Një objektiv i ri i polemikave të tij është ish-shoku i ekipit te Milani, Hakan Calhanoglu, i cili pak muaj më parë nuk donte të rinovonte kontratën me “rossonerët” dhe përfundoi duke nënshkruar për Interin.

Ibra sigurisht që ka mendimin e tij për atë që ndodhi këtë verë me lojtarin turk, teksa tregon në librin e tij të ri “Adrenalina”:

“Duhet ta falënderojmë për atë që ka bërë dhe t’i urojmë më të mirat, por edhe nëse tingëllon shumë keq, duhet thënë se Calhanoglu ka përfituar nga një situatë tragjike me atë që ndodhi me Eriksenin në Danimarkë-Finland në Kampionatin Evropian, ai kurrë nuk do të nënshkruante për Interin, asnjë ekip nuk ishte interesuar për të më parë”. /albeu.com/

The post Ibrahimovic sulmon Calhanoglu: Përfitoi nga tragjedia e Eriksenit appeared first on Albeu.com.

Eriksen u rrëzua – pak para pjesës së parë me asnjë lojtar kundërshtar rreth ish-yllit të Tottenhamit dhe mjekët ishin të shpejtë për të bërë CPR shkaku që në ato momente ai kishte pësuar sulm në zemër.

Eriksen u transferua në spital pas disa minutave, ku – në një deklaratë, u njoftua se ai ishte i në gjendje të qëndrueshme dhe loja rinisi pothuajse dy orë pasi u shty.

Sidoqoftë, djali i Schmeichel, Kasper Schmeichel, ishte në portën daneze, nuk beson se kishin opsione tjera për ndeshjen.

Kur u pyet nëse ishte vendimi i lojtarëve, nga një emision britanik, Schmeichel tha: “Epo, ky është një debat interesant”.

“Unë në fakt pashë një njoftim zyrtar nga UEFA dje duke thënë se ata ishin duke ndjekur këshillat e lojtarit, lojtarët insistuan të luanin – e di që nuk është e vërtetë”.

“Ose, si e shihni të vërtetën. Atyre u lanë tre opsione, njëra ishte të luanin menjëherë dhe të merrnin 50 minutat e fundit të luajtura”.

“Tjetra do të vinte dje në 12 të mesditës dhe do të mbaronte 50 minutat dhe opsioni i tretë ishte të humbni ndeshjen në tavolinë me rezultat, 3-0”.

“Pra, vlerësojeni vetë. A është dëshira e lojtarëve për të luajtur? A kishin ata ndonjë zgjedhje me të vërtetë? Unë nuk mendoj se ata kishin”.

“Siç mund ta dëgjoni nga konferenca e djeshme për shtyp, trajneri, ai pendohet seriozisht që i riktheu lojtarët përsëri në fushë”, ka shtuar më tej legjenda daneze

Mjeku i ekipit të Danimarkës, Morten Boesen, më vonë konfirmoi se Eriksen ishte pothuajse i vdekur, por që luftoi që të rikthehej në jetë.

The post Schmeichel konfirmon se UEFA e kërcënoi Danimarkën pas incidentit tragjik të Eriksenit appeared first on Albeu.com.

Turneu me ekipin nacional danez, që i luan tri ndeshjet e grupit në Kopenhagë, është pritur që të ofrojë festë dyjavore në kryeqytet. Shumë kanë shpresuar se Danimarka do të jetë në gjendje të përsërisë suksesin e jashtëzakonshëm të vitit 1992, kur triumfoi në Evropian.

Por atmosfera ndryshoi pasi Erikseni mbeti i shtrirë në terren, pasi pësoi arrest kardiak, gjatë ndeshjes së të shtunës ndaj Finlandës. Papritmas, shumica e gjashtë milionë banorëve të Danimarkës po shikonin drejtpërdrejt në televizor derisa njëri prej sportistëve më të njohur të vendit po i nënshtrohej CPR-së, me shokët e skuadrës që i qëndronin përreth, me lot në sy.

Kryeministri i Danimarkës, Mette Frederiksen, ka folur për “shok nacional”.

“Rrallë ka qenë më pak e rëndësishme nëse një ndeshje futbolli po fitohej apo po humbej”, ka shkruar Frederiksen në Facebook.

Eriksen, i cilësuar gjerësisht si lojtari më i mirë i Danimarkës, u kthye në jetë me defibrilator dhe të hënën gjendja e tij është raportuar stabile. Ai vazhdon të jetë në një spital në Kopenhagë.

Por tronditja kombëtare nuk është shmangur ende.

Kolapsi i Eriksenit mbetet tema numër një e danezëve. Shumë pyesin se si ka mundur t’i ndodhte ajo një lojtari aq të shëndetshëm. Debati vazhdon edhe për atë nëse ndeshja është dashur të anulohej. Pas rrëzimit të Eriksenit ndeshja ishte ndërprerë për 90 minuta, para se të vazhdonte. Finlanda shënoi pas vazhdimit, në pjesën e dytë, dhe fitoi 1:0.

Interesimi i danezëve për të mësuar më shumë për CPR dhe si të përdorin një defibrilator është ngritur në qiell. Një organizatë që merret me defibrilatorët ka thënë se më shumë se 640 persona janë paraqitur vullnetarë për të mësuar se si ta përdorin atë. Fundjavën e kaluar ishin 90 të interesuar, por numri është shumëfishuar pas të shtunës.

Ka edhe zemërim të danezëve ndaj UEFA-s që u ka dhënë vetëm dy opsione lojtarëve – ta përfundojnë ndeshjen atë mbrëmje apo ta luajnë të nesërmen. Lojtarët kanë thënë të hënën se nuk kanë dashur ta vazhdojnë ndeshjen, por kanë vlerësuar se më mirë ishte të luanin të shtunën se të ktheheshin në stadium një dit më pas.

“Nuk ishte dëshira jonë që të luanim”, ka thënë sulmuesi i Danimarkës, Martin Braithwaite. “Ne kishim dy opsione dhe do ta dëshironim të tretin. Por na është thënë se duhet të marrim vendim. Ka pasur shumë lojtarë që nuk ishin në gjendje të luanin ndeshjen. Ishim në vend plotësisht tjetër”.

Shumë debat ka pasur edhe për ndikimin e skenës së rëndë te shikuesit e rinj, që kanë parë një prej lojtarëve të pëlqyer duke qëndruar i shtrirë në fushë. Për fëmijët e papërgatitur një pamje e tillë është si “shuplakë në fytyrë”, ka thënë Ane Lemche, psikologe në organizatën “Save the Children”.

“Dhe fëmijët po ashtu mund të jenë konfuzë. Ai dukej pa shenja jete dhe kjo është e papërshtatshme për një fëmijë”, ka thënë ajo për televizionin danez.

Një organizatë këshilluese për fëmijët ka publikuar këshilla për prindërit në sajtin zyrtar, duke vlerësuar se fëmijët që kanë parë skenën janë të frikësuar, të pasigurt dhe të trishtuar.

Federata e Futbollit të Danimarkës ka shpërndarë njoftimin e organizatës.

“Pamje të tilla është vështirë të largohen nga koka. Disa fëmijë mund të mendojnë shumë për atë gjë dhe mund të ndikohen për kohë të gjatë”, ka shkruar organizata.

The post Kolapsi i Eriksenit, “shok nacional” në Danimarkë appeared first on Albeu.com.