Tirana ka bërë një tjetër njoftim zyrtar në merkato, ndërsa këtë herë ka prezantuar sulmuesin nga Maqedonia e Veriut, Erdon Dacin.

Nëpërmjet një postimi të publikuar pak minuta më parë në rrjetet sociale, bardheblutë kanë bërë të ditur afrimin e 28-vjeçarit, duke i uruar mbarësi në aventurën e tij të re në kryeqytet.

Me këtë transferim, Tirana forcon më tej repartin ofensiv, teksa më herët kishte konfirmuar edhe Redon Xhixhën. Gjithashtu, vetëm pak orë më parë, klubi njoftoi edhe ardhjen e mesfushorit Ardit Krymi.

“Mirë se erdhe, Erdon Daci!

KF Tirana njofton afrimin e Erdon Dacit, i cili i bashkohet skuadrës për sezonin e ri.

Sulmuesi 28-vjeçar, pjesë e Kombëtares së Maqedonisë së Veriut, nis një kapitull të ri me fanellën bardheblu.

Mirë se erdhe në familjen Tirona!”

The post Tirana vijon lëvizjet në merkato, zyrtarizohet edhe sulmuesi maqedonas Erdon Daci appeared first on Albeu.com.