Paraqitja e tij vjen pak kohë pasi ndaj tij u ngrit akuza dhe ai u mor i pandehur për shkelje të barazisë në procedurat e tenderëve. Kryebashkiaku akuzohet për “Shpërdorim detyre”, “Korrupsion pasiv dhe aktiv”, “Fshehje të pasurisë” dhe “Shkelje të parimeve të barazisë së pjesëmarrësve në tendera ose ankande publike”.

Denoncimi ndaj kryebashkiakut të Kolonjës është bërë në Prokurorinë e Posaçme nga një avokat në Korçë, Esmerald Xhafa. Bashkë me Erion Isain janë marrë të pandehur edhe gjashtë persona të tjerë, zyrtarë të Bashkisë së Kolonjës.

Isai është paraqitur për herë të fundit më 15 janar 2025 në ambientet e Prokurorisë së Posaçme, ku është marrë në pyetje nga prokurorët e SPAK. Në hyrje Isai nuk preferoi të japë komente për gazetarët para Prokurorisë. Ndërsa, pas daljes kryebashkiaku i Kolonjës tha se kjo herë e dytë e paraqitjes në SPAK dhe është njësoj këndshëm si hera e parë në 2023.

The post Pas rreth 2 orësh Erion Isai lë ambientet e SPAK, “kyç” gojë para gazetarëve appeared first on Albeu.com.

Isai është paraqitur edhe më parë në ambientet e SPAK, ndërsa është marrë i pandehur per akuzën e shkeljes së barazisë në tendera dhe ankande publike.

Ai akuzohet konkretisht për “Shkelje të parimeve të barazisë së pjesëmarrësve në tendera ose ankande publike”.

Biseda të bëra në datën 03.07.2020, mes Erion Isait dhe Entela Çano:

Në orën 12:46, Erion Isai dërgon mesazhin:

“Shoqeeee”.

Në orën 12:46, Entela Çano telefonon Erion Isai dhe së bashku zhvillojnë një bisedë telefonike.

Në orën 12:46, Entela Çano dërgon mesazhin:

“Isha në telef. të më falësh’”.

Në orën 12:47, Entela Çano telefonon Erion Isai dhe së bashku zhvillojnë një bisedë telefonike.

Në orën 12:48, Entela Çano telefonon Erion Isai dhe së bashku zhvillojnë një bisedë telefonike.

Në orën 12:57, shtetasi Erion Isai telefonon Entela Çano dhe së bashku zhvillojnë një bisedë telefonike.

Në orën 12:57, shtetasi Erion Isai telefonon shtetasen Entela Çano dhe së bashku zhvillojnë një bisedë telefonike.

Në orën 13:09, Entela Çano dërgon materialin e regjistruar me emërtimin “Preventiv 13 FSHATRAT E KOLONJES 386.pdf”, gjithashtu i dërgon mesazhin:

“Njëri variant… është edhe një tjetër që do të të dërgoj”.

(Rezulton se këtë material shtetases Entela Çano ia ka dërguar shtetasja Erjona Bujupi, në orën 13:09. Ky material titullohet “Preventiv Zbatimi Objekti: Ndërtimi i Rrjetit të shpërndarës të furnizimit me ujë në 13 fshatrat e Kolonjës”, ku përbëhet nga një tabelë që quhet “Përmbledhëse sipas nënobjekteve” ku ndodhen të shënuar shtatë zëra nënobjektesh me vlerat respektive në krahë të tyre dhe vlera totale e këtij preventivi është shënuar 386,602,100.7, si dhe në fund vërehet shënimi “Punoi: M.A.K Studio Ing. Tomorr Spahiu”).

Në orën 13:38, shtetasja Entela Çano dërgon materialin e regjistruar me emërtimin: “Preventiv 13 FSHATRAT E KOLONJES – 390.pdf’, gjithashtu shtetasja Entela Çano і dërgon shtetasit Erion Isai mesazhin:

“Prev me fond rezerve 1%”…

(Rezulton se këtë material shtetases Entela Çano ia ka dërguar shtetasja Erjona Bujupi, në orën 13:35. Ky material titullohet “Preventiv Zbatimi Objekti: Ndërtimi i Rrjetit të shpërndarës të furnizimit me ujë në 13 fshatrat e Kolonjës”, ku përbëhet nga një tabelë që quhet “Përmbledhëse sipas nënobjekteve” ku ndodhen të shënuar shtatë zëra nënobjektesh me vlerat respektive në krahë të tyre dhe vlera totale e këtij preventivi është shënuar 390,875,958.8, si dhe në fund vërehet shënimi “Punoi: M.A.K Studio Ing. Tomorr Spahiu”).

-Në orën 16:31, Erion Isai dërgon mesazhin:

“Oki”.

-Në orën 08:08-08:09, Erion Isai i dërgon Entela Çano mesazhet:

“Miremengjes. Këtej nga akum jam unë”.

-Në orën 08:22, Entela Çano dërgon mesazhin:

“Mirmengjes.. Të dërgoj Ing të t’i sjelli ? Se unë vetë rreth orës 10:30 mund të vij?”.

-Në orën 08:22, Erion Isai dërgon mesazhet:

“Oki. Një kafe kur të mbarosh. Ma dërgo dhe bashkë e pimë”.

-Në orën 08:22, Entela Çano dërgon mesazhin:

“Ok.. kë preventiv nga ato do?”.

-Në orën 08:22-08:23, Erion Isai dërgon mesazhet:

“Te dy m’i sill për siguri”.

-Në orën 08:23, Entela Çano dërgon mesazhin:

“Ok”.

Në orën 08:55, Erion Isai dërgon mesazhin:

“Po vjen inxh? te drejtori. Se tani në 9 do futem”.

-Në orën 08:59, Erion Isai telefonon shtetasen Entela Çano dhe së bashku zhvillojnë një bisedë telefonike.

Biseda të bëra në datën 09.09.2020, mes Erion Isai, me detyrën e Kryetarit të Bashkisë Kolonjë dhe Entela Çano, me përmbajtje si më poshtë:

-Në orën 19:14-19:15, Erion Isai i dërgon Entela Çano mesazhet:

“Si të kam. Nesër do jem Tiranë. Tak pak të marr projektin e fshatrave të lutem. Që ta kaloj këshill teknik”.

-Në orën 19:15, Entela Çano dërgon mesazhin:

“Mirmbrëma.. mirë ti si je ? Po patjetër. Gati është i printuar.. po të pret mbi tavolinë”.

-Në orën 19:16, Erion Isai dërgon mesazhin:

“Rrofsh flori”.

-Në orën 19:18, Entela Çano dërgon mesazhin:

“Asgjë.. të lutem”.

-Biseda të bëra në datën 10.09.2020, mes Erion Isai, me detyrën e Kryetarit të Bashkisë Kolonjë dhe Entela Çano, me përmbajtje si më poshtë:

-Në orën 11:24, Erion Isai i dërgon Entela Çano mesazhet:

“Shefe… si të kam?”.

Në orën 11:25, Entela Çano dërgon mesazhin:

“Ing mirë është.. po njoftoj Ing t’ju sielli projektin”.

-Biseda të bëra në datën 15.09.2020, në orën 10:05, Erion Isai telefonon shtetasen Entela Çano dhe së bashku zhvillojnë një bisedë telefonike.

-Në orën 11:11, Erion Isai i dërgon shtetases Entela Çano kontaktin e regjistruar me emrin “Armand Tafili” dhe i shkruan:

“Do të të marrë për superviz.”.

-Në orën 11:11, Entela Çano dërgon mesazhin:

“Faleminderit shumë”.

The post I pandehur për shkelje të barazisë në tendera/ Kryebashkiaku i Kolonjës, Erion Isai paraqitet në SPAK appeared first on Albeu.com.

Teksa parodisti Erion Isai, për vite me rradhë në cilësinë e kryebashkiakut, ka vënë në “kthetra” tenderat publikës të institucionit, mjaftuan vetëm dy kallëzime penale kundër tij që ai të dalë zbuluar në një dosje penale të regjistruar nga SPAK.

Çështja kundër Erion Isai dhe zyrtarëve të tjerë të bashkisë Ersekë, është hapur 5 vite më parë në muajin Nëntor 2020, për akuzën e “Shpërdorimit të detyrës”, “Shkeljes së barazisë në tendera dhe ankande publike”.

Dy njerëzit që morën guximin të bëjnë një shërbim qytetar për zonën e tyre, janë Romeo Nazarko dhe Esmerald Xhafa, të cilën ju drejtuan SPAK me kallëzime penale, duke kërkuar nisjen e hetimeve për zyrtarët e bashkisë Ersekë.

Në fakt i pari që mori nismën për të bërë kallëzim ishte Romeo Nazarko, me profesion inxhinier gjeodet, i cili si njohës i mirë i ndërtimit, zbuloi shkelje të rënda kriteret dhe format e ndërtimit të rrugëve në Ersekë.

Përmes kallëzimit disa faqe, në muajin Nëntor 2020 Nazarko orientonte SPAK, të hetonte kryebashkiakun e Ersekës për abuzime të rënda financiare dhe paracaktim të tenderave publikë përmes miqësive të veçanta që Erion Isai, kishte krijuar me administratorë dhe pronarë të kompanive private të ndërtimit.

Mbi bazën e këtij kallëzimi, SPAK regjistroi procedimin penale Nr.280 për dy akuza atë të “Shpërdorimit të detyrës” dhe “Shkeljes së pabarazisë në tendera”.

Kujtojmë se Romeo Nazarko, është personi i cili ka denoncuar në SPAK dhe në prokurorinë e Tiranës, skemën e korrupsionit të bërë nga zyrtarë të Agjencisë së Zhvillimit Bujqësor dhe Rural, duke keqpërdorur fondet e Bashkimit Evropian përmes projekteve të OLAF-it për bujqësinë.

Nazarko kishte aplikuar në vitin 2019 në AZHBR, për të siguruar mbështetje për zhvillimin e një sipërfaqeje prej 23 hektarësh tokë në vendlindjen e tij në Ersekë, ku planifikonte të mbillte gështenja, lajthi, arra dhe bajame në një sistem zinxhir zhvillimi me banorët e zonës.

Por aplikimi i tij u refuzua nga AZHBR, pasi siç ka pretenduar ai në kallëzimin dorëzuar SPAK, inxhinieri gjeodet, refuzoi të bëhej pjesë e skemave të korrupsionit që ndërvepronin në këtë institucion.

Aktualisht kjo dosje e dorëzuar nga Nazarko po ndiqet penalisht nga SPAK dhe hetues të Komisionit Evropian.

Ndërsa personi i dytë është avokati i njohur Esmerald Xhafa, i cili në cilësinë e qytetarit të Korçës dhe teksa u vu në dijeni përmes raportimeve mediatike për shembjen e rrugës nacionale Ersekë-Korçë, vendosi në 29 shkurt 2024, t`i drejtohet me një kallëzim SPAK, duke kërkuar ndjekjen penale të kryebashkiakut, Erion Isai, për akuzën e “Shpërdorimit të detyrës”.

Mbi bazën e këtij kallëzimi SPAK, regjistroi në 2024, procedimin Nr.39. Por duke qenë se dy kallëzimet të bërë nga Nazarko dhe Xhafa, kishin të njëjtin karakter dhe objekt denoncimi, në datën 22 korrik 2020, prokuroria e posaçme SPAK, ka vendosur bashkimin e këtyre dy procedimeve në një dosje të vetme me Nr.280.

Pas kallëzimit të dytë, situata ndaj gaztorit të Ersekës, Erion Isai, dhe zyrtarëve të tjerë ndryshoi, pasi SPAK sekuestroi disa prej telefonave të zyrtarëve të bashkisë dhe administratores së kompanisë “A & E Engineering”, Entela Çano.

Ku dukshëm kryebashkiaku Erion Isai, ka hyrë në komunikim privat me paracaktimin e çmimeve të ndërtimit, buxhetit financiar dhe paracaktimin e firmës fituese ku administratore është Entela Çano.

The post FOTO/ Kush janë dy njerëzit që çuan në SPAK, kryebashkiakun e Ersekës, Erion Isain? appeared first on Albeu.com.

Ai akuzohet konkretisht për “Shpërdorim detyre”, “Korrupsion pasiv dhe aktiv”, “Fshehje të pasurisë” dhe “Shkelje të parimeve të barazisë së pjesëmarrësve në tendera ose ankande publike”.

Sipas kallëzimit ndaj tij, pas hetimeve mbi tenderat e organizuar nga Bashkia Kolonjë, është konstatuar se shumica e tyre janë të shënuar me “flamur të kuq”, pasi ndarja e tyre rezulton e paracaktuar.

Gjithashtu, theksohet se punimet e realizuara për këto tendera nuk janë përfunduar me cilësi, apo sipas projekteve të miratuara nga Autoriteti Kontraktor.

Një rast konkret që përmendet, është rikonstruksioni i digës së Rezervuarit të Gjonçit dhe ndërtimi i pritave malore në fshatrat e Bashkisë Kolonjë, gjatë vitit 2023.

The post SPAK merr të pandehur kryebashkiakun e Kolonjës, Erion Isai, ja akuzat që rëndojnë ndaj tij appeared first on Albeu.com.

Në një intervistë për MCN, Petrela theksoi se vendimi për ndarjen u mor nga të dy dhe kishte si prioritet mirëqenien e vajzave.

“Ishte vendim i marrë nga të dyja palët, më mirë vajzat të jetojnë të lumtura me dy shtëpi se sa të stresuara në një shtëpi”, tha ajo, duke shtuar se nuk donte që vajzat të përjetonin trauma nga skenat që mund të shihnin mes prindërve.

Ajlin Petrela theksoi gjithashtu se marrëdhëniet me Erion Isain janë të qeta dhe respektuese për hir të vajzave.

Regjisorja zbuloi se është në një marrëdhënie dashurie, por partnerin e ri e ka njohur përmes rrjeteve sociale dhe e mban identitetin e tij të fshehtë për të ruajtur privatësinë. “Sapo jemi kthyer nga një udhëtim. Personi që kam në krah nuk ka lidhje me botën e medias, mundohemi ta mbajmë të izoluar”, tha ajo.

Sipas saj, lidhja ka nisur rreth 9 muaj më parë dhe ka qenë një sfidë të fillojë një kapitull të ri duke qenë nënë e dy vajzave, por tashmë ajo dhe partneri i ri kanë arritur të organizojnë jetën personale larg mediave.

Edhe kryebashkiaku Erion Isai ka reaguar lidhur me ndarjen, duke konfirmuar se martesa e tij me Ajlin Petrelën ka përfunduar zyrtarisht në prill 2024, me dakordësi dhe respekt për parimet e përbashkëta. Ai theksoi se për dy vitet e fundit i është përkushtuar rolit të tij si baba dhe përpiqet të bëjë më të mirën për vajzat e tij.

Pjesë nga intervista:

Mbajmë marrëdhënie të qetë përballë njëri-tjetrit, në respekt dhe në të mirë të vajzave. Mendoj se nuk do të flas kurrë për këtë gjë.

Shënjestra e atentatit në Shkodër mik i ngushtë me Luiz Ejllin, këngëtari i qëndron “mbi kokë” në spitalin e Traumës
Është babai i vajzave të mia. Mua më shqetëson vetëm rritja e dy vajzave, nuk është se jemi jashtë dhe kjo gjë është shumë normale, askujt si bën përshtypje, këtu është më ndryshe dhe vajzat janë ende të vogla.

Ajri është në dijeni të situatës, ka qenë e rritur kur ndodhi gjithë gjëja. Ndërsa e vogla akoma jo. Është ende e vogël.

Ishte vendim i marrë nga të dyja palët, më mirë vajzat të jetojnë të lumtura me dy shtëpi se sa të stresuara në një shtëpi.

Nuk do të doja kurrë që vajzat të përjetonin trauma kur të rriteshin për shkak të skenave që mund të shihnin në shtëpi.

Lidhja e re e dashurisë?

Sapo jemi kthyer nga një udhëtim. Ikjet nga Tirana fundjavave janë të shpeshta. Personi që kam në krah nuk është publik, nuk ka lidhje fare me botën e medias, mundohemi ta mbajmë të izoluar. Gjërat e shtrenjta nuk do që ti prekin dhe nuk dua ta bëj pis në asnjë aspekt.

Kjo është arsyeja pse e mban të izoluar.

E ka problem nëse do publikoje foto të portretit?

Po (QESH).

Si jeni njohur?

Bashkë na ka bërë një mjeke, që as nuk e di që na ka bërë bashkë. Ne kemi friends të përbashkët mjeken time dhe i ftesë njëri-tjetrin, e sot jemi bashkë.

Spielberg vlerëson filmin e ri të Paul Thomas Anderson me Leonardo DiCaprio
Do të më vrasë që fola kaq shumë për këtë (qesh). Është natyrë e ftohtë nuk impresiohet shumë nga këto gjëra.

Personi që kam nuk e ka konsideruar fare faktin e divorcit, vajzave, ishte një gjë që do nisje jetën nga fillimi. Sfida është më e madhe se ke dy vajza, nuk e di si rrjedh. Ishte e vështirë, por falë Zotit mori veten e vet gjëja. Kemi 9 muaj bashkë.

The post “Dy shtëpi më mirë se një e stresuar”, Ajlin Petrela flet për ndarjen nga Erion Isai appeared first on Albeu.com.

Ndonëse fjalët qarkullonin prej kohësh se Isai jetonte i vetëm mes Tiranës dhe Ersekës së bashku me thashetheme të tjera, kjo asnjëherë nuk ishte pranuar prej tij.

Por tashmë duket se ndarja është zyrtarizuar nga Gjykata e Tiranës në prill të këtij viti, ndërsa kërkesa për divorc ishte paraqitur një vit më parë.

Isai dhe Ajlin Petrela, ishin martuar në vitin 2011 dhe bashkë kanë edhe dy fëmijë.

Në vendimin e gjykatës, ndër të tjera thuhet se nuk ka më afeksion, jetojnë të ndarë dhe se martesa e tyre ka humbur kuptimin.

Disa vite më parë, Ajlin kishte folur hapur për rolin e saj në marrëdhënie gjatë një interviste në një emision mëngjesi, duke lënë të kuptohet për një disbalancë të gjatë në sakrifica.

“Kam sakrifikuar karrierën time për t’i dhënë hapësirë karrierës së Erionit”, kishte rrëfyer ajo.

“Ai ka sakrifikuar vetëm 2 muaj nga 12 vitet tona së bashku”.

Petrela, regjisore me profesion, e kishte cilësuar rritjen e dy vajzave si arritjen më të madhe personale, por kishte lënë të kuptohej se ishte koha të kthehej tek vetja dhe pasioni për artin.

Ndonëse ndarja ka ndodhur larg kamerave, nuk mund të thuhet se ka kaluar pa zë dhe për ata që dyshonin, mesa duket, nuk kishin gabuar.

The post Erion Isai ndahet pas 12 vitesh martesë me bashkëshorten e tij, gjykata finalizon divorcin appeared first on Albeu.com.

Në fokus të komenteve dhe ironisë u vu kryebashkiaku i Ersekës, Erion Isai, për shkak të mënyrës së të shprehurit në anglisht dhe përmendjes së papritur të Donald Trump-it gjatë diskutimeve që përfshinin tema si integrimi, klima dhe ekonomia.

Pas publikimit të videos, në rrjetet sociale, nisën të qarkullojnë meme dhe komente tallëse ndaj tij. Një qytetar komentoi ashpër në një nga postimet, duke e kritikuar.

Erion Isai i ka shkruar qytetarit privatisht në Instagram, duke përdorur një gjuhë fyese dhe të papërshtatshme për një zyrtar publik.

“Të q* robt e fisin, fytyrë k*rvë. Bën si tim, ec e dil përballë. P*dh robsh”,- shkruan kryebashkiaku socialist.

Reagimi i kryebashkiakut ndaj këtij komenti ka shkaktuar polemika të shumta.

 

View this post on Instagram

 

A post shared by Euronews Albania (@euronews_albania)

The post Qytetari e kritikoi për anglishten, kryebashkiaku i PS-së Erion Isai shpërthen me ofendime ndaj tij: Të q* robt fytyrë k*rvë… (VIDEO) appeared first on Albeu.com.

Kjo gjë konfirmohet edhe nga rasti i fundit i komedianit-kryebashkiak të Kolonjës, Erion Isai, i njohur ndryshe si “Çuçka”, për shkak të një roli që ka luajtur para disa vitesh kur ishte humorist i “Portokallisë”.

Isai është nën hetim nga SPAK për abuzimet me fondet e rrugëve dhe një rast ujësjellësi për Bashkinë e Kolonjës, madje është thirrur dhe për t’u marrë në pyetje, por kjo gjë nuk e ka ndaluar për skandalin e radhës.

Kryebashkiaku i Kolonjës, në listën e re të programit për strehimin social, ka futur si përfitues edhe disa prej vartësve të tij, për t’iu dhënë banesa me lekët e qytetarëve.

Rasti është denoncuar nga avokati Esmerald Xhafa, i cili sipas tij, duke e faktuar dhe me dokumente, nj prej përfituesve të banesave është Enea Jorgji, i cili mban postin si drejtor i Ujësjellsit, teksa dhe bashkëshorten e ka sekretare të Këshillit Bashkiak të Kolonjës.

Të pastrehë janë shpallur dhe Petro Kristo, i cili ka pozicionin si drejtor pyjore dhe bashkëshortja e tij që po ashtu punon në Bashkinë e Kolonjës.

Gjithashtu edhe Administratori i Njësisë Administrative të Leskovit, Leonard Konica është shpallur i pastrehë.

Sipas dokumenteve të mëposhtme, emrat tyre janë miratuar si pjesë e listës së personave që përfitojnë programe strehimi social nga kryebashkiaku Erion Isai.

“Ky është turpi i rradhës. Të gjithë punonjësit e Bashkisë Kolonjë duke nisur nga Zv.Kryetari paskan qenë të pastrehë. Nisur nga ky turp dhe qokë e rradhës do nis kallëzim të ri në SPAK, i treti për këta abuzues të paskurupullt me pushtetin. Do vijë një ditë që do ti villni të gjitha, sa për Ilustrim.

Enea Jorgji – drejtor i ujësjellsit.

Bashkëshortja e Eneas është sekretare këshillit bashkiak.

Petro Kristo është drejtor pyjore,bashkëshortja punonjëse në Bashki.

Leonard Konica Administrator i Njësisë Administrative Leskovik.

Dhe gjithë të tjerët me rradhë”, shkruan Xhafa.

Sipas dokumenteve të mëposhtme, emrat tyre janë miratuar si pjesë e listës së personave që përfitojnë programe strehimi social nga kryebashkiaku Erion Isai. /oranews

The post Erjon Isai bën “humor” me kolonjarët/ U jep banesa vartësve, shpall të pastrehë drejtorët e Bashkisë appeared first on Albeu.com.

Gjithashtu, ai u shpreh se në SPAK, ishte në cilësinë e personit deklarues.

“Dhashë disa shpjegime shtesë nga 2023, nuk e di nëse duhet të them çështjen që isha, dhashë disa shpjegime shtesë dhe kam qenë person deklarues”, deklaroi Isai.

Kujtojme që kryebashkiaku i PS-së është pyetur dhe më herët në SPAK. Ai është marrë në pyetje për 3 orë nga Prokurorët e Posaçëm më 30 Maj 2023.

“Është një ngjarje e vjetër, nuk ka lidhje me tenderat e bashkisë. Kam qenë i thirrur si person në dijeni për një ngjarje.

Nuk ka lidhje me krimet zgjedhore, a lidhje me një ngjarje konkrete të para shumë kohëve, ku Bashkia nuk ka qenë e përfshirë me tender publik të drejtpërdrejtë, por si institucion që bashkëpunon dhe ka dijeni.

I takon prokurorisë se kë po heton, unë jam pyetur si person që ka dijeni. Hetuesit ishin në humor, pse të mos jenë në humor Ishte hera e parë në Prokurori, ishte këndshëm”, ka tha ai në atë kohë pas daljes nga SPAK.

The post U mor në pyetje për rreth 1 orë, kryetari i Bashkisë së Kolonjës Erion Isai, flet pas daljes nga SPAK appeared first on Albeu.com.

Ende nuk ka të dhëna zyrtare, në lidhje me arsyet e pranisë së Erion Isait në SPAK, por kjo është hera e dytë për të që paraqitet në Prokurorinë e Posaçme, pas thirrjes së tij në maj të vitit të kaluar.

Mirëpo, burime bëjnë me dije se ai ndodhet në SPAK për shkak se duhet të pyetet për një tender rruge në Bashkinë Kolonjë.

The post Kryebashkiaku i Kolonjës Erion Isai paraqitet në SPAK appeared first on Albeu.com.