9-vjeçarja Ergesa, është e vetmja që një ditë më parë u gjend krejt rastësisht në ujë nga një peshkatar i zonës i cili njoftoi më pas policinë e Shkodrës.

Gazetari Elton Qyno, raporton se babai i Ergesës, Erdgys Arrazi, i cili momentalisht ndodhet i arrestuar ka kërkuar disa orë lejë në policinë lokale, me qëllim për t’u shoqëruar në ceremoninë e varrimit të vajzës.

Kërkesa i është bërë policisë së Shkodrës dhe më pas ajo i është përcjellë Drejtorisë së Përgjithshme të Burgjeve dhe Prokurorisë së Shkodrës.

“…por për shkak të sistuatës së tensionuar që ndodhet në familje dhe faktit që ditën e nesërme Erdgys Arrazi, del para gjykatës së Shkodrës për tu njohur me masën e sigurisë, kërkesa për dhënien e lejes disa orëshe me qëllim marjen pjesë në ceremoninë e varrimit të vajzës, është refuzuar….”,-tha një burim pranë prokurorisë.

Aktualisht, kërkimet e policisë lokalë forcave të ushtrisë dhe vetë banorët e zonës, vijojnë në brendësi të lumit Buna, me shpresën e gjetjes së trupave të Almës, bashkëshortes së Edgys Arrazit dhe dy fëmijëve të tjerë të çiftit Arrazi.

The post Kërkoi leje për të marrë pjesë në varrimin e vajzës, prokuroria refuzon kërkesën e Ergys Arrazit appeared first on Albeu.com.

Sot do të përcillet drejt banesës së fundit vogëlushja, trupi i së cilës u gjet dje nga një peshkatar i zonës.

Po ashtu ajo mëson se familjarët e bashkëshortit të Alma Arrazit deklarojnë se Ergysi nuk ka ushtruar kurrë dhunë ndaj fëmijëve dhe se i adhuronte ata.

Ata pohojnë se çifti kanë pasur probleme mes tyre, por se Ergys Arrazi nuk i keqtrajtonte.

“Ai i adhuronte fëmijët. Nuk do t’i bënte kurrë keq atyre. Punonte gjithë ditën në servis celularësh që t’i çonte në shkollë private. Me nusen mund të kishte probleme, por ajo kurrsesi nuk duhet t’ua bënte këtë fëmijëve. Këtë nuk ja falim”.

Ata pohojnë se çifti është njohur me dashuri dhe kanë kaluar shumë mirë, por prej kohesh nusja merrte ilaçe tek ambulanca e lagjes për gjendjen e saj jo të qetë emocionale.

Ndërkohë, kërkimet vijojnë për të gjetur trupat e nënës dhe dy fëmijëve të tjerë, por ende pa rezultat.

Policia ka sekuestruar pamje të kamerave të sigurisë, ku shihet Alma Arrazi me 3 fëmijët duke pirë kafe në një lokal pranë urës së Bunës.

Por më pas nuk është kapur në asnjë kamera sigurie.

The post Nëna me 3 fëmijët u hodhën në lumin Buna, flasin familjarët e Ergys Arrazit: Nuk ja falim asaj që sakrifikoi fëmijët appeared first on Albeu.com.

Alma Arrazi 39-vjeçe, dyshohet se është vetëmbytur në lumin Buna bashkë me tre fëmijët e saj të mitur.

Ngjarja dyshohet se ka ndodhur shkak për të dhunës psikologjike dhe fizke të bashkëshortit të saj, Ergys Arrazi 31-vjeç.

Ndërsa dje u gjet trupi i pajetë i njërit nga prej tre fëmijëve të mitur.

Lidhur me ngjarjen tronditëse gazetari Esido Barkaj, thotë se operacioni i këkrimit për trupat e dy të miturve dhe të 39-vjeçares vazhdojnë edhe sot, por për fat të keq ende pa rezultat, për shkak të shtrirjes së lumit Buna, i cili derdhet në detin Adriatik.

Barkaj thotë se në trupin e 9-vjeçares që u gjet dje, nuk është gjetur asnjë shenjë dhune dhe se nga ekspertiza  ka rezultuar se vdekja ka ardhur nga mbytja.

Dyshimet e policisë së Shkodrës, janë shtuar me shumë ndaj 31-vjeçarit në momentin kur atij i është komunikuar se e bija 9-vjeçare është gjetur e pajetë.

Barkaj tregoi se reagimi i Ergys Arrazit kur mësoi se e bija kishte vdekur, ishte tepër i ftohtë.

Ndërsa në dëshminë e tij ai ka mohuar kategorikisht të ketë ushtruar dhunë në familje, ndërsa ka pretenduar se bashkëshortja e tij vuante nga probleme të shëndetit mendor.

Sipas informacioneve të gazetarit, mendohet se Arrazi kishte lidhje jashtëmartësore.

Esido Barkaj: “Është ngjarje më tepër e trishtë dhe e rëndë që ka tronditur të gjithë Shqipërinë. Nga informacionet e fundit, vijojnë ende kërkimët për gjetjen e tre trupave të tjerë nënës dhe dy fëmijëve, por ende pa rezultat deri në këto momente…9-vjeçarja që u gjet dje është dërguar në morg dhe është konstatuar se nuk ka shenja dhune, dhe se është vetëmbytur.

Ka qenë vetë bashkëshorti i dyshuar se ka shkaktuar dhunë fizike dhe piskologjike ndaj të resë..kërkimet kanë zgjatur deri në orët e vona të natës nga ura e Bunës dhe në grykëderdhjen lumit Buna. Në momentin që e bija u gjet e vdekur 31-vjeçari s’ka bërë asnjë lloj reagimi, kjo ka tronditur policinë e Shkodrës…por ai ka thënë se nuk ka ushtruar dhunë ndaj fëmijëve por ka thënë se bashkëshortja kishte probleme mendore…por nuk është provuar deri më tani që Alma vuante nga sëmundje mendore apo depresioni. Ata prej disa muajsh kishin probleme, ai shpes i kërkonte që të largohej…dyshohet që kishte një lidhje jashtëmartësoore, kjo mbase e ka shtyrë të marrë aktin ekstrem”.

The post Nëna u mbyt me tre fëmijët në lumin Buna, gazetari zbulon dëshminë e Ergys Arrazit: Gruaja ime kishte probleme mendore… appeared first on Albeu.com.