Gjiganti gjerman i futbollit, Bayern Munich, ka konfirmuar zyrtarisht lidhjen e një marrëveshjeje të gjatë me të riun me origjinë nga Kosova, Erblin Osmani.

Mesfushori premtues kosovar ka firmosur një kontratë si profesionist me kampionët bavarezë, të cilët e bënë të ditur lajmin përmes kanaleve të tyre në rrjetet sociale.

Sipas njoftimit zyrtar, “FC Bayern ka rinovuar para kohe kontratën e Erblin Osmanit. Talenti 17-vjeçar i qendrës së mesfushës iu bashkua akademisë së të rinjve të kampionëve gjermanë që në hapjen e kampusit në vitin 2017 dhe prej asaj kohe ka kaluar me sukses të gjitha shkallët e ekipeve të moshave”.

Edhe drejtuesit e klubit nga Allianz Arena janë shprehur të kënaqur me këtë marrëveshje, duke theksuar vlerësimin e lartë që kanë për Osmanin.

Jochen Sauer, Drejtor i Zhvillimit të të Rinjve, u shpreh: “Erblini është një djalë i Mynihut dhe një talent autentik i rritur në familjen e FC Bayern. Ai tashmë ka bërë debutimin me skuadrën e parë dhe ne kemi besim të plotë në potencialin e tij për t’u rritur më tej. Jemi të lumtur që Erblin do të vijojë të hedhë hapat e ardhshëm së bashku me ne”.

Rruga e Osmanit drejt akademisë së Bayernit nisi nga TSV Milbertshofen, kur ai iu bashkua ekipit U9. Në sezonin e shkuar, ai aktivizua fillimisht me U17 dhe më pas me U19, ndërsa në muajin mars përjetoi debutimin me ekipin e parë në Allianz Arena, nën urdhrat e trajnerit Vincent Kompany, në fitoren 4-0 të Bundesligës kundër Union Berlin.

Planet për sezonin e ardhshëm e shohin atë të luajë fillimisht me skuadrën U19. Marrëveshja e re do të shndërrohet në mënyrë automatike në një kontratë si lojtar me liçensë sapo Osmani të arrijë moshën 18-vjeçare.

The post Bayern Munich siguron me kontratë të re talentin kosovar Erblin Osmani appeared first on Albeu.com.

Talenti i mesfushës, Erblin Osmani, ka arritur një mirëkuptim me drejtuesit e Bayern Munich dhe pritet që brenda pak ditësh të vendosë firmën në kontratën e tij të parë si lojtar profesionist.

Marrëveshja që do të lidhet për një periudhë trevjeçare vjen pasi 17-vjeçari bëri një vizitë te Kombëtarja e Kosovës në muajt e fundit.

Sipas burimeve të “SkySport”, plani është që sezonin e ardhshëm Osmani të fitojë përvojë kryesisht me skuadrën U19, por në të njëjtën kohë do të jetë pjesë e stërvitjeve të rregullta me grupin e parë.

Klubi bavarez i ka sinjalizuar qartë se e konsideron pjesë të rëndësishme të projektit afatgjatë, çka bën që trajneri Vincente Kompany të jetë i gatshëm t’i akordojë minuta loje në ndonjë ndeshje të Bundesligës, apo minimalisht në Kupën e Gjermanisë.

Ndërkohë, mbetet optimizëm për të parë Osmanin edhe me fanellën e Kosovës, duke u renditur ndër objektivat kryesore që Federata e Futbollit të Kosovës synon t’i afrojë në një horizont të shpejtë.

The post Erblin Osmani gjen akordin me Bayern Munich, gati firma e parë si profesionist appeared first on Albeu.com.