “Bujar Bishanaku”, ku mbeti i vrarë me armë zjarri një 19-vjeçar, është identifikuar dhe shpallur në kërkim shtetasi B. Ç., 24 vjeç, banues në Shkodër, i dyshuar si autori kryesor i kësaj ngjarjeje.

Nga veprimet hetimore dhe provat e grumbulluara dyshohet se shtetasi B. Ç., më datë 18.09.2022, rreth orës 20:10, në një lokal në bulevardin “Bujar Bishanaku” Shkodër, ka vrarë me armë zjarri shtetasin E. Xh., 19 vjeç, banues në lagjen “Guerile”, Shkodër.

Gjatë kontrollit të territorit nga shërbimet e shumta të Policisë, në rrugën “Saçej”, në lagjen “Guerile”, është gjetur një motomjet i djegur plotësisht, si dhe 1 armë zjarri pistoletë, që dyshohet se janë përdorur në këtë ngjarje.

Po punohet për kapjen e shtetasit B. Ç., identifikimin dhe kapjen e personave të tjerë të përfshirë në këtë ngjarje.

Materialet iu referuan Prokurorisë pranë Gjykatës së Rrethit Gjyqësor Shkodër, për veprat penale “Vrasja me paramendim” e kryer në bashkëpunim dhe “Mbajtja pa leje e armëve dhe e municionit”./albeu.com

The post Vrasja e 19-vjeçarit në Shkodër, identifikohet dhe shpallet në kërkim autori, çfarë i gjeti policia në banesë appeared first on Albeu.com.

Kamerat e sigurisë nuk kanë pikasur dy autorët e kësaj ngjarje të cilët kanë qenë të maskuar dhe të veshur me të zeza.

Megjithatë grupi hetimor i policisë së Shkodrës po kontrollon provat e mbledhura në vendin e ngjarjes për të hedhur dritë mbi vrasjen e 19-vjeçarit.

7 herë është qëlluar në vendin e ngjarjes me pistoletë nga autorët ndërkohë që 5 predha plumbi pistoletë ka marrë viktima pas atentatit me armë zjarri.

Pikërisht tek arma e krimit dhe motori i djegur në lagjen Guerrila është shpresa e vetme e grupit hetimorë, duke shpresuar në një “gabim” të autorëve duke lënë gjurmë të tyre në mjetin e sekuestruar dhe armën e krimit.

Sa i takon pistave të hetimit, burime pranë grupit hetimor të policisë së Shkodrës, po punohet në dy drejtime, së pari në konfliktet e djalit të xhaxhait të viktimës Sehar dhe Shkëlzen Xhenje, të cilët janë emra të njohur për policinë e Shkodrës, ndërkohë që pista e dytë ku po hetojnë blutë e Shkodrës është ajo e vrasjes së Ismet Çekorjes.

Edhe pse s’ka një provë konkrete, hetuesit e çështjes dyshojnë se viktima ka qenë i përfshirë në këtë ngjarje, kjo lidhur edhe nga afërsia e banesave të dy familjeve Çekorja dhe Xhenje, banues në lagjen Guerrile në qytetin e Shkodrës.

Megjithatë, pavarësisht dyshimeve dhe pistave të ngritura, në policinë e Shkodrës nuk ka ende asnjë person të shoqëruar për këtë ngjarje, përveç dëshmitareve të cilët natën e se dielës kanë qenë prezent në lokalin ku u ekzekutua 19 vjecari Erjon Xhenje.

The post Ekzekutimi i 19-vjeçarit në Shkodër, këto janë dy pistat ku po heton policia appeared first on Albeu.com.

Ndërsa deri tani nuk ka asnjë të dyshuar si autor i kësaj ngjarje.

Nga administrimi i provave material dhe kamerave të sigurisë së bizneseve të zonës shihen dy persona në motorçikletë qe afrohen ndërsa njëri zbret nga motrocikleta dhe i afrohet viktimës në një distancë rreth 1 metër dhe e qëllon disa herë me pistoletë.

Në vend ngjarje policia ka gjetur 7 gëzhoja pistolete ndërsa 5 prej plumbave kanë përshkuar trupin e 19 vjeçarit duke e lënë të vdekur në vend. Në momentin e atentatit viktima ishte i vetëm në tavolinë ku edhe po konsumonte një kafe.

Nga ana tjetër policia dhe grupi hetimor kanë ngritur disa pista hetimi ku nder kryesoret është konfliktet mes grupeve të ndryshme kriminale, dhe dyshimet që 19 vjeçari ka bërë pjesë në njërin nga grupet e njohura si grupet e lagjes Kiras.

Po ashtu nga dëshmitë e marra grupi hetimor nuk është arritur te sigurohen prova te mjaftueshme për identifikim i autorëve të ngjarjes.

Pak minuta pas ngjarjes është njoftuar se në lagjen ” Guerrile” të Shkodrës rreth 500 metra larg vendit te ngjarjes, në një rrugicë është gjetur  duke u djegur edhe motorçikleta dhe arma e zjarrit pistoletë që dyshohet se është përdoru nga autorët më vrasje.

Nga sa mësohet 19 vjeçari ka qenë shok me Asmer Bilalin, ndërsa në raste të ndryshme ka kryer edhe mirëmbajtjen e stallave dhe kuajve të këtij të fundit.

Policia po heton edhe në lidhje me vrasjen e Ismet Çekorja e ndodhur në lagjen Kiras dhe lidhjet që viktima mund të ketë pasur me vrasjen. Ndërsa burime nga grupi hetimor bëjnë me dije se kjo vrasje ështe në vazhden e zhinxhirit të vrasjeve mes grupeve kriminale në Shkodër.

The post 7 të shoqëruar për vrasjen e 19-vjeçarit në Shkodër, hetime në disa pista: Lidhja me Asmer Bilalin dhe dyshimet për përfshirjen në vrasjen e Ismet Çekorjes appeared first on Albeu.com.

Ngjarja e rëndë ndodhi mbrëmjen e djeshme teksa po pinte kafe në një lokal pranë Bulevardit “Bujar Bishanaku”. Ndaj tij u qëllua me me 5 plumba, të cilat e lanë të vdekur në vend. Autorët, të paidentifikuar ende, pas ngjarjes u larguan me shpejtësi me motoçikletë. Kjo e fundit u gjet e djegur në lagjen “Guerrile” .

Polici ka nisur punën për zbardhjen e rrethanave të ngjarjes./albeu.com

The post Në lule të rinisë, ky është 19-vjeçari që u ekzekutua me 5 plumba në Shkodër (FOTO LAJM) appeared first on Albeu.com.

Mësohet se Xhenje është i afërm i dy vëllezëve të shpallur në kërkim për atentat. Mësohet se i riu ka lidhje farefisi me dy vëllezërit që dyshohet se bënë atentatin ndaj Taulant Pepajt, në 21 shkurt të vitit të kaluar. Shkëlzen dhe Sehar Xhenje akuzohen për atentatin të bërë ndaj Pepajt.

Si ndodhi ngjarja?

Esmeraldo Hato, Sehar Xhenje dhe vëllai i tij janë shpallur në kërkim nga Policia e Shkodrës, pasi akuzohen se janë personat që kanë qëlluar me armë zjarri ndaj 30-vjeçarit, Taulant Pepaj. Të tre të rinjtë kanë qenë që bashku në një makinë, por edhe Pepaj ishte i shoqëruar.  Fillimisht një prej të rinjve, nuk dihet ende se kush, ka qëlluar tre herë në drejtim të makinës së Pepajt. Një herë ka qëlluar nga distanca, sa për të trembur dhe ta bëjë të ndalojë, dhe pikërisht në këtë moment ka shtënë edhe dy herë të tjera. Duke u munduar se e ka plagosur 30-vjeçarin, autori ka dalë nga makina e tij dhe po të njëjtën gjë ka bërë edhe Pepaj. Ai bashkë me personin që e shoqëronte janë larguar me vrap nga vendi i ngjarjes, duke shpëtuar gjallë nga atentati. Pasi humbën shumë kohë, edhe autorët vendosën të largoheshin nga vendi i ngjarjes. Duke harruar kështu se çdo lëvizje, bashkë me fytyrat e tyre, ishte kapur nga kamerat e sigurisë së një pike karburanti.

The post U vra sot, 19-vjeçari nga Shkodra i afërm i vëllezërve të shpallur në kërkim për vrasjen e Taulant Pepajt appeared first on Albeu.com.