Sulmuesi shqiptar Erald Çinari ka zyrtarizuar kalimin te skuadra koreane Jeju SK. Në moshën 29-vjeçare, ai ka lënë pas eksperiencën në Arabinë Saudite për t’u bashkuar me kampionatin elitar të Koresë së Jugut, duke nisur kështu një kapitull të ri në karrierë.

Çinari nuk është një emër i panjohur për tifozët shqiptarë, pasi ka lënë gjurmë në Superiore me fanellat e Partizanit dhe Vllaznisë. Menjëherë pas nënshkrimit të kontratës, talenti shkodran ka ndarë emocionet e tij të para si lojtar i klubit korean.

“Ndjehem jashtëzakonisht i entuziazmuar për këtë aventurë të re me Jeju SK. Jam i ndërgjegjshëm për nivelin e lartë të konkurrencës në ligën koreane. Për këtë arsye, synoj të përdor maksimalisht aftësitë e mia në çdo takim, në funksion të suksesit të ekipit. Gjithashtu, mezi pres të bashkëpunoj sërish me Aias, me të cilin krijuam një lidhje të shkëlqyer te FC Noah. Premtoj se do t’ua kthej besimin tifozëve me performanca bindëse dhe rezultate pozitive,” u shpreh sulmuesi.

Një ndeshje e veçantë e pret tashmë Çinarin dhe skuadrën e tij të re. Më 4 gusht, Jeju SK do të masë forcat me gjigantin gjerman Bayern Munich në një përballje miqësore, një sfidë që padyshim do të tërheqë vëmendjen e të gjithë tifozëve.

The post Erald Çinari firmos me Jeju SK, në prag të duelit miqësor me Bayern Munich appeared first on Albeu.com.

“Sport.mk” raporton se sulmuesi nuk do të vazhdojë kontratën me kuqezinjtë dhe do ta mbyllë këtu aventurën iliridase.

E njëjta media bën me dije se e ardhmja e Çinarit do të jetë në Shqipëri, aty ku do të rikthehet te Vllaznia.

Një shkodran për klubin shkodran që nëse kryhet kjo marrëveshje, do të bënte një nga lëvizjet më të bujshme ende pa nisur zyrtarisht merkato.

Çinari është prodhim i akademisë kuqeblu, ndërsa kulmin e karrierës e kapi me Partizanin me të cilët fitoi edhe titullin kampion.

Sallaksi 27-vjeçar është përfolur edhe më parë për rikthim në një nga dy ekipet e lartpërmendura, por këtë verë mund të bëhet realitet.

The post Erald Çinari rikthehet në Shqipëri, firmos me ish-klubin e tij appeared first on Albeu.com.