Paskal Milo: Krisja e parë, si Sali Berisha braktisi Kuvendin kur erdhi Erdogan në Shqipëri

admin — Tue, 25 May 2021 20:06:51 +0000

Ish-ministri i jashtëm i Shqipërisë, Paskal Milo i ftuar në emisionin ‘’Real Story’’ të Sokol Ballës në News24 teksa fliste për marrëdhëniet turko-shqiptare ka kujtuar “krisjen” mes Berishës dhe Erdogan.

Milo thotë se Erdogan në 2009 erdhi për të përshëndetur në Kuvendin e Shqipërisë, dhe u mbajt shënim pse kryeministri Sali Berisha mungoi.

Ai thotë se kishte një pakënaqësi të ndërsjelltë mes të dyve dhe Berisha protestoi me mungesë në seancë.

PASKAL MILO: Të gjitha qeveritë shqiptare pas vitit 1990 kanë pasur marrëdhënie miqësire korrekte, me pak ulje –ngritje nga individë të caktuar politikë, por Turqia nga objektivat që ka në Ballkan e Shqipëri e mirëkupton pozitën ndërkombëtare delikate të Shqipërisë. Marrëdhëniet Erdogan-Berisha të asaj kohe ishin të shkëlqyera, por kur Erdogan kur ka ardhur për të mbajtur fjalën në Kuvendin e Shqipërisë në 2009, Berisha nuk ka marrë pjesë në seancë. Dhe kjo është mbajtur shënim atëhere.

Kur ka ardhur Erdogan, ka përshëndetur Kuvendin e Shqipërisë, dhe e di që atëhere u komentua mungesa e Berishës. Me duket se pati pakënaqësi të ndërsjelltë, dhe Berisha protestoi duke mos ardhur në seancë.

ARJAN VASJARI: Nuk ka qenë i ftuar nga qeveria, nga kryeministri. Por nga kompania. Padyshim mund të ketë pasur fërkim, në nëntokë po mund të ketë pasur. /BW

The post Paskal Milo: Krisja e parë, si Sali Berisha braktisi Kuvendin kur erdhi Erdogan në Shqipëri appeared first on Albeu.com.

A ka ndikim Erdogan në Shqipëri? Rama flet nga Firence dhe pranon marrëdhëniet e ngushta me Turqinë

admin — Thu, 06 May 2021 14:25:32 +0000

Kryeministri Edi Rama, në një intervistë që ka dhënë në Samitin Evropian ka folur në lidhje me raportet e Shqipërisë më Turqinë.

Rama nuk ka mohuar lidhjen e ngushtë dhe marrëdhënien me mirë më Erdogan duke shtuar se ai nuk ka influencë në Shqipëri.

Kryeministri Rama, shprehet se rruga drejt Bashkimit Evropian është e vetmja rrugë për shqiptarët, sakaq ka shtuar se aktualisht sipas tij ka shumë çështje të tjera që kanë nevojë për zgjidhje në këtë periudhë.

Edi Rama: Ne kemi një raport shumë të mirë me Turqinë dhe Erdoganin. E pavërtetë që Erdogani dhe Turqia kanë influencë në Shqipëri.

Është shumë e qartë që për ne Europa është si një besim. Europës i duhemi ne, jo vetëm ne por i gjithë Ballkani, siç Ballkanit i duhet Europa. Pjesë ose jo e BE-së ne do të bëhemi shtet europian.

Ndërkohë Turqia është fondamentale në sigurinë e BE. /albeu.com/

The post A ka ndikim Erdogan në Shqipëri? Rama flet nga Firence dhe pranon marrëdhëniet e ngushta me Turqinë appeared first on Albeu.com.

erdogan shqiperi Archives - Albeu.com

Paskal Milo: Krisja e parë, si Sali Berisha braktisi Kuvendin kur erdhi Erdogan në Shqipëri

A ka ndikim Erdogan në Shqipëri? Rama flet nga Firence dhe pranon marrëdhëniet e ngushta me Turqinë