Në shkelje të hapur me detyrën, gjë që konfirmohet dhe nga vetë SPAK, Hyseni raportonte te Agasi për lëvizjet dhe takimet e saj të punës, duke shkelur sekretet hetimore.

Por jo vetëm kaq, teksa paralajmëronte për rrezikun që të dy i kanoste, ish-kreu i SHISH shkonte më larg, duke kërcënuar se ata që u kishin bërë keq do e paguanin.

“Nga përmbajtja e komunikimeve mes tyre rezulton ekzistenca e një lidhjeje personale dhe e vazhdueshme, e cila ka vijuar edhe gjatë kohës kur shtetasi Ergys Agasi ka qenë i shpallur në kërkim nga drejtësia.

Në disa prej komunikimeve, shtetasja Vlora Hyseni identifikohet drejtpërdrejt me interesat e Ergys Agasit kundrejt organeve të drejtësisë që po e ndiqnin penalisht, duke përdorur shprehje si;

“Krejt këta njerëz që na kanë bërë çka na kanë bërë dua që të paguajnë”. “Zemër, thjesht duhet të koncentrohemi te halli jot..
“Të gjithë ne”.

“Do përfundojmë keq, shpirt”.

Këto komunikime, të vlerësuara në tërësinë dhe në kronologjinë e tyre, tregojnë jo thjesht një lidhje personale, por identifikimin e shtetases Vlora Hyseni me qëndrimin dhe interesat e personit nën hetim ndaj procedimit penal që zhvillohej kundër tij, si dhe gatishmërinë e saj për t’i qëndruar pranë e për ta ndihmuar gjatë kohes që ai ishte në kërkim, duke vënë kështu në dispozicion cilësinë e saj zyrtare dhe kapacitetet institucionale qe drejton.

Në këtë linjë veprimi ajo shpreh jo vetëm solidaritet, por edhe gatishmërinë për ta ndihmuar. Në një bisedë mes tyre, para arrestimit së shtetasit Ergys Agasi, ajo i Shkruan këtë mesazh: “Zemër thjesht duhet te koncentrohemi te halli jot Të gjithë ne”.

Shtetasja Vlora Hyseni, nga numri +38****** i dërgon mesazhin “Çfarë na bene o Zot”. Po kështu, në vijim të komunikimeve, në shkelje të rëndë të detyrës, Vlora Hyseni, tregon se do te takohet me Kryeministrin dhe sa kohë do rrijë tek ai.

“Po me presin me shku te km…. Jo mo zemer une nje ore nuk rri me shume me ate”.

Më datë 24.08 2026

Solidarizimi me personin në kërkim Ergys Agasi pasqyrohet edhe në mesazhet e datës 22.08.2026 ku Vlora Hyseni i shkruan: “Sa sh gjëra na kanë bërë ne…. Te gjitha shpirt… O shpirt. Kjo është një situatë që do ja hedhim… Problemi është koha… Sa konsistencë kemi.”.

Në vijim të komunikimeve, shtetasja Vlora Hyseni, ndan dhe informacion paraprak duke i shkruar personit nën hetim Ergys Agasi; “Taulant Balla kryetar Kuvendi…. Kështu janë infot… Bela me Taon shoku” (nënkuptohet deputeti Taulant Balla dhe deputetja Belinda Balluku)”, thuhet në dosjen hetimore.

The post Zbardhen bisedat mes ish-kreut të SHISH dhe Ergys Agasit, Vlora Hyseni: Do të përfundojmë keq o shpirt, ata që ç’na kanë bërë, dua që të paguajnë… appeared first on Albeu.com.

Pas seancës gjyqësore, GJKKO ka caktuar ndaj tij masën e sigurisë “arrest në burg”, duke e lënë kështu pas hekurave në vijim të hetimeve.

Ndaj Shpatarakut, SPAK ka ngritur akuzën për veprën penale “Përkrahja e autorit të krimit”.

Kujtojmë se më 26 gusht në zonën e Plepave në Durrës, Shpataraku u kap duke drejtuar automjetin me të cilin udhëtonte Ergys Agasi, i shpallur në kërkim nga drejtësia dhe që ndodhej prej rreth 8 muajsh në arrati.

Menjehere pas arrestimit, u kryen edhe kontrolle në banesën e Shpatarakut në kryeqytet, ku sipas raportimeve, atij i është sekuestruar arsenal armësh. Konkretisht 3 pistoleta, 2 armë tip shotgun dhe 2 pushkë, të cilat ai i posedonte me leje.

The post U arrestua nën shoqërinë e Ergys Agasit, GJKKO lë në burg ish-zyrtarin e policisë, Uljan Shpataraku appeared first on Albeu.com.

Në një përgjigje zyrtare për Top Channel, Policia e Shtetit, konfirmon se ndaj dy efektivëve ka nisur hetim disiplinor për “shkelje të rëndë”, pas verifikimeve për nxjerrjen dhe publikimin e fotografive.

Policia sqaron se pamjet nga momenti i arrestimit dhe jashtë Drejtorisë Vendore të Policisë Tiranë, janë realizuar nga kalimtarë dhe jo nga strukturat e saj.

Por për fotografitë nga ambientet e brendshme, hetimi vazhdon dhe disa pyetje mbeten ende pa përgjigje: kush i realizoi, kush i nxori jashtë Policisë dhe çfarë roli konkret kanë dy efektivët e pezulluar?

Vetë Policia përcakton se materialet e përfituara për shkak të detyrës dhe të paautorizuara për publikim, kur rezultojnë të nxjerra në mënyrë të kundërligjshme, sjellin përgjegjësi.

Pezullimi i dy efektivëve është hapi i parë. Përfundimi i hetimit duhet të sqarojë jo vetëm nëse pati shkelje, por kush ishte përgjegjës për të.

The post Fotot e Ergys Agasit nga ambientet e brendshme të Policisë/ Pezullohen dy efektivë, hetimi ende pa autor appeared first on Albeu.com.

Sipas tij, mbrojtja nuk mund të ngrejë pretendime konkrete pa pasur akses në aktet e dosjes.

Avokati tha se Agasi pretendon se nuk ka përgjegjësi juridike në lidhje me akuzat që po hetohen, ndërsa argumentoi se klienti i tij nuk ka pasur funksione shtetërore që lidhen me menaxhimin e financave publike dhe se nuk ka marrë pjesë në tendera publikë.

“Ky është një takim i parë që përgatitemi për procesin lidhur me verifikimin e masës që është arrest me burg. Ne duam dosjen. Është e turpshme sepse edhe pse kemi bërë kërkesë, i jemi drejtuar ILD që na është mohuar një e drejtë, sepse pa dosje nuk mund ngremë me pretendim. Zoti Agasi pretendon se është jashtë çdo ngarkese juridike. Ai pretendon dhe është fakt që ai nuk ka prekur financat publike, sepse nuk ka qenë në funksionet e autoriteteve që menaxhojë financa publike. Nuk ka marrë pjesë as në tendera publike”, tha avokati.

The post Arrestimi i Ergys Agasit, flet avokati Maks Haxhia: Nuk ka marrë pjesë në tendera dhe s’ka prekur financat! Duam dosjen appeared first on Albeu.com.

Mësohet se SPAK i ka sekuestruar edhe një automjet luksoz, ‘Land Rover Defender’, i cili ishte i parkuar në garazhin e një prej vilave te “Equos Resort”.

Agasi u arrestua dje (26 gusht), ndërsa ishte shpallur në kërkim nga SPAK në dhjetor 2025.

Ai u lokalizua teksa udhëtonte me një automjet, së bashku me ish policin, Uljan Shpataraku, i cili gjithashtu u arrestua gjatë operacionit.

Sipas SPAK, ai dyshohet për një sërë veprash penale në kuadër të hetimit për procedurat e prokurimit të AKSHI-t, përfshirë konkurrencën e paligjshme përmes dhunës, heqjen e paligjshme të lirisë, shkeljen e barazisë në tendera dhe pastrimin e produkteve të veprës penale.

Akuzat ndaj Agasit

Siaps Prokurorisë së Posaçme ndaj Ergys Agasit rendojne 7 akuza, “Konkurrenca e paligjshme nëpërmjet dhunës”, “Heqja e paligjshme e lirisë”, “Shkelja e barazisë së pjesëmarrësve në tendera apo ankande publike” e kryer në formën e veçantë të bashkëpunimit atë të grupit të strukturuar kriminal dhe “Grupi i strukturuar kriminal”, “Kryerja e veprave penale nga organizata kriminale dhe grupi i strukturuar kriminal”, si dhe “Pastrimi i produkteve të veprës penale ose veprimtarisë kriminale” dhe “Korrupsioni aktiv i personave që ushtrojnë funksione publike”.

Njoftimi djeshëm (26gusht ) i SPAK për arrestimin e Agasit

Pas një pune disa javore në bashkëpunim të ngushtë me strukturat operacionale të specializuara të Policisë së Shtetit dhe Byrosë Kombëtare të Hetimit, sot më datë 26.8.2026, u bë i mundur arrestimi i shtetasit Ergys Agasi, në hyrjen jugore qytetit të Durrësit, në zonën e Plepave, në autostradë. Në momentin e arrestimit ky shtetas shoqërohej nga shtetasi, U. Sh, ish punonjës policie, i cili është arrestuar në flagrancë për veprën penale “Përkrahja e autorit të krimit” e parashikuar nga neni 302/2 i Kodit Penal.

Prokuroria e Posaçme Kundër Korrupsionit dhe Krimit të Organizuar vijon hetimet për procedimin penal nr. 20/1 të vitit 2025, për të cilin, më datë 05.12.2025, ka regjistruar edhe emrin e shtetasit Ergys Agasi. Ky shtetas po hetohet për kryerjen e veprave penale: “Konkurrenca e paligjshme nëpërmjet dhunës”, “Heqja e paligjshme e lirisë”, “Shkelja e barazisë së pjesëmarrësve në tendera apo ankande publike” e kryer në formën e veçantë të bashkëpunimit atë të grupit të strukturuar kriminal dhe “Grupi i strukturuar kriminal”, “Kryerja e veprave penale nga organizata kriminale dhe grupi i strukturuar kriminal”, si dhe “Pastrimi i produkteve të veprës penale ose veprimtarisë kriminale” të parashikuara nga nenet 110, 170/b e 28/4, 258, 287 dhe 333/a dhe 334 të Kodit Penal, “Korrupsioni aktiv i personave që ushtrojnë funksione publike”, të kryer në bashkëpunim, më shumë se një herë, parashikuar nga neni 244 paragrafi i dytë i K. Penal.

Ndaj personit nën hetim dhe konkretisht shtetasit Ergys Agasi, me vendimin nr. 125 datë 15.12.2025, të Gjykatës së Posaçme të Shkallës se Pare Për Korrupsionin dhe Krimin e Organizuar, është caktuar masa e sigurisë “arrest në burg”, parashikuar nga neni 238 i K. Pr. Penale. Vendimi i gjykatës është dërguar menjëherë për tu ekzekutuar nga strukturat e Policisë së Shtetit me shkresën nr. 43104 prot, dt.17.12.2025.

The post Pas arrestimit, SPAK i sekuestron Ergys Agasit edhe makinën luksoze, e kishte fshehur në garazhin e një vile appeared first on Albeu.com.

Burime pranë këtij institucioni, thanë se kanë pranuar dosjen që iu përcoll për kompetencë nga prokurori Bledar Valikaj, i cili ka arritur në konkluzionin se vera është produkt i veprimtarisë kriminale ku është përfshirë Agasi, raporton gazetarja Klodiana Lala.

Vera u sekuestrua nga SPAK në kuadër të kontrolleve që u kryen në pronat e Ergys Agasit, kur ai u shpall në kërkim bashkë me Ermal Beqirin, si të dyshuar si krerët e një grupi kriminal që rrëmbente biznesmenëve dhe i detyronin të tërhiqeshin nga tenderat e Agjencisë Kombëtare të Shoqërisë së Informacionit.

Malli i sekuestruar iu la në ruajtje kushëririt të të shumëkërkuarit, por kur të nesërmen autoritetet doganore shkuan për ta marrë dhe magazinuar, konstatuan se vera ishte zhdukur.

Kushëriri i Agasit, po hetohet nga prokuroria e kryeqytetit për veprime që pengojë zbardhje e së vërtetës, pasi nuk tregon se ku i dërgoi shishet e verës.

Sipas aktit të ekspertimit, rezulton që vlera të jetë 1.4 mln euro, por kjo vlerë e verës rritet me të paktën dyfish nëse do të shitej me shishe.

Ergys Agasi, është në kërkim ndërkombëtar bashkë me Ermal Beqirin, për akuzat e konkurrencës së paligjshme përmes heqjes së paligjshme të lirisë e grupit kriminal.

SPAK po i heton nën dyshimet se urdhëruan rrëmbimin e biznesmenit Gerond Meçe dhe e detyruan të tërhiqte ankesat për tenderat e AKSHI-t.

Nën masën e arrestit në shtëpi janë ish-drejtoresha e AKSHIT Mirlinda Karçanaj dhe ish-zv.drejtoresha Hava Delibashi, ndërsa masa ma të lehta janë firmosur ndaj disa biznesmenëve dhe një zyrtari policie.

The post Skandali i zhdukjes së shisheve të verës miliona euro të Ergys Agasit, SPAK nis hetimet, prokurori: Produkt i veprimtarisë kriminale appeared first on Albeu.com.

“Ora News”, ka mësuar se bëhet fjalë për kontrollin e 4 vendeve, ku agjentët e BKH-së të urdhëruar nga prokurorët e SPAK, kanë kryer sot kontrollin e banesës në Durrës dhe Tiranë si dhe vendeve të biznesit që zotërohet nga biznesmeni, Ergys Agasi.

Ende nuk dihet me saktësi se për çfarë hetimi bëhet fjalë për çështjen e kontrabandës së cigareve, lidhjen me drejtuesit e klanit “Troplini” apo korrupsionin zgjedhor, por gjatë ditës së sotme BKH është vënë në zbatim të një vendimi gjykate.

The post BKH dhe SPAK kontrolle në banesën dhe biznesin e biznesmenit të njohur (EMRI) appeared first on Albeu.com.