Zyjkaj tha se ky është një moment i veçantë pasi për herë të parë kemi një komunikim të nivelit Europian mes palëve.

Sipas Zykajt për herë të parë kemi një rezolutë të miratuar që në ditën e parë dhe jo siç ishim mësuar zakonisht.

Ndërkohë gazetarja Zykaj zbardhi dhe shqetësimet e opozitës në këtë takim, duke theksuar se kanë marrë përgjigje nga zyrtarët më të lartë të KE.

Pjesë nga biseda:

Xhokaxhi: Çfarë ishte ky takim i ditës së sotme?

Zykaj: Bëhet fjalë për një rezolutë të aprovuar nga të dyja palët në nivelin parlamentar të PE dhe Kuvendit të Shqipërisë, Një stil krejtësisht Europian, sepse nuk jemi mësuar me këtë stil, kjo reflekton në futjen në një fazë të avancuar të procesit. Kemi patur deri tani një vijueshmëri të përplasjes së dy palëve aq sa nuk arrinim në konkluzionet përfundimtare, sot ishte krejtësisht diçka tjetër. Rezoluta u aprovua ditën e parë, normalisht sipas historikut të mëparshëm jemi njoftuar me këtë rezolutë ditën e dytë. Avancimi i Shqipërisë drejt BE i lë gjithmonë e më pak vend përplasjeve të brendshme politike të Shqipërisë.

Xhokaxhi: Përveç kësaj që the ajo që ka rënë në sy është se pretendimet e ngritura nga përfaqësuesit e opozitës janë marrë parasysh dhe janë bërë pjesë e kësaj opozite, mund të më bëni një renditje?

Zykaj: Mazhoranca ka pranuar pa rezervë pretendimet e opozitës. Janë katër pika shumë të rëndësishme në këtë rezolutë kërkohet që qeveria të parandalojë rrjedhjen e të dhënave të qytetarëve shqiptarë, pra duhen marrë masa kundër sulmeve kibernetike, së dyti kërkohet një trajtim i çështjes së integritetit të zgjedhjeve, mos shtrembërohet më vota, të trajtohet çështja e shitblerjes së votave. Së treti kemi patur një kërkesë të veçantë lidhur me heqjen e roaming, të telefonatave që shqiptarët bëjnë me të afërmit, pra të kemi një komunikim pa kosto mes Ballkanit dhe BE. Së fundi në rezolutë u kërkua një vëmendje e veçantë e shpalljes së Vjosës si Park Kombëtar.

Xhokaxhi: Shqetësimet e opozitës në PE cilat ishin?

Zykaj: Ka tre pika kryesore ku u ndal opozita sot, në këtë takim, së pari ka të bëjë me pasaportat e arta, ka patur një ngritje të problemit nga Tabaku, të cilës i është përgjigjur Matuela, e cila ka thënë se BE është shumë i rreptë shumë i saktë dhe nuk lë vend aspak për dyshim, pasi edhe me vende anëtare, është ndjekur një procedurë e ndëshkimit. Matuela ka thënë që ne pasaportat e arta ën Shqipëri nuk i aprovojmë. Së dyti ishte Porti i Durrësit, ku Alibeaj ka shpjeguar edhe njëherë se çfarë pikëpyetje të madhe ka të bëjë porti i Durrësit. Edhe këtu kemi patur një përgjigje të qartë nga Matuela e cila ka thënë se KE po sheh me shumë kujdes nëse marrëveshja është apo nuk është në përputhje me MAS.

Xhokaxhi: Bën diferencë meqenëse marrëveshja është miratuar?

Zykaj: KE këmbëngul që duhet parë përputhshmëria. BE ka bërë gjithmonë thirrje kujdes nga aktorët e huaj, nga aktorët e jashtëm. BE është shumë më e ngadaltë por shumë më e sigurtë në investime.

Xhokaxhi: Është folur për liberalizimin e vizave, më thuaj për dialogun Prishtinë-Beograd?

Zykaj: Çollaku ka kërkuar më shumë informacion nga BE.

The post Erisa Zykaj zbardh takimin mes deputetëve të Shqipërisë dhe atyre të PE: Ishte surprizë, nuk ishim mësuar me këtë stil appeared first on Albeu.com.

Marrëveshja për normalizimin varet nga pjekuria e Kosovës dhe Serbisë

Pyetje: Burimet zyrtare të Kosovës dhe Serbisë bëjnë me dije se si Albin Kurti ashtu edhe Aleksandr Vuçiç janë aktualisht nën presion për t’u angazhuar në mënyrë konstruktive në arritjen e një marrëveshjeje ligjërisht të detyrueshme për normalizimin e marrëdhënieve ndërmjet Serbisë dhe Kosovës bazuar në propozimin franko-gjerman sa më shpejt. Sipas Zëvendës Ndihmës Sekretarit Amerikan, Gabriel Escobar, arritja e kësaj marrëveshje do të ishte më tepër një çështje javësh apo muajsh. Cilat janë shanset për të arritur një marrëveshje të tillë në një kohë shumë të shkurtër? A e konsideron përfaqësuesi special i BE-së për dialogun Beograd-Prishtinë Miroslav Lajçak dhjetorin si një moment të mirë për të organizuar një takim të nivelit të lartë të dialogut Beograd-Prishtinë?

Peter Stano, zëdhënës i Josep Borrel: BE-ja si ndërmjetësues i dialogut po i ndihmon të dyja palët që të jenë në gjendje të takohen dhe të bien dakord për çështjet në fjalë dhe të çojnë përpara dialogun drejt një përfundimi të suksesshëm, që do të ishte marrëveshja përfundimtare gjithëpërfshirëse për normalizimin e marrëdhënieve të tyre. Megjithatë, nuk i takon BE-së të vendosë afate kohore, ato varen ekskluzivisht nga aftësia e Kosovës dhe Serbisë për të gjetur pjekurinë dhe guximin e nevojshëm politik për të arritur kompromiset e nevojshme.

Pyetje: Shtyrja e Qeverisë së Kosovës për zbatimin e vendimit për aplikimin e targave vendore për serbët që jetojnë në veri të Kosovës skadon më 1 nëntor. Përfaqësuesi Special i BE-së për dialogun Beograd-Prishtinë, Miroslav Lajçak ka takuar së fundmi kryeministrin e Kosovës, Albin Kurti, presidentin e Serbisë, Aleksandër Vuçiç si dhe kryenegociatorët e të dyja palëve. Në llogarinë e tij në Twitter, z. Lajcak deklaroi më 13 dhe 17 tetor gjatë vizitës së tij në Prishtinë dhe Beograd, se çështja e targave dhe energjisë ishte në rend të ditës dhe ishte urgjentisht e nevojshme. A e parashikon Lajçak një raund të ri targash përpara datës 1 nëntor në nivelin e kryenegociatorëve?

Peter Stano, zëdhënës i Josep Borrel: BE-ja ka qenë gjithmonë e qartë se vendimi i Kosovës për riregjistrimin e targave është legjitim. Megjithatë, sipas Marrëveshjeve të Dialogut për lëvizjen Lirë e nga viti 2011 dhe 2016, është e rëndësishme që t’i jepet kohë e mjaftueshme zbatimit të këtij plani, si dhe të përgatitet dhe zbatohet në konsultim të ngushtë me qytetarët e prekur dhe në përputhje praktikat evropiane më të mira. Konkluzionet në kuadrin e lëvizjes së lirë nga viti 2016 përfshinin afate kohore për riregjistrim, të cilat duhet të ofrojnë udhëzime. Prandaj, që nga fillimi i këtij procesi, ne i kemi rekomanduar qeverisë së Kosovës që të vendosë një periudhë 12 mujore për riregjistrimin. Duke ndjekur të njëjtin arsyetim, tani po kërkojmë nga qeveria e Kosovës që të shtyjë afatin ekzistues për 10 muaj. Kjo shtrirje do të mundësonte një fushatë informative dhe konsultime më thelbësore dhe gjithëpërfshirëse me popullsinë e prekur. Kjo gjithashtu do t’i mundësonte Kosovës që të gjithë serbëve të Kosovës në veri t’u lëshohen letërnjoftime dhe patentë shoferi të Kosovës. Duhet të shmanget përshkallëzimi i tensioneve dhe, potencialisht, dhuna në veri të Kosovës. Kjo është e një rëndësie të veçantë në kontekstin aktual gjeo-politik, në funksion të ruajtjes së stabilitetit në rajon.

The post Zëdhënësi i Borrell: Kosova dhe Serbia të tregojnë pjekurinë dhe guximin e nevojshëm politik për kompromiset e nevojshme appeared first on Albeu.com.

“Serbia praktikisht është penalizuar. Serbia është ndëshkuar nga Bashkimi Europian me ndërprerjen e furnizimit me naftë dhe produkteve të papërnuara të naftës ruse për shkak të mosaprovimit të sanksioneve të Bashkimit Europian kundër Rusisë lidhur me luftën/ agresionin e saj në Ukrainë” është shprehur Zykaj.

Kjo, pasi ajo që ka ndodhur në gjirin e Këshillit të ministrave të BE-së është kjo: “Disa shtete anëtare të Bashkimit Europian nuk kanë dashur më të mbështesin një derogacion (përjashtim) për importin e naftës ruse drejt vendeve të treta si Serbia. Ato e kanë kundërshtaur këtë derogacion (përjashtim) me argumentimin se Serbia nuk ka aprovuar sanksionet e BE-së kundër Rusisë dhe nuk është rreshtuar me politikën e jashtme dhe të sigurisë së Bashkimit Europian. Si rrjedhim, sipas paketës së tetë të sanksioneve të BE-së, Serbia nuk do të mund të furnizohet më me naftë bruto ruse nisur nga dhjetori 2022.

Në vendimin unanim të shteteve anëtare të Bashkimit Europian lidhur me paketën e tetë të sanksioneve, ndalohet ofrimi i transportit detar drejt vendeve të treta i naftës bruto  duke filluar nga dhjetori 2022 si dhe i produkteve të papërpunuara te naftës, duke filluar nga shkurti i 2023 me origjinë nga Rusia ose që eksportohen nga ky vend. Lidhur me transportin detar ndalohet gjithashtu ofrimi i asistencës teknike, shërbimeve të ndërmjetësimit, financimit ose asistencës financiare. Elementi i ri, është se me heqjen e përjashtimit të deritanishëm, në këtë paketë shtetet e Ballkanit Perëndimor nuk do të lejohen të importojnë naftë bruto apo të papërpunuar nga Rusia.

Nga ana tjetër, vendimi tregon, se Bashkimi Europian po punon për të vendosur unanimisht një kufi të çmimit të naftës që importohet nga Rusia. Në vendimin e Këshillit të ministrave artikulohet, se ndalimi i ri për anijet e BE-së për të ofruar transport detar për produkte të tilla drejt vendeve të treta do të zbatohet kur të arrihet unanimiteti për kufirin e çmimit tavan të naftës.

“Kufiri i çmimit do të ulë në mënyrë drastike të ardhurat që Rusia fiton nga nafta pasi lufta e saj e paligjshme kundër Ukrainës ka fryrë çmimet globale të energjisë. Kufiri i çmimit të naftës mund të shërbejë gjithashtu për të stabilizuar çmimet globale të energjisë”. thuhet në vendimin e Këshillit të ministrave.

The post Zykaj: Serbia u “ndëshkua” nga BE-ja për mosrreshtimin e saj me sanksionet ndaj Rusisë appeared first on Albeu.com.