Eraldi Breçani, ka deklaruar se do të përballet me drejtësinë në Shqipëri dhe pritet të ekstradohet drejt vendit tonë.

Eralbi Breçani, akuzohet se ka kryer veprat penale “Trafikimi i narkotikëve”, kryer në formën e veçantë të bashkëpunimit atë të “Grupit të strukturuar kriminal” dhe “Kryerja e veprave penale nga organizata kriminale apo grupi i strukturuar kriminal”, dhe veprën penale të “Pastrimi i produkteve të veprës penale apo veprimtarisë kriminale”, kryer në bashkëpunim me të pandehurin Erzen Breçani.

The post Në kërkim nga SPAK për trafik lëndësh narkotike, vetëdorëzohet në Spanjë djali i Erzen Breçanit appeared first on Albeu.com.

Duke qenë se përmes sistemit bankar është e pamundur të lëvizet një sasi aq e madhe parash, ata kanë përdorur të ashtuquajturin sistem “Hawala”.

Hawala është një metodë joformale e transferimit të parave pa lëvizur në të vërtetë para fizike. Ai përshkruhet si një “transferim parash pa lëvizje parash”.

Hawala përdoret sot si një kanal alternativ kryesisht i remitancave që ekzistojnë jashtë sistemeve tradicionale bankare. Transaksionet ndërmjet ndërmjetësve Hawala kryhen pa firmosur diku sepse sistemi bazohet vetëm te besimi reciprok.

Mjaftojnë të jenë dy Hawala dhe dikush që do të transferojë paratë ja jep njërit shumën, ndërkohë që personi tjetër që ndodhet për shembull në Shqipëri, dorëzon të njëjtën shumë atje ku e kërkon dorëzuesi. Pra paratë nuk lëvizin, thjesht agjentët Hawala marrin paratë dhe përqindjen që duan dhe vënë në punë paratë e tyre.

Sipas burimeve, duke qenë se SPAK nuk ka identifikuar dot shumën e lëvizur, ka nisur verifikimin pasuror të të akuzuarve dhe familjarëve të tyre. Për këtë arsye janë dërguar shkresa te Hipoteka dhe bankat për të grumbulluar të dhëna mbi llogaritë bankare dhe pronat e patundshme.

Si funksionon sistemi “Hawala”?

Hawala e ka origjinën në Azinë Jugore gjatë shekullit të 8-të dhe përdoret sot në të gjithë botën, veçanërisht në komunitetin islam, si një mjet alternativ për kryerjen e transfertave të fondeve.

Ndryshe nga metoda konvencionale e transferimit të parave përtej kufijve përmes transfertave bankare, transferimi i parave në hawala organizohet përmes një rrjeti havaladarësh ose tregtarësh hawala.

Tregtarët Hawala mbajnë një ditar informal për të regjistruar të gjitha transaksionet e kreditit dhe debitit në llogaritë e tyre. Borxhi ndërmjet tregtarëve hawala mund të shlyhet në para, pronë ose shërbime. Një haëaladar që nuk e zbaton marrëveshjen do të etiketohet si ai që ka humbur nderin dhe do të përjashtohet nga rrjeti ose rajoni.

Punëtorët emigrantë, të cilët shpesh dërgojnë remitanca te të afërmit dhe miqtë në vendet e tyre të origjinës, e shohin sistemin hawala të favorshëm. Hawala lehtëson fluksin e parave midis vendeve të varfra ku bankat formale janë shumë të shtrenjta ose të vështira për t’u aksesuar.

Hawala dhe aktivitetet e paligjshme

Vetë tiparet që e bëjnë Hawalën një rrugë tërheqëse për klientët legjitimë, gjithashtu e bëjnë atë tërheqëse për përdorime të paligjshme. Kështu, Hawala përmendet shpesh si banking nëntokësor. Kjo për shkak se pastruesit e parave dhe terroristët përfitojnë nga ky sistem për të transferuar fonde nga një vend në tjetrin.

Për më tepër, politikanët e korruptuar dhe të pasurit që do të preferonin t’u shmangeshin taksave përdorin Hawala për të anonimizuar pasurinë dhe aktivitetet e tyre. Paratë e gjeneruara nga transaksionet e biznesit që nuk regjistrohen nuk mund të tatohen.

Hawala përdoret gjithashtu për të financuar terrorizmin, gjë që e bën më të vështirë ndalimin e terrorizmit. Një pjesë e madhe e zbulimit të qelizave terroriste përfshin gjurmimin e lëvizjes së parave, pasi organizatat terroriste financohen dhe kanë nevojë për para për të blerë armë dhe për të ushqyer njerëzit e tyre. Transaksionet Hawala e bëjnë të lehtë këtë lëvizje të parave pasi nuk ka asnjë gjurmë letre nga burimi i fondeve te organizata terroriste.

The post Milionat lëviznin me sistem të fshehtë, çfarë është rrjeti “Hawalan” që përdorte Mata dhe Breçani për qarkullimin e parave të drogës appeared first on Albeu.com.

Ndërsa djali i Breçanit, Eralbi Breçani është shpallur në kërkim në kuadër të së njëjtës dosje.

Në përgjimet e siguruara nga Albeu.com zbardhen komunikimet e Erzen Breçanit me të birin ku e këshillon se si të sillet me Ervin Matën, me të cilin kishte lidhje krushqie pasi Eralb Breçani ishte në një lidhje me motrën e këtij të fundit.

Duke iu referuar aktivitetit të drogës, ish-nëndrejtori i policisë së Tiranës i kërkon djalit të tij Eralbit, që të mos prishet me Ervin Matën, duke shtuar se vetë e respekton vetëm si mik.

Gjithashtu ai kritikon të birin që nuk ka shkuar të takojë nën e sëmurë njëkohësisht shfaq dhe dijeninë e tij lidhur me aktivitetin që ushtron Eralbi Breçani në trafikun e lëndëve narkotike.

Pjesë nga përgjimet:

Me datë 24.08.2020, në orën 20:53:30, K9B9EP pasi ka nisur më herët bisedat, komunikon me S7DEGI dhe dyshohet se komunikon lidhur me një ngarkesë që ka nisur Eralbi Breçani, të cilës i referohet me “senet”dhe gjithashtu e pyet lidhur me shokun e Eralbit, “Besi”, për të cilin dyshohet se i referohet me Besmir Murtatit.

Shtetasi Erzen Breçani interesohet se si po i shkojnë punët Eralbit në aktivitetin që po zhvillon, por duhet evidentuar se Erzen Breçani ka dijeni se si funksionon trafikimi i lëndëve narkotike, pasi në bisedë i shkruan “a i kini të sigurta në dalje që i sistemoni i i shperndani shpejt”, ku në trafikun e narkotikëve me dalje, i referohen nxjerrjes së lëndës narkotike nga portet ku mbërrijnë pa u gjetur dhe sekuestruar nga policia.

Erzen Breçani dërgon mesazhet: “…Ku tvin senet….Ne cvend…Prej ku…Po besi a ka ik a asht ktu…Ku ne ekuator…Asht…A nshqipni…Po ne ekuator kush asht kush i nis…Ne gjermani tek kush i kaloni…Po kam merak se po ju predin nbes marokient…Pse a nuk jau pret ai kuksiani…Po me kujdes se nuk asht puna me u marr nje vit me sto pun…Ti the edhe i rrug e maroj purz…Po prej atje i ka nis ai se ti thue per dhjet dit dalin rrugt se nha ekuatori vonojn me ardh…Asht lerg…Po atij shokut te shpive a i kan hec punt hic…Po ishalla ju ecen mbar…Po hajt mos e mendo se sa lek ban por vetem te mbarosh si pun…A i kini te sigurta ne dalje qe i sistemoni i shpërndani shpejt…A vjen besi atje…”.

Në vijim të bisedës, Erzen Breçani zhvillon disa komunikime ku dyshohet se i referohet aktivitetit të Ervin Matës, dhe pasi Eralbi ja tregon, Erzenz uron që Ervinit ti ecë me sukses. K9B9EP dërgon mesazhet “….Edhe me nis me vinin…Nuk ka problem por mos te prishesh me te… Ai me ato trillime e rrena qe ka fol aty une vetem e rrespektoj si mik vetem kaq se nuk du me u stresu ma me hallet e tij qe i prodhon vet problemet e haller…

Po asht e kontrollume shum avioni…Se me avjon bjen pak e shpesh dhe e mbaro mrena dites ovnen…Mir i ke than…Po oer sa kile do nisin…Po nga aq eshte shum mire…Cka po don me ai…Ne cilin shtet e ban…Po kontrollohen shum…Vetem po kapi lidhjet ne polici…Tek kontrolli…Po ngaqe me foli ate dit e tha ti kam vonu i cik por shum shpejt do ti likujdoj e kuptova qe ka humb…E ishalla po i ecen… Ishalla po ecen mar… ”

Me datë 08.09.2020 në orën 19:32:37, K9B9EP i shkruan CC4RE2 dhe i dërgon mesazh dhe e pyet nëse i ka shkruar i biri Eralbi Breçani. Ai dërgon mesazhet: “…A te ka shkrue abi…M tha po e pyes per dicka…”

Më pas Erzen Breçani ka komunikuar me Eralbi Breçanin, S7DEGI, ku dërgon mesazhet: “…Po ju a e gjet perzirsin…Se kta qe puta ine te petriti thon nuk kem gjet nuk dim kush e fut…Y….Ani mir boll…Se ktu mos me u marr me shit hic sidomos te perziem se per mall te keq e shesin tjetrin per dy pare…Sa keni shit…Ku e keni shit…Ku je…Se jam ka due me dal…Po a nuk e takove ujezen hic sot a…Po e kie nan a kan smut e nuk e takove as dy min…A marre more…He i raft pika punve e drogave e tanave se nuk di cka u duhen kur tshkojn nana e smut e mos me pa pes minuta…”

Në bisedën e zhvilluar, ku Erzen Breçani si prind i tërheq vëmendje Eralbit që nuk ka shkuar të takoi të ëmën, njëkohësisht shfaq dhe dijeninë e tij lidhur me aktivitetin që ushtron Eralbi Breçani në trafikun e lëndëve narkotike.

The post Breçani kritika të birit: I raft pika drogërave, nuk e di çfarë duhen kur ke nënën sëmurë e mos ta shohësh appeared first on Albeu.com.

Sakaq, në dosjen hetimore që disponon Albeu.com, janë zbardhur edhe mesazhet mes anëtarëve të grupit kriminal.

Biseda e përgjuar, që mban datën 6 dhjetor 2020, zhvillohet mes Eralbi Brecanit, Ismail Zenelit, Besmir Murtati si edhe një shtetasi që në dosje përshkruhet me inicialet, D.P, por për hetuesit është ende i paidentifikuar.

Nga bisedat e transkriptuara në dosje, duket se grupi kriminal ka probleme me dërgesën për shkak se personat që ia kishin marrë përsipërs kalimin e saj pa probleme, janë tërhequr.

Pjesë nga dosja:

Me date 06.12.2020, duke filluar nga ora 06:38 deri ne orën 21:20 zhvillohet bisede në grup chat-in me numër #D***P:214, ndermjet perdoruesit HFNERI i identifikuar si Ismail Zeneli, perdoruesit S7DEGI, i identifikuar si Eralbi Brecani, perdoruesit et V6FGL7, i identifikuar si Besmir Murtati dhe perdoruesit te D****P, i paidentifikuar.

Ata kane diskutuar rreth nxjerrjes se lendes narkotike, ku dyshohet se është nje sasi prej 10 kg dhe vlera eshte 1o milion euro. Perdoruesit komunikojne me njeri-tjetrin, pasi shtetasi Ismail Zeneli, personi pergjegjes per axjerrjen, ka problematika lidhur me personat qe do nxjerrin lenden, pasi ata jane terhequr dhe ne chat grup ka nisur debati reth kësaj situate, ata shkembejne mesazhet:

“HFNERI–Mjesi quna si jeni ajeni mire? Tani pak a shume e dini situaten se si asht bo ktu per pune qe ma kaloj (D****P). Une t’ju them te drejten ne fillim doja t’ja beja si nder (D****P) pastaj u terhoqa se ky grupi im nuk e benin dot ke MSC…..pyeta nji perfaqesus te nji grupit tjeter dhe mthan kemi mundesi me e bo diskutova tek perqindja dhe ram ne dakord …problemi esht ktu se e kan kerkuar edhe ca te tjer ket pune dhe e kan marre vesh te gjithe.  Tani une numrin e kutise ma ka kaluar pika sia kam kaluar njeriut te gjalle se e di se kta pune jan me shume probleme dhe nuk due ge ina ndodhe asnji dem fizik apo economik Me kryesorja per ne jan demet fizike (njerzit). ktij grupit ktu qe me e moren persiper ju ka hy frika se mos demtohen ngage ju ka ardhe si pune edhe nga ane tjeter. Une ju thash I zoti punes dhe i mallit ka ardhe ktu mthujni se kush esht ineresuar tjeter kush. Por nuk me than. mthan ne terhiqna nuk probleme kaq. Nuk dona probleme me than. Une po te pres ktu (D****P) dhe po flasim nga afer nuk ju bona ma lutje %nuk asht pune tek %me kupton problemi asht se e kan marre vesh shume njerz…
V6FGL7–Hello dajlok si je mire. Daja ato te shikojn si esht me mire per To se dhe me prish pun sdum. Kur tvi pika fol nga afer dhe bejm pun vet pa mare vesh njeri me canta.*D****p*-Si kalut. Daje pse jan terheg ato? Nga puna?..

S7DEGI-Po po me u prish esht …. po kur po marojn.

HFNERI–Kalojme pak ne tem pune (D****p). Kta jan ka friksohen oj per gio tjeter….*D****P*).-O daje. Po at di shteti ate pun ajo del re manifest me te kuge…

HFNERI–I kan shrujt edhe nnji tjeter nga Madrit…(D****p)–Po shum mir. Thuj atyre tna isjellin ne tavolin kto ge ikan shkrujt…

HFNERI–I kan pyet eboni dot…*D****p*).- Mbase ato sdun me e bo me ne se ije me shpi ai ge e ka shkrujt jo se kan frik.

HFNER I–Une ju thash shok.(D****p)–O daj. Si quhen ne sky kto qe i kan shkrujt. Se po na cmenin. Kush jan kto njerez qe shkrujn…(D**#*P)…Ato po dun me vjedh kutin edhe kto nuk tregojn si quhen…

HFNERI-I kam vetem une te dhonat…(D****p)-O daj edhe pak arrin Kutia. Jan justifikime ato ge thojn ato…HFNERI–Ju kam than te tjert jan ka falsin kot.*D****p*)-

Mbasi ai tjetri i thot te jap 50% se ai gratis e ka normal edhe ktyre i intereson me e bo me ato na rrejn ne kot. Daje po me merakos ky muhabet. Se e moren persiper punen ke tio i thash e kemi mbyl si deal me kte grup…

HFNERI–Pz edhe mua me shume se tu…*D****p*).-Si e shef situaten. Situaten. A ka ndonje zgjidhje. Esht justifikim koti kjo ge thojn ato. E din tjer po kerkojn tjer. Ato nese jan burra tna thon kush jan kto tjeret…

HFNERI–Po pra ate ju thash une kush jan. Po thot smund japim info. Por uj thash bonja uj per qdo gio pergjigiem une ju thask. Nga ora 20:30 do takona prap sonte. Mos fol me kan deri ka darka. Shohim a do kemi noj skronce. Kta
kan hall mos ti kap shteti. Mos te humbin njerzit… D****P).Po jo mer daj. Kush esht ai qe djeg me shtet robt dun me fitu lek. Jo me e djeg…

HFNER-Per giona tjera ja u mbaj une per siper. Ju thash ktyne..
*D****p*)-Po me duket se kto po dredhin muhabetin se po i intereso me shum ne ane tjeter. Daje boja falt te krym thuj ne e mbylim deal me ju. Mbaro punen thuj. Ca qeka ky muhabet me ndro ti mu thuj ne moment fundit. 10 milion euro ne kuti thuj. Ti terheqesh si te do bytha. Aty o e nxjerr o kapesh. Po kur mer 30% si i bi. Jan 100 buk 3 milion euro. Se na fiku me u terheq…

HFNERI–Ore do bej qmos me ta. Sa lek tju afroj???? Merru pak me ka permend %. Mu nuk me ka permend %. Une rash ndakord me ta. Nuk besoj se asht ky problemi. Pju them 40% vetem exjerrnja. Tash se fundi pju them. Kshtu par. 40%. Vec ma boni si pune… (D****p)Pff..

HFNERI-Por nuk besoj se asht ky problemi. Dajlok. Trust me…
(*D****p*-Po dal keq edhe me njerzit se ithash her me 30.

HFNERI–Ska tboj %. Une ne 20:30 kam takim me ta. Edhe u la me dit…
*D****p*)Ok..

S7DEGIO (D****p). Vetem ti behet puna. Tios. Un asgje ziu nese ngel me pagujt me shum. Se giynaf…

HFNERI– Fola me nji nga kta shoket dhe e kemi lon per neser prap i takim tjeter. Do perdorin te gjitha myrat dhe forcat qe kemi mthan me shpetuar si pune. Shohim neser..”

The post “Daje po me merakos”, “Na fiku me u tërheq”, grupit s’ka kush i kalon ngarkesën me drogë, biseda e djalit të Breçanit me bashkëpunëtorët appeared first on Albeu.com.

AlbEu.com, ka siguruar dosjen hetimore “Metamorfoza 2”, ku janë zbardhur përgjimet në SKY mes grupit të Ervin Matës, Eralbi Breçanit, Ismail Elezit, Dedan Gjonit dhe dia zyrtarëve dhe ish-zyrtarëve të tjerë të policisë.

Ajo që bie në sy ëhstë një bisedë mes ish-zv.Drejtorit të Policisë së Tiranës, Erzen Breçani, i cili në një komunikim me të birin i këkron këtij të fundit të heqë dorë nga kjo punë.

Madje breçani refuzon në një bisedë me Ervin Matën edhe 500 mijë euro, të cilat i jepen për ti investuar te Hidrocentrali.

/Taulant Halili/ AlbEu.com/

The post “Askush që ka shit kaq shumë sa ju nuk ka shpëtuar pa humbur gjithë pasurinë”, porosia që Erzen Breçani i jep të birit, Eralbit appeared first on Albeu.com.

Ndërsa ekzekutuesit dhe porositësit nuk dihen ende, ajo që dihej është përfshirja e tij në trafikun e drogës. Në dosjen hetimore të SPAK ku u godit një grup kriminal, emisioni në “Shënjestër” nga Klodiana Lala, ka zbardhur edhe një episod ku dy anëtarit të grupit, Ismail Zeneli dhe Eralbi Breçani diskutojnë për Dashin.

“Më datë 18 shkurt 2021, në portin e Valencias në Spanjë, është sekuestruar rreth 69 kg kokainë e fshehur në motorin frigoriferik në fund të kontenierit, i cili transportonte fuçi me lëng limoni të ngrirë të koncentruar. Ngarkesa thuhet se kishte ardhur nga Brazili. Nga hetimet del se të dyshuar për këtë trafik janë Ismail Zeneli, Eralbi Breçani dhe Ergys Dashi, ky i fundit i ekzekutuar në Ekuador. Ismail Zeneli ka patur rolin e porositësit dhe financuesit për blerjen e lëndës narkotike në vendin e origjinës, Brazil. Si edhe të nxjerrjes së lëndës narkotike nga porti i Valencias në momentin kur do të mbërrinte në këtë port e transportuar me kontenier. Artan Sulejmani ishte bashkëpunëtor i Zenelit, ndërsa Eralbi Breçani ka pasur rolin e porositësit dhe financuesit për blerjen e lëndës narkotike në vendin e origjinës, Brazil”, thuhet në dosje.

Në një nga bisedat që lidhen me këtë transport droge, ku i përfshirë del të ketë qenë edhe Ergys Dashi, i ekzekutuar disa kohë më pas në Ekuador, Ismail Zeneli dhe Eralbi Breçani, shprehin hapur dyshimin se mos Dashi, u bën ndonjë lojë.

Ismail Zeneli flet me Besmir Murtatin: Duke qenë se nuk kanë besim tek Ergys Dashi për shkak se po vonon nisjen e lëndës narkotike nga Amerika e Jugut.

Në bisedë, Ismail Zeneli thotë: ‘Ishallah s’na del dardhë’.

Por ndërkohë grupi nuk kujdesej vetëm që droga të kalonte e qetë matanë rrethimit të porteve në Evropë, por edhe të lante disa hesape të vjetra, ashtu edhe si në rastin e vëllezërve Nela, për të cilët Ismail Zeneli, besonte se në vitin 2013 i kishin vrarë në sy të tij, vëllain me emrin e ndryshuar, Xhem Krasniqi.

The post “Mos na del dardhë”, zbardhen përgjimet, Eralbi Breçani dhe Ismail Elezi kanë dyshime ndaj Ergys Dashit, i vrarë në Ekuador appeared first on Albeu.com.

Më datën 20.11.2023 Drejtoria e Përgjithshme e Policisë së Shtetit dhe Byroja Kombëtare e Hetimit, nën drejtimin e Prokurorisë së Posaçme, kanë ekzekutuar urdhrat për ekzekutimin e vendimit penal nr.124,  datë 17.11.2023, për 4 shtetas, konkretisht për shtetasit Erzen Bercani,  Besmir Murati, Dedan Gjoni dhe Bujar Ajetin.

Në kërkim u shpallën shtetasit Ismail Zeneli, Artan Sulejmani, Albert Prenga,Bajram Grabova, Eralbi Breçani, djali i Erzen Breçanit dhe Ervin Mata.

Ndërsa për oficeren e Drejtorisë së Kufirit dhe Emigracionit, Jonida Babameto, u vendos masa e sigurisë “Detyrim paraqitje”.

Ndaj tyre rëndojnë 7 akuza

1- “Sigurimi i kushteve dhe i mjeteve materiale për të kryer vrasje”, “

2- Mbajtja pa leje dhe prodhimi i armëve, armëve shpërthyese dhe i municionit”,

3-“Prodhimi dhe shitja e narkotikeve”,

4-“Trafikimi i narkotikëve”,

5-“Pastrimi i produkteve të veprës penale ose veprimtarisë kriminale”,

6- “Grupi i strukturuar kriminal”,

7- “Kryerja e veprave penale nga organizata kriminale dhe grupi i strukturuar kriminal”,

Njoftimi i SPAK 

Prokuroria e Posaçme kundër Korrupsionit dhe Krimit të Organizuar ka regjistruar në datën 28.04.2023 procedimin penal nr.78 të vitit 2023, për veprat penale të “Sigurimi i kushteve dhe i mjeteve materiale për të kryer vrasje”, “Mbajtja pa leje dhe prodhimi i armëve, armëve shpërthyese dhe i municionit”, “Prodhimi dhe shitja e narkotikeve”, “Trafikimi i narkotikëve”, “Pastrimi i produkteve të veprës penale ose veprimtarisë kriminale”, “Grupi i strukturuar kriminal”, “Kryerja e veprave penale nga organizata kriminale dhe grupi i strukturuar kriminal”, të parashikuara nga nenet 80, 278, 283,  283/a, 287, 333/a dhe 334 të Kodit Penal.

Në kuadër të këtij procedimi penal, Struktura e Posaçme kundër Korrupsionit dhe Krimit të Organizuar, në bashkëpunim intensiv me Eurojust, Europol dhe agjencitë ligjzbatuese hollandeze, belge, gjermane, braziliane, kolumbiane dhe franceze, ka zhvilluar hetime lidhur me disa shtetas shqiptarë të përfshirë në aktivitete kriminale në Shqipëri, në Amerikën e Jugut si dhe në disa vende të tjera në Evropë. Po ashtu është hetuar dhe lidhur me disa ngjarje kriminale të mëparshme të ndodhura në Shqipëri.

Gjatë hetimeve intensive të kryera nga hetuesit e BKH-së, nën drejtimin e prokurorëve të posaçëm, është bërë e mundur dokumentimi i aktivitetit kriminal të personave të dyshuar, si dhe identifikimi i disa prej autorëve të ngjarjeve kriminale dhe të kryerjes së veprave penale, që janë kryer në bashkëpunim, në formë e grupit të strukturuar kriminal, si më poshtë:

• Sekuestrimi i sasisë prej 446 kg kokainë në Hollandë në datën 05.01.2021;
• Sekuestrimi i sasisë prej 69 kg kokainë në Brazil në datën 18.02.2021;
• Sekuestrimi i 166 kg marijuanë në Erwitte, e nisur nga Spanja për në Gjermani;
• Sekuestrimi i një sasie prej 250 kg lëndë narkotike kokainë, të nisur nga Brazili për në aeroportin e Frankfurt am Main, Gjermani;
• Identifikimi i autorëve të dyshuar për sigurimin e kushteve për vrasjen e dy shtetasve në Republikën e Shqipërisë;
• Pastrimi i produkteve të veprës penale ose veprimtarisë kriminale në Republikën e Shqipërisë;
• Po vazhdohet me dokumentimin e episodeve të tjera të trafikimit të lëndëve narkotike nga Brazili, Kolumbia, Ekuadori dhe vende të tjera të Amerikës Latine në drejtim të vendeve të Bashkimit Evropian.
• Gjithashtu janë dokumentuar pasuri, të cilat janë produkt i kësaj veprimtarie kriminale, për të cilat është kërkuar sekuestrimi i tyre.

Janë dokumentuar gjithashtu vepra penale të kryera nga zyrtarë publikë, punonjës të policisë së shtetit në nivel të lartë, të cilat cënonin funksionimin e rregullt të shtetit ligjor dhe sundimin e ligjit.

Është dokumentuar përfshirja e punonjësve të policisë në grupe kriminale.

Bazuar në kërkesën e Prokurorisë së Posaçme kundër Korrupsionit dhe Krimit të Organizuar, Gjykata e Posaçme e Shkallës së Parë për Korrupsionin dhe Krimin e Organizuar me vendimin nr.124, datë 17.11.2023 ka vendosur caktimin e masave të sigurisë personale “arrest në burg” për 10 shtetas të dyshuar si autorë të kryerjes së veprave penale, konkretisht për shtetasit I.Z, B.A, D.Gj, E.B, B.M, A.S, A.P, B.G, E.B, E.M dhe masën e sigurimit personal për shtetasen J.B.

Më datën 20.11.2023 Drejtoria e Përgjithshme e Policisë së Shtetit dhe Byroja Kombëtare e Hetimit, nën drejtimin e Prokurorisë së Posaçme, kanë ekzekutuar urdhrat për ekzekutimin e vendimit penal nr.124, datë 17.11.2023, për 4 shtetas, konkretisht për shtetasit E.B., B.M., D.Gj. dhe B.A.

Gjatë ekzekutimit të vendimeve të gjykatës është ushtruar kontroll në banesa dhe ambiente të tjera, ku janë gjetur dhe sekuestruar në cilësinë e provës materiale shuma monetare, automjete, telefona, armë zjarri të ndryshme.

Shënim: Cilido prezumohet i pafajshëm derisa fajësia të provohet me vendim gjyqësor të formës së prerë.

The post “Sigurimi i kushteve për vrasje” dhe “trafik droge”, SPAK zbardh akuzat për grupin kriminal! 4 në pranga, 6 në kërkim appeared first on Albeu.com.

SPAK lëshoi 11 urdhër arreste, ku 6 prej tyre janë ekzekutuar dhe vijon puna për arrestimin e 5 të tjerëve.

Mes personave të arrestuar janë edhe Besmir Mustati dhe Bujar Germizi. Mësohet se Germizi, që tashmë ka mbiemrin Ajeti, akuzohet për krijim kushtesh për vrasje, ndërsa është një emër i njohur në botën e krimit në Kukës.

Çfarë ndodhi më 20 nëntor në Tiranë

SPAK lëshoi 11 urdhër-arreste më 20 nëntor 2023, për goditjen e një grupi të strukturuar kriminal.

Në kuadër të operacionit u arrestua ish-zëvendës drejtori i Policisë së Tiranës, Erzen Breçani dhe djali i tij Eralbi Breçani. Babë e bir akuzohen për përkrahje të autorit të krimit dhe pastrim parash.

Po ashtu, u arrestua edhe Shefi i Krimeve në Komisariatin numër 6, Dedan Gjoni. Ndaj shefit të krimeve janë ngritur disa akuza për vepra të rënda penale, një prej të cilave është ajo e sigurimit te kushteve për të kryer vrasje. Një ndër punonjësit e policisë që është shoqëruar është edhe Jonida Babameto, oficere e Drejtorisë së Kufirit dhe Emigracionit.

Urdhër-arreste janë lëshuar edhe për 6 punonjës dhe ish-punonjës të tjerë të policisë.

Në kërkim në kuadër të këtij operacioni që duket se është faza e dytë e operacionit “Metamorfoza”, është edhe biznesmeni Ervin Mata, një emër i njohur për drejtësinë, pas përplasjes që ka patur me bosin e lojërave të fatit, Ervis Martinaj, në një lokal në ish-Bllok në vitin 2018. Mësohet se Breçani ka lidhje familjare me Matën. Djali i Breçanit është i martuar me motrën e Ervin Matës.

Mbi 11 të dyshuarit për të cilët janë lëshuar urdhër arreste pas zbërthimit të mesazheve nga aplikacioni i koduar “SKY ECC” rëndojnë akuza për pastrim parash, grup i strukturuat kriminal, trafik dorge, sigurim kushtesh për të kryer vrasje, shpërdorim detyre dhe përkrahje e autorit të krimit.

Operacioni është ende në vijim dhe pritet që të ketë një njoftim zyrtar për të dhënë më shumë detaje.

Të arrestuarit deri më tani nga operacioni

– Erzen Breçani, ish-drejtori i Policisë së Tiranës

-Eralbi Breçani, djali i Erzen Breçanit

-Dedan Gjoni, Shefi i Krimeve në Komisariatin numër 6

-Jonida Babameto, oficere e Drejtorisë së Kufirit dhe Emigracionit

-Besmir Mustati

-Bujar Germizi

/albeu.com 

The post Operacioni i SPAK, dalin emrat e dy të arrestuarve të tjerë në Kukës appeared first on Albeu.com.