Dasho theksoi se Prokuroria duhet të nisë një hetim urgjent, për të kuptuar nëse është garantuar cilësia dhe siguria ndaj pacientëve të shtruar aty.

Sipas tij, ky incident nuk mund të kalohet vetëm me deklarata apo masa administrative, por duhet të kryhen hetime ligjore.

Mjeku theksoi se duhet të ketë 2 linja sigurie për energjinë elektrike, që sigurojnë jetën e çdo pacienti.

“Është e papranueshme që një qendër si QSUT të kenë ndërprerje me minuta apo orë të energjisë elektrike se kjo dëmton sigurinë e pacientit dhe përbën rrezik direkt për jetën e tyre. Rrezikohet jeta e pacientit dhe jemi në humbje të jetës. Frymëmarrja e drejtuar ka për qëllim të zëvendësojë frymëmarrjen normale. Nëse kjo mundësohet me pajisje që furnizohen me energji elektrike, ndërpritet oksigjenimi i pacientit dhe rrezikon jetën. Nuk konceptohet asnjë spital, jo në Evropë por as në vendet më të humbura afrikane, të fuksionojnë pa energji elektrike”, theksoi ai.

Ai theksoi se një situatë e tillë tregon paaftësinë në drejtim, teksa tha se spitalet evropiane nuk drejtohen nga “patronazhistë dhe klarinetistë”.

Gjithashtu, Dasho u shpreh se Anxhela Paparizo, drejtuesja aktuale e qendrës spitalore, nuk ka asnjë lidhje me shëndetësinë.

“Në spitalet evropiane nuk drejtojnë patronazhistë dhe as klarinetistë. Drejtorja aktuale e QSUT nuk ka lidhje me sistemin shëndetësor, e cila para disa muajsh erdhi nga Kanadaja. Bëhet fjalë për një paaftësi në drejtim. Në këto 12 vjet që qeveris PS, janë shkatërruar në themel strukturat e sistemit shëndetësor shqiptar. Kam qenë në disa akreditime spitalesh në disa vende të botës, Komiteti i Sigurisë së Spitalit kryen prova në çdo nënsistem të spitalit. Fiket linja dhe kontrollet tjetra. Fiken të dyja dhe kontrollet. Mesa pashë në rrjete sociale, as dritat e emergjencës në korridor në QSUT nuk funksiononin. Pra gjithçka kontrollohet një herë në vit”, u shpreh mjeku.

The post Skandali me ndërprerjen e energjisë në QSUT/ Erion Dasho: E papranueshme, nuk funksiononin as dritat e emergjencës në korridor… appeared first on Albeu.com.

Më në fund shqiptarët u bindën se çfarë është realisht e-Albania, deri javën e kaluar krenaria e kryeministrit tonë butaforik. Një kështjellë letre që u dorëzua përballë sulmit të parë kibernetik i cili bllokoi gjithë shërbimet digjitale të shtetit shqiptar.

Me mendjelehtësinë e vet karakteristike, Borati dje e deklaroi të fituar “luftën” kundër “armikut të ri të padukshëm” dhe ju rikthye optimizmit të tij të zakonshëm.

Në vitin 2007, Estonia ishte shembulli më i spikatur i digjitalizimit në botë. Në muajin prill të atij viti, pas debatit midis qeverive estoneze dhe ruse rreth një monumenti të luftës së dytë botërore, papritur infrastruktura elektronike e Estonisë u gjend e sulmuar dhe e bllokuar.

Analiza e kryer nga ekipet e profesionistëve estonezë dhe e ndihmuar nga NATO arriti në disa përfundime:

Së pari, u zbuluan sulmuesit madje u identifikua edhe një bashkëpuntor estonez i tyre i cili përfundoi pas hekurave.

Së dyti, gjithë programi i digjitalizimit, i cili deri në atë kohë kishte patur si objektiv zhvillimin ekstensiv, funksionalitetet dhe interoperabilitetin, u fokusua tek siguria kibernetike dhe infrastruktura robuste.

Së treti, NATO e ndihmoi në çdo hap Estoninë dhe nën shembullin e këtij rasti të vetëm, hartoi edhe Manualin e Luftës Kibernetike.

Sot, Estonia është ndër vendet më të digjitalizuara në Europë, por jo vendi i cili rend para të tjerëve. Përkundrazi, është një vend që ka një prej shoqërive më të digjitalizuara, por në të njëjtën kohë edhe vendi shembull i sigurisë kibernetike dhe profesionalizmit.

Sot në Estoni madje është krijuar edhe një ndër komunitetet e parë të qytetarëve digjitalë, një prej koncepteve më bashkëkohorë që mendohet edhe si ndër kulmet e çdo programi digjitalizimi.

Shqipëria e Boratit nuk ka asnjë ngjashmëri me Estoninë, as me atë të vitit 2007 dhe, aq më pak me Estoninë e sotme dhe “lufta” e Boratit është më tepër luftë imagjinare me mullinjtë e erës, sesa një luftë e vërtetë kibernetike.

E-Albania është një vepër amatoreske që ka menduar për ndërfaqet (ekuivalenti i fasadave në fushën e digjitalizimit), por as për arkitekturën, as për infrastrukturën dhe, aq më pak, për sigurinë kibernetike.

Personalisht duke njohur digjitalizimin shëndetësor dhe duke bërë analogjinë për rastin e e-Albania kam vite që flas dhe paralajmëroj se e-Albania është thjesht një kështjellë rëre që do të dorëzohet para sulmit të parë kibernetik.

Dhe kështu ndodhi!

Dyshimi im, madje është, se nuk ka qënë as ndonjë sulm serioz, thjesht një vepër amatorësh, apo një pëllëmbë tallëse që një boksier i peshës së rëndë i jep një kalamani që ngjitet në ringun ku luftojnë profesionistët.

Lehtësia me të cilën AKSHI “zgjidhi” problemin është fyese për këdo që fare pak di rreth sigurisë kibernetike.

Për të patur një e-Albania profesionale nevojiten investime serioze në rendin e miliarda dollarëve, një ekip super-profesional në zbatimin e tyre dhe, mbi të gjitha, që ky projekt të mos shihet si mburrje e politikës, por si projekt zhvillimi kombëtar.

Tenderat e e-Albanias nuk mund të jenë qoka për oligarkët, përndryshe “rrugët digjitale” shemben brenda pak muajsh ashtu sikundër edhe rrugët reale.

Digjitalizimi është punë serioze dhe jo punë boratësh! Sa më parë të kuptohet kjo gjë, aq më mirë për shqiptarët të cilët nuk do të shohin emrat, ditëlindjet, pagat, targat dhe çdo informacion tjetër privat në mexhlis!

The post e-Albania një kështjellë letre, digjitalizimi nuk është punë Boratësh appeared first on Albeu.com.

Përmes një statusi në rrjetet sociale, Dasho ngre shqetësimin se hyrja në vend e mutacioneve të rrezikshme mund ta rikthejë sërish epideminë në një kërcënim.

“Duke u përpjekur të provojnë teorinë e tyre të dështuar mbi “rritjen e kurbës” në mes të majit, të paaftët e Komitetit dhe Ministrisë po bëjnë çdo përpjekje, madje edhe po rritin numrin e testeve deri në pikën ku përqindja e pozitivitetit midis të testuarve për herë të parë shkoi 2%!

Nëse do të kishin sadopak profesionalizëm dhe humanizëm, kjo përqindje duhej të ishte synuar në periudhën nëntor-mars, atëherë kur pozitiviteti i afrohej 40%-it dhe nevoja ishte për 10 deri 20 mijë teste në ditë, nga 3-4 mijë që arriti maksimumi. Shqipëria po arrin imunitetin e grupit. Ju, “teoricienët” dhe “kompetentët” që nuk njihni as teorinë dhe as praktikën e shëndetit publik, bëni mirë të fokusoheni te parandalimi i hyrjes në vend të mutacioneve të rrezikshme, të cilët mund ta rikthejnë sërish epideminë në një kërcënim. Testimi i çdo personi para se të hyjë në Shqipëri është domosdoshmëri”, ka vënë në dukje Dasho.

The post Dasho: Të testohet çdo person që hyn në Shqipëri appeared first on Albeu.com.

Mjeku Erion Dasho i është drejtuar me një rekomandim Ministrisë së Shëndetësisë, që të pezullojë përkohësisht fushatën e imunizimit me CoronaVac, për shkak të dy vdekjeve të papritura që e kanë kryer vaksinën.

Mjeku thotë se njërin prej rasteve e ka investiguar personalisht, kësisoj i rekomandon Ministrisë dhe Komitetit të Covid dhe Imunizimit që të pezullojnë vaksinimet derisa vdekjet të provohen si të palidhura me vaksinën në fjalë.

DEKLARATA E PLOTË

REKOMANDIM DREJTUAR MINISTRISË SË SHËNDETËSISË DHE ÇËSHTJEVE SOCIALE!

Për shkak të të paktën dy vdekjeve të papritura midis personave që kanë kryer vaksinën CoronaVac (një prej të cilave rast i investiguar personalisht që humbi jetën një ditë pas vaksinimit), i rekomandoj Ministrisë së Shëndetësisë, Komitetit të COVID dhe Komitetit të Imunizimit të pezullojnë përkohësisht fushatën e imunizimit me CoronaVac deri sa këto vdekje të investigohen dhe të provohen si të palidhura me vaksinën në fjalë.

Kjo thirrje nuk ka aspak qëllim të ngjallë panik dhe të dëmtojë një proces të dobishëm siç është imunizimi ndaj COVID. Thjesht është në përputhje me praktikat e mira ndërkombëtare të farmakovigjilencës.

Dy humbje jete midis rreth 50 mijë të vaksinuarve është një tregues që kërkon kujdes të jashtëzakonshëm!

Mbetem i hapur për të komunikuar me përfaqësues të ministrisë dhe komitetit lidhur me rastin që kam investiguar personalisht.

The post Dy vdekje në Shqipëri pas vaksinimit? Mjeku thirrje qeverisë: Ndërprisni procesin! appeared first on Albeu.com.

Të gjendur përballë pandemisë, frikës për jetën, shqiptarët iu drejtuan farmacive për të kuruar familjarët në shtëpi.

Mjeku Dasho me një reagim të gjatë ka zbuluar peripecitë dhe faturën e shtrenjtë të shqiptarëve që paguan për COVID-19.

Nga Erion Dasho: 

Në muajin shkurt, gjatë të cilit shumë familje shqiptare u shndërruan në spitale, në familjen e një të njohuri u sëmurën katër pjestarë njëkohësisht, fatkeqësisht me komplikacione të niveleve të ndryshme.

Në një moment të caktuar, kur të katër pjestarët e familjes kishin nevojë t’u administrohej një injeksion (dikujt hollues gjaku, dikujt antibiotik, dikujt edhe injeksion intravenoz), vetëm kosto e infermierit ishte 40 mijë lekë në ditë ose 5 mijë lekë për pacient, për vizitë. 320 Euro në ditë vetëm për infermierin në mëngjes dhe në mbrëmje!

Pajisja e prodhimit të oksigjenit u gjet “me mik” dhe me shumë vështirësi me një qira ditore 5 mijë lekë duke sjellë në një muaj një faturë rreth 1,200 Euro.

Nuk po llogarit çmimin e medikamenteve, të cilat përfshinë edhe Remdesivir-in e famshëm të cilin e siguroje në tregun gjysmë të zi sa të hapësh e të mbyllësh sytë kundrejt çmimit 500 Euro për flakon, apo Tocilizumab-in të cilin e gjeje për 1,200 deri 1,500 Euro për flakon.

E pra, unë jetoj në Gjermani, jam mjek, dhe nuk “gjej” dot as Remdesivir dhe as Tocilizumab në farmacitë gjermane! Në se do të kërkoja do të më shihnin me çudi për të kuptuar se ç’kërkon të bëjë një mjek me dy preparate në studim, secili me efekt ende të pakuptuar dhe të paprovuar në ecurinë e COVID-it.

Fatkeqësisht, jo në Shqipëri! Remdesivir-i dhe Tocilizumab-i jepen sot si karamele duke rrënuar xhepat e familjarëve të pacientëve shqiptarë dhe administrohen në shtëpi, ndërkohë që kudo gjetkë janë medikamente strikt për përdorim spitalor dhe protokoll mjekimi shumë të kufizuar.

Borat!

Ti krijove një sistem monstruoz i cili e la pacientin në shtëpi, të sëmurë, të pambrojtur dhe nën grykësinë e përbindëshave makutë dhe spekulantë.

Në spitalet e tua nuk dëgjohej më zëri i mjekëve bluzëbardhë por ai i administratorëve të tu rilindës të cilët u bënë palë me “Tiret” dhe me pjesën më të kalbur të bluzave të bardha.

Sot ata janë bërë miliarderë, Borat! Me një pasuri të ngritur mbi sëmundjen dhe vdekjen! Sepse ata merrnin mijëra Euro për një pacient të shtruar, pavarësisht në se pacienti vdiste apo jetonte!

E vetmja gjë që njerëzit duhet të bëjë në këto momente, është të mos fshihen më pas adresave falso në facebook dhe pas numrave të panjohur në ËhatsApp!

Është koha që familjarët e atyre 9 mijë shqiptarëve që humbën jetën të flasin! Ose edhe a atyre mijëra të tjerëve që shpëtuan por u rropën nga “Tiret”!

Të flasin për babanë që vdiq sepse ikën dritat dhe nuk punonte më aparati i oksigjenit!

Të flasin se megjithëse shpenzuan mijëra Euro për të blerë Remdesivir-in dhe Tocilizumab-in shpesh të dhënë pa indikacion, përsëri të afërmit humbën jetën. Ta denoncojnë ndërmjetësin “bamirës”!

Të denoncojnë infermieren, sanitaren apo koordinatorin “zemërmirë” që kërkonte “gjobën” çdo mëngjes për të çuar një tas supë apo një palë rroba të pastra tek pacienti që ishte duke dhënë shpirt.

Të denoncojnë edhe mjekun që pranonte “dhuratën” qindra apo mijëra euroshe duke marrë pamjen e përdëllyer me shprehjen patetike “Eh, sa u lodhëm, por ja dolëm”!

E pra ky është shteti yt, Borat!

Jo ai i lyeri dhe i mbjellë me bar, por ai që të lë të vdesësh në spital dhe në shtëpi kur nuk ke para për të paguar “Tiret” që nisin tek sanitarja dhe përfundojnë në majë të piramidës që ti ngrite tetë vite rresht!

Turp!

The post Mjeku zbulon dy medikamentet që ”ropën” xhepat e shqiptarëve me Covid-19: Turp! appeared first on Albeu.com.