Sipas saj, 60% e nxënësve janë analfabetë funksionalë, rezultatet e testimeve PISA rendisin Shqipërinë ndër vendet më të fundit, ndërsa shkollat po zbrazën me ritme shqetësuese në vetëm pesë vite janë humbur mbi 115 mijë nxënës.

Gjithashtu, Xhixho kritikoi qeverinë për uljen e pagave të 11 172 mësuesve përmes VKM-së nr. 425, duke shkelur të drejta të fituara dhe duke krijuar një diskriminim të padrejtë, ndërkohë që premtimi për rritje pagash është kthyer në mashtrim.

Në mbështetje të kërkesës së mësuesve për paga të denja, Xhixho i ka drejtuar një kërkesë zyrtare kryeministrit dhe ministres së Arsimit, duke kërkuar miratimin e një akti normativ që të reflektojë rritjen e pagës dhe të kompensojë uljen e padrejtë.

Ajo thekson se pa mësues të vlerësuar dhe të paguar me dinjitet, kolapsi i sistemit arsimor është i pashmangshëm, dhe qeveria duhet të mbajë përgjegjësi të plotë.

Arsimi shqiptar ndodhet në emergjencë kombëtare. 60% e nxënësve janë analfabetë funksionalë, rezultatet e PISA-s na rendisin ndër vendet e fundit, ndërsa shkollat po zbrazen me ritme alarmante.

Në 5 vite janë humbur mbi 115 mijë nxënës.

Në vend që të investojë në arsim, qeveria ka ulur pagat e 11 172 mësuesve përmes VKM nr. 425, duke shkelur të drejta të fituara dhe duke krijuar diskriminim. Premtimi për rritje pagash është kthyer në mashtrim.

Në mbështetje të kërkesës së tyre të drejtë, i jam drejtuar me një kërkese kryeministrit dhe ministres së Arsimit për miratimin e një akti normativ në të cilin reflektohet rritja e pagës dhe kompensohet ulja që u ështëbërë padrejtësisht.

Pa mësues të vlerësuar dhe të paguar me dinjitet, kolapsi i sistemit arsimor është i pashmangshëm. Arsimi është urgjencë kombëtare dhe qeveria duhet të mbajë përgjegjësi.

The post Erisa Xhixho: Arsimi shqiptar në emergjencë kombëtare, shkollat po zbrazën me ritme alarmante, 60% e nxënësve analfabetë funksionalë appeared first on Albeu.com.

Në një deklaratë për media, ajo ka theksuar se ndërprerja e energjisë elektrike në reanimacion dhe sallat kirurgjikale, mungesa e pajisjeve jetësore dhe furnizimi i pamjaftueshëm me ilaçe janë tregues të paaftësisë kriminale të qeverisë për të garantuar jetën e pacientëve.

Duke përshkruar një panoramë të shëndetësisë shqiptare si të dëmshme dhe të keqmenaxhuar, Xhixho ka ftuar qytetarët që të marrin pjesë në protestën e 24 janarit në shesh, për të kërkuar drejtësi dhe mbrojtje të të drejtave të tyre për shëndet të sigurt dhe të aksesueshëm.

Deklarata e Zv. Presidentes të Partisë së Lirisë, Erisa Xhixho:

Të nderuar qytetarë,

Dua ta nis këtë komunikim me ju me një ngjarje që tronditi rëndë sigurinë shëndetësore të vendit dhe që ndodhi vetëm disa ditë më parë në Qendrën Spitalore Universitare “Nënë Tereza”, spitalin më të madh të Shqipërisë.

Reanimacioni qendror dhe sallat kirurgjikale të QSUT-së mbetën për 30 deri në 40 minuta pa energji elektrike, duke rrezikuar drejtpërdrejt jetën e pacientëve dhe duke vënë në panik familjarët e tyre.

Ky nuk është një incident teknik.

Ky nuk është një defekt i rastësishëm.

Ky është një dështim i rëndë dhe i pafalshëm shtetëror.

Në asnjë vend të botës, as në vende në luftë, nuk ndodh që reanimacioni, terapia intensive dhe sallat e operacionit të mbeten pa energji. Ajo që ndodhi në QSUT provon se sistemet rezervë ose nuk ekzistojnë realisht, ose janë jashtë funksioni.

Kjo nuk është avari.

Kjo është paaftësi kriminale në menaxhimin e shërbimeve jetike.

Një shtet që nuk mbron dot jetën e qytetarëve as aty ku ata shkojnë për të kërkuar ndihmë, nuk është shtet. Ky nuk është një rast i izoluar. Ky është realiteti i përditshëm i shëndetësisë shqiptare. Ndaj, kërkojmë hetim të plotë dhe vënien përpara drejtësisë të personave përgjegjës.

Fakte të rënda dhe të dokumentuara:

Urgjenca e QSUT-së ka funksionuar pa defibrilator, një pajisje bazike jetëshpëtuese.

Akseleratorët linearë kanë qenë tre ditë jashtë funksionit, duke lënë pa shërbim pacientët me kancer, të cilët nuk mund të presin.

Në Spitalin Onkologjik mungon brakiterapia, një trajtim jetik për gratë me kancer gjinekologjik. Një pajisje që kushton sa gjysma e Kopshtit Eden në oborrin e Kryeministrisë, por që për qeverinë nuk është prioritet. Mungesa e këtij trajtimi i çon pacientet drejt vdekjes.

Pacientët në Spitalin Onkologjik bëjnë kimioterapi në të ftohtë, për orë të tëra, sepse kondicionerët nuk funksionojnë dhe spitali është pa ngrohje.

Kjo është panorama reale e shëndetësisë në Shqipëri.

Ndërkohë, Shqipëria shpenzon vetëm 2.9% të PBB-së për shëndetësinë, niveli më i ulët në rajon. Jemi të fundit për mbështetjen ndaj shëndetit të njerëzve.

Situata me furnizimin me ilaçe është skandaloze.

Pacientët trajtohen me barna të skaduara.

Ka kontrabandë, mungesë transparence, paaftësi, mungesë protokollesh.

Kemi krim shtetëror, jo kujdes shëndetësor.

Kjo qeveri nuk ka para për pacientët, por ka:

160 milionë euro për “Tigrin 1” dhe “Tigrin 2”, që nuk prodhuan asnjë kilovat energji;

50 milionë euro të zhdukura në tunelin e Llogarasë;

4.2 milionë euro për Kopshtin Eden në oborrin e Kryeministrisë;

420 milionë euro për inceneratorë fantazmë;

104 milionë euro për kontratat e grupit kriminal të AKSHI-t.

Fondi i barnave të Onkologjikut është 13 herë më i vogël se fondet për koncesionet korruptive në shëndetësi, sepse paratë nuk shkojnë te pacientët, por në gropat thithëse të korrupsionit, si Durana Tech Park, një skemë e legjitimuar me votat e maxhorancës.

Ky nuk është reformim.

Ky është instrument grabitjeje.

Shqiptarët paguajnë më shumë se çdo qytetar europian për një shëndetësi që Kryeministri ka guximin ta quajë “falas”.

Sipas Komisionit Europian, shqiptarët paguajnë 60% të shpenzimeve shëndetësore nga xhepi, niveli më i lartë në Europë.

Sot, 55% e familjeve shqiptare nuk mbyllin dot muajin, dhe 40% e të ardhurave shkojnë vetëm për ushqim.

Në këtë realitet, qeveria zgjedh luksin, korrupsionin dhe propagandën, ndërsa qytetarët lihen të përballen me sëmundjen, varfërinë dhe pasigurinë.

Kjo është e vërteta e shëndetësisë sot.

Ndaj me 24 janar ora 17:00, të gjithë në shesh të protestojmë bashkë për veten tonë, familjen tonë kundër grupit të strukturuar kriminal që vjedh qytetarët më të varfër në Europë.

The post Shëndetësia në kolaps/ Erisa Xhixho: Paaftësi kriminale, sistemet rezervë në QSUT nuk ekzistojnë appeared first on Albeu.com.

Ajo u shpreh se qytetarët detyrohen të presin me orë të tëra në radhë për të marrë abone mujore, që u jep akses në një shërbim pa cilësi.

Xhixho shtoi se kjo është panorama më e qartë e një qeverisjeje që ka braktisur qytetarin, të cilin e ngarkon me kosto e taksa, por nuk i jep mbrapsht asnjë shërbim.

Reagimi:

Të detyruar të presin me orë të tëra në radhë, pasi Bashkia Kamëz rriti çmimin e biletës së transportit publik. Nga 40 lekë që ishte, qytetarët e Kamzës duhet të paguajnë tashmë 50 lekë për biletën e autobusit.

Qindra qytetarë detyrohen të presin në radhë për abone mujore, që u jep atyre akses në një shërbim pa cilësi: mjete pa standarde, orë të tëra në trafik dhe vonesa të përditshme.

Të moshuar që rrinë me orë në radhë, për të kursyer pak nga pensionet e pamjaftueshme; nxënës e studentë që u duhet të lehësojnë sadopak kostot e transportit që duhej ta kishin falas.

Kjo është panorama më e qartë e një qeverisjeje që ka braktisur qytetarin, të cilin e ngarkon me kosto e taksa, por nuk i jep mbrapsht asnjë shërbim.

The post Rritja e çmimit të transportit publik nga Bashkia Kamëz/ Erisa Xhixho: Qeverisja ka braktisur qytetarin dhe i ngarkon me kosto appeared first on Albeu.com.

Sipas Xhixhos, rritja prej vetëm 2.5% që hyri në fuqi nga 1 tetori, përkthehet në 490 lekë për pensionet urbane dhe vetëm 290 lekë për ato rurale shifër që, siç tha ajo, “nuk mbulon as një bukë e një domate në muaj”.

Deputetja e opozitës theksoi se Shqipëria ka pensionet më të ulëta në rajon dhe një nivel varfërie alarmant për moshën e tretë, ndërsa qeveria sipas saj ka zgjedhur t’i neglizhojë pensionistët, duke u kujtuar për ta vetëm në kohë fushatash.

DEKLARATA:

Qeveria u tall edhe njëherë me 721 mijë pensionistë, me indeksimin e radhës. Nga 1 tetori 2025, pensionet janë rritur 2.5%, praktikisht 490 lekë për pensionet urbane dhe 290 lekë për pensionet rurale.

Çfarë mund të shtohet në tryezat e pensionistëve me kaq para? Në një muaj jo më shumë se një bukë, 100 gramë djathë dhe një domate! Asnjë zgjidhje reale, thjesht propagandë!

Pensionistët shqiptarë mbeten më të varfrit në rajon, me një pension mesatar 170 euro, ndërkohë që në vendet fqinje janë sa dy dhe trefishi i tyre.

Sipas Eurostat, për një person të rritur mbi 65 vjeç ose në pension, niveli i varfërisë për Shqipërinë vlerësohet në 69%, për Serbinë në 48.9% dhe Malin e Zi 27.6%.

Në Kosovë, pensioni mesatar është 340 euro, në Malin e Zi – 450 euro, në Maqedoninë e Veriut – 325 euro dhe në Serbi – 390 euro.

Qeveria është tallur rregullisht me pensionistët me indeksime qesharake dhe bonuse elektorale. Në fund të vitit të kaluar, një indeksim prej 4.1% nuk pati asnjë ndikim në ekonominë familjare të këtyre njerëzve, që i kanë shërbyer vendit një jetë të tërë.

E vërteta e hidhur është se sot pensionistët jetojnë më keq se para 12 vitesh. Nëse bëjmë një krahasim me vitin 2013, ata marrin sot 30% më pak pasi çmimet dhe kostoja e jetesës janë dyfishuar, ndërsa rritja ka qenë e papërfillshme. Pensionistëve sot nuk u del të blejnë ilaçet apo të paguajnë energjinë. Pjesa dërrmuese e tyre janë të varur financiarisht nga dërgesat e fëmijëve emigrantë, sepse qeveria i ka shpërfillur dhe kujtohet për ta vetëm kur i duhet vota e tyre.

A i ka qeveria paratë për një rritje reale pensionesh? Sigurisht që po! A është mundësia për një rritje 20% sa ajo e Kosovës një vit më parë? Mundësia është, por qeverisë Rama i mungon vullneti.

Shqipëria është vendi me normën më të lartë të TVSH-së për ushqimet me 20%. Kosova e ka 8%, Mali i Zi 7% e Serbia 10%. Fare mirë, një pjesë e parave që mblidhen në arkën e shtetit përmes TVSH-së mund të shkojnë për rritjen e pensioneve. Sot, një e treta e popullsisë shqiptare është në moshë pensioni, numri më i lartë në gjithë historinë e tranzicionit. Mungesa e sigurisë ekonomike për moshën e tretë është tregues i një qeverie që nuk do t’ia dijë për qytetarët e vet.

Paratë kësaj qeverie nuk i kanë munguar asnjëherë, por janë zhdukur gjithmonë në gropat e korrupsionit dhe projektet që çojnë para në xhepat e klientëve të saj! Ajo që i ka munguar gjithmonë qeverisë Rama është vullneti për politika sociale që mbështesin realisht pensionistët, ndaj sot nuk mund t’u hedhë hi syve me një rritje qesharake!

The post Erisa Xhixho: Qeveria po i mban pensionistët në mjerim, rritja 2.5% është qesharake dhe propagandë appeared first on Albeu.com.

“Ilir Meta nuk preferoi të ishte në listat e mbyllura. Ai donte të përballej drejtpërdrejt me qytetarët. Për këtë arsye, çdo ditë u shkruan letra personave të ndryshëm, duke u kërkuar mbështetjen e tyre me votë”, – u shpreh Xhixho.

Sipas saj, objektivi është që Meta të marrë 30–40 mijë vota në Tiranë.

“Nga kalkulimet që kemi bërë, mjaftojnë rreth 12 deri në 15 mijë vota që ai të sigurojë mandatin. Por konkurrenca është e fortë dhe ndonjëherë edhe një votë mund të bëjë diferencën në listat e hapura”, – tha ajo, duke shtuar: “Jam e bindur se Ilir Meta do të jetë emri më i votuar në qarkun e Tiranës”.

Gjithashtu, Xhixho shprehu siguri për fitoren e koalicionit në Tiranë.

“Koalicioni ynë do të marrë 20 mandate në Tiranë, për këtë jam e sigurt”.

E pyetur nga gazetari Roland Qafoku, nëse Ilir Meta do të lirohet nëse fiton mandatin, ajo tha:

“Në momentin që ai merr mandatin dhe certifikohet, brenda një muaji, pra rreth datës 11 qershor, ai lirohet. Nuk besoj se ka ndonjë pengesë që mund ta ndalojë këtë proces. Me 11 maj ne fitojmë dhe Shqipëria çlirohet”.

Xhixho e quajti arrestimin e Metës të turpshëm, duke theksuar se nuk dëshironte të ndalej më tej në atë temë.

The post Erisa Xhixho: Ilir Meta merr mandatin dhee certifikohet, rreth datës 11 qershor ai lirohet appeared first on Albeu.com.

Deklarata:

Në 12 vjet, arritja më e madhe e qeverisë së Edi Ramës ka qenë pasurimi i oligarkëve dhe rrënimi ekonomik i shqiptarëve. Informaliteti dhe pastrimi i parave që ka sjellë si pasojë zhvlerësimin drastik të euros, ka dëmtuar eksportuesit dhe fasonët, duke mbyllur mijëra vende pune e duke lënë pa të ardhura mijëra familje.

Shqiptarët kanë paguar miliarda lekë taksa, por nuk kanë marrë mbrapsht shërbime. Vetëm me taksën e përkohshme të infrastrukturës arsimore, Bashkia e Tiranës ka mbledhur rreth 62 milionë euro.

Por në shkollat e Tiranës vijon edhe sot mësimi me turne. Sepse paratë e qytetarëve të Tiranës kanë shkuar në gropat e korrupsionit të inceneratorit dhe kompanisë5D.

Kriza e çmimeve e ka rrënuar ekonominë familjare të shqiptarëve, por qeveria, e ka refuzuar propozimin tonë për reduktimin e TVSH-së për produktet e shportës.. Dhe është e njëjta qeveri që në vitin 2013 premtoi se do ta bënte zeronte atë. Mashtrim! TVSH në vend është sot 20%, më e larta në rajon.

Ne jemi të fundit në Europë për fuqinë blerëse dhe për pagën minimale, për nivelin e pensioneve dhe skemat e ndihmës sociale. Por kemi çmimin më të shtrenjtë të energjisë elektrike dhe taksën më të lartë të karburanteve.

Të gjitha këto flasin qartë për mungesën e shtetit social në Shqipëri dhe qeverisjen e korruptuar, e cila qytetarin e ka të fundit në listën e prioriteteve. Sepse i vetmi prioritet i qeverisë së Edi Ramës ka qenë grabitja, korrupsioni, zhvatja dhe rritja e pandalshme e taksave.

Më 11 maj, duke votuar programin ekonomik “Made in Albania” të Aleancës për Shqipërinë Madhështore, shqiptarët do të votojnë për uljen e taksave dhe ndërtimin e një Shqipërie fuqi prodhuese dhe eksportuese në rajon.

Me programin tonë ekonomik, ne do të:
– Ulim numrin e shkallëve të ndryshme tatimore.
– Taksa e sheshtë 10% mbi të ardhurat jo nga paga.
– Zero taksim për profesionet e lira dhe biznesin e vogël.
– Tavani vjetor për tatim fitimin zero për biznesin e vogël.
– TVSH do ulet në 15%.
– Taksa e ndikimit në infrastrukturë do të ulet nga 8% e çmimit të shitjes në 2% të preventivit.
– Taksa 3% e strehimit social mbi çmimin e shitjes do të shfuqizohet.
– Tarifa e rivlerësimit të pronës do ulet nga 5% në 1%.
– Energjia elektrike për biznesin nga 18-24 lekë që është sot, do shitet në 6 lekë.
– Taksa e shitjes së pronës ulet nga 15% në 2%.
– Taksa karburantit hiqet dhe në të gjitha pikat e shitjes së karburantit nuk mund të shitet karburant me ndryshim çmim plus/minus 10% me pompat e vendeve fqinje.
– Çdo shqiptar që vjen për të investuar në Shqipëri nuk do të taksohet për 5 vite kudo që të investojë, ndërsa për investimet në zonat malore nuk do të taksohet për 8 vite.
– Do krijohet bordi që do monitorojë dhe kompensojë dëmet e krijuara nga lëkundjet e kursit të narko-euros.
– Përjashtim nga tatimi mbi të ardhurat deri në moshën 25 vjeç.
– Për gratë, tatim-fitimi do të jetë zero për vitin e parë të biznesit. Do të subvencionohen sigurimet shëndetësore dhe shoqërore për 4 muajt e parë, me kushtin që gjysma e të punësuarve të jenë femra dhe të rinj.
Me programin ekonomik “Made in Albania” do t’ua kthejmë Shqipërinë shqiptarëve.

The post Erisa Xhixho: Paratë e qytetarëve të Tiranës kanë shkuar në gropat e korrupsionit të inceneratorit dhe kompanisë “5D” appeared first on Albeu.com.

“Pesë vite më parë, qytetarët u ngritën nën thirrjen e Presidentit të Republikës për të mbrojtur demokracinë dhe barazinë para ligjit,” shkruan Xhixho, duke theksuar se tubimi ishte një përgjigje e drejtpërdrejtë ndaj përpjekjeve për të minuar Gjykatën Kushtetuese me ligje antikushtetuese, të cilat u kundërshtuan nga Komisioni i Venecias.

Ajo thekson se, pavarësisht manipulimeve politike për të kapur drejtësinë, qytetarët vazhdojnë të kërkojnë një shtet të lirë nga korrupsioni dhe arbitrariteti.

“Mbrojtja e Kushtetutës dhe parimeve të demokracisë është një betejë e përditshme kundër një regjimi që ka shkatërruar ekonominë dhe ka shpërngulur qindra mijëra shqiptarë,” thekson ajo.

Xhixho përfundon duke thënë se qytetarët shqiptarë janë tani më të vetëdijshëm se rikthimi i Kushtetutës në shinat veneciane është garanci për lirinë, sovranitetin e vendit dhe për një demokraci funksionale. “Misioni i 2 Marsit vazhdon me vendosmëri për një Shqipëri të lirë, të drejtë dhe sovrane, ku qytetarët të mos jenë peng i korrupsionit dhe krimit politik,” përfundon ajo.

The post Erisa Xhixho: Protesta e 2 marsit, një dëshmi e fuqisë së popullit për demokracinë appeared first on Albeu.com.

Xhixho u shpreh se; kjo marrëveshje nuk ishte transparente që në prezantimin që iu bë.

Gjithashtu, Xhixho u shpreh senuk mund të gjejmë asnjë përfitim që mund të ketë Shqipëria nga kjo marrëveshje.

Ne kemi qenë kundër kësaj marrëveshje jo transparente, kërkuam informacion por çështja thjesht u zbatua nuk u diskutua thuajse fare dhe tani shohim që ajo që e goditi këtë marrëveshje ishte Gjykata e Romës.

 Erisa Xhixho: Ne  e kemi kundërshtuar sepse kjo marrëveshja cenon dhe ka shkelje të renda ligjore sa i takon edhe ligjeve e konventave.

Rama erdhi dhe thjesht e shpalosi këtë marrëveshje pa pasur asnjë transparencë, së pari duhej sqaruar se çfarë përfiton Shqipëria nga kjo marrëveshje. Asgjë, ne thjesht na shtohet një problem që nuk na takon të merremi.

Interesi ka qenë personal i Edi Rams i cili e trajton Shqipërinë për interesa personale dhe jo si vendin e Shqiptarëve.

The post Refugjatët në Gjadër/ Erisa Xhixho: Gjykata e Romës “goditi” marrëveshjen Rama-Meloni appeared first on Albeu.com.

Ajo shkruan se ndërkohë që të ardhurat për frymë janë sa 35% e mesatares europiane dhe ku 60% e buxhetit familjar shkon për ushqime, Në tregun shqiptar ka produkte që shiten me një çmim 212% më të lartë, ose mbi 3 herë sa çmimi që shitet nga e njëjta kompani në vendin europian nga ajo vjen.

Xhixho shton se paratë nuk shkojnë në ndihmë të shtresave në nevojë apo pensionistëve, por për korrupsionin galopant me rrugët e florinjta.

Postimi i plotë:

Tirana është qyteti me koston më të lartë të jetesës, pasi ajo tashmë është kthyer në qendër të pastrimit të parave të pista dhe nuk ka asgjë nga një qytet që u shërben njerëzve.
Qytetarët udhëtojnë me km të tëra qe blejnë ushqimet dhe produktet e tjera të konsumit me lire
• Çmimi mesatar i produkteve në tregun shqiptar është rreth 80% më i lartë se çmimi mesatar i të njëjtave produkte – shitur nga të njëjtat kompani, në tregjet e BE-së
• Në tregun shqiptar ka produkte që shiten me një çmim 212% më të lartë, ose mbi 3 herë sa çmimi që shitet nga e njëjta kompani në vendin europian nga ajo vjen
E gjitha kjo në një vend ku të ardhurat për frymë janë sa 35% e mesatares europiane dhe ku 60% e buxhetit familjar shkon për ushqime.
E gjitha kjo në një kohë kur në arkën e qeverisë kanë hyrë 2.1 miliard lekë, nëpërmjet TVSH-së si rezultat i rritjes së çmimeve dhe jo nga mirëadministrimi.
Para ka por ato nuk shkojnë te shtresat në nevojë apo pensionistët, por shkojnë për korrupsionin galopant me rrugët e florinjta, për drejtorët 5 D apo inceneratorët që nuk ekzistojnë.
Ky regjim që rrjep qytetarët dhe pasuritë e vendit duhet ndëshkuar sa më parë!

The post “Lekë ka, por ato shkojnë për drejtorët “5 D”” Xhixho: Ky regjim duhet ndëshkuar sa më parë appeared first on Albeu.com.

Në videon e publikuar nga Xhixho në rrjetet sociale, tregohen disa rrugë të kryeqytetit ku duken qartë kazanët e plehrave të tejmbushura.

Postimi i Xhixhos:

Tirana e mbytur në plehra, ndërkohë që miliona euro shkojnë për inceneratorët fantazmë.????

The post Erisa Xhixho: Tirana e mbytur në plehra, ndërkohë që miliona euro shkojnë për inceneratorët fantazmë (VIDEO) appeared first on Albeu.com.