Ajo tregoi tre raste kur këto vajza u përdorën për të zbuluar më shumë rreth automjeteve që përdornin, apo vendeve që frekuentonin, për të mbajtur nën kontroll armikun.

Aida Topalli: “Janë të paktën tre episode të kësaj dosje, ku nga ana e kundërshtarëve mes njëri-tjetrit tentohet që të futen femra për të takuar dhe për të marrë informacione nga kundërshtarët e tyre”.

Kujtim Ibra: “Jo femra, personazhe të njohura biles”.

Aida Topalli: “Nuk mund ta them këtë avokat sepse nuk është cilësuar gjëkundi, ndoshta po të kisha emra patjetër do i etiketoja si personazhe të njohur të mediave. Por duhet theksuar se zakonisht personazhe të tillë nuk shoqërohen me vajza të thjeshta.

Domosdoshmërisht krenaria e tyre është që të jenë vajza o pjesë e shoëbizit, o të njohura ose miniminalisht të jenë vajza të mbajtura, blogere në rrjetet sociale etj”.

Dafina Hysa: Sa janë të përfshira në aktivitete kriminale vajzat?

Aida Topalli: “Unë di një rast kur Arben Ndoka tenton t’i fusë një vajzë, ose një nga anëtarët e grupit të Ndokës tenton t’i fusë një vajza Durim Bamit. Një rast tjetër kur Ervis Martinaj tenton t’i fusë një vajzë shokut të ngushtë të Durim Bamit. Këto citohen në dosje por nuk qartësohen sepse ne nuk disponojmë të dhënat që prokuroria ka.

Vetëm një pjesë të vogël të vendimit të zbardhur, kështu që nuk di deri ku ka shkuar roli i këtyre dy episodeve. Në një episod tjetër Erigers Mihasi kontrakton një mikeshë të tij, pa emra, nuk flitet me emra në mesazhet e transkriptuara dhe i thotë të lidhë kontakt me Leonard Dukën.

Vajza lidh kontakt me Leonard Dukën, takohen. Leonard Duka i shoqëruar edhe nga një prej miqve të tij, ulen në një restorant në zonën e Dajtit, dhe konsumojnë një darkë së bashku me vajzën që kishte kontraktuar e Erigers Mihës apo siç njihet ndryshe si një nga krahët e djathtë që ka pasur Ervis Martinaj. Kjo e fundit merrte informacione, sigurisht jo informacione të klasit të parë, jo të klasifikuara, por informacione për automjetet që përdornin, për vendet që frekuentonin etj që grupet kundërshtare të kishin mundësi të dinin se ku të fokusoheshin me ruajtjet e tyre dhe çfarë makinash të ruanin.

Këto vajza kishin një rol dytësor dhe në asnjë moment, të paktën referuar atyre që lexohen, nuk e dinin që arsyeja pse po i takonin këto personazhe, kishin për qëllim mbledhjen e informacioneve dhe të të dhënave për grupet kundërshtare me qëllime kriminale, pra për të ekzekutuar personazhet ku hynin dhe bënin pjesë”.

The post Femrat VIP në botën e krimit/ Si mikesha e Erigers Mihasit u takua me Leonard Dukën për ta futur në “kurth”, gazetarja zbulon detaje… appeared first on Albeu.com.

Albeu.com ka mundur të sigurojë videon ku shihet se Erigers Mihasi del nga shtëpia dhe hyn sërish duke vrapuar.

@albeu.com Videoja e fundit e shokut te Ervis Martinajt, Erigers Mihasi para se te ekzekutohej #erigersmohasi #albeu #ervismartinaj #astir #martinaj #ervis #audi #tirana #albania ♬ Дикая львица – ALEX&RUS

Kujtojmë se ekspertët kanë bërë të ditur  se atentatorët kanë goditur 40 herë ndaj 32-vjeçarit dhe 26-vjeçarit. Nga këto goditje me kallashnikov, 13 plumba goditën Mihasin, ku kanë rezultuar fatale dy plagët në qafë. Ndërsa viktima tjetër, Armando Dumani u qëllua me katër plumba.

Ngjarja e 13 nëntorit tronditi Tiranën duke rikthyer edhe sërish atentatet mafioze. Hetuesit po hetojnë si motivin kryesor mes bandave kriminale. Mendohet se në këtë atentat kanë marrë pjesë 3 persona: Dy atentatorët dhe shoferi. Pas krimit, u gjet në Thumanë një automjet i djegur, ku brenda makinës ishin futur dhe dy kallashnikovë.

Erigers Mihasi u vra vetëm 24 orë pasi ishte kthyer nga Gjermania. Ndërkohë pritet të zbardhen të tjera detaje që çuan në vrasjen e dy të rinjve në Astir./albeu.com

The post Shoku i Martinajt doli nga shtëpia por u kthye sërish, momentet e fundit të Erigers Mihasi para se të ekzekutohej (VIDEO) appeared first on Albeu.com.

Ka qenë familja e Ervis Martinajt, e cila ka kallëzuar në polici humbjen e kontakteve me të shumëkërkuarin e policisë.

Kallëzimi është bërë ditën e djeshme nga Faik Martinaj, xhaxhai i 40 vjeçarit, i cili ka pretenduar se nuk kanë pasur asnjë kontakt me të.

Kujtojmë se ai është ën kërkim pas dëshmisë së të penduarit të drejtësisë, Nuredin Dumani, i cili tha më herët se Martinaj kishte porositur vrasjen e Endrit Dokles, e cila nuk u realizua kurrë.

Martinaj eshte ne kerkim pasi sipas deshmise se te penduarit te drejtesise Nuredin Dumani kishte urdhëruar vrasjen e Endrit Dokles, atentat qe nuk u realizua.

Gjithashtu sjellim në kujtesë së kushëriri i tij Brilant Martinaj, së bashku me dy miqtë e tij, Dikler Vata dhe Besmir Hoxha u ekzekutuan në atentatin e ndodhur në mbikalimin e Fushë-Krujës.

Edhe shumë miq të tjerë të tij janë vrarë, duke nxjerrë në pah armiqësitë e shumta të Martinajt.

Ka qenë fillimisht Santiago Malko, i cili u ekzekutua pas ngjarjes së Bllokut, më pas u ekzekutua Erigers Mihasi e në fund kushëriri i tij, Brilanti, së bashku me 2 miqtë e tij./albeu.com/

The post Sot Ervis Martinaj u shpall i zhdukur, kush po “e përpin” grupin e tij? Misteri pas ngjarjeve tragjike appeared first on Albeu.com.

Ekzekutimi në 13 nëntor 2021, i Armando Dumanit dhe Erigers Mihasit, ka hapur dosjen penale në Gjirokastër, e cila flet mbi rrethanat e arrestimit dhe lirimit brenda 6 muajve të Mihasit.

Ndaj këtij të fundit deri ditën e ekzekutimit në Tiranë, qëndronte hapur një çështje penale, që bën fjalë për grabitjen me dhunë e plagosjen e rëndë, të dy prindërve të Elton Çiços, në Tepelenë.

Inspektorati i Lartë Drejtësisë, ka nisur verifikimet për të mësuar, nëse ka pasur interpretim të gabuar të provave nga prokurori i çështjes, Emëror Kasaj, apo qoftë dhe nga ish-gjyqtari Pëllumb Vebiu, që ka urdhëruar në fund lirimin nga burgu të Erigers Mihasit.

Situata në këtë rast është më e rëndë se kaq. Dokumentacioni i siguruar dëshmon se avokati, Edison Hasanbashaj, që mbronte Mihasin, rezulton të jetë dhe avokati personal i prokurorit të çështjes, Emëror Kasaj.

Kjo lidhje, krijon një konflikt të pastër të interesit në proces gjyqësor, pasi i njëjti avokat, mbron interesat ligjorë të prokurorit, në një çështje penale që flet për mashtrim dhe që aktualisht ndiqet nga prokuroria e Tiranës.

Prej vitit 2019, periudhë kur është arrestuar dhe Erigers Mihasi, prokurori Kasaj, ka kallëzuar në prokurorinë e Tiranës, shtetasin Maurizio Lombi, duke e akuzuar këtë të fundit për veprën penale të “Mashtrimit me shuma të mëdha”.

Çështja penale është regjistruar në Tiranë dhe dosja mban Numrin 524. Sipas dokumentacionit, avokati i Erigers Mihasit, mbron edhe prokurorin Kasaj, në muajin korrik 2019, i cili kërkoi në gjykatë zëvendësimin e masës së sigurisë nga “arrest në burg” në “Detyrim paraqitje pranë policisë gjyqësore”.

Për më tepër që në muajin Mars 2021, prokurori i Gjirokastrës, depozitoi në gjykatë kërkesën për pushimin e hetimeve për tre akuza të rënda ndaj Mihasit.

Kjo kërkesë u refuzua nga gjykata e Gjirokastrës,e cila urdhëroi kthimin e dosjes në prokurori me qëllim vijimin e hetimeve për një periudhë 3 mujore.

Por tashmë pas vrasjes së Mihasit, hetimi ndaj tij do pushohet për shkak se nuk mund të kryhet veprime hetimore apo qoftë dhe të ngrihet akuzë penale, ndaj një personi që ka ndërruar jetë./Ora News/

The post U “mbushën” me plumba brenda Audit luksoz, avokati i Erigers Mihasit dhe prokurori i dosjes në konflikt interesi! ILD nis verifikimet (FOTO LAJM) appeared first on Albeu.com.

Që në orët e para pas atentatit u përfol për një lidhje të mundshme mes vrasjes së Santiago Malkos dhe Mihasit të cilët konsideroheshin persona shumë të afërt me njëri tjetrin.

Mbrëmjen e sotme është publikuar një foto e vitit 2011 ku të ndjerët Santiago Malko dhe Erigers Mihasi shihen në shoqerinë e njëri-tjetrit.

Fotoja është publikuar në emisionin “Shënjestër”.

“Erigers Mihasi njihej edhe si miku i Santiago Malkos. Ish-policit të ekzekutuar, më 28 gusht 2019, në rrugën ‘Xhanfize Keko’, në zonën e Xhamllikut në Tiranë.

Mihasi e konsideronte Santiago Malkon si vëllain e tij. Informacionet thonë se ai u betua se do të merrte hak për vrasjen e tij…”- tha gazetari duke hedhur dyshime mbi motivet e vrasjes së tij në Astir. /albeu.com/

The post Zbulohet lidhja! Në krah të njëri-tjetrit në 2011, Erigers Mihasi do të merrte hak për Santiago Malkon (FOTO LAJM) appeared first on Albeu.com.

Në pamje e siguruar nga emisioni “Në shënjestër”, duket automjeti tip “Audi” i bardhë me të cilin lëvizte Mihasi dhe Dumani, ndërsa nga pas afrohet makina e autorëve dhe nga sedilja e pasme qëllohet në një distancë të afërt në pjesën anësore të makinës së viktimave. 13 plumba janë zbrazur vetëm mbi 32-vjeçarin Mihasi.

Ata janë ndjekur për disa metra nga autorët që kanë qëlluar nga njëra anë e “Audit” luksoz të identifikuar dhe me targat EM (Erigers Mihasi), i cili ishte shënjestra e atentatit.

“Audi” i bardhë, ku udhëtonin Erigers Mihasi dhe Armando Dumani, ka ulur shpejtësinë teksa i afrohej zonës së njohur si ‘Dy rrathët’, ndërsa ora shënonte 19:26 minuta.

Në këtë moment, siç vihet re, në krah të makinës së viktimave vjen makina e autorëve, një automjet tip “Toyota” me ngjyrë të zezë nga ku autorët fillimisht e qëllojnë makinën e viktimave nga pas dhe më tej i dalin makinës së viktimave në krahun e pasagjerit, ku e qëllojnë sërish me breshëri kallashnikovi.

Krimi ndodh në pak sekonda. Siç vihet re nga pamjet, autorët janë ndihmuar të kryejnë atentatin edhe për faktin që pikërisht në atë moment, korsia ka qenë e lirë.
Pas krimit shihet një autobus që ndalon dhe qytetarët të alarmuar që zbresin. /BW/

The post Dalin pamjet! Si ndodhi atentati ndaj dy shokëve në Astir, vrasësit qëlluan me breshëri nga mbrapa “Audin” (VIDEO) appeared first on Albeu.com.

Për autoritetet ka dëshmuar një mik i Mihasit, i cili thotë se ai ruhej shumë nga ndonjë sulm i mundshëm.

“Erigersi kujdesej për të gjitha lëvizjet që bënte. Prej kohësh evitonte qëndrimet në ambientet publike dhe ishte vigjilent kudo që lëvizte. Të vetmet vende që qëndronte ishin rreth zonës ku kishte shtëpinë, me njerëz që u besonte”, ka qenë kjo është dëshmia para hetuesve e njërit prej miqve të Erigers Mihasit.

Kush është Erigers Mihasi dhe Armand Dumani

Erigers Mihasi tre vite më parë u shoqërua për t’u marrë në pyetje lidhur me ngjarjen e ndodhur në lokalin Monopol, në ish-Bllok. Më herët ai është arrestuar edhe si person i dyshuar për grabitjen, plagosjen, vjedhjen dhe torturimin e prindërve të Elton Çiços në Tepelenë, por gjykata e liroi nga qelia për mungesë provash. Ai ishte mik i ngushtë me Santiago Malkon, ish- policin e vrarë në Porcelan më 27 gusht 2019, me të cilin dyshohet se kanë qenë autor të plagosjes me armë ndaj kushërinjve Rivelino dhe Juxhin Mumajesi në Tiranë në 2018, ku nga sulmi mbeti i plagosur edhe shoku i tyre Ibrahim Durollari. Emri i Mihasit lidhet ngushtë edhe me plagosjen e Rudolf Tomës, në 2017, ky i fundit punonjësi bashkisë së Kurbinit. Erigres Mihasi është shok i Ervis Martinajt.

Armand Dumani vetëm 26 vjeç, ishte pasagjer në makinën e Mihasit ku ndodhi vrasja dhe mësohet se pikërisht plumbat kanë ardhur nga kahu i tij duke humbur jetën në vend.

I riu nuk është një emër i panjohur për policinë e Shtetit pasi mësohet se ka kryer grabitje në një bankë të nivelit të dytë, nën kërcënimin e armës./albeu.com

The post Vrasja e dy të rinjve në Astir, flet miku i Erigersit: Ruhej te lëvizjet që bënte dhe shmangte ambientet publike appeared first on Albeu.com.

Policia vijon hetimet në lidhje me vrasjen e dyfishtë në zonën e Astirit.

Efektivët kanë ushtruar kontroll në shtëpinë e Elvis Gacaj, anëtar i klanit Duka, si një person i dyshuar që mund të ketë informacion për ngjarjen e rëndë.

Por gjatë kontrollit në banesën e këtij të fundit, bashkëshortja ka thënë se ai ka ikur për peshkim jashtë Tiranës dhe se nuk mban telefon me vete.

Vrasja e dyfishtë ndodhi mbrëmjen e së shtunës në zonën e Astirit në Tiranë, ku Erigers Mihasi dhe Armando Dumani u ekzekutuan me breshëri kallashnikovi nga persona të paidentifikuar, teksa po udhëtonin me mjetin tip “Audi A7”, i cili drejtohej nga 32-vjeçari Mihasi./albeu.com/

The post “Ka ikur për peshkim!” Policia kontroll në banesën e Elvis Gacajt për vrasjet në Astir, bashkëshortja çudit efektivët appeared first on Albeu.com.

Sipas ekspertëve, është bërë e ditur se atentatorët kanë goditur 40 herë ndaj 32-vjeçarit dhe 26-vjeçarit. Nga këto goditje me kallashnikov, 13 plumba goditën Mihasin, ku kanë rezultuar fatale dy plagët në qafë.

Ndërsa vijtima tjetër, Armando Dumani u qëllua me katër plumba.

Ngjarja e 13 nëntorit tronditi Tiranën duke rikthyer edhe sërish atentatet mafioze. Hetuesit po hetojnë si motivin kryesor mes bandave kriminale.  Mendohet se në këtë atentat kanë marrë pjesë 3 persona: Dy atentatorët dhe shoferi. Pas krimit, u gjet në Thumanë një automjet i djegur, ku brenda makinës ishin futur dhe dy kallashnikovë.

Erigers Mihasi u vra vetëm 24 orë pasi ishte kthyer nga Gjermania. Ndërkohë pritet të zbardhen të tjera detaje që çuan në vrasjen e dy të rinjve në astir./albeu.com/

The post DETAJET/ Audi luksoz në Astir u bë “shoshë”, qitësit goditën 40 herë! 13 plumba shpuan Mihasin appeared first on Albeu.com.

Mihasi i lakuar në disa ngjarje kriminale, ishte pjesë e një grupimi djemsh që shpesh herë u kthyen protagonist të disa krimeve në Tiranë dhe jo vetëm.

Kohët e fundit ai ishte përpjekur të shkëputej nga rruga e keqe ku kishte hyrë, duke frekuentuar si besimtar mysliman xhaminë e Tiranës.

Për policinë e Tiranës, shënjestër e këtij atentati mafioz është pikërisht, Erigers Mihasi.

Ndërsa miku i tij, ka qenë rastësisht në automjet.

Burime të policisë thanë se vrasja lidhet për shkak të “luftës” së lindur mes bandave në Tiranë, ku padyshim janë krijuar disa viktima.

Fabian Gaxha, Santiago Malko dhe Erigers Mihasi, janë këto viktimat e kësaj “lufte”, që lindi fill pas ngjarjes së 4 Tetorit 2018 në ish-bllok dhe që tashmë nuk dihet se ku e ka fundin. Biznesi i kazinove, trafiku i kokainës që më pas u përzie edhe me vrasje, ka sjellë një përleshje të egër mes tre grupeve kriminale që veprojnë në Tiranës.

Policia thotë jo zyrtarisht se dy grupe kryeqytetase kanë lidhur aleancë, kundër një grupi të vetëm, ku bënte pjesë dhe Erigers Mihasi.

Anëtarë të hetimit pasditen e djeshme kanë arritur të sigurojnë pamjet e një filmuara nga një kamera sigurie, që është instaluar nga kompania “Salillari”, shkruan ora news.

Pikërisht kjo kamer besohet se ka filmuar të gjithë situatën para dhe pas kryerjes së krimit.

Në filmime duket qartë momenti kur automjeti tip “Toyota” ndjek nga afër “Audin A8”, që më pas do të qëllohej me mbi 30 plumba, duke lënë të vdekur në vend, Armando Dumanin dhe Erigers Mihasin.

Ky i fundit kishte vetëm 24 orë që ishte kthyer nga Gjermani në Shqipëri.

Autorët me sa duket e kanë survejuar përgjatë gjithë ditës së djeshme, duke bërë ekzekutimin në mbrëmje.

The post Ekzekutimi i dy të rinjve në Astir, pista kryesore: Lufta mes bandave të Tiranës, fillesa në ish-Bllok appeared first on Albeu.com.